2015年7月27日 星期一

女主人的同學聚會

話說女主人讀一間唔勁又唔太屎既老牌女校,讀商科的。

上個月佢地理及商科班攪聚會,一班八十後女仔同老師傾番往事。

不過,女主人同我去左上海,結果無出席。

咁聚會又關佢乜事? 早兩日同女主人好友及其老公食飯,講番當日所聞。

咁既年紀,都係講事業,講下工作咁啦。

當然有人文員仔,又有人入big4 好正常。

理科無人做醫生,好似有一件中醫。

Big4 女有拍拖,女人事業有咩用? 得自己一個孤怜怜好慘的。當然why not both? 最好梗係兩者兼得。

講番佢個frd, 好似在pr 公司都撈得ok. 我唔知人工好pay 否,不過呢d 年紀會覺得有人under 自己係一種成就,而班上我估又唔多人撈到管人級數。

簡單d 講就係表面証供就是成功。

當老師又問到無出席的女主人如何,原來老師仲停留係佢做秘書仔年代。當知道佢生左兩年仲咁青春同埋已是一位小微企老闆時,講左句。。。

"佢兩個讀書時中下中下,估唔到而家變成咁。"

女主人事後同我傾番,佢歸納為命水好

讀書時都學過,"桃李無言,下自成蹊",你係得既,唔駛特登講。

例如某blog 標榜80後求死要買樓,又話樓價乜乜七七,平時佢都係76一條,多層樓都只係收租76一條。同學聚會都係同以往一樣無人social 佢,以為自己低調low profile, 其實係無乜長處。

仲笑人地著西裝番工自己攪收租屋著到裝修師傅咁,又一個讀唔成書笑人讀得書多無用。

可能有好多未有樓既70 80 90 後,一路好焦急買唔到樓/買唔到平樓/買唔到人地咁多層收租樓而煩燥不安,其實,其他投資更有so.

今日又大跌,提供機會比各位入貨。未收夠貨又可以小注買入了。

有讀者問15 年後,收租必勝。真係要15 年後才知曉了,其實小弟身為股友,股息夠交租同生活有突,進可攻退可守。

亦有人覺得兩三層收租,扣一半按揭的現金流就可自由,呢班應係絕後毒J一條。如有家庭仔女,一定唔夠,你日常毒男生活使費少咋。

如果佢地甘心做絕後毒男,咁呢個人生遊戲輸家應該係佢地

做到60 有仔有女有老婆父母健在,遠比一條友坐擁幾層細價收租樓終老吧,到五六十歲,你財務自由與否其實又有咩用?人地兒孫滿堂不知幾開心!

四十前退休,你得三四五層又做唔到,一樣要捱騾仔!未有樓的,諗清楚,其實人生遊戲上,你同佢條件依然一樣!十五年後,大家比賽既又唔係呢D野了!

與其日日諗下點加按做餅過壓測,不如實實在在識番條女計劃下你0既人生,考順下父母吧!

樓不是人生全部,要學會活在藍海思維。

我同女主人講,過多幾年,你地同學就不會比較工作,而係比較老公及家人小朋友了。

(希望唔好大個變豬扒....)


老婆話,佢會話佢老公,即係我,退左休。

我話,你d 同學會以為你嫁左個阿伯!

比較伴侶家人小朋友,難怪80後收租仔零亮點無人理啦。

(仲爭貼紙!!!)

(一人生日, 人人有禮物!!)


2015年7月24日 星期五

退休教授 -- 意想不到的 facebook friend request

上個月,Facebook 傳來了一個friend request!

呢個request 係小弟十年前0既一位老師,當年都係畢業一兩年,見失戀無所事事而去讀。

有時事情就係咁奇妙,讀完竟然發現同小茶飯生意息息相關,好讓我獨步天下左幾年...

(初試一抽二! 因細佬好曳, 要同時帶兩個出街玩真係唔易!)

用左一個月時間去思考, 好唔好ACCEPT 呢個FRIEND REQUEST!

原因有二

1. 小弟不是黃絲, 只怕比人歧視, 令自己老師對自己失望(我係傳統讀書人...), 感覺有點難受.

2. 當年我差一點點便能DISTINCTION 畢業, 非常無奈下死左係呢位教授入面一份無聊到極點0既ASSIGNMENT 入面, 就係爭呢份無聊野! 不過, 如果比我DISTINCT 左, 可能我又會做番打工仔,

會所又去玩...

點都好, 我早幾日ACCEPT 左!

原來呢位教授剛剛退休, 正值無所事事, 所以想搵番D 人生目標, 同樣想站在最終看最初, 睇番自己教出黎0既學生而家點樣.

以下係同教授0既對話, 應該唔難估到邊個打邊個0既...(原諒我D 咁差0既英文, 當年我作文係F....ORAL 係A!)



