小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2014年8月29日 星期五

2014 年年中期權倉

2014 年一月再度開倉.
1. SC BCM@6.75 DEC
2. SC BCM@6.25 JUN

3. SP BCM@6 JUN
4. SP BCM@6.5 DEC

3,4 為全備兌, 不用按金, 權金4萬幾
1,2 已於七月大升時平倉, 獲利少少.

現時有2.X 倍貨可以做SC 轉倉, 升過也不用愁.
SC 5.75 購入成本為4.91 未連股息. (連股息約4.6x)

若十二月加張數再轉倉為更價外, 而又再比人call 貨, 套現成千個....

反正仲有四個月, 慢慢等是也. 暫無意欲開倉, 等待時機買入實貨.

各位朋友, 得閒留下言丫.

2014年8月27日 星期三

我可以唔撈嗎 2



年中, 過左生日, 派左股息, 又係時候檢討一下.

1. 已決定續租, 做多兩年半啦.

2. 突然間變左零負債, 仲以為要2015 年年中先攪掂. 點解? 因為賣左8% 股票先行獲利.

3. 下半年只剩下價內期權, 轉倉定係交貨? 而家差不多係IN THE MONEY, 若交貨即時套現8M. 轉倉可能交貨會達八位數. 真係未操控過咁大隻船.

4. 下半年繼續靠工作現金流, 等待時機出擊, 人大左, 越黎越有耐性. 全靠呢一股耐性, 呢兩年0既股票投資都係正數, 同時整體番家鄉非常接近.

5. 單靠收息, 其實仲爭少少, 要用股票期權搭夠. 不過呢件野一點都唔抗風險, 為免一齊搭沉船, 只用黎COVER 利息支出(如有).

6. 暫時被動收入只能養到父母, 仔女, 住屋, 日常開支等等. 但未養到老婆, 佢仲要靠自己.

7. 預計下年收息六十多萬, 睇機會啦.

8. 話唔做, 就真係唔做, 如果去做一D 輕鬆工作, 不如繼續而家小生意. 又開心又搵到錢.

9. 2015 年開始休息一天, 慢慢將工作量減低, 直至2017 年完全退出(應該得卦).

2014年8月25日 星期一

買樓收租, 真係做生意定係以為自己做生意?


呢幾年不停聽到D 細價收租, 欺壓中低層市民以自肥0既新手包租公講
"買樓收租, 做大個餅, 就當佢係一盤生意"

當然, 佢有冇做過生意我又真係無研究過, 或者佢當自己真係做緊生意, 因為平時打工叫出糧, 收租唔似出糧卦.

SORRY, 我打工年資真係短過我讀幼稚園既日子總和....

條數呢就咁計0既...講左人地覺得我ON9 個D 先.

用樓, 當初都係住細單位, 當日2007 年買入價計係 X, 而家2.57X

用租, 當初2009 年租金係 Y, 而家等值樓價租金係 1.68Y. 中途唔一定要硬食貴租, 仲可以租平D 避險. 等到復原再租番適合自己住0既單位.

放租? 不如炒賣啦, 仲話做生意???

2007 年男主人生意收入係A (當年已經比同輩一個嚇一跳0既LEVEL, 人大左, 而家呢個數好多人都有), 2014 年今天, 係 3.3A

2009 年女主人都開始自己0既小茶飯, 據佢口述, 當初每月收入為B, 2014 年今天, 係2.5B. 重點係, 佢呢行市道係2009-2010 係最好...2014 年增長未必係經濟效應, 係規模大左.

以熷幅計, 係樓度付出, 幻想自己做緊生意, 其實係"跑輸大市" 有突喎!

當然, 你又做生意, 又收租, 咪好撚勁? 機會成本黎0既, 你D 錢供哂樓, 或者做哂首期(整餅技術能提供部份資金), 你敢唔敢租大D 間鋪?

講過整餅, 其實個TERM 極其弱智, 借錢之MA....

2009 年開始(我好記得, 因當年阿婆過左身), 我已運用借錢制造息差現金流, 不過唔係樓, 係股同期權. 好不幸地2011 年炒獲勁...

2011 年, 股息收入只係C, 而家股息收入已變成4C, 仲要由最初有借貸變到而家零負債喎...
究竟邊樣先真係做生意? 邊樣先係跑贏大市??

樓價我係用2007 年做標準, 如果果D 所謂收租佬係2008-2013 年買....回報真係更加, 哈哈哈....
我十分尊重用勞力同枝術搵食0既水電工, 將修師傅等等專業.

對個D 只係識少少家居常識又上BLOG 教人去污水又話整廚廁又話點幫個單位增值可以租貴D 0既偽裝修仔呢, 佢地應該未見過咩叫做生意.

