小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2014年10月15日 星期三

舊移民笑新移民, 聞所未聞!

哈哈, 原句出處


我立場係反怗中的, 因為呢班人咁做都唔會爭取到D 乜....

當然, 佢有佢地爭取, 只要唔好影響到我, 至少呢一刻, 我都唔會有咩反抗, 最多FB 鬧下佢地0者.

近呢幾年, 最睇唔過眼0既, 係個D 近年環境好左少少, 就目中無他人0既人, 唔係指BLOG 友, 而係指身邊0既朋友....(女主人0既臭串客人數字亦不停上升...)

想當年, 佢仲係份工人工底, 朝不保夕0既時候, 人人平等, 窮就一齊窮啦.

呢幾年, 搵左份好D 0既工(我估三四萬左右啦), 開始學人講起文化, 講本土主義. 開始排外, 保護自己資源, 更不知所謂0既係, 覺得自己土生土長, 讀過下書, 好似高人一等咁....

其實, 大家都唔係咩原居民, 又憑咩講呢D 說話? 我自己都係香港出世, 但上一代爸爸係澳門人, 媽媽係廣東語系0既內地人. 當年偷渡去澳門生活, 再識左我老豆....

我都仲有一半係非大陸, 難為個D "以為自己好左少少" 0既人可以咁樣落石剪繩!!!

如果唔係當初本土人無歧視佢地父母, 可能佢已經餓L 死左啦!

我知可能呢一刻真係好多單親綜緩, 又或者全家食老綜唔做野, 但係佢地下一代係咪一定會跟番呢條路? 佢地朋輩間唔會比較? 難道新移民下一代都係港人口中蝗蟲, 都唔想出人頭地?

我估每個地方0既年青人都係想闖下0既!!

反觀香港呢一代, 唔係話無用, 唔係話唔叻, 問題係太身嬌肉貴, 結果要冒險, 要捱, 要辛苦0既工作唔會去做. 造成社會上萬幾蚊洗碗就無人做, 七千蚊份顯鳩文員又爭住做(但係又要做, 又要呻人工低...)

再咁落去, 香港真係玩完, 何不比多D 機會新移民, 等佢地下一代提供一同視野0既人力資源? 我讚成比多D 內地人落黎的.

大家諗下, 當初細細個家窮, 如果唔係有公屋, 你大個出黎做野可以儲到錢? 可以唔駛擔憂住屋? (而家要買樓, 因為要結婚生仔0者.) 當初有幾多人父母係受惠公屋政策? 以前私樓更少....

舊移民笑新移民, 聞所未聞!

講番我個朋友, 佢而家0既人工, 我十年前已有....我唔算有錢, 但係"有錢洗, 有錢剩" 0既感覺我比佢更清楚, 其實跟本無乜大不了.

十年後, 我比佢(地)生活得更辛苦, 因為我有我自己0既目標, 我清楚知道自己做緊乜.

短暫0既辛苦, 如果可以換黎一個什至多個選擇權(留或去, 駐足還是挾錢走), 未來係咩政治環境我都唔怕.

佔領街頭, 未見其利先見其害. 旺角有店頂唔順要摺, 即時比人話佢一路經營不善, COMMENT 個D 人肯定未做過生意.

下一篇文再講. (本來等女主人寫下佢近況, 不過佢病左好耐...)

18 則留言:

  1. 其實我見到有鋪頭摺,真係覺得好慘.........佔中人仕影響到人,就話人地要著眼於更偉大既理想,唔好咁自私,人地日日真金白銀去交租,無人幫襯,日日蝕錢,你話人地經營不善就當無事發生就算。你地打份工,點都有錢收,根本就唔明做老闆賺蝕都要負責個種心情。其實佔中真係對零受業好大影響........我明白各人有自由去爭取自己想要既,不過影響到人既事,一D 都唔祟高﹗

    回覆刪除
    回覆
    1. 遲D 再行文講下, 鋪租60 萬, 每月扣哂成本人工剩十萬的話, 一個月食白果已等於半年白做. 有邊個打工仔肯半年唔出糧?? 仲叫人用儲備去頂...傻的嗎?

      刪除
  2. 你d睇法很特別,但我很同意,舊移民笑新移民!
    sing

    回覆刪除
    回覆
    1. 如果佢一路都眼角高, 我無咩講; 係自身好左先咁講, 就好有問題, 可恥.

      刪除
  3. 等同塘人以前玩開個班屋村仔女, 大過左之後就行過見到都唔願睬啦

    回覆刪除
  4. 真係好似中邪, 見到好多朋友都蠻不講理, 示威者乜都岩, 而警察和政府乜都錯, 勸都勸唔到 !
    好彩我仔女在英國, 少咗麻煩驚佢地去參加佔中 !

    回覆刪除
  5. 如果民主真係咁好,歐美等國都唔會咁多問題啦!
    可惜香港好多人都被洗腦,只係睇到民主既好處。
    講真,就算爭取到民主,只不過遊戲既玩法唔同左,唔能夠適應到社會既一樣係適應唔到。

    回覆刪除
  6. 其實真的要理性分析,大家都為香港好,但每天都在撕裂香港,這不是正確方向。

    回覆刪除
  7. 我有我搵錢做實事,佢地又佢地訓街

    件事過左之後,佢地會醒覺都唔知當時自已做梗乜

    回覆刪除
    回覆
    1. 至怕佢改左遊戲規則, 改左, 廢青依然係無得出人頭地, 人0既問題. 但攪到我地難左搵食就無謂喇,

      刪除

各位每個留言,係我繼續9UP動力,必覆。

Related Posts Plugin for WordPress, Blogger...