小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年1月18日 星期日

與未成年少年談理財

網上搜下, 原來好多人都有同年青一輩講理財, 通常年青一輩都係大學生, 或者剛出黎做埋三五七年0既年青人.

你有冇試過同中學生講呢D?



老老實實, 我久唔久都有呢D 機會, 至於講唔講比佢地聽就好個人.

原因? 我認為人人都係一張白紙, 即使係我呢D 年紀(三十幾), 如果未用過男仕護膚品, 走去SALES COUNTER 都係一張白紙, 你話乜就乜啦.

男主人極強調FREE WILL, 皆因由細到大屋企都比好大自由度我, 先走得出一條唔係大路人會走0既路. 同樣地, 我都比番呢條路個囡...結果阿外母話個女(同我)一樣咁麻煩...哈哈.

我樂於見到佢三歲人仔係玩食訓有自己意見, 每晚自己揀衫著, 揀自己鐘意0既 YOUTUBE 節目睇 (佢好鐘意睇人地打機...).



言歸正傳, 2014 年度, 適逢佔中運動, 呢班未夠18 但係又將成年0既年青人, 有人走到街上, 有人食花生, 有人話佢地攪攪陣. 

其實十幾歲人都有不同意見, 何況成年人? 其實班YOUNG MAN 唔一定係黃絲! 只係出黎做野個班太重怨氣, 覺得我地呢班藍絲可能上左位就唔理佢地...

有個好聰明0既同我講(我估佢16,17 歲左右), 佢想樓價跌, 所以支持佔中. 嘩,住屋0既威力已經比人吹到好勁....(其實男女主人身邊結左婚0既都無買樓需求了....真係風繼續吹吧)

見係佢, 我同呢位小朋友講, 你想樓價而家跌, 其實係大錯特錯!! 而家跌只會益左而家可以上車個班! 到佢地上左車, 就唔想樓價跌, 過多十年, 到你26歲拍拖想結婚個陣, 你認為佢會平賣比你??

你而家都無錢買, 即時0既下跌對你無幫助, 反而可能令父母收入變差....

佢好似領悟左....

我再講番我自己中七個陣, 真係不該, 見個股市係度跌, 我有種莫名快感! 其實而家諗番, 當年我都無錢買, 亦都唔識買, 佢跌又與我何干?

放諸股票皆正確!

結果, 幾年後自己畢業, 個環境差到不得了...根本搵份工都好難. 雖然我算半個專業人士, 但係都搵唔到本行工作(雖然無打算搵). 塞翁失馬, 如果唔係咁, 可能又走唔出藍海, 創一番小生意出黎0既.

對呢D 中學雞黎講, 樓價跌其實係壞事, 當再多一班人持貨自居而供應又唔增加的話, 佢地將來要置業0既成本更高. 要知道樓價個CYCLE 非常之長, 同貴金屬有得FIGHT. 除非希望別人走向絕路, 否則唔應該有此心態.

我對樓價係中性的, 因為佢點升都唔夠我自身財富積聚速度, 我只係不屑個D 初哥細價收租仔, 挾低層市民所需而吸血自肥, 以為自己財務半自由又其實仲要日日勞役. (而家買賣盤又好, 租盤又好, 都太少.當連選擇機會都無0既時候, 呢班人同打劫弱者/低收入群有咩分別?)

 放諸股票皆正確! X2! 2007 當年幾多人炒新股, 又分享買左咩股票只買不賣, 止蝕不止賺?? 哈哈~~~~!

君子好財, 取之有道. 
天理循環, 報應不爽.

未成年0既朋友, 其實諗得太多了, 現階段不如讀好D 書! 老土講句, 知識學左永遠都係自己0既, 有好多學習, 過左20 歲你點學都學唔番, 進修都無用.

書到用時方恨少, 呢句唔係嚇你, 只係到要用個陣, 你根本唔知.

男主人常常以讀書人自居, 讀書人一定悶旦? 讀書人一定無乜錢? 唔講比你知, 梗係有原因啦下話! (好多讀書叻0既人打機都叻, 只係你未見過0者...)

好, 朝早八點, 今日星期日, 番工去~~~~!

12 則留言:

  1. 講得很好阿,:)
    情況不只出現在二十歲內,
    還出現系更思想自由的二十頭內,

    他們都是大專生:(想起也感到可怕,可怕是他們的想法,和製造的威力
    個幾個月,我全個facebook 都給他們洗了,




    回覆刪除
    回覆
    1. 我會不停用港人講地fan page 反洗版。反正已好少用fb.
      其實中學生唔係個個要民主,好多仲有理性的。係大專個d 知道自己無乜前途又唔認輸,想將社會同遊戲規則推倒重來0者。

      刪除
  2. 好多道理連同成年人講都未必會明白, 更何況熱血青年呢?

    回覆刪除
    回覆
    1. 唔係個個小朋友都咁熱血既。
      篇文帶出的不是政治道理,而是投資的timing.
      如樓市股市多人玩才入市,水位不會多。
      水靜河飛時,若你無錢未成氣候,亦都無用。

      刪除
  3. 梗係靚女啦!! 係咪似女主人多d?

    回覆刪除
  4. 星期天都要開工?

    回覆刪除
  5. 樓主你好,偶爾看到此帖,言之有物,無法更同意!
    我觀察所得,上岸而又不恥下教者極寡,即使如樓主般苦口婆心,小朋友們則為我們別有用心,阻佢發達。
    所謂"千金難買少年窮",在香港被普遍認同的怪獸文化下,情況不堪。

    不知樓主除了模型外(睇甘多模型相, 大膽假設),有何興趣及嗜好?

    回覆刪除
    回覆
    1. 過獎了。
      其實我認為主要係80 後上左位上左車個班大支野,而80 後未上個d 又想攪亂你等自己有位入。
      未來,應屬於90 後及千後的。

      刪除
    2. 補答
      我都係一般毒男嗜好,砌模型,打機,上網。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...