2014年8月20日 星期三

2013 年股息派發

小第持有單一股票, 每年只收一次息.

以下純股息收入, 未計期權或出股票之獲利.

第一幅存係銀行, 收手續費連HKEX 收0既, 一共佔股息 0.5%







第二幅存係証卷行, 手續費連HKEX 費用只占股息 0.1235%, 差左一截架.






2013 年股息, 一共約44 萬. 即每日有$1200 零用, 以個人黎講, 其實可以唔洗做.

如果再慳慳地, 可以夠養家活兒. 不過, 安全起見, 再睇埋2014 同2015 股息先會斷然退下火線. 

刻下零借貸, 持貨至適當時機, 如大跌, 每月六位數現金流足夠入貨用.

2016 年預計股息約70萬, 到時應可安全退休.

堅持唔會買樓收租吸人血以自肥咁折福, 一樣可以達到財務自由. 點解? 因為我仲有良知, 好歹都係讀書人一個.

2014年8月18日 星期一

小心 80後求生隊長

少用BLOGGER, 留言請到 http://blog.xuite.net/hk70s/blog/
話說, 我同老婆各有自己小茶飯.

我D 客比較正常. 亦都比較唔敢玩野, 對我要客客氣氣 受氣機會奇低. 因為若佢發爛, 蝕底0既只有佢自己....

相反女主人呢, 真係一樣米養百樣客. 要數最討厭0既, 莫過於中年四十幾歲, 當年97 樓市好不容易捱過左, 經過沙士經濟唔好, 而家叫做絕地大反擊, 仲唔變成大支野?
呢班人, 不外乎三種衰

1. 串你小生恴, 一世屈係度無發達, 點知自己住埋D 細價樓, 其實佢本人都只係打工

2. 不停要搵上級投訴, 其實佢以為呢個廿幾歲少女(我老婆), 只係打工仔, 想佢無左份工. (鬼咩, 當年佢份工好辛苦圥保得住), 通常都係醜樣女人!

3. 不停同你講道理, 其實就無理. 讀多少少書以為自己好講道理, 其實跟本就橫蠻. 多數係學校教書0既, 又或者係公務員.

其實三者都有一個共通點, 就係佢地住0既地方, 都係好普通. 例如細價密集式屋苑, 居屋等等, 就正如現有一眾收租初哥(叫得做初哥, 唔係佢樓少, 而係佢經驗少.)

最好0既客, 都係住得唔差, 有D 講左我都唔知係邊, 但地段就肯定貴到只會買黎住, 唔會收租個種.
有個BLOGGER, 叫做80後求生隊長, 個人認為, 佢應該叫"令80後求死隊長" 才對.

或者佢遇人不淑, 自己有一個只能養自己, 未能養妻兒仔女0既現金流, 就也文也武. 學歷又唔高, 資產黎到呢個位, 唔湯唔水, 結果只係笑當年讀書好搵錢少0既同學仔唔掂; 又或者笑搵錢多但無品0既人不學無術...

WELL, 人地0既野我又唔想COMMENT 太多, 或許真係要發多個電視牌, 等大家睇少D TVB!
或者係物以類聚, 你係乜人就會同乜人一齊啦. 有好多人呢, 讀書又叻, 搵錢都唔少.

金融才俊自問唔識, 不過保險AGENT 都識幾個, 年薪唔太失禮架. 好, 你話人讀書少? 讀書在於格物明德, 不在搵錢. 至少, 我0既同學都讀過大學, 雖無年薪百萬, 但總算衣食無憂, 有份工作, 有投資. 跑到最後都會係個好結局! 如果你笑人做到六十歲, 我又奇怪, 佢應該第一個笑番自己父母?

如果一個人, 有個碩士學位, 唔係野雞個D, 年薪2球以上, 已持續幾年, 每日番下午, 工作不多於五小時...

咁又點? 好叻咩? 佢有冇收租樓呀? 資產有冇二千萬??

講到呢度, 留番空間比大家思考. 當你真係遇過資產價格急跌0既日子, 你就唔會係嬴緊個陣笑落後0既人. 當你真係叻仔, 就無需笑一D 本質比你有過人之處而你只係某D 地方比人好. 咁又有咩意思?
我唔係想話佢, 只係想提醒下年青BLOG 友, 若信佢太多, 我怕最後各位要求一死. 一個從來都無公開往績0既人, 只能稱呼佢做"樓市火燎森".

各位小心, 任何投資, 請量力而為. 別為他人作嫁衣裳. 或許我在阻人搵食, 但不吐不快.
Related Posts Plugin for WordPress, Blogger...