2015年2月28日 星期六

樣子對搵工及創業, 重要嗎?


(哈哈! 先POST 小弟劣作!! 近期成日砌成日影!! 背景只係左個個MON...)

塘人兄講開(LINK 按此), D 女要男人有樣定要有錢, 嘩, 真係一石激起千呎浪, 明明聽日要番工開早, 仲要之後約左舊同學 HIGH TEA 都要寫埋先訓!!!! 

也幫舊同學宣傳一下, 

自問男主人一D 都唔靚仔, 以前更加講唔上有錢啦(而家都無乜)...

不過, 一個男仔, 整整齊齊乾淨, 已經OK! 咪住?! 咪又係外表之一! 不過呢D 唔係天生, 係個人習慣黎0既, 係咪?

女仔, 你話靚好定叻好?? 更係靚好啦係咪?! 講心地善良? 咪玩啦, 童話故事咩? 叻0既女又要黎做乜? 做老師, 護士? 要黎幫手供樓呀?

唔好以為有幾層十九細價樓收租可以攪到D 女一地都係水, 有D 人更好笑SPEED DATING 講比人聽有樓收租, 咪一樣食白果.

男仔都一樣! 錢, 無可以再搵
但係樣子, 係跟你一世0既!!!

你見人地有車有樓又溝到女, 你又有樣學樣? 哈哈哈!!! 人地有樣(當然男人要有D 知慧), 係職場或者生意上, 或多或少都有幫助. 咁搵到錢, 更係買車買錶買金練啦!

如果以為買樓收租可以引到女上釣, 其實都幾好笑!

先睇下新聞, <大角咀情侶老人院外野戰>

怕你唔夠喉, GOOGLE PICTURE 左下圖!


拿, 之後又有傻仔話, 香港D 樓有好強剛性需求, 連造愛都無地方!

D 人又開始本末倒置了!!! 應該係....

你無樓唔緊要, 樓, 可以再買
但係樣同個人, 係一世0既!!! 

人地唔介意你無樓都會同你一齊, 同你攪野呀! 你估真係原始動物有個巢就有異性咩!?

你有興趣申延閱讀的話, 好似唔知九巴邊個巴士站又有呢D 事. 其實日日發生緊啦, 你唔係幾層細價但係係屋企打 J 下話....

講完!!

未講完, 仲有女的!! 

女主人樣貌雖唔係真係吳若希咁! (舊文重溫, 哈哈!) 但係都叫做睇得下, 佢以前做打工仔個陣, 見工成功率其實好高!!

佢學歷唔算好高, 但係如果我係老細, 同等條件, 揀過靚0既好過揀過醜架啦下話!!

日日見, 賞心悅目D 唔好咩?

後尾, 佢有一份高薪文職, 日日唔駛點做, 只係做下花瓶, 跟住老細去食好野就得, 偶爾做下翻譯, 出TRIP 去歐洲....

不過, 佢就係覺得"無野學", 同埋白"手豆"人工而唔撈....後尾再搵工都好順利, 但係佢做多一兩份覺得唔鐘意, 就開始左佢0既小茶飯...

樣靚, 係求職上無往而不利喎!!!

咪住, 咁創業呢? 我好肯定, 樣靚有著數...男客人對你又好D, 女客人又會覺得你無咁奸(的確女主人唔係奸商, 寧蝕錢都幫個客又係真0既), 連係街搬重野, 都會有人出手相助 (等我以後次次都匿埋等人出手....)

我講左三次了, 女仔VERSION:

錢, 可以再搵; 書, 可以慢慢讀; 
但係樣, 係跟你一世的!!!

更嚴重0既係, 你0既下一代會繼承你地個樣!!! 咁樣世世代代好(慘)落去....你留番D 收租樓比個仔/女, 可能結局同你一樣, 只係搵一個可以一齊供樓生活0既醜女.

並唔係因為對方有內在美, 
而係係無選擇下, 呢個已經係你最好選擇.

題外話, 政府又再加辣. 個D 收租求死又COPY AND PASTE 講廢話! 其實, 而家買阿婆樓, 值得嗎? 錢唔多0既朋友, 係無選擇之下, 一定要揀咩?

錢, 而家唔多, 未來可以搵好多, 邊個知? 
但係一買左袔婆樓, 連換樓機會都無架喇!

真係越多招, 值博率越高, 果真機會係留比90 後0既, 亦註定好多80 後會無乜運行, 無論樓升定跌, 無論有冇普選...

2015年2月26日 星期四

我的便宜心頭好

明天又係星期五, 又諗下一個人咁FREE 可以做D 乜.

見隔離 BLOG R 兄POST 六位數字0既錶, 自問真係唔捨得買....哈哈.

可能我都仲係好小朋友, 買埋D 野都係好平....例如

買部PS4 打....仲要打佢每個月送個D FREE GAMES! 其實好好玩.

密謀買部 "PS3 改" 黎打! 咁可以單機打好多自己鐘意0既GAME....

狂砌高達, 今年出品真係多!! 黎緊砌埋隻MISS 沙煞比, 下一目標係百式, 拂曉, 同埋金色GOD GUNDAM! 無錯, 就係三隻電金鍍金色!!

仲無聊學人影高達....

(無錯, 我終於買到右手邊個隻FIGURE, 我人生第一條女...FIGURE...)