似乎, 阿教授未習慣到, 同時佢無試過模擬退休生活. 呢樣野, 真係要留意, 除非係好似個D 白痴收租仔話半退休但又要捱騾仔, 得個吹字個種生活之外,

真正退休, 係要思考, 要計劃, 要有延續性的, 否則會悶死!

巴黎兄講過, 小朋友到左中學咁上下, 就開始唔想同家長溝通. 即使我享受同佢地玩0既日子, 呢D 日子始終會過去, 十年後自己同老婆兩個孤怜怜點算?

1. 番去工作, 好明顯又要諗下做D 乜
2. 生番一個, 由頭LOOP 過
3. 都成四十幾五十歲, 仲可以做D 乜去改變世界?


RG RX-78-2!!

不經不覺, 五隻RG了! 仲有一隻去左邊? 番左鋪頭!
(左起: Aile Strike, RX-78-2, 電鍍版FREEDOM, 電鍍版EXIA)

我同朋友講我唔撈, 佢地實問, 唔做野咁你有D 咩做? 其實, 唔係有D 咩做咁簡單, 我一路在思考, 一路在準備, 一路在找尋!

會否話退又唔退, 等到六十歲? NO WAY!!!

一通排名, 跌市都繼續排27無升跌, 似乎大家D身家都係共同進退喎!


2015年7月17日 星期五

抽油箱 diy 噴油 無味 教學

唔知呢個叫咩名

連出兩文,為免讀者MISS左,上一篇文係


模型噴油,氣味多,如果整一個<抽風機, 排風扇, 抽風箱, 抽油箱>可令氣味減少。市面上現成品會留有氣味,其實用大馬力風扇可達到無味殘留!

首先,每人環境不同,最終效果亦可能不一樣。

小弟嗅覺極靈敏,如果我都嗅不到氣味,應該大部份人都嗅不到。

事前準備

因要比較,建議先做個pilot test.

<先用紙箱及廁所抽氣扇測試閣下容忍程度>

1. 紙箱一個
2. 香水或噴劑一支

做什麼? 打紙箱上下兩邊打開,用紙箱蓋入抽氣扇,噴一噴。如接受到味道,可直接買現成的浩盛淘寶抽風箱。佢標配6吋ac 扇,不過網上好多人話唔夠力,噴油會留下餘香。

如覺得這樣也可以,可去淘寶淘一個現成的,人民幣三百幾。。淘寶KEYWORDS如下

"浩盛 HS-E420"



入正題,我大部份東西都淘寶,這樣香港人台灣人內地人都可自製抽風箱 / 抽油箱了。

要淘以下東西

1. ac (交流電)風扇,不是電腦用的 dc 直流電那種。我買了10吋的,建議十吋以上,不過太大的話要買個更大的箱。

我用這間店這個扇(或許你和他說看過有人做模型抽風箱,他會記得)

晨乐 10寸高速换气扇

http://item.taobao.com/item.htm?spm=a1z09.2.9.51.y02Xgi&id=43427934476&_u=h9id6spaaf4



2. 膠箱/塑膠收納箱,什麼顏色也可。留意頂底呎吋不一,淘寶的都是頂的呎吋,底的呎吋大約減5至10cm 吧。10 吋扇即30cm, 抽油箱要買38cm 闊以上。
建議不要買太大,相對抽風扇抽量,箱太大效能會減弱

我買了這個,其實不用淘寶也可,但也比香港買平!



3. 插頭及電線,可當地買。我抽氣扇的淘寶買家送的。

香港人,去鴨寮街或一般電器鋪,講:"我想要一個三腳插頭,同埋一條X呎長電線",如佢問你幾粗,你話行5至6A電左右。

4. 接線端子(內地),即香港人叫它 jum 玉,接電線用

SEARCH KEYWORDS"接线端子"

5. 玻璃膠同玻璃膠槍一支, 接封口用. 香港的強烈建議去新填地街五金鋪買,如去一般五金鋪可能貴30蚊或以上。同五金鋪講"一支玻璃膠同一支玻璃膠槍"我買左港幣15+16元。



6. 箱內LED 燈帶, 請買一米長! 剛剛好。建議行USB驅動,一來安全,二來可以接上移動電源(手機充電尿袋)好方便。

我用呢間,一份50CM,即係拍兩份


7. 因為怕風力太大,加左風扇調速器,千萬不要用燈的光暗制去做,因燈是由暗變光,風扇要由快去慢。原理不同,會影響風扇壽命!(同賣風扇的一起買,特價5元人仔)



8. 要買一條喉接駁出風到街外。香港叫風琴喉,有人告知在鴨寮街或新填地街要80元一米!好貴!還有十吋喉不普遍未必買到,最後梗係淘寶(15元)!


買齊東西,開始動手!!

