小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年10月14日 星期三

而家個市,做唔做short put?

好耐無寫blog. 股市又升番少少。

女主人唔駛做燈神。佢持有十萬蚊建行,買入價5.4 左右,現價5.7 左右。。。

佢話 :"如果5.1 果陣有買就好"


命運高達!RG DESTINY GUNDAM!
究竟這是命運,還是目的地!?
(其他相在文末)

機會其實時時有,如現在再抽上,其實。抽上果位無乜肉食,因為散戶要回氣,咁短期要建立或者厄番信心唔易。

我諗過開個short put 倉,十二月。

女主人話:"如果中間急跌,你被option 綁死左到時無錢買。"

又係喎。

照計咁快爆上無人得益。

本來今年打算去日本旅行,可能又取消,因為女主人想買0既野改左,而我又鐘意番內地。哈哈!

近排都係砌高達,少寫文,亦較少做倉。

現金水平145萬,月底約150萬。女主人估計好快近兩球。

股票連現金,繼續八位數字!我地唔講淨資產,只有個D傻仔收租又欠債先講出黎哂下命。

住屋,從來都唔係問題,FULL PAY無難度;溝女識男仔?從來唔係問題,因為我同女主人都係高質男女。

只有自己騎尼唔吸引,才會以為有樓先有女。。。非常可笑。

大把少男野戰中,真係住屋問題?哈哈哈。。。係你無得玩0者。得閒去銀行打下簿開心下啦。。。

 (貼同未貼膠貼0既分別,可能唔貼好過貼)



各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

16 則留言:

  1. 八位數字剩係收股息都和味過和味龍。加上70後兄風趣幽默,想必都唔洗標榜八位數字就可以溝女,哈哈。

    回覆刪除
    回覆
    1. 股票就未有八位數字。。。不過好快會有卦。只要經濟唔好急仆,要慢慢仆。
      溝女已是很遙遠的事。
      認真,從來唔覺溝女要講錢講樓,只係溝唔到女個D人0既幻想,以為金錢可堆砌自身條件。
      等同D醜女豬扒以為做左D幾皮野療程可以變靚。。。其實靚極都係扒。

      刪除
    2. 認同,找另一半不要因為身外物吸引,金錢不可堆砌成自身條件。

      刪除
    3. 以我的不正式統計...身邊好多無樓朋友都喺呢一兩年結咗婚。

      有樓先結婚,抑或結咗婚想買樓安定落嚟?我覺得後者佔大多數。

      刪除
    4. 我不正式統計,呢幾年經濟極好,原本30,40歲無錢結既有得結。後生個d 又提早結。
      一早透支哂d 家庭購買力了。

      刪除
    5. 我都覺得依家係透支緊未來既購買力,
      好多未洗依家買樓既後生仔女都驚之後買唔到而買左樓,其實正常呢班人應該過幾年先會買,
      依家個樓市都還可以,不過一旦有咁上下跌幅既時候,佢地就因為高位買左縛死晒反而失去失市既好機會。

      刪除
    6. 無錯,同股一樣,太衝動用哂d 彈藥,跌市就無松會。若六七月買股,而家有排坐。
      樓? Cycle 勁長,真係有排坐,坐到番家鄉賬面一定唔會蝕,因為d 錢cheap 哂,咁咪比左錯覺人地覺得磚頭保值。
      再者今時今日香港,仲有得進步嗎

      刪除
    7. 對打工仔嚟講,樓,真係好掙扎。如果必須搵個地方住,出去租樓每年租金開支都好大,要租住樓等樓價調整係咪真係可行?

      刪除
    8. 係咪可行除非有水晶球,不過最仆街個D收租仔害到班後生咁X慘就一定要追究同咀咒~

      刪除
  2. 男主人同隊長互串喎:)

    回覆刪除
    回覆
    1. 我地係最大得益者, 有唔同睇法衝擊下 :)

      刪除
    2. 你今日呢篇同佢新果篇頂到行哂喎... :)

      刪除
    3. 不要對號入座。
      我估好多無乜讀過書,打份中低階0既工,如果先天條件又唔好,但又有少少物業,呢個時候為左自我安慰,想法一樣在所難免。
      偶爾討論區有女(真假難分)問人揀個有錢好定揀個前途學識高男仔好,咪0岩哂果班唔再後生仔0既80後做飛機文啦!

      刪除
    4. 70兄好中point亦很好笑 :D
      有樓並不等於上帝,一般人太誇張,將其過分放大了。

      刪除
    5. 佢地無乜人生目標,同當年戴LV 無分別。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...