小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年4月7日 星期二

零售之我見!日本集運買高達模型

今次呢篇純資訊!!

今日剛砌完。。。

真係谷九氣,係全球一體化,資訊咁流通情況之下,仲有人覺得大陸買野一定係假!

寫篇文,方便同好者了解了解。日本代運模型,淘寶模型,YAHOO拍賣BID模型,鋪頭買模型,我都試過!

香港買高達模型,最大好處係無進口稅,同埋種類多,再加有大量水貨存在(有人帶貨來港賣)

加埋好多男人買左無時間砌,唔少私人轉讓!(我都話錢多無用,時間先係最奢侈!)

A:小弟會去以下模型店

1。福利,類少量多,價有時平。真係細細過就去,不過唔一定係平!不要死忠。
2。69,貴,多舊模,睇下就算啦。
3。精品,類少量多,都係睇下,時款個D先會買
4。英明,有舊模,類多,不過貴,同埋個男人太黑面。
5。玩具好時光,工廈店,平!
(地址自己SEAERCH 或留言)

簡單D講,我好少去模型鋪買,真係唔知有幾多係幫人交鋪租。

買完95,先知有間賣8X!哈!反正都係一條路行哂,幾蚊買串魚旦食都好丫!(買番黎比老婆用黎練習噴油!)


B:上YAHOO BIDDING 睇,主要睇舊模,偶然有好野,價錢幾乎一定比鋪買平!不過交收就煩少少,但都現在為止都可以接受。


YAHOO BID 的!! 2004 年會場限定!

呢隻都係, 1999 年舊模! 電鍍版!

STAR BUILD STRIKE透明版,又係YAHOO 拍賣!



C:去淘寶!所有平野,包括格納庫,水口鉗,沙紙,底座!模型呢,好多時因為有進口稅,都貴過香港。但有部份如果香港都無,淘寶可以一試!(尤其係D雜卒角色,我估D人就放上大陸賣,仲好平好平!)唔同賣家,咪用淘寶集運!

假野?你估開個新膠模唔駛錢?你估佢厄你十個八個人可以回本嗎?再者已經有天天高高呢類國產牌子,佢如果高質假野,倒不如自建品牌啦!香港人醒下啦,咪咁ON9。

再者,肯定部份淘寶店都係香港人開。你唔識賺人仔唔代表其他人唔識!!

後面個格納庫咪係淘寶, 反正都係自己上色。左邊個隻銀色部份係女主人噴的!


D:日本訂番黎(AMAZON.CO.JP 用日本代運!)

講清楚先,我只用過AMAZON JP,真係要格價,未必平過香港,不過如果平真係可以好平,尤其係限定EXPO版!
但係呢,佢地唔SHIP模型,咁可以點?利用日本集運!我用過BUYIPEE,如果係模型,佢地用體積計,你預正常一盒預番150運費加20手續費!當然你多幾盒叫佢REPACK 先上機,可以慳左D。
買D香港太貴/無,淘寶都無,絕對可以一試!

(連運費一共三千蚊,右邊係十幾年前限定,D盒KEEP得好新!左邊三盒香港同淘寶都無!!)

已砌左兩隻!


唔明就留言啦,我都係個句,全球資訊咁流通之下,無理由仲要留港消費比鋪租下話!?零售業應該轉下經營方式啦~!

(我老婆買手袋都上正牌網店買,同一個袋,係海港城買貴左兩成以上!當教識自由行來港,網店買完SHIP去酒店取貨,尖沙咀個堆名店真係只能做DISPLAY ROOM!)

14 則留言:

  1. 真真假假,難以摸清也。

    好似塘人每星期去Walmart買餸同埋啲好簡單嘅家庭用具,好多人就會嫌Walmart 賣大陸嘢多而完全地唔會去;唔通連生菜蘋果都係Made In China 嗎? 人就係咁鐘意一竹竿打沈一船人。

    不過電器的話真係唔會係Walmart處買,因為真係會比較易壞。

    回覆刪除
    回覆
    1. 淘寶電器,小型ok. 好多四五年未壞。最緊要做齊功課

      刪除
  2. 我最鐘意幫襯淘寶,近視眼鏡都响淘寶配,香港攪你成千蚊既向淘寶70蚊有哂近視散光,連隱形眼鏡都係搵淘寶。

    回覆刪除
  3. 師兄你都砌得好快,我砌一隻加埋上油都要成個星期..........

    回覆刪除
    回覆
    1. 素組畫線,其實好快。
      會否去舊生會聚餐?
      知唔知形式係點? 到會定一圍圍咁坐?

      刪除
  4. 運費真係好貴,我仲諗緊大批入貨,我又唔識代理好難搞

    回覆刪除
    回覆
    1. 你好。如果諗住運日本水貨謀利,已大把人早廿年開始做,除非你獨家,否則難搵食。買下心頭好就ok 既。

      刪除
    2. 我見你話運費加手續費大概每盒170,如果大概既話大概140為翻一盒....者係我最起碼要入賣出攢250以上要100盒以上先有得攢翻機票來回同酒店....唉,想搵多條水路都唔得,因為最近不停諗緊呢樣野

      刪除
    3. 但其實你係咪用飛機運翻黎?因為我想用船運....慳翻d同埋你係日本用咩野公司運?thx

      刪除
    4. 模型不要想,你未計買左死貨。
      除非你專帶限定版,又或者某d 行貨貴既超合金,不過已有模型店做緊。
      我用 buyipee. 今期ezone 有教人用集運。

      刪除
    5. 但其實你係咪用飛機運翻黎?因為我想用船運....慳翻d同埋你係日本用咩野公司運?thx

      刪除

各位每個留言,係我繼續9UP動力,必覆。

Related Posts Plugin for WordPress, Blogger...