小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2013年8月7日 星期三

2012 年 股息



等到頸都長埋, 終於派息.

其實只係蟹貨一堆, 不過有息就繼續再坐一會啦. 幸好有大約四分一股票係低過現價(計埋股息)買入....





一共係 HKD $278826! 阿Q d 諗, 除番都有23xxx per month. 可以抵消下日常開支....


再阿Q d 諗, 每日有七百幾蚊比你駛, 仲想點?


每年一度, 又講下工作. (兩公婆各有自己小茶飯, 互不干預.)



老婆收入少左, 或許同樓市, 經濟有關. 不過都唔駛蝕, 但比起2011 真係差好遠. 見到同行對手做唔掂要轉型, 我老婆都仲ok, 算係托賴~


自己呢? 搬左鋪之後生意好到不得了...今年條路開得都幾好. 舊年已扣開支都七位數字落袋.


今年雖然未知, 但期待某d 月份扣除成本後可以過廿萬....(我估得0既!)


有前輩講, 工作roe 同pe 咁高, 又點會期望股票呢d 厄厄騙騙可以令自己自由...


我都唔識答佢, 但係 i have a dream


"希望人生讀書0既日子少於工作0既日子" 同時方法要 "唔害到人"


(所以買樓投資同收租, 都唔會做. 一黎怕煩; 二黎我認為吸乾別人血以自肥, 會有報應. 除非老人家收租養老就ok. )


另一美事, 我個仔係上個星期出左世喇!~~~ 下圖係出左世七日拍0既...剛收左水靚仔番少少.





黎緊都係搵錢搵錢搵錢, 期望出年股息再多d 啦~
Related Posts Plugin for WordPress, Blogger...