2015年12月29日 星期二

了解我的初戀 八千里路雲和月

為免各位錯失左上一篇好文(至少係我咁多9UP入面叫有D 新意), 可按下LINK 追番







UM...呢篇又係想寫好耐,終於的起心肝 & 鼓起勇氣打埋出黎, 整理一下。

剛從惡劣細菌感染0既我死而復生(無咁誇),加上之前兩位朋友離世,真心講句,價值觀有點改變。正因生命有限,收租呢D陰質野,做左真係小心D老來出事。(阿大嬸,不用每個地方留言都提起吧!?咁睇得起我呀!)

呢個系列講女,此文必然有續集,因為,從身邊擦過的人,不止一個吧。

其實我已經好耐無聽新歌,呢首竟然常LOOP!佢咁簡單又無乜難度,直頭可以買支咪番黎自己唱番一個版本添呀!


感情0既事,真係要講唔知由邊度講起。女主人不要亂想,睇哂先講!

這個人人都有一個0既初戀,發生在大學時段,當然,係同學!

鐘意0既原因,我估無論我同佢而家諗番,都唔知點解。或許佢要一個人關心下,而我又想拍下拖。

如果要我VS佢,其實都幾唔同,但係又不是COMPLEMENTARY互補個種。

我,雞校;佢,名女校
我,公屋仔;佢,居屋0者
我,獨子;佢,上有家姐下有細佬
我,成績好多A;佢,只少我一個A!
我,好多野講;佢,好靜
我,脾氣外露;佢,收埋到有情緒病
我,唔希望讀乜做乜;佢,入得黎梗係做番本行。

唯一相同0既,可能係大家都好食得辣,同埋也鐘意貓。

讀書個陣,梗係番學放學見,成為習慣。我估同中學時代拍拖都係咁上下。(我中學集中打機打波睇漫讀書!)

分歧都係出現係畢業之後。

順理成章,因為我地一畢業就可以執業,佢做左佢0既專業人士。

我轉過下工,最後打左一份咩工?

我以前用茶記炒旦黎形容我工作(可按此我的藍海一: 我的生意像澳牛
),我一出黎,就好似走去做個待應咁。講比人聽,人地都覺得好普通(我無意眨低侍應,只係用黎比較有專業工作唔去做,做D大部份人都做到0既野)

比起而家炒旦,市場上真沒幾人,話唔埋獨步此區。(但有多士,牛扒,所以我唔係咁巴閉架咋)

當然,同樣都係佢同學又係我同學果班三姑六婆,梗係有野講,其實佢地唔明白,我都仲係度搵緊我想做D乜。佢D中學同學?哈哈。。。佢成績只係一般,佢D中學同學出路更好,無乜往來的。

之後,係我炒炒下旦0既一日,發現搵唔到佢,一個星期之後,佢同我講分手了。當日打擊梗係大啦,雖然未到天昏地暗,至少,我覺得佢未等到,亦未明白我想追尋什麼。

分手原因?

當時我分別係三個地方炒旦,加埋人工高過佢。。。BY THE WAY,唔一定係錢,一定唔係錢ONLY。當時可能諗埋一邊,包括我阿媽在內,以為嫌我窮,但現在人大了,明白多了,一定唔係錢ONLY。

這個領悟,卻用了足足十幾年時間(咁我又唔會不停去諗下話。。。)

不過,到呢一刻,我依然覺得分手係好事,因為走到果一段,真係唔係我同佢講,就係佢同我講。雖然大家原因未必一樣,至少了解分開好過繼續糜爛。

結果,我更加努力去炒旦。哈哈!為啖氣定係為錢?我記得半夜三更我仲預備緊炒旦的東西,明明客人好少,我炒足幾年份量。夜媽媽仲阻住我臨老做保安0既老豆訓覺。

結果,頭六七年工作,全靠呢D炒旦,令發圍後工作量大減,繼而當市場出現變化時,我幾乎係最早成功變陣。

之後,我去左讀PART-TIME,雖對炒旦無幫助,但付6地而家十分用得著某D東西!

所以,如果有邊個唔上進,比條女佢溝下再叫條女飛佢,可能激發到佢去努力去上進!

其實佢係咪激勵左我?非也,其實唔夠一個月,我已經有另一個女朋友(外傳1)。同埋,有個暗暗地戀左我幾年0既師妹好開心,當然我無接受佢(外傳2)。

其實,佢唔知我想點0者,而我0既脾氣同唔穩定0既情緒,都係令佢對生活不安以及能力0既質疑。無計,成年人世界,要成熟,要扮專業扮在行。

我實在做唔到!所以我先要去做單人匹馬都做到0既工作!有信念有熱誠,遠比扮成熟重要,人生就係要輕鬆簡單做番自己。

也講講,當年科網沙士開始炒旦,我有如此社交殘障都可以有如此小成(UP TO NOW 都叫做年入兩球0既。。。)其實只要年青一輩你有熱誠,創業係一件美事,衰左咪衰左,至少試過!後生龜縮留番老時馬後炮,同巴士阿伯有咩分別?

