小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年3月30日 星期一

交通銀行業績2014

各位, 好耐無見.

我又係去左砌高達.

圖中為 GUNDAM AGE-1 (會場限定0既電鍍版, 街從未見過!), 日本 AMAZON 買番黎, 用香港代運公司! (遲D 行文寫下過程啦)

話說故事係日本同香港反應都麻麻, 偏偏我就OK喎! AGE-1 係爺爺操控的, 係一個跨三代0既故事!

幾盒野, 連運費三千! (最左三盒香港無, 淘寶都無!!)

講番股票...

上星期四交通銀行 3328 及 601328 出左業績喇!!

一如所料, 每股營利 RMB 0.9 以下(實為0.89), 股息亦一如所料 RMB 0.27, 扣番稅同手續費同匯價, 約HKD 0.3.

相比其他行, 佢算加得多派息了.

現價買入毫不吸引, 完全無興趣加倉. 佢升爆就沽左佢, 唔升咁又再擺一會.

預計股息 41 萬左右, 即係每個月有三萬四千蚊, 現金全袋, 零負債唔駛比息.

現金達七十萬, 由上年八月份到而家三月尾, 一共八個月, 都儲唔到十萬一個月, 皆因新年洗多左, 哈哈...

現價唔想買貨, 但又未引到我沽貨...離開個市, 玩下其他野把啦~

唔知幾時股東大會, 因今年打算六月尾去上海, 如果就到, 會試下去交通銀行股東大會, 睇下可唔可以同上海大媽爭西餅食!

到時必定要女主人在場, 因為我D 國語只好過古天樂少少....等我好消息~~~!

2015年3月21日 星期六

厄人求死!? 二百萬買部 PLAYSTATION 1

男主人認為讀得書多, 未必最叻, 但避陷阱, 明是非, 可能會快少少。

正所謂咸魚青菜各有喜好,投資如是,玩高達都同此道理!


(圖中最大果隻有38CM高,中間有13CM左右,最細無度過。)

男主人酷愛最大個隻,因為佢大,但活動能力低所以無乜人鐘意,結果出左五隻就無再出了!近期搵番隻AGE-2 出黎砌,買左年幾兩年了,如上圖!

中間大少個隻,2009年貨仔,只係HG,唔係而家街買的RG,活動能力OK。通常買番黎D人又噴又改裝,始終係模型呀!不過就好花心力。佢2009已放左係女主人鋪頭坐陣,唯佢可能唔鐘意,成日跳樓,我只好收留番佢。

最細個隻係ASSAULT KINGDOM,零食物語或精品扭旦店買到。佢細得黎活動能力高,聽聞好多人買,因為可以放係OFFICE台頭,又唔駛砌,人大左,要工作,又邊有我咁有童真去慢慢砌? 

我都有自己喜好,高達0既野,又唔駛人地接受邊款至好0既,享受就可以了。

呢篇唔係講高達!

講多一次,咸魚青菜各有喜好,若果有人教你,塞埋錢入你袋要佢接受你0既方法的話。。。

一係佢自己都比人厄埋;否則就係陷阱;或者係佢入坑想你都入埋!

再睇,近期兩篇勵志文。。。

綜援家庭出身 90後圓機師夢

出身天水圍單親綜援家庭,令兒時凌健聰不敢有夢。直至母親改嫁,有機會轉到國際學校就讀,才知自己最愛飛行,課餘苦修航空知識外,不惜中途棄讀大學,追趕機師夢,終實踐與昔日恩師的約定,二人以拍檔身份,衝上雲霄。
22歲的凌健聰(Clevin)出身於天水圍的基層綜援家庭,當時不敢有夢想。至母親再嫁後家境好轉,13歲時更可到英國進修,之後入讀本地國際學校。他說:「16歲時臨近畢業,開始想自己路向,後來想到航空業。」當同學放學後去消遣,他卻日以繼夜自學航空知識,以及應付公開試。
第一篇我無咩好講。。。如果你要買殘舊細廢樓,請叫你老母改假?真係好勵志喎晴報!真正0既夢想,唔係咁達到0既!