(呢張, 女主人以為我網絡CAP 圖, 其實都係我用模型影架!!)

其實花0既都係有限錢, 女主人買個袋都係番哂度! (嘩, 同佢去海港城睇, 貴過外國正品網店兩千! 真係搵笨) 連呢D 我地都格價去慳....哈哈.

不過, 其實我0既活動可能先最奢侈, 因為都係花時間0既活動. 而立之年, 時間貴過黃金, 若然可以唔駛咁拼命工作, 都係一種樂事.

大家渴望0既財務自由, 唔多唔少都有呢個成份係入面, 係咪?

又講下股市

近日留意, 成交縮減中, 睇下會否爆邊. 離心中沽貨位太遠, 又離買貨位有一段距離. 繼續留彈藥! 新年開支大, 應該今個月儲唔到咩錢...

預計下次又要紀錄下小朋友利是錢去向(上年文章按此), 究竟係咪繼續買匯豐銀碎股?

2015年2月23日 星期一

外母的投資 -- 佢退休了

舊文重溫
<外母的投資 -- MPF (2012)>


(再次祝大家, 心想事成!)


先講講外母工作, 佢只係一間連鎖店店中既中層, 大約係麥記經理咁上下, 不過人工唔過萬.

佢應該係果度做左廿年未夠, 但點都夠十五年了.

佢係97 年前0既新移民, 無拎過綜援, 由唐樓劏房等到公屋而已. 多年來一直靠自己. 

佢老公即我外父, 是一名唔做野, 但做緊男人最筍0既工作, 就係食軟飯. 聽聞 佢久唔久幫人做下散到唔散0既工作搵零用自己洗. 佢係正宗香港人啦, 咪又係頹下頹下.

佢個兩件, 一件係女主人, 一件係女主人阿哥, 邊個話移民D 仔女一定又係拎綜援? 相反, 好多頹廢本港老坑先食政府. (經典例子重唔係果件"玩輪員"用傷殘津貼買股? 唔知仲有冇人記得佢)

言歸正傳, 外母五十出頭就辭工退休, 並唔係咁簡單.

1. 佢個仔個女(即係個孫), 常常被父母忽略(好心做愛就戴套啦), 現已K2, 開始要人跟功課, 佢阿媽似乎唔多理佢, 佢老豆(即女主人阿哥, 細我兩三年)都係無乜責任感. 講多一次, 記得帶套! 又一個奉子承婚例子~

2. 女主人上年身體差左, 外母想幫輕下佢

3. 得閒過黎幫我地睇下兩個小朋友, 又幫輕下我阿媽同我老婆.

4. 工作上店長講野太多骨(你話, 有錢就唔駛等八號風球, 又唔駛DUP 低頭為五斗米啦~)

當然, 一唔做野, 佢都無現金流維持生活, 結果就係男女主人齊齊加家用, 其實都OK. 外母都打算做PART TIME, 不過我覺得, 世事又邊有咁美好?

如果大家有睇文頂個條LINK, 你會發現, 佢仲有一份每年供五萬蚊的銀行基金計劃(其實我都唔Q知係乜). 咁佢而家點供?? 對我黎講, 都係一個謎!

當初佢會供, 因為我男女主人家用(佢個仔失時夾萬唔係成日比), 佢份人工, 以及台山層樓收租, 三種現金流足流供會有突.

而家無左份工, 點供? 點供? 真係無人知幾時會失業, 又或者男女主人水喉無水, 咁點算?

有時D 野就係咁, 要慢慢供0既野, 
真係咁易比你供完?

我個保險AGENT 有番咁上下年紀, 97 年佢做廠的生意人(佢眼中我的澳牛生意算得係乜?) 佢同我講, 當時幾層樓收租, 不過突然間人人都唔租, 股票又失利, 結果焗住賣樓.

而家出租要五成按, 不過好多係BLOG 上也文也武0既, 都係09 年買, 當年七成按. 姑勿論幾多成按都好, 只要租客唔租, 一樣有資金斷裂問題.

再者而家五成按個D, 本身回報已經唔高, 再要自己出錢供, 唔係蝕錢問題, 係機會成本問題喎.

又要再講多次, 政府出招令新手同年青人上唔到車, 呢個絕對係好事!! 好多ON9 收租BLOG 仲笑政府出錯招! 其實明眼人就知, 而家應該上車? 應該窮兩口子加埋三萬幾蚊收入去供阿婆樓?

好多收租仔揶揄班無錢0既人收入唔高就唔好買樓! 其實更錯, 如兩公婆加埋兩萬幾三萬, 其實係應該有一個合理又合適0既家.  至少個呎數可以有小朋友先, 如果而家入市, 之後樓換樓, 其實一樣換唔到.

我以前覺得, 我都算收入OK, 基本上可以同樓價鬥長命(股息由追到樓價, 而家到追過樓價了...), 而家呢個情況, 基本上係可以人人同佢(樓價)鬥長命! 供應會減少? 經濟會一路好? (睇下澳門) 自由行一路只會增加? 最大誘因係90 後已陸續浦頭, 呢個計時炸彈又點會唔理?

仲有, 要人做苦行憎儲錢買樓個D 更白痴, 我都好慳, 但係想要買0既野, 無理由為左層阿婆樓而忍手! 你當年窮慳買樓係你0既事, 而家樓貴你叫人窮慳, 真係因住收尾個幾年, 同埋小心無仔生....