講番佢,當然而家大家都結左婚,佢應該唔生小朋友喇卦。我地已經完全無聯絡(當然!),對上一次已經係2005年食過一次飯,亦係分手後唯一一次見面。

言談間亦有講及當初分手理由,弦外之音,我足足花了十年才有少少頓悟!現在,只存一點感謝,感謝令我渡過非我所願0既大學專業訓練三年吧。

拍拖三年間,佢無令我改變(真係只有女主人先改到我少少,我固執亦很麻煩!),我亦無為佢努力過什麼。唯一只有,大家相處0既日子。

或許,連最基本互相支持都無,因為根本無機會,當時我只係窮,並無什麼難題,正因為窮才可以輸可以試!

有時,我什至會放棄想去支持我0既人(外傳3)。

如果要我只係要搵一個能夠幫我供樓有穩定職業0既人,真係大把(外傳4)。

現時為止,能令我覺得支持得正確的,就係我老婆。BLOG頂張圖D字各位有冇睇過?

其實,我只要三個字

"陪我癲"

你地找到這一位未?

註:外傳只是講笑,再寫會比人打!不過,如對某外傳有興趣,可留言。

2015年12月27日 星期日

租金樓價進入惡性循環

呢篇應該一個月前出,不過一黎卦住砌高達,二黎未算太肯定,唔敢亂出文。

今日完成左

HG 1/144 G-SELF REFLECTOR PACK
用左MR HOBBY 珍珠色 (XC01, XC02, XC03, XC04, XC05, XC06) 不過影相唔明顯!





收租者建議回避,因呢d 都係我個人意見,絕無討論餘地,亦無興趣去辯解。

時間証明一切,又睇下我係咪老千。如睇錯,我都係雜魚一名,你想我點?

以下全為男主人觀察所得,全部係中原網頁睇。係直係假盤唔太重要。
話說,某區屋苑分四個grade

A 地鐵上蓋,新新地
B 無咁新,但用料靚,地點一般算就腳
C 地點同B 差唔多,但舊d 同質素爭d, 勝左三房單位夠細。建築 6xx 有套廁
D 老過男主人,又細又殘,唯一好處係平。

居屋村屋不計入內,租買成交都少,選擇亦少。

因A 類兩個屋苑都唔養貓狗,我未住過。但BCD 都住過。租樓好處之一,真係可睇送食飯,唔鐘意就搬。

以前,樓價上升軌賣家主導時,D 盤同C盤爭三千蚊,同B盤又再爭三兩千,同A盤又再爭多三四千。

即最高到最低爭成皮野。

如果收入中等家庭,例如搵六萬蚊,要再每月拎多5% 薪水出黎upgrade 可能難少少,結果焗住租D, C 盤,供求之下,當然令濕九細價樓,不論租定賣價節節上升。

上個月開始,變化出現了。

D 盤價好硬,可能做完大維修班傻仔以為增左值,其實天價大維修後變左舊居屋咁樣,只係比人過左一棟。

但C 盤有大量租盤湧現,而部份換樓人士亦唔介意平租,結果租盤一路減價,同D 盤相差一千。由三千spread 縮到一千。

重點,C 盤單位量係D 盤兩倍或以上,估計唔止。

B 盤量非常少,自住者眾,因交通一般,打工仔唔適合,但環境全區最好。結果久未見減價租/賣盤。

A 盤已經殺到落黎!租金差得番千幾二千蚊。

留意,A C 盤租金上有非常明顯跌幅。

即如果有多一千budget, 已可唔租D 去租C, 講明少少,如剛完一年死約,相同租金已可upgrade...

由C 去B , 仲有兩千幾差距。

B 去A? 千幾蚊,少於租金一成。不過正常唔會轉。

如手頭鬆動,又講到價,C 去A 都幾正。

D,變左賣剩蔗。。。賠了夫大又折兵。

最高同最低, 由之前一萬到而家爭六千!如人工不會變經濟不會差,只是樓價租金打回原形,會如何?之前樓價跑嬴人工,而家跑番番家鄉都好正常啊。咪天真到要人人陪你死至得架~~~!