先給成品模樣

<1>膠箱開洞

必有更好方法,但我用一般模型工具完成。
用筆畫好出風位大小,先用手鑽開小洞再用水口鉗開口,最後用筆刀刮平。


 <2>安風扇 (要配適合六角螺絲及絲帽!不能淘寶。)



<3>用玻璃膠將空位密封(請等一至兩小時待全乾,兩面都要)



<4>安風琴喉(套上便可,請用工具固定,例如索帶)


<5>接上電線,串聯變速器,用接線端子







<6>貼上LED燈帶(圖為RG ZETA)



<7>放上濾綿,用膠紙固定便可(抽風力會把他吸住)



<8>開始作業!

 

後記,噴筆完全無味,我係用GALA及星影油。另外,噴鑵有少少味,不過好快散。第二天已經完全無味。

我不是在家噴,在公司噴的。

如有疑惑,請留言


新文章又同步fb 作news feed。


年青人應如何創業(一)

剛一口氣睇完高達G復國(Gundam Reconguista in G),沖埋涼都兩點半。

(圖片連結有播放LINK,開心SHARE)

非常不滿結局早早了事,另外中段發現男主角鐘意個條女,竟然係佢家姐!(粵語長片咩。。。)

每個高達故事背後,幾乎都係講要"互相理解",除左一D大奸角最後要死,咪又係講戰爭傷害。

今次G復國比較特別,係講好耐之後地球受破壞,舊軍事技術被封印收埋,地球得以重生。但係又有好戰分子企圖以舊技術挑起戰爭並想征服地球。

結果謎底一層層解開了,越揭越多舊技術被使用,仲打到去金星再番地球。

G復國劣評一堆,話亂個D佢地個腦爭少少,編劇都認寫得唔好結果好難跟(D人名又改得衰,睇字幕真慘!)。其實背後個意思係,人類依賴科技,最後慢慢失去人性。

就似大家卦住玩FB,WHATSAPP咁啦,唔講太多。

上面不是吹水!!

講番正題,舊酒新瓶,睇開此BLOG的請不要介意概念有點重覆。

常常有年青人係我個人FB講人工低無前途溝唔到女云云,又怨份工點點點。。。我有時都忍唔住插句咀,既然咁後生無野好輸,何不創業?

當然,之後一堆理由。無得做,成本高,有人做左,租貴,怕蝕等等。。。

說到底,個人勇氣之餘,佢地缺乏創新。

<1>最容易殺出血路,係搵上一輩人0既錢!

例如FB好多幫人攪小朋友生日會,教小朋友畫畫,呢D就係睇中個D唔識教小朋友0既家長,又想實現家長0既童年願望。多多錢都肯比!

<2>又或者,係傳統生意上創新。

UBER呢排好紅,雖然我無興趣坐(我係價格先決,我出入0既地方都好易截的士,同時都係中程距離算係好旗)。

UBER用私家車當的士殺了一條血路,除左個APP本身,亦幫好多士司(的士司機,貨車司機等等)提供一個轉渣房車0既機會,人工又高過渣的士!!

咁點解新聞會有的士司機抗議?咪住,睇真D佢地係咪真係租車0既的士司機!

我無經濟低子,下文解釋得好好!
【觀察】UBER大戰的士佬?可能搞錯咗http://www.am730.com.hk/article-273126

節錄如下:

只是一場利益集團之間的鬥爭,這也是很多評論誤解了的地方。正如筆者在前文一提再提,基於的士司機收入只與近似的司機市場掛勾,換言之假若的士收入真的受到UBER BLACK、GOGOVAN侵害,那長遠的結果必然是的士持牌人透過減少車租來留住司機,否則的士租車司機也自然會轉行至其他收入更高的行業,例如成為UBER VAN一分子。不少的士司機都看出了這是一個與他們無關的戰場而對這場抗爭興趣缺缺,只是由於的士持牌人的公關手段、時事評論員的認知錯誤,才會錯誤把抗爭的雙方搞錯了。

退一萬步而言,就白牌車、貨VAN載客真的是錯的一方,那為何政府可以在人口、道路不斷增加的情況下,連續超過17年不發新的的士牌呢?的士數量受限,只會讓更多人因等不到的士而駕駛私家車;而的士司機本應因供應受限而增加的收入,最終全部都被車租增加而抵消。說回之前那條AL會考經濟題其實還有一個答案,就是「透過大幅增加的士數量,讓司機為爭奪客人而提升服務質素」,被乘客大讚的UBER服務其實就是變相的答案,那大量增發的士牌以滿足市場需求又如何?誰又會反對呢?

