2015年4月27日 星期一

一年戰線,股票與高達

近期都係高達狂熱中。

上次講到,好多男人因為砌唔切而私讓高達。

同樣,好多人鐘意買現成唔駛切個d, 因為大概要番工吧。有人一屋貴野,卻在討論群組講工作辛苦。

其實,生活是否可以簡單一點?

趁細佬番左學,又可以打下網誌。

大概,物質太多,時間太少,都是黃金時間博殺男人的最大問題。尤如一眾細價收租仔持有幾層(可能就似求死咁得三四間扮大支野,而家大把樓神被報導佢即刻要收皮啦),佢地持有回報不多但要供既資產,口中說半退休但依然唔番工唔夠駛。

世上第二第三種苦人是也,呢句唔局限收租的人,太多香港仔高估自己,什麼風流工,半退休,講就無敵既。

慶幸我熱愛自己小生意,其實好好玩,不過咁多年真係要慢慢減產了。即使我唔做,我都有唔少野可以玩可以過日晨。

至少小朋友仲有六七年先開始唔理大人卦。

(圖中有個人無著衫!!)


一年前股市還低迷,我入貨了。上年新年砌的zeta rg 1/144, 還未貼貼紙就入左櫃。



昨晚,拎番出黎貼,成百幾張超細貼紙,認真考眼力。


(有冇靚左? 哈哈....)

一年後,股市升了,身家賬面多了,然後呢?

都係個句,其待套現機會,五月倉仲有一個月,轉倉定被行使或未易估。同時會否除淨前被行使亦是未知之數。

當你見到天水圍二百幾呎放棺材都放唔到三個既單位都過萬呎,黃大仙公屋都爭住搶高,人生戰線真在這裏?

小弟住某區頭龍幾位屋苑不是阿婆樓,月租都仲係好平,若用超過五球以上去買,係咪on9?

幾球野,可以做到好多野了,如你未有女,何不考慮去辭工,去烏克蘭搵番個? 仲係度月月打簿睇租客有冇準時交租,唔係下話? 人生戰線真的在每月打簿上嗎?

近日女主人生意有點消減,可能係某d 先兆,除左資產價格上升外,人工及經濟已停左一兩年,當你身處高地之時,有否諗過好多人在suffer?

2015年4月21日 星期二

牛二定牛三? 阿寶.jpg

近日全家被細佬既濕疹困擾。佢無得訓,我地都無好日子過,最辛苦當然係我老婆。

最後,都係食住藥頂住,希望佢大d 自然好番。已試過好多方法,全無用,亦有d 用左重衰。

七月旅行鐵定上海,不過幾肯定唔會去交行股東大會,因就不到時間。與大媽無緣了。

講下個市,牛二上落必然。

學阿寶.jpg 話齋,人總係重複犯錯。究竟大家。解讀正確否?

阿爺買貨,為入msci
阿爺買貨,唔通過普選方案就罰你
美資同各地熱錢尋找更好回報投資
如有,請留言告知
以上並非mutually exclusive.

不過用得咁多錢推上去,同埋散戶參與度未算高(至少未有人當底褲入,最多都係all in)。想大跌係無可能。

鐵底26000,由呢個位以下先有再開餐機會,直上三萬大把人開始追吧。大家按兵不動之下,升機會大過跌。

持貨無動作者,有冇咁易比佢地食到糊?我都想交行升到8.75,咁我可套現。

世事有冇咁完美?

離除淨日重有一個月,都係個句,再升再沽期股票期權。

現金水平八十萬,若派息後連工作收入應會達130萬,又慢慢等下。



圖為高達格納庫,求其油過下,遲d 加燈。今年因工作減左產,相比女主人,我空閒好多。

Update 下,個女比老師選左去表演了。原來一級選廿幾個,可能佢個樣ok, 但講專注同留心,佢真係差少少。所以話,樣好幾時都有著數。

2015年4月16日 星期四

最沒信心的事 -- 傳承

終於完成, GUNDAM AGE 三爺孫, 會場限定電鍍版!! 唔講你唔知, 加埋千幾蚊...仲要好難買.



閃令令好難影, 呢張叫做最好了...

見千萬兄話想聽女主人0既故事, 梗係等佢自己寫好過我寫啦. 其實佢只係一個普通OL, 亦有著快樂童年.

男主人0既由細到大, 好多決定都係自己揀. 可能父母唔識, 又或者唔係好特別操控我. 由高小開始就可以自己做想做0既事.