男主人住B 盤,只要等待第一個減價盤便可以了,因交通不便,如差唔多價錢番工一族只會揀A住。B 一向少人問。

B 盤三房單位都係補多三四千,已有幾個放租,仲不停減緊無人理。即使full pay,管理費一個月都二千幾,差餉地租都未計。

這現象不是需求少左,只係當差價收窄,租戶或買家選擇多左,成為主導,一改之前焗買焗租的生態了。

其實,也應該多謝一下之前忍唔住手買左自住樓的人,令租屋需求下降。
同時,亦代上一輩多謝年青有為收租仔,無你地接佢地火棒幫佢套現的話,佢地即使租唔出,防守力都好強。

而家即使未跌到買入價,只要租約一完,現金流就會停。

刻下男女主人加埋cash only 已可full pay 屋苑D,買入屋苑B 亦毫無難度。

不過,樓市cycle 咁長,不用急於求死。

最後,近排去左OCEAN PARK,食野貴過入場,頂佢丫。



另一張,攝於九龍站。


女主人話,G Self Reflector Pack 好似中左毒, 其實係佢吸左敵人光束, 再放番出去攻擊敵人!



你估呢幾年先加入0既收租仔吸左0既租金可以頂幾耐? 同樣, 現在剩番未入市0既, 係時候可以係租金上討價了.

當刻下租金收入已經必然少過每月供款加洗費,當租金一跌,無人買黎收租,價又跌;無人租,租又跌。如你無租客,真係慢慢供完再大維修慢慢捱了。

2015年12月21日 星期一

我可以唔撈嗎 12

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
我可以唔撈嗎 8
我可以唔撈嗎 9
我可以唔撈嗎 10
我可以唔撈嗎 11

再唔UPDATE, 大家就走哂了!

朋友0既模型鋪, 係深水步黃竹街15號! 上圖係小弟砌同噴0既 rg 紅迷! 試下話你係呢件模型0既blog 友, 唔知有冇得平架!


不知不覺已經12 集, 之前仲講笑話100 集都未退休, 其實計番每個幾月先一篇0既速度, 應該四十集內就會完結.

先update 下近況, 呢排收入少左, 係季度正常現像, 現金水約156萬, 老婆個邊應該有兩球卦.

我工作就已經半停狀態, 可以同小朋友去玩下.

晨早去冒險樂園玩, 真係包左場!

老婆生意比上年差, 不過都還可以. 近排有明星幫襯!

另, 老婆愛上藍寶石, 又戒子又手鍊, 再係咁當然唔得...太燒錢了吧!

近期財經最大單新聞, 梗係加息! 對股市好定壞都未知, 不過我借錢都會卻步LAW...我借已經係1.88% (分一年還), 借幾十年個D 又敢唔敢入市?

不論價定租, 都已進入下跌軌, 都係果句, 前輩話齋, 來自供求關係. 有能力自住0既已經買左, 什至高追左; 無能力0既又等得. 投資收租? 2000 年買藍灣半島, 而家收租都係得六厘! (睇新聞, 唔Q知佢點計)

股市? 哈哈, 好古怪, 早幾日有跌到射程, 加完息又上番去射程外了....

反正, 股市CYCLE 好短, 時時都會有機會.

樓市, CYCLE 咁長, 下降軌有排都未完....

其實, 我爭三百二十萬至三百五十萬就可以財務自由, 心水清0既你, 老婆比哂佢份身家我, 咁就攪掂了.

不過唔會咁心急, 手持現金, 股樓市之間都可有準備.

你有高槓桿的話, 而家等同比人綁住打. 當你要自己出錢還貸款就知味道了.

右邊原是綠色, 我改左做卡碧尼配色! 都算ok 卦.

呼籲一下, 小弟用17APP 直播, USERNAME 同blog 一樣, hk70s, 歡迎直播期間吹水. 其實我係直播砌模型而已.

另, 近日去過d 小朋友模型聚會, 真係好耐無咁毒過. 不過有人利用砌模搵食就幾好笑0既, 有機會分享下. 以下係我聚會作品.

hg g-self assault pack


各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


2015年12月14日 星期一

女主人入市!朋友模型鋪開張!

有日半夢半醒,女主人同我講,我好耐無UPDATE 過網誌。

右邊高達神物(JUMBO GRADE ZETA GUNDAM MSZ-006),$2500買到,仲好鬼新淨,唔捨得拆。左邊老翻RX78,女主人送。



哈哈,真係砌到天昏地暗。。。

近排做乜?將以前齋砌無上油0既模型再上油!下圖左邊翻新,下次到右邊。(GN-007 GN-008)


新個D? 慢慢砌。

呢期都係每朝同晚睇一次股價,慢慢跌,好有秩序喎!!

女主人朝朝SET 價都買唔到。。。其實佢SET 低少少,但成日都唔到價。 即係點? 每日股價係固定水平游走,第二日先跌。。。日復日再一輪。

好耐(兩年)無食過牛陣,佢改左食法喎!