講咁多野, 我都係想講,  三頭火車現金流, 如果靠槓桿做出黎, 好易變三頭龍反咬自己.

今年已經少左人洗錢, 你感覺到嗎? 開始有人發現紙上富貴非真富貴, 一樣要比錢生活, 一樣要比利息0既! 又睇下誰一可以笑到最後, 又有邊D 人無著底褲落水, 又有邊D 人跟本無落過水但係不停叫人落水求死?

2015年2月20日 星期五

新年比人問搵幾多?

先了解BLOG 主男主人多一點, 以下可作申延閱讀

"而家做緊咩工?搵幾多錢?"

認真,男主人性格絕不好惹,從來無乜人敢問過呢個問題。
問得0既, 一係傻0既, 一係初相識, 一係就係長輩。

當然,d 人問黎都係想比較下。

重申一次,男主人工作乃一片藍海,唔係一般正常小生意經營方式,不過亦都唔係咩特別野,只要講出黎,對方就會好似自己好識咁同你溝通,重問好多低B(至少我眼中係)0既問題。

結果,我阿媽比人問既機會遠遠大過我。d 婆仔,師奶最鐘意就比較呀。細個比成績,大個咪比錢/前途。而家可能比下有幾多層未供完0既收租樓,可惜我想臨老有過好結果,從不奪別人生活需求以自肥。

或者我阿媽都唔係好知我做乜,又或者怕講出黎失禮人啦,所以咁多年D街坊好似都唔知我係做乜,見兩老成日去飲茶又唔會唔夠錢洗,都估到景況不會太差吧。

男主人工作就如執紙皮,外行人看似僅夠糊口。(我亦發現討論區中紅海個班真係可能搵得唔算多,但總好過一般打工仔0既)

問得我0既長輩,好多都係內地的親屬,佢地上面都有呢D野,不過都係想像唔到係點。通常同佢地無乜兩句,最多都係問間鋪係邊,又或者搵唔搵到錢。

"OK啦,搵兩餐"就係我0既官方答案。我估除左我老婆我阿媽同我阿婆(已不在),我都唔會講實際數字出黎。

如果係朋友,真係朋友個D,我唔介意話佢知0既。我唔怕佢眼紅或中傷我,因為佢地都知道呢份執紙皮工作係要個人有特質,模仿唔到的。否則,行家又點可以做到咁串玩趕客?

無錯,紅海唔止我一個去到,有唔少老前輩廿年前已開始做。否則,我又點會話似澳牛茶記呢?

八、九年前我曾經講過我收入比我表妹聽,點知好快就出事,傳到其他人口中了。當然,最後都無人敢開口向我求証,更加無人問我借錢。(我阿媽係我仲係小學雞0既年代,不停比人問借錢,借左到而家都未還,亦為佢四兄弟姐妹不和種下禍根。)

自從女主人0既小生意開始左,變成左我0既煙幕,大不了講佢份生意出黎,明白做乜0既人又多,仲以為好好搵!(男主人其實搵得更多,不過每次比人問長問短真係好煩。)

過多幾年唔Q駛做,再比人問,點答?哈哈哈!

熟0既,話佢知收息過活(強調不是收租)
唔熟0既,話佢知我食老婆軟飯。(佢暫時都仲好鐘意自己盤生意。)




各位留言係我繼續9UP落去0既動力!
在此祝各位新年進步,
夠貨0既就升,
未夠貨0既跌番幾次大把機會入!

2015年2月17日 星期二

等待論: 股市鱷魚 樓市水魚

圖為今日砌好0既蝶影卡碧尼, 買唔到駕駛員, 買佢架機...係咪影得好靚?

男主人鐘意高達, 正常第二女主角都會錯手比男主角殺死....

  • 難得GUNDAM BUILD FIGHTER 只係模型打交, 唔駛死0既.
  • 亦一如以往, 駕駛卡碧尼0既, 都無好下場....
  • 例如因家族榮譽要同初戀情人決一生死
  • 例如被人操控....
  • 再被人複製又要操控...
  • 直到呢一集, 依然係比人操控. 最開心0既係, 佢終於可以同佢心愛0既人番番自己0既世界生活!

講番股市, 拿, 講明先, 我乜七都唔識架, 輸左唔好賴我, 大家現金流不一樣, 請慎重控制注碼!!!

A H 股差價又細左啦, 當兩者再接近D 0既時候, 你估會點?  A 股又彈番上去? 定係雙雙皆跌? 有人話, 大戶一定要上水食糊, 食完再潛水0既.

我又唔係大戶, 只能一年出兩次手, 亦只能認為大部份人都蟹左, 又無乜人敢買, 先會去出手. 若然無呢D 機會? 唔緊要, 仲有下年同下下年! 越遲出手, 我現金越多, 咁樣利息只會更少.

放諸一切皆正確, 樓會否繼續升? 90 後就黎長大了, 如繼續升, 會成為另一計時炸彈. 供應無上升到咩? 等得0既不妨再等, 樓價未必跌, 不過現金是王道, 唔買樓可買股, 唔買股, 買港府債券唔得咩?

手上持股呢, 睇住佢每跌一D, 我要動用去買股0既資金又慳多D. 而家真係想佢跌多過想佢升! 無錯, 我係未夠貨.