可能有D BLOG 友覺得我講野涼薄,又毫不客氣咁鬧火尿森,市場老千同埋80後求死隊長。

我唔係酸葡萄,更加唔係想嘩眾取竉。只係,佢地有同一個相似地方引人反感。

就係制造羊群心理,
自己落左坑就叫埋人地落坑!

睇埋第二篇!

上車血淚史:港女學慳家 投資物業創未來

當時Icy月入2萬元,決定置業後,便進行大改變,戒掉從前的花錢習慣,「以前每年要去一次旅行,而家3年一次。買嘢前會諗清楚,等季尾、特價先買。生日就去當天免費入場嘅地方,如海洋公園等。」

她在兩年內儲了約30萬,而決定用部分資金與一班朋友以公司名義投資工廈,以呎價約2,700元購入荃灣工廈單位,建築面積1,200呎,涉資334萬。惟政府隨後出招徵收雙倍印花稅,她們見單位3個月後已升值兩成,決定趁早放售,扣稅後Icy個人亦賺約10萬。

同年,Icy付一成首期購入旺角一個289萬元住宅,實呎310呎,成功上車。對Icy來說,「每年多一樣資產」就是人生目標,現亦會繼續向目標進發。2013年底,她夥拍Cola等幾位朋友,小本投資一間工廈單位及兩間賓館;去年,她沒有買任何物業,惟跟朋友夾份開時裝店。她期望,今年能再次買樓,正努力物色筍盤投資。

Icy死慳死抵兩年,一直有Cola同行,因Cola亦希望透過物業投資致富。「喺香港地,要買樓先可以發達或脫貧。當你有一層樓嘅時候,你就諗有無可能變多層樓出嚟?到時就可以一層同屋企人自住,一層收租。」
我建議各位CLICK埋入去睇,開頭先見到都係得啖笑,點知今日比人踢爆。。。(原文

原來兩位小姐既真正身份並唔係報導所指做普通行政文員咁簡單,本報接獲讀者爆料,指呢對上車雙妹嘜係某大教人買樓投資機構的員工 (原報導中,「認識了以買樓致富為目標的同事」,原來個同事係佢地老細, 明晒!),有員工扮買家之嫌囉。
讀者F先生報料,在2014年底(即數月前),於一間標榜專門教授上車技巧的機構上堂時,曾遇見C小姐同I小姐,仲私底下同其中一個傾過計,問佢日日聽咁多上車貼士,自己有無買返層樓呢?個女仔當時答佢無,最神奇係,依家篇出咗街果篇報導係話佢2013已經買左樓。當然,佢可以話買左樓一定要話你知咩? 係既,幾個月前唔想俾人知,幾個月後就話晒俾全世界知,唔係精神有問題,就一係有著數。 就當佢當時真係買左樓,但果篇報導提都無提佢地係教人買樓投資機構既員工,仲要扮晒街外人咁,好明顯就廣告扮新聞,仲可能涉及利益衝突。
好,又當你真係乜都無需要同讀者講,咁我地又係時候睇下篇報導有幾假。C小姐做行政文員可以中午先起身,返半日工一個月可以搵2萬蚊,咁筍既工去邊度搵先? 有網民估佢係做政府工,有人估佢同阿Sa係同行,原來通通都唔係,係"做妹" 至真。加上佢地買樓條數奇奇怪怪, 2萬蚊人工買成300萬既樓,仲要俾一成首期,即係借270萬,咁都過到壓力測試喎 (雖然有屋企人擔保係得既,咁咪又係屋企人囉...)。之後同朋友夾錢買個334萬既工廈單位,佢夾10萬 ,單位升左兩成 ,扣埋雙倍印花稅,佢一個人就賺10萬? 條數點計架? 王梓軒上身咩?!
呢個上車血淚屎系列睇黎陸續有來,大家到時又可以食住花生等睇戲,睇下呢啲教人買樓既「真實故事」有幾真實!
以上篇野唔係我寫,不過我想講0既都比佢講哂了!!

大家明唔明白,點解我成日抽某D BLOGGER呢?如果真係已經財務自由,又邊駛出黎電台開咪?(雖然已被人踢出局)

如果某股票真係咁有價值,你係80蚊買,叫人地140都有買貴無買錯,又有冇問題?

最可笑係,叫你去求死就話幫你求生!真係咁財務自由,就唔係左R右R話自己可以提供顧問服務啦!