今日佢買到喎!即係即日插得深左。其後又上番去。。。

因為股價已完全進入射程範圍,促使我又睇下,策略有三

1借錢全買,三百幾萬貨 (1A 為分一年還,每期二十九萬;1B為分兩年還,每期十五萬)

2部份實貨,借二百萬左右(2A 一年還每期十六七萬;1B兩年還每年八萬幾)

3先做OUT OF MONEY OPTION,袋權金,若再跌接貨,升左我就錯失機會了。(接貨用0既錢,在PLAN 1及2再選)

女主人話,做即月!哈哈,得幾萬蚊承受現在風險,實屬不智。

今個星期二三有議息結果,到時再算。

適當時候,我就會蒲頭講股票。我真係唔係財經BLOG啊!

以下係小弟模型友開0既模型鋪,價錢堅係抵,嚇到深水步精品同福利都減價迎戰!話唔埋,下星期會見到小弟作品係度。


我估好多人小時候夢想, 都係想開GAME 鋪, 卡鋪, 模型鋪. 人生去到某D 位, 自然會不求太多錢銀東西, 結果價格還算可以. 其實別家減價, 人人受惠!



下一隻,將佢改做卡碧尼配色!

2015年12月4日 星期五

2015年12月1日 星期二

人生遊戲二 魚與熊掌

又無寫網好耐, 原因有二

1. 又係砌高達, 因相繼兩位朋友離開左, 我唔想我砌唔哂就留低遺憾, 所以趕工完成, 亦都半正式完成左!

題外話, 好多高達模型迷都儲埋一盒盒未砌0既模型, 我認為未砌都唔係自己0既! 佢地話, 細個無錢有時間, 大個有錢無時間. 我認為, 事在人為. 有問題就試下克服佢!! 小朋友怕天拿水味, 可用水性AV油! 或者好似我咁, 番公司噴!


2. 呢排租金變化好得意, 想寫一篇, 無奈構思完發現好長篇, 半夜三更已經好眼訓唔想寫, 就咁日復日過去左.

最後, 我唔想荒廢左呢度, 雖然唔係多人睇, 但學收租仔話齋, 救得一個得一個.

本人持倉內銀, 等跌到PK 再入市, 現價 $5.38, 真係未到價....

好多內地銀粉重倉內銀, 真係十分危險!! 就似匯豐, 中移, 中人壽都曾幾何時比人追一樣!

點解十分危險? 因為多人跟先有肥肉可食, 其實未必同內銀風險有關, 到時股價要跌, 欲加之罪, 何患無詞?

好喇, 再強調一下, 本人BLOG 並非投資BLOG...不要問我股票...我寫係度都係分享一下感受

生活小事, 今次其實唔係小事.
1. 女主人加鋪租, 加左10%, 預計之內, 反正唔想搬鋪, 又留下係度啦.
2. 男主人商業寬頻由2XX加到千幾蚊. 當然唔會比佢強搶, 轉PCCW! 咪又係二百幾, 仲由2M 升到100M! 咪以為要硬食!
3. 男主人好似比人攪...不過應該好小事. 若真係好嚴重, 提早退休, YEAH~ 計埋股息, 我都係爭幾十萬就退得. 提早退就慳D. (其實係減產, 由一個月二十萬變做一個月十二萬.)

最後, 附圖:



有錢女想要愛, 無錢女想要錢....你睇我好我睇你好0者?

外國人都鐘意睇TVB 喎! 一定要等價交換? 一定係魚與熊掌不可兩得?

其實有好多事情, 係兩樣都可得! D 人其中一樣失敗, 咪用呢幅圖黎安慰自己打下飛機.

又有錢又有愛, 真係大把人在.

有錢, 變得有時間, 可以更留意到身邊0既人!

有愛, 對事業一樣可以有熱情, 就會做得好, 收入自然高! 升職都竹升你先!

只能夠咁講, 好多人有左錢, 個價值觀變左, 個人自大左, 結果唔記得當初點樣由無變有...

盡快自由, 最大目的係希望可以陪下小朋友, 教下佢地. 同時又睇下自己鐘意做D 乜.



係度問下各位, 有冇LIVE STREAM APP 推介? DOWNLOAD 過17 APP, 發現實在唔係女無人入黎睇....哈哈哈!

STREAM 乜? 可能砌下模型卦!


三人組 PLAYGROUP!!! 紙高達頭未砌對角上去, 係咪好得呢?

後記...呢排食完飯成日食埋佢. 簡直係邪惡0既根源!


如果有D 咩想睇想聽, 不妨留言丫!