睇唔睇到,如果你想買一樣資產, 又未買夠, 你想佢跌定升?

梗係想佢跌啦, 你想佢升, 一係就你已經無能力再買, 已用盡注碼; 一係就你想TUM 傻仔同你一齊買一齊死; 再唔係, 你係傻0既!!

任何人, 都想吸到夠佢先升架MA, 又點會好似求死隊長咁叫人買細價收租? 個價係不停升, 但係升得黎, 佢自己都買唔到喎! 定係佢只係得兩層又想一齊吹大D 吹大D?

股市, 一年可能有三兩次上水機會, 貪心D 其實可以獲利再賣股還借貸部份, 讓錢回巢. 當然, 我無乜資格咁講, 因為實際操作經驗唔多. 大家聽下好喇...

又再講下, 有D 股票, 每年都係派息前跌一輪, 唔知今年仲會唔會係咁呢? 還是專心工作吧.

樓呢, 可以咁睇...

如果終極BUDGET 係400 萬, 而家留40 萬首期就夠了(雜費自己計)
如果終極BUDGET 係600 萬, 而家留180 萬首期就夠了(雜費自己計)

有呢舊錢, 進可攻退可守, 何必咁早搶D 阿婆樓?

女主人去美孚睇醫生, 講我知美孚其實好殘舊, 賣到呢個價錢, 你覺得你0既人生住太古城, 美孚, 好美滿? 唔係下話....

搶左阿婆0既, 有幾多結左婚先買? 有幾多買左先結婚? 因結婚而買樓0既購買力有冇被透支? 同樣, 如收租回報稍再下降又會點?

若然你同男主人一樣, 係可以選擇唔買股/樓0既, 又係等得0既, 何必急於一時半刻?

2015年2月14日 星期六

尋找蘇眉的故事

BLOG 文預告
17/2 等待論: 股市鱷魚 樓市水魚
19/2 新年比人問搵幾多

女主人真係由得我癲...哈哈. 我買完都覺得我好毒....


二手的 GUNDAM 波子機...我估香港絕無僅有! 打算放係鋪做裝飾, 就好讓我黎緊兩年幾工作開心一下吧.

近40 KG....女主人真係力大無窮. 佢搬多過我搬!! 抵比佢玩先0既~~~

話說, 男主人條命都算係咁, 暫時到呢一刻都順風順水.

工作? 當年搵唔到工好正常, 打份垃圾工又好正常, 無錢都好正常喎! 我仲後生...而家諗番, 好彩我無做打工仔咋.

事業? 同我同科畢業0既, 搵到錢個D, 全部唔係做番相關工作. 專業人士都係WORKER, NOT PLANNER. 技術隨時可被替代的.

感情? 我只能說, 每次都係塞翁失馬.

相比R 兄, 我估我受0既挫折少好多, 人生中無試過爽歪歪地絕地反彈, 只能說, 一切就同選擇一樣, 一如預計之中. 因為我最鐘意行人地唔行個D 路, 逆著風走, 望番後面D 人, 原來順風更慢.

話說, 當年初戀情人, 住居屋, 都唔係有錢, 或者我唔做番本行, 好似無乜出息. 走左, 其實我都唔係好有感覺. 反而覺得, 走左都好丫...大家價值觀實在不同, 讀個科一定要做果行?

第二任女朋友, 對我特別的好, 只係當時我讀番書, 有機會轉去另一穩定行業工作(我可選兩個功能組別...) 站係人生交叉點之中, 知道佢想要穩定生活, 但係我自己好肯定想繼續走小路. 只能分開不要浪費時間...

我曾經懷疑過自己, 條路走到一半, 掉頭又唔係, 再行唔知會點. 當然, 反正當初自己一無所有, 走到一半已好過唔少人(2004)! 自己一個人, 只需向自己交待呀!

所以, 當你地話有女主人支持個陣, 我無否定, 但係自己一個人, 會作更多嘗試.

之後劇情省略啦, 因為事業開始似樣, 感情亦都"有得揀" (其實一向有得揀, 男主人死剩把口).

無奈未有任何一個, 可以消除自己"一個人"0既感覺, 因為由細到大我都一個人決定自己0既事(家人又會好放心比我決定喎!?) 期間亦有女仔追下我0既, 不過我超唔鐘意打算搵個好碼頭0既女, 當時相同年0既人係搵到錢, 但我已開始單人財務自由之路...

(你有樓1234 收租? 呢D 女應該好鐘意你, 帶定樓契去見佢啦! 咩話? 未FULL PAY 仲係銀行KEEP 住? OH NO!)

直到遇到女主人, 樣好就唔在講 (話哂佢個髮型似吳若希, 哈哈!!!), 最有趣0既係, 佢會同我癲...至少, 佢存在以後, 每當工作上我想放棄之時, 我會試下撞多幾次, 最後又撞到出路喎!

最緊要係, 
當自己知道唔係一個人0既時候, 
就更加唔無有怕.

同樣地, 當佢想攪點小生意個陣, 我都同佢講, "最多蝕租, 我比番你."

估唔到, 三個月就回哂本了.

有BLOG 友以為男主人靠女主人科水先頂得到D 期權倉虧損; 同樣地, 現實生活D 朋友又會以為女主人靠男主人強大資金撐主.

其實個個都錯了....

男主人工作全靠IQ, 以及個種自信自負0既性格...女主人最大幫忙係鼓勵左我幾年前同拍檔拆伙, 收入再提升....

