小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年9月30日 星期三

經濟轉差了 (二) 租客免佣

唔覺唔覺,又有第二集。

今日股市又跌七百幾,不過好多人都未出手,又期指結算日,可以今個月做低D,下個月大茶飯成本又低D。

其實今日一跌已經進入射程,不過又再等一會吧。現金水平已達140萬。

女主人生意,最後埋單有糧出。相比上月,收入少左六倍!(或者咁講,以前太好搵。)我同佢講,即使而家執笠,都乜都賺哂,錢搵唔哂,無謂執著。(其實佢比我更唔執著)

男主人生意一樣好好,我估唔到一月,都睇唔到有咩變化。高端市場黎講,係必需品。一黎呢班人受經濟影響較少,二黎D貨應該最後CUT BUDGET 先CUT 到佢!每年呢個時候,生意都係最好!

不停睇到樓價下調新聞,不過調左都係貴。貴平在於打工仔正常咁儲錢買唔買得起!男主人一向唔贊成苦行僧式儲錢,正如當初如果死儲爛儲買匯豐,今日睇番,可以買一個DOUBLE!

要班收租仔死,一定唔可以急跌。

就好似渣打咁,大家以為有息派,早陣子仲升過下,而家慢慢跌,無人止蝕,因為已蝕。當SSD同租約綁死後,個個都唔識驚唔會急於沽貨。到無人租或租金不能COVER而資產值大幅下降個陣,回頭已太遲。

真係唔知收租點收番跌幅。

如果老屎忽一早買落梗係無事,最慘係個D加按80後。。。

租務市場一日唔死,大家都無事。放心。


今日經太子至旺角一段彌敦道見到。。。地鋪出事大家都知,一不過原來已經去到呢個地步!以前一鋪難求,而家?

不過住人0既物業,始終係必需,同埋打工仔對經濟感後知後覺,未會咁快見到。煮蛙,要用溫水。

男主人住緊個度,租金一路無升過。附近舊多廿年(仲大過我)0既樓,細少少,叫價都係少兩千?太多人想法不切實際。

有錢0既,可以慢慢租慢慢等。無乜錢0既,你認為佢地仲未上車?咁真正自住購買力仲有幾多?投資者?哈哈哈。。。當資產價格預期唔會再升0既時候,現有收租回報率低到得2厘,你估聰明錢會唔會留係度!?

咪聽d老屎忽叫你買磚頭你就跟!人地幾錢入你幾錢入?

老千8x買匯豐,140仲同你講係平!而家?哈哈哈。。。

細細聲話你知,如果我仲持有當時第一間物業,而家應該有十厘回報(未扣開支),如果我仲持有,我一定賣左佢就算,因為升左一倍幾!要收十年租先收到番黎,殺雞取卵係傻仔?呢d叫割禾青!

賣左佢即使買過第二d野吧啦!

補祝各位,中秋節快樂!

又到哂高達時間,今次又玩改色!金色魔蟹!
GOLD CUSTOM Z’GOK



術數朋友寄語:"解蟲得金"

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年9月23日 星期三

淘寶 買高達 模型 紀錄


此BLOG 以投資心態、紀錄財務自由生活及鼓勵年青人創業為主,模型為次次次要。

為免各位MISS左上一篇文,可CLICK下LINK

經濟轉差了 (一) 模型半年結

今次跌市 我無蟹到
1 用邊間? 間間都用,佢賣得平信用又好,咪揀佢

(呢兩盒,平價但難搵,淘寶唔駛行送上門。香港有鋪夠膽死賣170!淘寶6X!)

2 運費係咪貴 ,你一次過運多幾盒就唔貴

三盒大野又舊,常見人炒,又話少有。其實香港鋪頭買可能平廿蚊,炒價貴好多。一次過帶哂三盒,不如淘寶送上門。

3 邊類高達適合淘寶? 舊模型。香港班仆街太貪心,因資訊唔流通,租金貴,代理屈鋪食死貨。舊得黎又少個d 可能行好遠都搵唔到,結果有人貪心炒高。

內地老番龍桃子曉!其實番得靚都OK!人仔13X!