你唔好同我講上一輩個D"勵志故事",又話佢收租可以安享晚年!唔通我又搵個8 蚊買匯豐,而家爽到爆0既阿伯出黎咩?又或者講下幾百蚊買金而家萬幾蚊?

此一時不同被一時!!投資講當下!

讀得書多,可格物明德。
死讀書者,咪人講你又信LAW! 

你叫人用二百萬買PLAYSTATION 1?? 真係小心收尾個幾年呀!

我講乜?我想以以下係FB睇到一個小朋友(識佢個陣十四五歲,而家廿幾年青人了。。。)
我就係毒撚,已經過25歲,仲係咪拍拖。
成日係度諗,去到30歲先拍拖只會比人笑。
琴日塔地鐵,連續見到7個學生妹都拖住男朋友,反觀自己中學連拖都未拍過。根本就唔正常。

到你30歲啦,有拖拍啦,咁又點?慢熱被動既你開始慢慢探索女朋友既身體,所有野對於你黎講係第一次,好緊張,但你探索緊既,其實已經被前人開發過。
就好似當人地個個玩緊1手既ps4, Xbox one 既時候,你就走去用左200幾萬買左部2手既ps1, 仲要同人講你買左啦好開心?你話咁樣會唔會比人笑?
好想喊。
哈,阿小朋友真係抵死,可惜佢係黃絲,而我係藍絲。 下面兩句,寫出個班錢又唔多,但又以為自己買中左,滿口歪論認為樓市金槍不倒,好巴閉既得益者如何更涼薄!

仲要同人講你買左啦好開心?
你話咁樣會唔會比人笑?

都係個句,各位0既留言係我寫下去0既動力,近排卦住玩模型,懶左寫BLOG。連今次我自己都覺得COPY文寫得全神過我。。。

2015年3月14日 星期六

2015年三月高息股之選

自問膽小, 股票投資獲利唔多, 只能收下息過下癮.

以下為 aastock 就咁睇番黎0既股息排名. 條件如下

高息股亂咁黎之第一章!

只要恒指成份股


再加個人條件,

1. 頭兩隻唔駛睇, 唔知誠哥攪乜鬼
2. 揀d 市值大0既, 皆因做期權都易成交d
3. 中資銀行股未出業績未知派息, 不能作準
4. H 股要收國內股息稅, 真正到手0既錢會少10%
5. 以人棄我取法則, 跌得多個D 先買.

最大問題, 會否賺息蝕價?

各BLOG 友買0既都唔係LIST 上面, 例如渣打, 領匯等等....非成份股唔會亦唔敢買.

渣打不是成份股但現價買入有5.88%, 而領匯只有3.XX%.

有冇諗過換馬? 真係有! 期待兩者股價0既差價再多D...刻下換馬, 每年股息多十萬...都咪話唔吸引. 不過最怕賺息蝕價!

<港人買日本樓新聞, 賺租蝕匯>, 都咪話唔慘!!

"日圓進一步下挫至七年低位,加劇港人購買日本樓的衝動,但沒人知道日圓匯價何時止跌,有本港商人三年多前買入東京樓,租金收入低及匯率跌,即使樓價微升亦「睇住蝕」兩成。有經營日本樓的地產代理說有客人更見日圓跌,買完一間又一間。"
男主人係乜七都唔識, 只係隨口UP 下, 切記亂跟.

小弟家庭現金流一年有兩球, 承受下挫能力算OK, 請先評估自己情況, 切忌盲目亂跟.

貸款精明眼3 之借錢買股

前文

**********************

如借錢買股,其實有好多方法。各有好壞,如果用數冚數方式得宜,其實可以慳息。
(今日又退休預演,去左SSP買相片打印機比老婆,希望佢用多D,個人開心D!)

信用卡借?如果撞到低息就真係可以好低。仲有,因為息口一早定左,基本唔會有咩給動,還唔到?咪變卡數。如果有其他方法可以數冚數,呢個係一個好既拖廷方法。

以前有費用全免0既信用卡套現(迎新計劃)就抵, 而家反而低息環境就無左呢樣野, 真奇怪.