女主人工作全靠佢EQ, 以及佢對人好人對佢好0既態度. 仲有佢個樣生得比較林善, 個個都唔想蝦佢....哈哈! (早排佢入院, 個醫生以為佢妹妹仔無錢, 想收佢平D...). 男主人幫到佢0既, 就只係電腦上可以幫下手...

所以, 我地其實只係各有各做. 互不干預才有如此美妙效果!

真正令我地可以走埋一齊0既, 其實係一種蘇眉 (SOULMATE) 0既味道. 你比我再搵, 我估都搵唔番一個女人令我可以放心同佢乜都講.

自從我個"PROJECT" 加埋女主人入去之後, 我覺得複雜左好多, 因為同時要滿足兩個人一D 都唔容易, 我依然在尋找中.

或者, 呢個就係我想快D 停手上工作0既原因, 再一路老落去, 大家享受日子0既時光越短了...


早陣子女主人又入廠檢查, 結果又係無乜事. 希望真係無乜事啦....要檢查0既都檢查過了.

2015年2月13日 星期五

舊生會選舉, 多舊魚. (加BLOG 文預告)

BLOG 文預告
14/2 情人節: 尋找蘇眉的故事
17/2 等待論: 股市鱷魚 樓市水魚
19/2 新年比人問搵幾多

話說, 舊生會一向無人理, 我呢D 老野, 一定無人通知. 邊個係聯絡人? 有既, 不過大家事忙已唔會去攪. 攪都係佢地圍內小圈子.

又話說, 無人會理0既選主席, 竟然有老鬼係FACEBOOK 叫人番學校投票....

講到危急存忙咁樣樣, 我八卦問下一位師兄, 原來係, 校長想自己親信做主席.

喂, 有咩問題???

我都略知一二, 自從校長幾年前到任, 勵精圖治(又可解讀為好大喜功), 攪到人人都好忙, 當然, 舊制0既老師實吃不消! 結果, 呢幾年慢慢有老師辭職, 加上樓市暢旺, 經濟好好, 大把人索性唔做啦. 半年前, 阿副校長走黎打探我澳牛生意佢有冇得做TIM....今年佢已辭職.

所謂一朝天子一朝臣, 係咪人人受害? 非也, 過往埋頭苦幹個D, 咪上左位LAW! 我都幾鐘意而家個校長, 雖未傾過計, 但係改變一間頹校0既最好方法就係洗血!

至少, 而家學校網頁比我資訊更多更清晰! 週年紀念典禮有得睇YOUTUBE LIVE STREAM, 仲想點?

個班舊生呢, 好日唔關心下學校, 其實呢D 唔係一日發生0既事. 而家真係週街黃屍 (利申, 我係無錢收0既五毛, 非理性品種), 以為推倒眼中暴君可以改變? 實際上誰是暴君, 誰人攪事, 或未知曉. 至少我唔會鐘意上一任果位乜都唔做0既校長. (哈哈...不是影射, 咁0岩同貪曾一樣)

其實如果班舊生想學校變好, 點解唔出一分力? 拿, 捐錢就得!! 仲可以指定捐去邊個AREA, 唔怕人亂用! 我相信大家都三十幾, 總有人有點經濟能力吧?

至少, 校隊練波, 請教練要學生比錢, 好正常! 音樂都係咁啦, 你睇唔過眼可以夾錢架喎! 到時請邊個你可能有SAY 都未定. 究竟係咪真係咁關心母校呢?

獎學金呢, 個銀碼唔多, 我每年拎獎學金都係五舊水(當年買三盒普通高達模型都無左! 或者食到20 餐午飯學生餐), 最大個份都係會考三千, 唔係學校比的....

雞水咁多, 大家都唔捨得出, 反而咁踴躍去投票, 其實佢地連果位主席有咩用都唔知....唉.

九年前, 我都諗過捐DATA LOGGER 比學校, 一問之下要買埋NOTEBOOK, 一部幾皮野, 傻的嗎? 而家唔駛捐, 因政府每年津貼已夠每年買一部, 累積之下已有好多部了.

情況講完, 其實教我CHEM 個位阿SIR 幾年前叫過我去幫手講下野(男主人強項, 對一大班人講野的話, 有壓倒性洗腦能力), 我都想架, 不過因為工作唔得閒.

相信未來退休預演計劃中, 我會試下.

我亦都開始叫女主人發掘下當佢半退下之時, 自己想做D 乜. 唔駛三分鐘內答我0既, 慢慢諗就會知道自己想點. 我只有諗到, 同佢放低一切去一次無PLAN 旅行, 懷念一下以前.

今晚難得同佢二人世界, 其實, 靜靜地傾下計我已OK! 情人節又到了...又係諗到頭爆都唔知送乜0既時候....

佢生左兩個都仲面尖尖, 似唔似吳若希? 哈~~~~


我自己? 我相信"概念可以救蒼生"

當然, 而家得閒砌下高達, 寫下BLOG 我都覺得好好玩. 事情可以一步一步做, 就會慢慢知道自己想要D 乜.

<各位0既留言同訂閱, 就係小弟寫下去0既動力!>

2015年2月10日 星期二

靠老婆達到財務自由?