4 怕假野嗎? 怕,不過做個膠模成本高。留意如果內地已有果隻既翻版,咁就唔好買。大部份都唔會係假。

5 運送會爛盒? 我砌模不是收藏盒。未遇過爛,只遇過凹。

6 怕缺件嗎? 去模型鋪買有班仆街都未必會補番比你

7 無得check? 其實我一向唔check,你點知佢有幾多塊呢? 即場睇說明書數? 我求其算。香港又好淘寶又好,未試過。

香港YAHOO BID,13XX有11盒,一定平過鋪買!

香港最適合買四圍都有0既新模型!唔係去鋪,係去YAHOO!!去鋪買比人賺租?NO WAY。。。

香港限定,當然係香港買,傻的嗎?

零售消費模式正在改變! 只要大家精明, 鋪租就炒唔起!

有咩唔可以淘寶? 大型電器, 傢俬呢D 要售後0既, 我一定唔會淘! 

歡迎留言吹水交流,下次講下點淘油漆及食物落黎!

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年9月22日 星期二

經濟轉差了 (一) 模型半年結



預計今天呢篇文, 不會是第一篇.

正所謂, 衰開有條路, 只要確認跌勢, 沒有最衰只有更衰~!

今個月已過左廿日, 老婆生意認真一般! 我估計如之後十日無生意, 只能BREAK EVEN.

連佢平時嫌多野做個位同事(佢係計佣, 都話唔想咁多單...可想而知以前幾好生意), 佢都驚今個月唔到數, 出唔到佣.

阿同事個老公, 唔知係咪燈神, 好似話出黎創業.

失業率高, 市道唔好, 先係最好創業時機, 因為機會成本低, 而家在市頂先出黎創業, 祝佢好運....

星期五六日出街食飯, 無乜人等位...

當然, 報紙個D 九UP 樓市新聞有時真係得淡笑....

如果人人怕無錢, 就唔會捨得洗錢, 仲敢唔敢大手用槓桿投資? 今日低位, 可能係明日高位.

如果一年後樣樣野都跌, 咁而家乜都唔好買, 保留現金最好! 係咪?

衰到貼地的話, 呢D 現金可以當生活費!



仲諗住谷大個借貸用黎買D 三厘回報0既野? 你估唔駛還? 再跌落去可能變左供死會.

我相信, 呢篇文有第二集. 小弟非末日博士, 只係眼見消費意欲開始變左.

試諗下, 正常一個搵三四萬0既人, 要幾耐先有一百萬? 如果前景看不清, 大家HOLD CASH, 邊有人買股買樓買金?

股都仲可以守下, 反正好多蟹民.

樓, 唔想平賣, 結果平租出去, 受租約綁死下, 慢跌最難受.

同股票一樣, 慢慢又番番成本價....過眼雲煙.

到男主人生意都受影響個陣, 應該衰左一半了. 今個月, 都係穩袋十幾萬.

現金水平近140萬, 女主人估計180萬. 家庭資產唔計樓, 繼續過千萬.

若我估錯, 繼續升市, 其實對我更有利, 不過眼前景象, 想樂觀都唔得.

人人都慳, 你估會點?

兩個星期無出文, 都係因為砌高達....

由2015 年2月6日到今日9月19日,七個半月。

原來一共砌左44隻。


三隻水貼地獄 ver ka 新安州,nu gundam,沙煞比
9隻 rg 全有上色。。。唔靚
天人四隻隊友
電鍍版age 123
電鍍版gp 010203,仲有普通04
東方不敗神高HG電鍍版
Zeta 系一共五人,買錯dias。。。加多隻zeta pg.
G self 大愛,咁都四隻。perfect pack 淘寶運送中。

中年男難得有閒暇,寶貴過財富。
成品同合金,其實一隻撈已可全買,珍惜砌模日子,亦感謝老婆萬般忍讓。

謝謝。
我會繼續砌落去。



再一次感謝女主人萬般忍讓

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年9月8日 星期二

今次跌市 我無蟹到

之前想寫個兩篇, 苦無靈感鋪排, 亦無時間, 暫時擱置.