選擇中學, 我想做 BIG FISH LITTLE POND. (原文)

選擇工作, 一畢業我已經唔打算做番自己專業(今年又要續牌, 年年續年年都唔用). 係搵工難到爆0既2001年, 個個人工幾千蚊個陣, 放棄(或者我都搵唔到)近兩皮野0既本行.

屋企無過問, 事實上, 以搵錢同自主性計, 今日睇番呢個決定絕對無錯. 當中當然少不免辛勞, 但並不辛酸, 亦唔算得上咩血淚史! (儲個首期就血淚史, 個班人實在太溫室小花...)

中間我有一年去左做另一份半專業工作(又係同本科無關, 但係我做到的), 或許家人以為我終於穩定打份工, 其實我只係想實現下兒時0既"我的志願"

後尾"被選擇"唔做, 專注走番舊路, 又一番新景象. 其實當時可以繼續做半專業打工仔...

直到今日, 選擇0既時機又來了!

唔係選股 (近日太多人講股了, 中信射倉好Q慢.), 而係我究竟敢唔敢唔撈.

留言有人話, 除非徤康問題, 否則無可能停; 又有前輩話現刻資產水平太低, 未必真係可以財務自由.

射哂貨去一通準備交貨. 只係排第二十名! 哈哈~


我仲有一年多時間去諗, 究竟一刀切, 定係再減日數. 如日數再減, 就變相幫手交鋪租, 又何苦? 同埋數目效應, 生意量少會令生意越黎越少, 值唔值得咁做?

如無意外, 個女應該讀緊小一, 個仔應該K2...是否留低陪下佢地好D? 終極係我老婆都TO BE FREE.

係同時比選擇0既自由比子女情況之下, 我希望可以將"唔跟大隊"0既人生路, 傳承比佢地. 做人父母0既, 梗係希望佢地走得遠過自己.

小弟0既夢, 其實可以達到0既都七七八八, 因為人小, 所以夢都容易做到; 希望佢地可以走得更遠, 夢想更加夢想.

有好多野, 錢係買唔到(廢話!), 例如要係戈壁沙漠生活, 錢唔係唯一要求. 要做太空人, 科學家, 無理由留係香港.

只係, 我, 女主人, 同埋大家, 習慣生活左係呢個物質充裕, 資訊物流都方便0既MATRIX 之內, 離不開又捨不得. 只能任人屠宰! (你加租一樣可以屠你架傻仔! 你吸空氣就飽?)

錢於我而言, 輕於鴻毛 (不則我會乖乖做番老本行, 有份只能供樓人工, 去下旅行0既假期日), 若家人能接受, 其實已經可以簡單生活.

人生在世, 最重要是什麼?

是鄧小閑有十萬股(而家講二十萬股)匯豐銀行? 定係有一層自住N層收租樓?

我估小閑兄最重要係想"閒", 而非"鄧" (請GOOGLE 一下)

究竟係人地過唔到自己個關, 定係我份人退縮?

想比好0既生活環境家人, 真的要用錢同錢同錢? 是陰謀嗎?

精神傳承, 勝於萬金, 錢幾時搵都得; 但係讀過0既書, 做過0既決定, 千金難買.



舉個實例, 小女個樣都OK見得下人(唔知似我定女主人啦), 老師都想選佢出黎表演帶班舞. 如果一路長大, 會遇到不同異性及同性, 如何面對, 只有經歷過呢D 事0既父母先有經驗. 別人本是豬扒, 同你講感情事點處理, 跟本唔VALID! 因為大家情況絕不一樣.

投資如是, 讀書亦如是. 因為腦袋人人不同, 只能靠上一輩傳承.

2015年4月14日 星期二

升穿第一度期權線

趁等個仔放 playgroup 又打下。

而家個女番k1, 我接,個仔playgroup 女主人接我跟埋去睇下0者。

昨日交行升穿左7.8,我做左以下動作。

Short call bcm@8.5 x100張,權金萬二。

都係個句,再升再做。

怕各位唔記得,詳列如下
Sc@7.5 x200
Sc@8 x100
Sc@8.25 x 100
Sc@8.5 x100
今日回番,股價7.7 左右,即係話7.5 面臨被行使,但未計除淨,未必係咁。

轉倉定交貨?

睇情況,若大升到9蚊,全數比佢行使就算,如升得唔多可能轉倉。

有人話呢一刻應再坐一會,無咁輕易比貨人。我又覺得睇你幾滿倉啦。
如果得三兩成係貨梗係可以坐。我幾乎滿倉,沽貨獲利可以再選股。你估好似買樓咁流通性咁低咩?

