小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年6月27日 星期六

銀行奇怪OD PLAN

近來兩事,頗費時。



1。原先係女主人鋪頭噴油,點知比人投訴。明明自己地方,真係有冇攪錯,算。。。我忍!結果,研究係男主人鋪頭噴!唯有唔用噴鑵改噴槍,又因為係室內,DIY個抽油箱!(預計下下星期才完成,物料已淘寶攪掂)


2。下星期會去上海玩幾日,今次係我決定,即係我PLAN行程。

講番正題,有日我去問毎新理財經理(以銀行黎講算靚靚地),個股票OD PLAN有冇得再平D,佢同我講要用得大額先有,因為現在我零負債無用到個OD。

佢就順道推介我做以下PLAN:

本金100萬(買左中人壽的保險PLAN,其實係投資PLAN!)

五年單利率3.58%,即共17.9%回報,不過要等五年到期先能取

咁梗係一D都唔吸引啦。不過原來可以OD錢出黎用。

本金七成可以OD,例如可以拎番70萬出黎,年息2%。(一千萬以上可以1.9%),平過按息。

如借盡又月月還息ONLY,五年一共70000蚊息

本金五年生息約179000

即係五年有100000蚊,因只含30萬本金,複合年利率為6%!

其實又唔係咁差,不過要冒加息風險,因為貸息係浮動,紅利係固定的。

左思右想,最後都係唔做啦!如做個一千萬PLAN,要等五年先收得番,同埋要放300萬,得番700萬買野又唔係好想。

細細地100萬可以試0既,個理財經理就係見我成日入CASH,個個月十幾萬佢先至叫我JOIN。

呢個唔係咩新PLAN,FACEBOOK PAGE 有人都比人SELL 過,同埋我GOOGLE一下都見有一個人講。

兩個小朋友就快生日,期待細佬快D長大,可以同我溝通,唔好咁扭計啦!個女呢排玩下面D 公仔,叫MAGICLIP,似乎只有水貨,ELSA ANNA應斷左市!



生日禮物?去美國AMAZON訂多幾隻MAGICLIP,細佬咪送雙層巴士比佢!佢係車都鐘意的!

下期預告

<我的澳牛生意 2>
<加租加人工加價,邊樣勁D?>

2015年6月23日 星期二

我深信的人生遊戲

呢堆圖實在太有意思,其他文章全部押後再發!

申延閱讀

可能好多新讀者,想了解一下我工作可以睇下面。

小弟投資成績認真麻麻,不過讀書工作做小生意,一切皆自發自願。

常常叫各年青人要走一條不同的路,表面平坦的路未必一定是好,別人成功的路,時移世易之下更加可能係陷阱!

講左咁多篇文,講到口水都乾,點知比我搵到呢堆圖!!







(諗清楚自己真係鐘意D乜,想過D咩0既人生吧)



(跟著舊路,不如自己走自己0既路)




(小心股場樓市金市等老千,佢地未必真係想害你,不過搵多D人認同自己同時又壯下膽0者)








最後講下,朋友成日問我/女主人開唔開多間分店,我地唔會。原因?夠洗夠玩就可以,人生在世,錢搵唔哂,太多反而係煩惱。

最後一幅圖講出我所想,我亦希望自己能做到。

2015年6月21日 星期日

男人都想做一個嘉美尤

話說,嘉美尤係 gundam z 入面男主角。劇情不詳講。

套野已經三十年,我96年個陣睇TVB

快速檢視佢一生,由右至左睇。。。



我相信,如果有得揀,大部份男人都想做一個嘉美尤。

如果可以好似佢咁,其實都唔錯。

一開始,佢已經係唔知幾多次機動戰士模擬戰冠軍,呢d 天才,唔係人人都有。至少個件80後求死收租仔就唔方讀書叻得去邊,講得衰D,基因問題。

主角老豆老母都係科學家,高官,雖然一早劇情需要死左。

之後,又比佢符6 做到主力機師。要知道,除非你係老闆,否則一間公司無左一個員工唔會死。存在感,每人都想有,男人更甚。讀書唔得,職場又一般,咪買樓做下業主威威,否則存在感。。。哈!

再之後,仲要溝過兩三條(強化人)女。話說新類型人會互相吸引之外,仲會引埋強化人。

又叻又撈得掂仲有女食,呢d 唔係世界仔係乜?

講到呢度,實比人話佢花心,兜轉無好結果,其實會否係葡萄心態?

一定係等價交換? Why not both, why not all?一定要捱先成功?為左讀書一定要放棄識女仔咩?財務自由一定要死慳死抵咩?