(女主人兩隻動物, 第一隻馬, 第二隻老虎, 第三隻柴犬, 已經跟左番女主人鋪頭了!!)


見近期唔少BLOGGER 蒲頭話蟹左, 我又想講, 今次我好忍得手無買.

唯一做錯左0既, 係無係交銀八蚊個陣沽出.

以防各位以為我蟹左潛水, 我又講下近況....

而家. 差唔多還原基本步, 去番買入價, 只能說, 收左兩次股息加埋九十萬.

所我都話, 機會時時有, 唔駛急於一時半刻而出手.

股市個CYCLE 比樓市短, 好處係唔夠貨可以買. 樓市你只會一間比一間貴, 最後一個浪就...

好多人都有一注彈藥係手, 究竟幾時出手? 機會時時有....

離下年派息仲有大半年, 真係買左要等等等. 換個諗法, 只要係半年內買入, 佢橫行就不用急.

穿二萬點只係A MATTER OF TIME. 今次 SELF-FULLFILLING PROPHECY 又會出現! 若觸發其他衍生工具拆倉平倉轉倉, 可能係入市良機.

借貸買股的朋友, 留意要有足夠現金補孖展, 亦要有壯士斷臂的準備.

現階段我唔敢買, 主要原因係, 我心中燈神買左貨!!! 避之則吉好了....反正, 升番我都有份嬴, 不用急住輸.

呢期忙乜? 咪又係模型. 小朋友開學了....女主人扭親....

總之, 股市放埋一邊先.

最後送上失敗之作, 關二哥高達!!


其實, 佢係GP01, 但係用左嫣紅突擊 (ROUGE STRIKE) 高達配色....



各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年9月3日 星期四

燈神女主人動向 開市買入

首先,各位估下女主人以下手作仔係乜動物,文末開估。


星期一,輝立射倉完成

今朝早一早收到輝立證券 agent 話我知,股票已射到證券行。

一共千多手。用佢個app 又真係幾方便,可惜先天缺陷係佣貴,只能說平過銀行少少。

目標係二千手交銀或建行,或二十萬股匯控,視乎情況換馬或調整。

借貸比例未定,最低限度係能力內兩年還得哂,最安全係女主人一出手就接近還哂。

燈神女主人動向,佢而家朝朝睇股收市問我有冇入貨,大家認真要睇路。佢朝朝開市前set 低五十個價位入建行,當然入唔到。

曾幾何時,大家都係新手個陣,都做過同樣傻事。
記唔記得最後會點? 就係會忍唔住係未到價位之下入貨。哈哈。

報下價,九月二日收市
交行 5.33
建行 5.26

差價再一度收窄,總算無換錯。點解會換馬? 我撞彩架咋,睇股息回報之餘,未升市之前建貴過交,跌番個陣除非交行真係特別突出之外,否則飛得高跌得低。

現等待的,除左價0岩(其實已經到左射程內,隨時買得),仲爭一種市場情緒。

若明天以後大升,咁我咪唔買hold cash。兩年後三四球現金在手,咪再睇下,唔同樓價,股票週期短波動大,機會時時有。

樓? 報紙話減價你信嗎? 到連租務成交跌租金跌,就應該可以確定了。過往暑假都升,今年持平,自己了解。

下回預告
10A 港姐,無敵是最寂寞,過來人帶你睇睇
從火鍋先生一事看垃圾人

最後,女主人個隻,其實係柴犬! Facebook 有人一開始就估中了,勁。

拿,我就話,點睇都係狐狸仔。

最後,送上真高達無雙場境,正呀。




Related Posts Plugin for WordPress, Blogger...