另外我唔係市價沽,我做備兌左期權咋。如果要全數被行使,股市要升穿32000高位先到。呢個只係指數計,如果除埋息(3-5%),可能要到34000。

平野HG 1/100,D水口樣衰到呢。。。

瞄準,發射!

2015年4月10日 星期五

射倉去一通 內地熱錢幾時走?

今個假期, 真係高達砌不停...

以下係今日砌, MG AGE-2 DARK HOUND, YAHOO BID 番黎 $240, 本身貨源已唔易搵, 見有鋪都要賣 $270.



其實佢係主角機黎架, 只不過, 佢揭發左政府原來一路勾結罪犯, 同時亦偷賣軍火比敵人, 憤然出走, 去做海盜尋求更多真相!

講番正題, 今日真係人人皆股.

坐地鐵, 玩電話個班已經唔一定打機, 而係睇股票! 股票APP 個版面咁易認...哈哈.

去到麥記食早餐, 連D 樣樣衰衰後生仔都講股票, 不過係毫子股~!

D 客都忽然講股!

明明唔想內地人黎香港買野, 
今次買股又大家咁開心喎!

我繼續依PLAN 行事, 今日大部份時間, 我0既身家總值都係八位數...

預計D SHORT CALL 會唔夠按金, 幾球野未必拎到出黎. 唯有係中信射倉番去一通! 要齊四個資料.

1. 一通 CCASS ID
2. 佢地聯絡人, 就咁叫交收部
3. 佢地電話...自己問, 我驚改左.
4. 你係一通0既戶口號碼
(中信個邊都係一樣, 不過就有人幫手)

一通? 網上自助的, 有時我覺得更好!

有人話銀行死機, 我日日都LOGIN 到一通, 仲做埋倉...

沽出100張五月份交通銀行CALL, 行使價8 蚊! 權金七千! 都係個句, 如到期比哂佢, 我要番D 錢~~~!

食髓知味, 想再做0既時候, 已經回番唔少.

因額度問題, 佢地要谷股價, 只能用盡額度, 咁上午同下午表現就好唔同了. 呢兩日都係咁.

升一成個D, 都唔係我地買開0既股票呢!

咁大手筆, 咩人? 熱錢? 會好快走定係會駐守香港慢慢炒?

短時間將D 野買到咁貴, 是否食完息就走?

定係, 等大家入局再狂出貨?

如同以往食糊個班咁做, 只要係期貨市場做野, 沽蝕都唔怕啦. 再者, 邊個可以監管佢地???



當然, 佢入黎炒兩年炒到四萬點, 我就ON99 了....

2015年4月8日 星期三

我可以唔撈嗎 9

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
我可以唔撈嗎 8


*****


係復活節加清明節假期期間,我都依然會開工。

如果工作期間不變,今天搵得一日錢得一日啦。假設一日都成五千蚊,做四五粒鐘就有,去邊度搵?

我0既工作情況,係POSTITIVE FEEDBACK黎!即係話,現有生意越多,將來生意會更多!所以,細水長流係我0既小小生意係唔WORK,只會慢慢陰乾。

女主人以前問,點解咁搏,其實唔出力就無左個完美CYCLE(有生意,有多D生意,有更多生意!)

(假期間又狂砌模型,十幾年前電鍍版GP03)

每次加上淘寶廿蚊人仔LED激光劍,都好好玩!

今日人人都話大升市,果真係大時代喎!

有人放左多年蟹貨,我都跟番既定策略,再沽多一百張交通銀行五月份7。5CALL,今次收番權金9000!

再升,又再沽,直到成交總數900張為止。

若然成功比人CALL走,加埋另一堆非常價內0既5。75CALL,同埋少量現金,身家將會有八位數字。

回收資金,再睇下有冇機會吧。如果好似2007咁狂癲,咁唯有認命。但係似乎又有好多潛左消息,可以一爆,例如美加息。

其實,一千萬好多人話唔係好多,不過如果要用佢日以繼夜工作0既薪金黎儲,真係有排都達唔到。好多時話一千萬唔多0既,都係無乜錢,又或者只係有樓又唔沽個班傻仔所為。

問女主人生意有冇差左,女主人都係無變;我0既小生意呢,即使經濟幾差,都只會係最後被人慳個樣,所以唔駛點驚。

呢個星期,就係日日砌高達。因細佬身體不適,老婆晚晚照顧佢,辛苦了!期待唔駛做0既日子,可以慢慢同兩個小朋友坐低傾下計。

性格是遺傳;但格物以明德,係需要傳承,需要學習。

至少,不要隨波逐流。

2015年4月7日 星期二

零售之我見!日本集運買高達模型

今次呢篇純資訊!!