2015年11月15日 星期日

轉變@小生意

女主人說話沒有男主人生動有趣,如果悶親你,請見諒哦。


話說九月生意跌左一半,近來一個星期終於有時間的起心肝埋下條數睇下每月賺蝕。發覺到,原來我收入都幾海鮮下...8月純利十幾萬,一下子跌到九月二萬幾,然後十月又升返去十幾。來緊十一月暫時睇都還可以。女主人盤生意仔甚能反映股市及人消費意欲哦...如果經濟繼下滑,相信會首當其衝。

這幾個月,生意上作出了一些大膽轉變,下定決心慢慢換掉供應商,亦換掉瘀血廠。九月,我親身去找廠,慢慢一步一步脫離同我合作六年的伙伴,不想一直被當水魚宰。人總是要長大要獨立的吧! 而瘀血廠亦成功換掉,暫時新廠表現良好。 很幸運地今次之行找到了原廠供應,亦找到了有潛力產品。今次一行,令我深深意識到,我單單坐在我位置上借別人眼睛去看行情實在不夠全面,必須是自己多動多做多看才是得著最多。決定了以後每年都要親身去一兩次市場內走動,親身去了解體驗。

下一步,考慮的應該是人手問題,現有工人實在存在太多問題,再長久下去,發生問題在所難免,並非次次咁好彩。

說完工作,說說自己,今日收到男主人一封生日大利是,真是猜不到咁大封。我知你未必太懂得花心思去做某些浪漫事情,怕買了未必是我真正喜愛的,實際型的你情願給我錢讓我買自己喜歡的東西。雖然今日沒有浪漫的場景,沒有甜言加蜜語,但這也是你表達你愛的一種。我接收晒喇。最開心的是男主人主動陪我愛了我很想看的戲-「十月初五的月光」。 想看未必是因為覺得好看,是一份填補內心的滿足。當年看這套電視劇,內心遺憾的是初哥哥跟君好最終沒有在一起,所以想在這套電影內見到大團圓結局。縱使結局還是未能如願,但至少都留下一點令人猜想空間... 
這個生日雖然過得平淡,但感到幸福,感謝哦!

賀下自已篤返隻



2015年11月12日 星期四

投資切忌學壞師

男主人生意, 原來係最近香港某調查, 當經濟逆轉時會縮減開支部份, 入面最後比人縮個樣!

早兩日計過時間(我D收入一年訂左就唔變,呢幾年生意好,可以預訂自己收入),發現只要2016年初爆SEED,應該可以收工。2017就搵危機準備金就可以了。

我又講多次,此BLOG不是財經BLOG,亦唔係投資BLOG,只係我希望可以鼓勵別人(尤其年青人)追夢,不要隨波逐流而已。


小弟亦無任何財經知識,財商係零

我從來唔睇年報,睇下派息同盈利就算。佢要厄我0既,咪厄!業績好,可以升,可以跌。睇市場氣氛之餘,又睇下有冇人要"食糊"。

近日市況,跟本而家食糊無肉食,用錢推個市上去都唔會啦。你睇下,話深港通,大家完全無感覺。

當大家對加息無反應,而做左人民幣抵押個D東西又不停眨,最後會點?

(不是抽水,當供款上升而又無租客代供,又會點?超細劏房唐樓只能租比印巴。。。又會點?)

最熟個樣就係玩下期權。近半年已無開倉,一黎等待時機,二來怕被綁死。終極界王拳未出,不能輕舉。


究竟我係咪懶到唔學?我唔排除學極唔識,不過呢。。。

真係可以睇完年報做到價投?
真係可以做到價投就搵到抵股?
真係抵股可以搵到錢?
真係搵到錢可以完夢?

由於多種不同因素,尤其首尾兩點,我唔打算去學。
完夢我估死個日都未攪得掂。。。
至於第一點,市場上資訊太多,一陣學壞師就大件事。。。

即使正宗會計出身0既,佢0既往績都唔能夠反映其學識,因為股票投資好明顯係MULTI-FACTOR!(我講緊魔術師的伊謝爾倫日記)其實佢其他文章比財務知識好看。

唔係得我一個話人收租, 佢講得具體好多! <良心投資>

其他BLOGGER,不敢學。始終有利益在背後,可能我離目標比佢更近,我唔需要出文討好讀者,只要隨心而行文,要屌就屌。

另一位,宏觀經濟財神到主持,呢位真係財務自由左,亦點到即止,連佢講野都咁有保留,就知投資唔係單一因素可控,佢亦好好心地唔會亂提個股。反而佢著重整體經濟之餘,亦留意成交量及成交金額估計誰人在"食糊",其實係另一種技術分析。

我唔想學壞師,唯有唔去學,只在旁看看。

我唔同意"不同方法都可以到終點"之說,相反如果學壞師,篤信某一論說,咪等同當年買中人壽果位人兄,變相殺人無數。

我買內銀,只因息高,同時派息比率只有三成。減去水份,要跌有個限度。渣打唔敢買,當初都講過,佢派息比率太高,盈利一跌會減派息。

以我零財務知識,我只係識呢D!