今日想講係兩種借法,都係用股票。

1。股票抵押借貸
例如中銀而家做緊5厘,大額,5m, 都無價講
中信做緊4厘多d, 遇到早期promote 有半年2.98。之後變番四厘幾!
其他銀行,好多都唔做,獅子做六,七厘

以上都係唔駛還本,每月計息。孖展比兩間唔同,最高七成, 中銀好似得六成。

例如, 如果你想買十手匯豐, 而家係65 蚊, 即十手要26萬. 你只要出 78000, 問行借182000 就得.

計一計數, 如不還本, 年息4厘, 每年利息支出要7300, 兩年總利息支出要14600, 留意, 呢個係唔駛還本的!

如你四厘覺得貴,下文可以skip.

2。股票分期

某兩証券行,耀才同一通都提供股票分期,存入實貨或現金三成,就可以借埋剩番果七成。留意, 佢係變種孖展, 要還本的

兩間行都用供樓黎比喻,其實過度安全化左,因為還款期唔係三十年,係一兩年!只係佢都依據息隨本減方法去計0者!只能夠話佢似大額0既信用卡分期!

例如, 如果你想買十手匯豐, 而家係65 蚊, 即十手要26萬. 你只要出 78000, 問行借182000 就得.

計一計數, 如分兩年還, 年息3.88, 兩年總利息支出要7500, 留意, 呢個係要還本的.

息口由2.88 至3.98. 不過要加多1%貨款金額為手續費,同埋係要還本,同埋有限期的,最長都係分兩年。

一通個邊有個好處,就係可以做埋 covered call. 變相可抵消利息開支。

以今日牌價,HKB只要做2016 年三月75 蚊CALL 十張,就可以抵消利息,另額外加股息!

係咪好似好正?梗係唔係啦!如佢再由65跌,你不如遲D買!(廢話)

仲有,如跌到得番兩成按金, 係要補錢的。呢個有點複雜,如簡單計買入第一個月乜錢都未還,咁跌到56.875 就要補錢。但當你按月還錢,就越黎越安全。等我搵日去問下先,因為按股同現金好似唔太一樣。

留意,借錢容易還錢未必。遇到跌市,資不抵債的話,銀行同証券行有唔同寬容度,呢個梗係自己問清楚啦,係咪?

講多一次,借錢要睇自己能力,不是越多越好。此文只係想比無乜經驗0既人了解下。實際情況每人唔同,例如我同時用哂兩個PLAN 去頂,唔通我講哂出黎?

以上只係我投資喜好,請千萬留意風險。

網上SEARCH斬倉,發現此文。。。


"食過屎才知飯香!這是168某師兄說的,幾年來叫幾個最親的親戚買金,只有一兩個聽,且份量很少,這輪股市下跌,他們又是損失慘重,其實這已不是第一次,過去幾年,他們輸了一次又一次,還是死心不悉,我亦愛莫能助,眼白白看著他們輸錢。反而自已所寫的blog鼓勵了一些素未謀面的人投資黃金獲利,有時想起,真是百感交雜!"
當時金價真係好高,成班愛金人士賬面獲利,另一面笑期權加按金結果D玩權人爆哂煲。2011年8月,股票期權災難日,我都SUFFER唔見左60萬。

如圖,2011年8月金價係歷史高位,我估無人肯獲利啦。



今日,金價得番千二蚊左右,大家高追金高位加倉個D應該笑唔出了。細注梗係OK!訓身就真係坐哂艇又無息。。。

我唔係想掉頭笑佢地,只係我想講,投資說話唔好講得咁盡,無人估到大跌市之時邊個無著褲0既。

睇下討論區個班細價收租佬0既言論,是否歷史常常在重演。

話說,我年輕時都以為我每月權金多過人地份糧。。。而家大個左,諗番就得淡笑!

2015年3月13日 星期五

未夠貨的話, 你想升定跌?

睇左幾日跌市, 應該係六七連跌....今日一野反彈.

尤其中資銀行股, D 報紙佬又話有利好消息, 利好都唔係一朝一夕0既事呀!

點解內地要放寬? 梗係知道前途麻麻先會咁...大家又當係好消息? 其實如果利潤唔會係短期見到, 咁股價上升都係大預期黎0既0者.

此刻現金唔夠股票市值十分之一, 簡單之講其實我都幾重倉架.