最後一戰,同擊敗終極boss 後,嘉美尤被psycho attack,變得精神虛弱,一直呆呆滯滯。

報應? 非也,佢青梅竹馬女朋友花園麗,肯繼續不離不棄照顧同陪伴佢。

能有一個咁不離不棄既另一半,是否人生大贏家先?! 不過,首先你要有一個女朋友。。。

即使走到最後變得痴痴呆呆,佢人生每一段都係WINNER都非常精彩!

與其做二三線角色老死,不如做個嘉美尤!

以下係我0既偽奧干!(紅色買錯左,本應買力奇載瓦斯)重有為嘉美尤捨命0既重高達!



各位朋友,過埋星期六日又要番工,如果你未夠三十,有冇諗過創業,又或者轉做一D你好鐘意做0既工作?人生匆匆,好多野唔早D試,老左會後悔。如果你好想去旅行,GO AHEAD,樓唔會走,大把機會買的。

哈哈,唔好葡萄我,我開始放大假了!

下集預告,<銀行的奇怪OD PLAN>....事緣我走左去搵我新0既理財經理,靚女一名,重介紹左佢D本來一D都唔吸引0既PLAN比我...

再下集預告,<男主人鋪頭延長租約>,又講下我工作啦。

****

小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年6月18日 星期四

心態決定境界4

呢個系列可能係寫得最多。

<心態決定境界>

<心態決定境界 2>

<心能決定境界3 - 論創業>


好開心! 淘寶左個攝影盒! 所有模型突然生雞變鳳凰!!! 開心SHARE!




****

其實只係小事一單,但能投射係好多香港六七十後入面。

話說男主人係七十後,但其實爭幾個月已係八十後了,眼見大我十至十幾年個班,係佢地黃金年代,最搵到錢個陣遇著1997 經濟危機。

兩三年間,資產下跌。

緊接裁員,通縮。

眨下眼,多年艱苦經營化為烏有


有人睇唔開,一了百了;有人捱過了,而家有番咁上下資產。

現在,出街食飯動輒要投訴,好多都係呢班中年。投訴目標咪係要人無左份工。傻豬黎既,如果佢去創業,可能有另一番天地。

話年輕人唔捱得唔肯捱個班,咪又係佢地。因當年佢地只能選擇捱,現今年青人物質及資訊上富裕咁多,佢地絕對有權利選擇生活。

難道大家唔抵得佢地年青? 相反果班阿嬋已經青春不再,當年光陰只在讀書工作搵錢。。。

以前去旅行機票貴,大家可能三十年人坐得三兩次飛機;但卻笑年青人年年去日本,真係懷疑佢地係咪入左桃花園不問世事。

就好似我阿媽(七十幾了)咁,仲覺得幾十蚊食個飯好貴。。。

呢十年同女主人睇二手樓盤無幾次,好多女戶主都係呢個年紀,特徵相同:

西口西面,呀,黑口黑面。

瘦,無肉

皮膚唔得,更什者黑媽媽

其實係街見到個班講英文唔掂但都要同小朋友講英文個d 師奶一樣,不過加埋當街鬧仔。

試過agent 認錯佢係工人,拿,真係幾似!

我成日口衰同女主人講,乜果個阿媽定係工人黎?

等價交換,當你以為捱出一片天,其實你青春已不再。

人生在世,樓,錢,股,有用嗎?


但若有夢想,以上三者皆可棄。

此文靈感來源,係男主人搭lift 個陣聽到兩公婆對話,話某親戚月月清,搵一皮洗足一皮,”呢d 算是什麼生活態度”

我望一望佢個樣,嘩屌,人乾咁樣,一條柴版既葉劉但肯定只係四十幾。
佢老公無語。。。

心態決定境界,以前D人做打工仔,為改善生活得好而光榮;結果眼光只限於此。相反,我應為現在年青人,即使同我政見不同,個 PLASTICITY 依然好高,有無限可能。

******

以下是文章預告,應該兩日內會出。

男人都想做個嘉美尤
<貸款精明眼4 - 銀行古怪OD產品>

小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年6月8日 星期一

千萬股票期權 轉倉小記 6/2015

上星期有一日交銀A漲停版,已經急急轉左部份倉位。

當時現價8.1,而行使價係8.5,未算價內。但佢來勢兇兇,真係似仲有得升喎。

而另一建行倉,即月到期,為左收埋D息,轉去下月博一博。

上星期轉

平七月SC@BCM@8。5 100手;
再開七月SC@BCM@9。5 37手

如是者,以一比三比例轉倉!其實無著數,只係睇下佢係咪真係可以癲到上9。5!