如買樓收租,呢一刻我都買到四五層,不過我過唔到自己,道義問題,SORRY。

講下砌模型,我好0既唔學,人人上灰再上油,我SKIP上灰直上油。

原因,我砌好就放係度,唔會拎出黎玩。同埋,我想快D砌完。。。。

因為,砌而家呢D模型,只係我退休前0既練習。。。真正模型未開始做。

其實一路上做YOUTUBER。。。哈哈!

講多次,我真的不是財經BLOG!可能下一篇文係我唱歌0既錄像!

好可愛呢!!!

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年11月9日 星期一

如何活得無悔? 收租死不足惜

上文提要, 小弟有個朋友中年早逝....先天的肝問題

以下係佢愛機之一.... OO RAISER. 我還未完成.




離別呢D衰野, 何解一不離二?

昨天, 男主人又有一個朋友與世長辭....

今次去得好突然, 因為其實大家好多年無見, 我估有四五年. 估計佢都住左一個月醫院, 大慨係同佢果D 腸胃0既遺傳病有關吧...

而家諗番, 正因為可能佢知自己健康唔好, 所以對佢自己D 朋友, 無論新知舊遇, 都非常之好, 又攪生日會又會鼓勵別人.

當年男主人正能量爆燈, 未比佢鼓勵過, 不過佢會記得我地D 生日就好勁!

佢本來係讀完碩士再讀埋教育証書, 即係話佢會做老師! 最後佢都無做到!

做左乜? 做左TVB 藝員訓練班0既班主任!! 好多時我地睇TVB 見到D 小小女ARTIST, 其實都係佢帶出黎, 幾年前我問過佢, 大家都識0既有黃智雯...

當年我仲講笑, 佢份工係我夢寐以求0既工作, 係佢FB 見到, 佢每次FUNCTION 都有一大群性感美女圍住影相! 哈哈哈~~~~!

呢位朋友, 識佢個陣已經係TWINS 歌迷會, 係演唱會DVD 度見到佢個樣個D 級數!

佢係咪追星一族我唔知, 阿朋友男人, 麻甩樣, 身體不高大. 先天不太討好的外表, 能夠唔理其他人點諗去做自己想做0既事, 十年已經乜都抵哂! 好多人做足三四十年, 都只係表面習慣愛上自己工作.

真正為興趣為夢想而工作, 又有幾人? 難道收租, 買股收息. 買金保值係夢想?

非也, 因為MONEY CAN BUY TIME (SOMETIMES!), 如果你收極租都仲要番工, 都仲要等唔知幾多年先供完, 你0既人生是失敗的!

雖然呢位朋友, 工作上都只係做左十年左右, 我相信呢十年可能係佢過得最忠於自己最燦爛的! 當年還是二十出頭小伙子, 有如斯境界, 可能同佢早有頓悟有關.

我相信佢對佢D"學生"都好好! 係佢FB 會部都係佢D 學生, 無論已經小有成名, 定係已經撈唔掂轉左行個D....

佢留比每一個人0既印象都係非常好的! 即使教人收租個為YC 君現在死於非命, 其實都不太可惜, 教人整餅吸血又有咩值得驕傲? 果位韓安迪, 教人買唐樓, 對付租霸, 又有咩貢獻? 死左都無人理啦...只係一眾金錢跟尾蟲視之為神人.

阿MIKE, 你0既睿智, 永留心中.

上星期心情唔好加抱恙, 除上面隻OO RAISER, 以下隻MG GUNDUM DX 都未完成....



2015年10月29日 星期四

租務轉角位 + 故人回憶

呢期也是在砌模型

RG 13 GP01FB FULL BURNERN ,上左淘寶RG水貼,唔用太厚的膠貼!COLOUR CODE 在文末!


一個壞消息,心情沉重了好幾日。

一個比我年長,為人老實可靠的朋友,離世了。

原因雖未知,應該是肝衰竭或真菌感染。

只探過他一次,我認為雖然情況會越來越差,但還是可出院的。離死亡,應至少還有一段日子。

或許,不應該做白老鼠去接受新療法。

如果是我,我會選擇快回家,至少待多兩星期家,好過一個月在醫院。

醫學非萬能,有時無得醫就不要醫,留些時間陪家人。

這個教懂我買股票的老實朋友,究竟埋單在市場上係正定負數? 父母有物業留給他,最後又如何?

傷感之餘,亦再次評估人生意義,不止金錢,不止住屋。

若能多些陪伴家人,老好幼好,也是福份。

極端一點,砌多些模型,免留下一堆未砌的,少點遺憾!