(老婆入院身體檢查,網誌又脫期了。抱歉。)
見有留言提到,如果唔係我老婆,我d 期權及正股已瓜左。

其實。,有好多事實又唔駛講出口,例如無佢泵水,我會更早平倉,會無咁泥足深陷。蝕少三分之二。

新買兩個模型。Try Burning Gundam


同樣地,如自己仲係單身,已好似某些blog 友咁單身慳慳地自由。我應該唔洗慳tim.

乜d 人娶老婆係為錢? 為左佢可以同你一齊涯去供阿婆樓? 娶老婆梗係娶個靚架啦,錢? 唔係下話? 你有樓1234但無女? I am so sorry. 乜兩者有關係咩? 錢可以搵過,樓可以買,但樣子同質素,係一世的。你明嗎?

現實認識我兩公婆既人,包括我外母,都以為女主人搵得多過我。咁又好正常,d 人以為執紙皮搵得幾多? 我估好多時我搵到佢一倍以上。

(女主人應該都搵得多過一般公司做管理層以上既)
真正可以靠老婆自由既,我識得一個,而家真係生活得樂也悠悠。當然,老婆依然要做既,可能係所有男人既終極願望。

刻下如果我由得我老婆做,我都可以樂也悠悠。不過我目標係兩公婆一齊to be free .

仲要努力努力。

後記: 小弟不是富人,亦不是成功人士,只是香港默默耕耘既一個人。故非常睇少個d 淨資產又唔夠我多,負債一堆但靠吸一般市民血去還個d 收租初哥。

(當佢地恥笑緊政府辣招令人更難上車,其實目的就係叫佢地唔好上車住啊傻仔。)

佢地大大聲講富人會點點點,其實佢地根本唔富,可能亦未接觸過真正富人。

呢d 井底細價樓收租仔,窮得只淨下報應,只能祝佢地臨尾長命百歲但百病纏身。

2015年2月6日 星期五

我可以唔撈嗎 8

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
*****

星期六比客激親, 實屬少有.

連帶病埋, 今日星期一已經出哂病徵, 好彩唔覺今次流感有燒, 只係頭痛同鼻水, 咁呢D 打我唔低0既.


去到我呢D 年紀 (3X), 呢D 經濟環境(唔係有錢, 只係慳儉), 無理由要忍受呢D 委屈! 再者, 個生意係我自己, 100% 自主權喎!

昨日即發最後通牒, 趕客! (上年度只發過一次, 今次四連發...)

我估, 今時今日, 我0既澳牛炒旦枝術已經係呢個小小藍海生意群入面, 所向披靡. 市場上應該搵唔到代替品, 更睇到隔離藍海有客走黎問(乜真係咁罕有?)...

我同隔離藍海D客講, 要排都排唔到, 因為後面條隊多到我租個多鋪番黎做都得. 咁講唔係想串佢, 只係唔想大家無謂糾纏, 亦唔想佢地有憧憬, 以前有人一等五年都無貨比佢...勁唔好意思.

逐客令一出, 嚇到佢地即時WHATSAPP 轟炸我(求情), 當然, 最後都無逐客.

我只係講野串, 但對佢地, "凡事留一線", 會好好多. (我舊拍檔呢樣野就做得好差, 以為自己可以獨步市場, 最後比人報復更多....

每次比人激再加埋病, 我就變成溫室小花, 想唔Q 做.

(我想買呢隻"雅娜", 比女主人話我毒...佢係蝶影卡碧尼駕駛員啊)



如果我而家唔做, 得唔得呢?

以淨資產回報計算, 股息40 萬, 已經可以COVER 父母, 住屋同小朋友. 自己? 靠老婆, 生活何其寫意? 哈哈....

其實我爭幾千, 當夠一萬, 現金流, 已經可以唔做UN UN 腳.

以股息6% 計, 即係要多 200萬資產
以股息5% 計, 即係要多 240萬資產
以股息4% 計, 即係要多 300萬資產

240 萬, 兩年時間無難度, 現持有現金60 萬, 正以每月十萬八萬增長中. 仲要係唔駛受老闆氣0既工作. 我承認, 我係溫室小花, 唔想承受任何挫拆同委屈, 咁又點?

正因為係咁, 我先利更想避開打工生涯, 用我長處去做小生意, 更夠膽去做其他普通人唔敢做0既野. 

溫室小花想繼續做小花, 乜人生一定要承受風吹雨打0既咩? 係唔係睇得TVB 太多? 

道理正同, "如果樣靚, 性格港女又如何?" 一樣有好多男人溝佢...最緊要識揀.

希望你第日都港女得起啦...



不過, 你睇過 <我的財富累積大道(上集) 及 我的財富累積大道(下集)> 的話, 都知道如只持有股票的話, 跌市時候係可以得番原來一半. 如果無借貸之下, 跌一半最多係勒緊褲頭捱下就得.

2015年2月3日 星期二

我的財富累積大道(下)

上集重溫
我的財富累積大道(上)
*****

2011 年八月, 我個囡出世唔夠一星期, 發生左股票期權災難日! 今次唔係賬面蝕了, 因為期權按金唔夠, 要女主人科水(一共科左幾十萬...嘩, 乜女主人一年多D就搵到咁多!), 最後心理上都頂唔住, 賣左部份股票(剛派的紅股)套現! 而家睇番, 唔賣都過到關!