今日剛砌完。。。

真係谷九氣,係全球一體化,資訊咁流通情況之下,仲有人覺得大陸買野一定係假!

寫篇文,方便同好者了解了解。日本代運模型,淘寶模型,YAHOO拍賣BID模型,鋪頭買模型,我都試過!

香港買高達模型,最大好處係無進口稅,同埋種類多,再加有大量水貨存在(有人帶貨來港賣)

加埋好多男人買左無時間砌,唔少私人轉讓!(我都話錢多無用,時間先係最奢侈!)

A:小弟會去以下模型店

1。福利,類少量多,價有時平。真係細細過就去,不過唔一定係平!不要死忠。
2。69,貴,多舊模,睇下就算啦。
3。精品,類少量多,都係睇下,時款個D先會買
4。英明,有舊模,類多,不過貴,同埋個男人太黑面。
5。玩具好時光,工廈店,平!
(地址自己SEAERCH 或留言)

簡單D講,我好少去模型鋪買,真係唔知有幾多係幫人交鋪租。

買完95,先知有間賣8X!哈!反正都係一條路行哂,幾蚊買串魚旦食都好丫!(買番黎比老婆用黎練習噴油!)


B:上YAHOO BIDDING 睇,主要睇舊模,偶然有好野,價錢幾乎一定比鋪買平!不過交收就煩少少,但都現在為止都可以接受。


YAHOO BID 的!! 2004 年會場限定!

呢隻都係, 1999 年舊模! 電鍍版!

STAR BUILD STRIKE透明版,又係YAHOO 拍賣!



C:去淘寶!所有平野,包括格納庫,水口鉗,沙紙,底座!模型呢,好多時因為有進口稅,都貴過香港。但有部份如果香港都無,淘寶可以一試!(尤其係D雜卒角色,我估D人就放上大陸賣,仲好平好平!)唔同賣家,咪用淘寶集運!

假野?你估開個新膠模唔駛錢?你估佢厄你十個八個人可以回本嗎?再者已經有天天高高呢類國產牌子,佢如果高質假野,倒不如自建品牌啦!香港人醒下啦,咪咁ON9。

再者,肯定部份淘寶店都係香港人開。你唔識賺人仔唔代表其他人唔識!!

後面個格納庫咪係淘寶, 反正都係自己上色。左邊個隻銀色部份係女主人噴的!


D:日本訂番黎(AMAZON.CO.JP 用日本代運!)

講清楚先,我只用過AMAZON JP,真係要格價,未必平過香港,不過如果平真係可以好平,尤其係限定EXPO版!
但係呢,佢地唔SHIP模型,咁可以點?利用日本集運!我用過BUYIPEE,如果係模型,佢地用體積計,你預正常一盒預番150運費加20手續費!當然你多幾盒叫佢REPACK 先上機,可以慳左D。
買D香港太貴/無,淘寶都無,絕對可以一試!

(連運費一共三千蚊,右邊係十幾年前限定,D盒KEEP得好新!左邊三盒香港同淘寶都無!!)

已砌左兩隻!


唔明就留言啦,我都係個句,全球資訊咁流通之下,無理由仲要留港消費比鋪租下話!?零售業應該轉下經營方式啦~!

(我老婆買手袋都上正牌網店買,同一個袋,係海港城買貴左兩成以上!當教識自由行來港,網店買完SHIP去酒店取貨,尖沙咀個堆名店真係只能做DISPLAY ROOM!)

2015年4月4日 星期六

沽出認購期權 出動

先申報,小弟持有超過千手交通銀行。每人對風險承受能力不同,請小心行事,切忌我做你又做。

交行出左業績講左幾時派息,睇個樣仲有上升空間,不過相比其他內銀股,佢就真係升左比較多,所以想SET番個價,睇下有冇機會比人CALL走。

星期五做左:

SHORT CALL 五月份 BCM@7.5,做左100手,權金五千!(真係好少)

現價6.76

我係一通做期權,無乜好處,只能說方便,最大缺點係每次只可落一百張!以前致富用SPTRADER可以幾百張咁落。

有圖有真相,港交所截圖


交行2014年度股息除淨日為2015年5月20日,即係話呢,如果到期日(2015年5月28日)比人CALL走,我都有息收

溫馨提示,派息日為7月10日。

如果個市呢一刻跌,我唔會再加倉,如果再升,我就得閒又見到就每次做番100手。最多可以做900手,估計收幾萬蚊。

若被行使,身家(只計股票+現金)又一次有八位數了。

又比各位睇下我D心頭好!繼續慢慢砌慢慢砌。有時約人出去交收,好多都係私人出讓,口痕問下原因,其實係買左砌唔哂!你話錢有用定係時間有用?