另外,平即月SC@XCC@7。5 200 手;
再開七月SC@XCC@7。5 200手
無錢搵,睇下有冇股息收到啦。

*****

今日A交銀又漲停!即刻又轉埋個倉佢。

動作同上面一樣。
現倉如下:


若七月份全被行使,所得現金將試試放到十厘計劃中。
個市係痴線,不過仲未係牛三,只係多左大陸資金玩玩0者。

圖為GP04, 油到出哂界。。。噴鑵 + 油性marker + 油漆筆 + 室外大塵位 + 跌左額頭粒件。




2015年6月6日 星期六

如何儲一百萬?好多錢?

約左朋友,記錯時間,唯有在尖東站寫blog。呢d 時候應該搵個地方飲野都唔易。


成日見報紙講點點點儲錢買樓上車,其實細價上車盤都係有限數,一百萬,ok? 以下係講下究竟身家突然多一球, 算唔算容易! 唔係講你賣哂所有資產有幾多個百萬, 亦唔係講你廿年後可以有幾多資產, 講而家, OK?

成日D 人講儲錢上車,不如將佢定為如何儲一球。

又睇下各有地產版既forum, 人人都會好大口氣話一球買唔到d 乜。其實我想反問,你要幾耐先有一球現金流? 資產不代表淨資產,未套現又未算落袋。我成日同老婆講笑,而家係街跌左一球,真係執都廢事,都買唔到D乜~!(哈哈)

講番正題

一個家庭,當你兩公婆共六皮收入,儲番一半。即儲3萬一個月拿,我一向唔讚成做苦行僧死儲錢,更加對個D教人點慳0既POST好反感(我本身節儉,即使我慳到平十蚊高達都格下價。)。要知道,好多投資都係時機先決。你死慳死抵係2006月供匯豐,而家會變成點?

月儲三萬,即係呢,一球要儲33 個月,即差唔多三年

人生有幾多個三年? 同樣,若有一球負債,一樣要咁多年先還清。如果樓價係四百萬,即係要百幾個月先還完,仲未計息,點能夠講一百萬唔係錢?

收租幾時先收夠一球呢? 早買個d 我有親身例子,14x 萬入,現四球,賬面升唔少。

當時月供三千幾,計埋管理費差餉地租,要花五六千。現單位租13k 左右。

每月現金流六千,真係流到天荒地老先有一球。一共要165 個月!

當然未計未來租金升幅,不過我又無計之前租得6,7千個d 日子喎。

你有十層,都要16 個月先有一球。我小小生意,都要儲十個月呢。

對我呢d 可以真係PLAN緊退休0既人黎講,十個月都覺得好耐。

對於個D開口埋口講一百萬好少錢,又話自己唔憂做可以打風流工但現金流其實好低個D,或許佢地人小自卑,想兇下其他人以顯示自己好有(資產及負債)。

相同道理,踢爆左佢地錢其實唔多,又會話佢有個朋友(好前輩個隻)已經唔駛做又點點點。。。喂!乜咁似D中學生鬥威威0既?自己唔掂就話你有個朋友點點點。。。

所以,大家唔好咁大口氣啊。

自住由三百萬升到六百萬,賣樓都係要還番個兩球幾貸款架。

係以前七成按先可以出租情況之下,三間三百萬,都要一球。咁呢一球現金又係唔係咁少錢呢?用加按方法,呢三間樓就會有一間平,一間貴,一間更貴,回報又不一樣了吧?

你睇下話得自己真退休0既,都係老野,一早買入你咪同佢ON9。

遲加入,好似80後求死果類,咪又講果3匹布。

A:100萬唔係錢
B:我有個前輩點點點
C:而家好多人好有錢,月入XXX(但係得佢咁L低收入喎!)

(係公司砌左個骨架!FB會無聊更新生活趣事,按此LIKE我FB PAGE 會成為我繼續亂UP動力!)

2015年6月1日 星期一

又再開倉,就似當年牛二

先黎一通排名,跌左一位,大家股票升得快過我。



是日又升, 做左權倉, 權金又多左!

都係個句,越升越沽,我有足夠實貨比佢。

是日沽左CALL,100張BCM

權金11000,有HKEX期權紀錄為証!


現在順風做倉,就好似當年剛玩期權咁,果陣重係牛二。我記得每年權金都十幾萬,不過逆市向下,多年利潤就幾乎無哂,好彩計埋股息,都仲叫做OK。

後尾蟹左一大輪之後,上年先見守得雲開,可見買入時機重要性。同樣,股票遺未必宜死硬派長HOLD,尤其食息一族,要等一年先有股息,機會成本實在不少。

新文章又同步fb 作news feed。


Related Posts Plugin for WordPress, Blogger...