(個囡半歲)


無記錯, 果陣(2011)都係六七八萬左右, 無乜增長因為我真係好懶...當時已經有朋友搵緊三四五萬, 追到上黎了! 經濟開始好, 自由行效應完全發揮! 物業升值亦令人對未來有憧憬, 去消費. 簡單d 講, 股跌樓還升!

2010 近六百萬資產, 到2011 跌到得番三百萬資產, 當時仲要欠銀行二百幾萬....同時入面仲有部份錢係女主人架喎!
2011 年年尾, 屋漏偏逢連夜雨, 我同拍檔出現問題, 要被迫一個月搬走另起爐灶! 幸得女主人幫手, 佢EQ 高同時亦明白其實我一早應該另起爐灶, D 錢無理由要分比個拍檔, 舊錢用黎請個助理都有找...(請個美女坐大比都夠啦!)

(鋪頭的魚缸!圖中係大學時代砌0既魔蟹,十幾年後拎番出黎)

2012 一月, 一開業已經衝過十萬純利! 之後一路還債(其實係借左錢買股票, 當係分期供股都得0既!) 同時, 拆伙後我好好彩, 因好快我個拍檔因做人太串, 被客人暗算報復, 一路官司纏身...否則可能我都會受牽連!!

就係咁, 2012-2013年中, 都係還錢,女主人又再PUMP 四十萬入黎! 後尾又還番D 比佢, 而家欠佢130萬. 呢一刻都未還, 要還就比D 超過130萬0既野比佢把啦!!

係乜? 哈...就係一D 我地好有實力去等佢跌0既野, 唔跌的話, 全港九成人一齊SUFFER....(你買野成本你估無鋪租係入面? 哈....鋪租貴, 我又要消費, 我生意又加價, 你諗住收租? 收埋唔夠加價加幅呀傻豬仔! 你"半"退休打算唔食野唔行街?)

2013-2014年間,估計有D月份衝過二十萬純利!真係做到天昏地暗!

還清銀行, 又買下股, 2013 已經無負債下有五百幾個...留意, 股市依然低迷...

2014 出過兩次手, 令手上股票更多, 欠銀行百幾個, 同年賣出獲利, 變成無負債! 當年收股息46萬.

(RG ZETA GUNDAM!我至愛之一)


2015 一月份, 因股市暴走, 淨資產曾經升過一千萬! 其實, 暴走都唔係升好多, 因為實在呢幾年都好殘價....如果真係好似2007 咁, 增值程度難以想像!

2015-2016 目標係儲番2 百萬, 收兩年息共一百萬.

打咁多字, 為乜!?

1. 等各位知道, 唔同人資金流不一樣, 承受風險能力不一樣. 人地可以越跌越買, 你未必得. 同樣, 人地80 買HSBC 仲話止賺不止蝕, 你130 狗衝去買? 哈哈...例如又有人每次期權災難都爆煲,邊有人一開始跌就向下溝貨!

2. 玩得股, 上上落落總難免....睇下我D 上落, 雖然唔算大銀碼, 以此為鑑亦可. 由...

  • 2005十萬
  • 2007一百萬
  • 2009五十萬
  • 2010五百萬 (有負債)
  • 2011二百幾萬 (有負債)
  • 2013五百萬AGAIN
  • 2014年底一千萬
  • 2015二月又變番八百五十萬!
(STEP ON GIANT SHOULDER! JUMBO GUNDAM 同腳下小型卡碧尼都係女主人買的!)



3. 老人家記性唔好, 第時睇番當REFERENCE。我堅怕老人痴呆。。。

4. 見唔見成日有負債? 因為我有一個(股票價值X0.63) 既 OVERDRAFT 戶口! 唔駛資產審查入息審查乜都唔駛, 兩老婆都係白紙一張無樓宇信貸在身!你高位接貨打算等更高位??收得個市價3,4厘租又唔捨得賣?我真係坐係度等你十年都打得低你喎。。。真係跌你夠唔夠現金呀?要借你又過唔過到金管局要求? 哈哈。。。

5. 女主人, 原來我地已經相識八年了。由未識你個陣我一路都獨軍作戰,即使有女朋友,我都依然覺得係自己一個。難得你咁明白我,又令我覺得我再唔係得自己一個, 時間過去令我地一齊成長了,希望同你往後既日子可以更加寫意,更加特別。



最後寄語,人生路係自己0既,放開一D世俗人0既目光,走一條自己鐘意0既路,一定好過走一條表面安全0既路。


以一首老歌代意,呢首係男主人中學音樂比賽參賽歌曲,哈哈。。。


不相信命運就是天意
平坦的不一定是好!

2015年2月1日 星期日

我的財富累積大道(上)

哈哈, 我估BLOG 友之中, 最無秘密係我了!

除左我0既小生意唔講得之外, 基本上都無乜起唔起低.

近日開始埋首放部廣告機係我鋪頭, 但係用黎宣傳女主人鋪頭, 我終極目標係食軟飯, 唔知得唔得呢?

見止凡兄比人質問資金來源, 我又覺得, 加按層樓都係財技丫, 唔怕講喎!! 好過按完出黎繼續買個D 濕九細價樓收租丫, 至少唔會影響其他有需要住屋企市民先.

解開財富之路, 同時亦會透露自己資金來源

我記得, 我入U 個陣, 都有一萬幾千儲蓄0既, 不過係大學三年間同埋畢業又失業個一輪洗哂了...