(GUNDAM AGE-1 & AGE-3 METALLIC VERSION,即電鍍版,佢地係兩爺孫。)

開番部KINDLE,一開就有金句。


簡單生活先易MANAGE,係咪?

2015年4月1日 星期三

人工通漲-- 搵幾多先令人羨慕?

先旨聲明, 總有D 人覺得, "你好叻咩, 我識得有個人...", 我係講緊正常現像, 唔係講個D 葡萄撚0既STANDARD.

2009 年, 有一個新聞炒作得幾厲害, 食到我一地花生....

邊個? 咪係佢! 按圖去網絡大典食多次花生~


當年高登, 除左某D 葡萄撚, 係2009 年月入三萬真係對好多港男遙不可及~!

今時今日, 你打開報紙, 睇下月入三萬個D 都係住實用三百呎下個D 舊細遠樓!


月入三萬,無女鐘意你,係錯既! 大把MK頹青溝件索女!交配既女唔係睇呢d. 年老色衰等人養個d 先諗你有冇樓, 人食索女,你食供樓四眼龜(唔睇下面以為係男人!),不過有樓者咁多,如仲係毒J就認命啦。

由2009 至 2015 呢六年,如果無加薪(無可能吧), 三萬蚊人工的話, 會經歷天堂跌落地獄階段! 2009 新年個陣親戚朋友覺得你年輕有為;2015年只會比人睇少你....

其實, 三萬蚊一個月, 而家都幾好駛,點解比人睇唔起?原因你無樓!快D買喇喂。

究竟,生活指數同人工係咪澎漲左咁多?其實而家三皮野都仲好好洗啊~ 不過就唔可以好似09年咁大花筒0者!同時,依然好多人月入未必有三萬,或者只係三萬多少少。

咁點解大路主流意見都話三萬唔多?因為好多人用槓桿放大左自己資產,多左現金流(未扣供款同利息),連埋個舊資產,咪覺得自己有好L多錢LAW!

說到底,佢地人工都真係只值萬幾兩萬,但係又要KEEP 住日日番,只能上網打飛機話自己"半退休"

係咪真係息環境之下,持有資產加大量負債係好事?

1996年,現金有用定係資產有用?
2003年,現金有用定係資產有用?

無可否認,1991-94 年,持有資產就有用!因為平買貴賣!

同樣道理,
個班係03,04,05買個D全民媒體仆街,咪笑而家D人讀書無用。
求死09先買,只能說是買左PLAYSTATION2,唔知佢自豪D乜。

同樣道理,2015又會係點?你睇個D扮專家,估細價樓有小升幅。。。小升幅有咩用?

搵幾多先有用?而家好多人實力有誇大之嫌,倒不如講,你係咪真係唔駛做0者? 不如聽日炒老細魷魚,日日出海釣魚丫!

如果你連女都未有,你計左溝女結婚生仔支出未呢?唔係約條女出街仲要計幾多厘回報下話?唔係要佢同你慳下話?當你笑d年青人去旅行換電話個陣,你條女生日你試下同佢講呢D?未有? haha。。。。

(後記:男主人01中投入社會工作,第一份工人工9000,無記錯應該2005已經有三皮野啦,真慚愧,用左四年。詳情可睇我的財富大道系列

男主人執紙皮,個個月六位數,人地問起真係唔知答唔答佢,怕佢當我吹水。你係SENIOR REGIONAL EXECUTIVE MANAGER?定係你細價收租扣哂成本有十皮野?

今期井底之鞋(我)笑井底底之鞋,見笑了。

(近期新砌, MISS SAZABI,都係中間果條女操控的~!)


近期市有變動,亦將有所行動。
同時亦講下加租都唔及做生意加得多,班傻細價收租仔比我地屠宰亦懵然不知,仲話學人抗通漲。
Related Posts Plugin for WordPress, Blogger...