這位朋友無攻擊性,亦沒太多害人之心。私底下都同我講過,若非有物業,現在住屋問題很難解決。

有留言提及我鬧收租仔,人有人投資關我乜事?

收租,無問題。但借大槓桿收租,持著利用收入不高的年輕人血汗錢以自肥,同時將供應不多的細單位盡買令有生活需要的焗住貴買,是否太陰質?

最不知所謂,係個d 寫收租blog 仲也文也武,大言不慚地說沒有樓沒有人生,是失敗的,已玩完等言論,又是否正確?

樓市租市已入轉角位,不過慢慢來吧。

果班人自有天收,香港自住購買力或承租力其實已差不多用完。

租緊既已租緊,搬左又有一間空番。有人承租即代表又多一個租盤。內地生越來越少是事實,內地已有中介教人考ielts 去澳洲升學。

未必關黃絲事,只係內地人有錢左,已可直去外國。

買模型figure 都已經 amazon 直送,不用到香港了。

認真面對吧,不要睇太多 tvb, 香港人根本沒世界視野,英文水平亦唔講得上好,衝勁越多越少,只因大家心機花在住屋及租金上。

老朋友,一路好走,美好的時光永在心中。若時光可以從來, 我一定約你上黎我公司砌你久久未完成0既模型, 一齊噴埋油...

用左GAIA 121, 125, 黑, 白, 透明黃, 原色靛, 131, 星影讚石銀.





各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年10月22日 星期四

我可以唔撈嗎 11

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
我可以唔撈嗎 8
我可以唔撈嗎 9
我可以唔撈嗎 10


*****

話說女主人上左大陸,呢兩日得番我一個。。。比機個會我去PLAN做一條毒男!

日日留係鋪頭砌高達,真係毒男的浪漫!!



(有冇人知呢隻乜黎?)

女主人上大陸,都係同佢生意有關。主要係想搵新貨,同樣我估佢唔想依懶某單一供應商,從而令貨源更可靠可控。

佢講左兩次,兩年後我地一齊上去?噢,乜咁肯定我會唔撈?

其實,係鋪頭噴下油都幾開心!雖然女主人都講過話租間有工人房比我去噴油。。。哈哈哈~

而家個市唔上又唔落,真係好難預計兩年後今日有冇信心夠數有突啊!

只能夠講,今年比我想像中好,條數掂到二字頭!!

繼續一如以往進取,先搵未來錢。希望快D夠數!

預計由2015年八月至2017年十二月,會有四百萬現金,如果早左夠數就開始減產!當然現金來自工作收入及股息。

2016年八月收四十萬,2017年亦如是,假使我無入貨而佢又只減少少派息。

即係工作要跑320萬回來!現在有現金14X萬,即這26個月要從工作賺180萬。每月儲七皮野,這一刻沒一點難度。

若股市向下,提供入貨機會,股息會再多20萬一年。相反,狂升就無呢D機會了。

又講多次,如果你未夠貨,又點會想個市升?除非你知道自己永遠唔會夠貨!

話說男主人幾年前已是這小小小市煬的龍頭,由前年開始年年都做到有名出!前年好彩,舊年預左,今年以為無,點知真係神來之筆,又可能再次爆名!

下年?我一早預左又會出名。。。

即係話,係我退出唔做之前,我個招牌如無意外都會貼上金漆!生意應該不是太大問題。市場資訊已經唔算太流通,我條數都咁靚;如果市場更透明,生意多到更可怕!

近排有生客打黎,用上"鼎鼎大名"四字來稱呼我。。。其實我都唔係咁傳說人物,只係一個單打獨鬥在呢行打滾0既人。只係我產量好少,唔宣傳乜都唔攪專心做好本業而已。

我非常喜歡做緊0既工作,不過十幾年,想有個轉變而已。

在心底裏,我好怕我唔捨得。。。不過,別離是更必需的。否則不能走得更遠。

當年未畢業,我同我初戀情人講我想去做賣場賣"神奇收肚褲"個D大叔(而家可能係賣神奇菜刀!),或許佢同我一樣讀書唔錯,打算畢業後投身專業,覺得我好無聊好無大志。

我用左一年去搵我想做0既野,搵左一年,做左十幾年!

其實女主人小生意都係佢以前做秘書太得閒,我同佢貪玩搵野攪下,點知原來搵到錢,才促成今日女主人小茶飯。

如果叫我去教年青人做生意,我絕不勝任,因為我份生意要有特殊技能同性格。我只能夠講,專心一致,諗下點樣好做本業,不用抄人,真係做好自己就夠,因為自己係知識份子,讀過書,書本東西一定有用,女主人小生意都用得著!


話你聽讀書無用個D,只係佢無真正讀過書!
(典型收租仔咪係咁)


退休後砌模型?我都唔知,可能走去做YOUTUBER!