暫時現金為68 萬左右, 新年洗大左...哈.

(圖為GUNDAM SEED DESTINY 0既曉, 佢特點係唔怕光束攻擊, 不過打機佢條HP 特別少...)


交通銀行月底會公怖業績, 無論咩消息都好, 都救唔到內銀今年只得單位數盈利增長, 如佢唔穿6 蚊, 我點都要忍下手, 因為預計佢派 RMB 0.27 (上年2013 年度派0.26), 要跌穿6 蚊先有5 厘息, 先開始吸引.

同樣, 股價要跌先引到一眾人士, 包括我在內, 去用界王拳!

哈....係咪好耐無人講呢個TERM? 其實即係借錢買野0者...

例如可以按股值七成, 咁你10 蚊野, 可以借7 蚊, 變相HOLD 左17 蚊資產.

如股價唔吸引, 繼續等...股息今年得四十幾萬左右.

如6 月前到心水價位, 股息會有六十幾萬.

係未夠貨0既情況, 我梗係想佢跌....

D 人想佢升, 再按番出去買野, 只因買完會升...非套息效應. (但係佢地又會話係有息差現金流, 相比個人洗費, 其實九牛一毛!)

即使內銀買完狂升, 其實一日你唔賣貨, 一日個LOAN SIZE 都係咁大...要還有排還的.

好多人鐘意GOGOGO! 因為佢地點儲都唔會夠貨, 只要升, 係佢眼中就有錢入袋, 其實口中0既半退休, 咪又係要做, 唔做都係會餓死架...

半退休, 講出黎真係想引人發笑咩!?

見BLOG友飛鳥兄出左手, 小注其實都OK.

我計過, 直到我鋪頭租約完, 我應該可儲現金(正常生活, 唔係個D 捱面包方法) 約323 萬至350 萬. 越遲入貨, 或者佢跌得越遲, 我0既利息開支越少.

如果佢一升升到阿媽唔認得? 咁我其實係重倉0既.

人生就係充滿等待, 我亦期待有一日, 我同老婆可以放手工作一個月, 去一次唔Q PLAN 0既旅行...(男主人鐘意番大陸, 不要笑我CHEAP...)

2015年3月11日 星期三

小朋友利是錢 (2015)

先補LINK, <小朋友利是錢 2014>

咁耐無寫BLOG (都係一個星期多D 0者), 皆因兩個星期前買左幾盒高達模型, 點知上星期病左幾日, 好番之後就砌砌砌, 結果就無寫到.

砌左D 乜? 哈哈....

(砌左 FAMILY BEARGGUY , 個女同老婆睇完卡通話要買....)

見有新BLOG 友一次過追番舊文, 都幾開心架!

今年兩個小朋友利是錢共9000. 全數買入匯豐! 結果呢? 就係蝕到HI HI!


今年買左132 股, 計埋上年個D, 平均價仲係77.305, 真係蝕足半年利是錢. 不過當然唔理佢啦...18 年後, 如TOTAL LOST, 就由佢.

不過小學開始, 每次派息可能每人都有二百蚊一季可以買玩具! 除非佢減派, 否則呢個PLAN 都OK 0既! 賺息蝕價....阿Q 精神! 暫時一路以股代息, 又同佢鬥長命~

講完, 話說我買模型, 其中一盒買錯左....本來想買電鍍金0既百式!! 點知買左呢個....


女主人話, 佢可以幫我噴金色...哈哈....結果噴完, 砌埋. 都幾靚呀!


之後, 女主人又買我細細粒卡碧尼....不過實在有D 貴!!!


頭先張 FAMILY BEARGGUY, 條女係咪好靚?


最後一張, 我至愛0既 ZETA GUNDAM COATING EDITION! 不過呢, 呢盒係舊模型黎, 1998 年, 二十周年版本 (而家三十幾周年了). 入面好多件都老老地, 不過電鍍色砌出黎都幾靚0既!


未加EFFECT, 原本係咁0既!



黎緊, 都係打機, 砌模型! 股市? 未入射程, 只能夠放埋一邊唔理. 樓市? 哈哈...真係人急我唔急, 似乎今年股息繼續跑贏租金!

Related Posts Plugin for WordPress, Blogger...