<當年大學 LOCKER GH0286>


畢業之後(2001), 失業一輪, 做左半年野左右, 月光族....得個九千蚊, 比五千家用, 自己洗四千,仲要拍拖, 邊夠?

半年後(2002)去左打埋D 無謂工, 大約就好似賣翻版碟D 道友咁, 若遇上查牌, 就要出黎"頂罪", 只能夠算係搵唔到工做住先. 最記得間野貴為上市公司, 成日遲成個月至出糧, 農曆年得番50 蚊, 要捱4 蚊兩個包, 好少好10 蚊食個飯盒.

不過, 以打工黎講, 呢份野最開心有傾有講無壓力! 新年可以過萬, 以科網爆破期間計算係咁. 呢份野, 一早知道2002 年三月後會無得做, 已提早搵定工...

再之後, 我好好命去左呢D 藍海公司度打工...已有一萬, 當時可能因為失戀 (就係果個水手服名女校女生), 無咩好做咪搵下錢....

結果去左好多唔同0既紅海都做PART TIME....雖然只係一般公司, 因為我有特殊長處, 幾乎只要去IN 佢就必請...

做左一年幾, 我估平均每月都近二萬, 已經好過當年同期畢業同學了...因為藍海生意關係, 其後沙士對我無影響, 無失業...呢份亦都係我呢世人打得最耐0既工! 之後既日子已不再是打工仔了.

再之後番左去讀書(2004), 結果辭左工(我就係咁癲)! 日頭讀書期間, 放學番去朋友度打工搵錢(自僱再分錢), 當時佢個OFFICE 做唔掂, 我加入幫佢頂下租, 又指導下我朋友點做呢行...朋友? 其實係上兩份工賣翻版個陣識0既!

讀完書, 我去左做"我的志願"(2005-2006)! 整整一年! 呢D 機會可一不可再, 我覺得我命水最好就係自己想做0既工作, 係我畢業頭幾年就做到, 亦做過了....

同時, 係2005 年, 我儲到自己第一個十萬...真係靠儲! 如果你果陣已咁勁買樓1 樓2 收租, 我恭喜你! 無計, 果陣我仲好細...以搵錢計, 我已經完敗我所有專業人士同學, 如你同我同年, 你真係叻仔喎! (如你大過我...哈哈...)

2006, 玩過就算, 放棄"我的志願", 番番去賣老翻拍檔度做, 做大佢...咁0岩適逢政府政策改變, 連我拍檔都搵多左錢(一向我搵得多過佢, 雖然佢係OWNER...)

全職澳牛事業就係果陣開始, 不過我其實好HEA 做...如無記錯, 2006 果陣開頭大約三萬蚊一個月, 時多時少...

由十萬至一百萬, 用左幾多時間?

2007 年, 年頭識到女主人, 無幾耐就夠一百萬了. (同年的, 2007 年你有幾多資產?) 點解咁快? 因為搵錢多左, 而我由2005 年開始就買下股票, 短炒獲少利就走...雖然無搵過咩大錢, 我估有一兩成收入係股票帶黎0既...




2007 年中, 走去買樓! (2009 賣左, 因太殘唔想住, 如果而家先賣, 賬面獲利二百幾個...哈哈, 不過之後0既事邊個估到?) 聽我D 同學講, 我似乎係第一個做三成按又唔駛屋企幫手的...

2007 年真多事, 年中, 比晴朗的一天出發訪問(可惜搵唔番錄音), 我亦無聽過內容係乜....只係我中學老師同我講聽到我把聲, 佢又知道我0既澳牛生意.

2007 年, 大約月入五六萬(我記得我係個訪問度講過)! 呢個數, 我估而家好多同年0既都未做到. 所以我幾不屑身邊朋友而家搵多幾個錢就講本土主義, 對任何事剪梯落石, 又或串D 後生仔唔上進0既人, 其實佢地以前都係咁! 講搵到錢0既感覺, 我早過佢地好多...何必自覺高人一等?

2009年三月, 匯控跌到33, 我身家都急跌, 期權CALL 按金, 戶幾乎唔夠錢. 淨資產得番五十幾萬左右! 哈哈!





當然好快就回氣, 好彩捱得過! 同時亦賣左樓改轉租樓.

2009 年年尾, 女主人係我0既鼓勵之下, 終於開始佢0既小生意. 唔駛三個月回本, 同時亦肯定唔駛買番樓, 因為殘0既唔想買, 新0既不如租! (資產上升速度驚人) 當然, 如果當日炒埋一份 (咪鬼收租咁ON9), 身家真係翻多幾翻. 網上哂命以為財務半自由個班收租初哥, 包括阿隊長, 都應該係係呢一刻重注, 因為2003 佢未出毛, 2007 身無分文...

2010 至2011 年, 我D 心機都係花係佢鋪頭, 我0既工作其實好穩定每月有七八萬咁上下...

2011 年, 我們結婚了!






之後, 係佢大住個肚期間, 不停比媒體訪問, 結果上親鏡都成個包咁...哈哈!!



同年五月, 我發燒發左一個月, 出院後更做錯投資決定(女主人有份出錢, 不過蝕就等我食啦!)

再之後, 就係惡夢0既開始....

TO BE CONTINUE...(悶死未?)

我的財富累積大道(下)
Related Posts Plugin for WordPress, Blogger...