各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


2015年10月20日 星期二

10A港姐 無敵是最寂寞

此文與投資無關


MG zeta vs rg zeta. 右邊支米加粒子炮是國產,產左色都ok 呀。

話說,港姐一向唔睇。

不過,今年tvb 好識宣傳,夾埋報紙一齊煲新聞,唔睇比賽都知有咩女。

今年有個10A 參賽者,tvb 擺明做佢,女拔畢業,學彈琴跳舞讀書好名牌中學加頂尖大學畢業。典型叻女例子,又比人話贏左起跑線。

當然,得獎後無其他佳麗恭賀,又比人話佢人緣唔好又乜又物。

其實,叻既人一向有呢d 問題,來源自自身之餘,又來自他人。

男主人無佢咁叻,不過由細到大都係呢d 情況長大。

第一,social barrier 一定有,原因係唔同level 溝通唔到,講佢又唔明,廢事講。

所以,呢班人都有support group, 又或者難得遇到同類有他鄉遇故知。

Great mind thinks alike.

同某d 人,不是我大牌,真係溝通唔到。尤其係以為自己好醒個d,一出聲就露底。

第二,來自別人妒嫉。自己讀普通中學,情況無咁嚴重, 正所謂槍打出頭鳥,你一突左出來就比人當異類。成班無出息反而成為一群顧影自憐的群眾。

出黎小生意後,因單打獨鬥,無人會妒嫉我。我仲要係行內龍頭,無人敢挑機。

女主人某兩個朋友,現已反面。開口埋口講句:"佢好叻咩,佢搵得錢多好叻咩"

我從來認為錢銀是浮雲。時間及頭腦才是最寶貴,聰明腦袋,誰也取不走,又可傳給下一代。

自問唔係我叻,只係你太低層次,仲留係錢既層面,sorry.

其中一位同女主人初中玩大的,當女主人小生意開始上軌道後,便連我兩公婆一齊恨。對女主人生意幸災樂禍。。。自此不相往來。

話說女主人有小生意後,對某d 友情變質耿耿於懷,我都唔知點去開解佢。因我已見怪不怪,若你與人不同,就要有呢個心理準備。

港姐麥明詩係咪真係無朋友? 其實我好清楚明白,佢一定有朋友,但唔係其他港姐的水平。

大家睇新聞,食到一地花生之時,又有否一點點妒嫉?

撇開錢這方面,頭腦轉數,學習能力,認知解難,的確樹有高低人有高矮。這是與生俱來,你有十層收租樓都做不到的。

同樣,樣貌與幽默,亦好難練,你溝唔到女不要以為哂資產可以溝到女。

早兩日食早餐,有幾個阿毛講讀大學打份工無用,人地做老闆搵幾多幾多。

咩料? 讀完大學唔可以做老闆? 做老闆又家庭美滿,仲有靚樣仔女,就快財務自由,呢d 美好事情唔可以一齊擁有? 是否睇得tvb 太多,又或相信要等價交換?

留言吹下水吧,下圖是新砌 rg skygrasper 武器包。



女主人回內地睇貨三天。若有空繼續九up.

2015年10月14日 星期三

而家個市,做唔做short put?

好耐無寫blog. 股市又升番少少。

女主人唔駛做燈神。佢持有十萬蚊建行,買入價5.4 左右,現價5.7 左右。。。

佢話 :"如果5.1 果陣有買就好"


命運高達!RG DESTINY GUNDAM!
究竟這是命運,還是目的地!?
(其他相在文末)

機會其實時時有,如現在再抽上,其實。抽上果位無乜肉食,因為散戶要回氣,咁短期要建立或者厄番信心唔易。

我諗過開個short put 倉,十二月。

女主人話:"如果中間急跌,你被option 綁死左到時無錢買。"

又係喎。

照計咁快爆上無人得益。

本來今年打算去日本旅行,可能又取消,因為女主人想買0既野改左,而我又鐘意番內地。哈哈!

近排都係砌高達,少寫文,亦較少做倉。

現金水平145萬,月底約150萬。女主人估計好快近兩球。

股票連現金,繼續八位數字!我地唔講淨資產,只有個D傻仔收租又欠債先講出黎哂下命。

住屋,從來都唔係問題,FULL PAY無難度;溝女識男仔?從來唔係問題,因為我同女主人都係高質男女。

只有自己騎尼唔吸引,才會以為有樓先有女。。。非常可笑。

大把少男野戰中,真係住屋問題?哈哈哈。。。係你無得玩0者。得閒去銀行打下簿開心下啦。。。

 (貼同未貼膠貼0既分別,可能唔貼好過貼)



各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE
Related Posts Plugin for WordPress, Blogger...