****

總結一下,創業如果想成功,首選創新,次選打破傳統。

如果唔針對上一代黎打,即使成功,都只係同流合污。

放諸現在也一樣,好多老屎忽靠收租過活,當然可以同你講好多原因好多理由,如果你同佢一樣,一黎中哂圈套幫人拉高樓價租金,二黎你食下一代0既錢同人生,小心有報應。

高租金,高樓價0既錢,用番係日常生活以致各行各業受惠,豈不更好?

有能力0既,應該改變遊戲規則。

你睇下,果D大維修,真係食硬上一代,其他0既,自己諗。

後記,男主人同女主人兩盤生意,都係傳統生意加入創新元素而成功,老一輩0既,點學都學唔到。

新讀者懶人包
我的澳牛生意
小生意續約了
女主人的生意
我的澳牛生意2

同高達G復國剛剛相反,點會舊年代0既技術重好過現代?


(兩隻都係小弟作品!)

2015年7月13日 星期一

2014 年交通銀行 派息日 收到股息

長話短說,

因上個月心人行使左部份交銀,結果股息比預期少。

一共$226688,已扣減股息稅及所有手續費。(今年因股票又在銀行又在證券行,唔CAP圖了!)

上年股息4X萬。

其實今年都唔差,因為轉左貨買建行,24/7將收到18萬以上股息。

拉埋權金12萬,其實係多過上年。

不過,建行成本為$7.5,蝕緊0既。

SHORT CALL將會係今個月到期,到時一係換貨,一係再SHORT,一係睇時機再借。

如果再借,有機會再做SHORT CALL,權金會有七位數,不過睇下做唔做。

個女扮中國娃娃。。。




人工 屋租 生意 股息 邊樣升幅大?

呢篇文儲左好多,而家出。

哈哈。去上海旅行,delay 左三粒鐘,決定打埋d 文。

附錄:毒定個仔玩機械人!

 


(今集內容比較偏激,慎看!)
歡迎留言交流交流

我只講由2009 至2015年。因之前未有得計。

生意有超過一倍升幅,認真計下可能兩倍都有。2014年加多一日休息,竟然無少到錢。

小弟唔係打工仔,只能以公務員作比較。人工升幅升得都唔多,因為公務員跳point 慢,相對變左人工追唔到樓價,只好多人嘈話買唔到樓。

當然,你打工皇帝又叻仔梗係加得快過樓價,尤其做銷售或地產相關,仲要係初出茅廬基數細

有好多人飄飄然覺得收租樓可以打風流工。其實只係錯覺黎0者。無錯係有人同你供,又真係有現金流,如果要supprot 財務自由,要幾多層? 要知道供完先係你,要租金追到生活加幅先得。

其實,好多收租仔都係打工仔,人工升幅亦不太高,佢地講香港人個個都好高收入,咪又係話識得個朋友點點點。。。其實自己一樣係捱騾仔。

可能家庭年收入有2至3球既我,都算窮L一條,我計過,我呢一刻要即時有十層八層細價先可以財務自由

昨日同老婆講,要買四層而家住緊個度先得。仲要係full paid。

我買股收息,現在已幾乎接近自由了!只係我未實測過唔敢亂黎咋~~!廿年後?你覺得其他資產唔會同樓一樣會增值?通漲只係令樓價升咩?收租0既人唔用電唔用水唔用銀行服務?


如你一開波就十層,咁真係可以自由了。如果得四層,即使樓再升,無壓測,收租無loading, 要一層層買上去一定得,但係要幾多時間?

你睇下幾多收租仔已經收哂皮?唔上唔落又唔捨得套現呀!個班老SEAFOOD上哂岸入個價咁平梗係爽啦,如果你09年先開始,真係蝕哂機會成本!無錯,等多十幾廿年你就FULL PAID 了!

再者,講得衰d, 呢d 收租blog, 掠奪年青人人生,傷天害理小比收尾幾年之餘。若要等到佢地自由,必須兩個條件。

1。佢地一世毒撚或絕後,即只係自己養自己,洗費少。

2。再黎多十年樓市大牛市,或者只跟通漲就廿年。


咁09到而家,樓升左幾多? 一倍吧,有d 唔夠有d 唔止。

剛有新聞講07 年幾十萬居屋,而家賣番出去都係三倍咋。

咁日常生活呢? 市民日日食既早餐,升幅未夠一倍,大xx 早餐都係20 升到30 咁上下0者。

咁樓係咪升幅最大? 

哈哈,你估做生意個d 傻架?

其實做生意原本個利潤都唔細,你加租,我咪加價。

拿,班人係咪不吃人間煙火?做生意0既,加你價,你只能硬食。不過我地一向低調又唔講出口咋。

5%或者10% 租金回報on top 加多兩成係幾多? 10000 變12000好唔好?

同樣賣一樣野 50% net profit (可能唔止) ,係整個貨價上加多幾個% 又係多少? 即係咁,原本我十萬純利,加左4%,變左104000,突出黎個4000已經夠COVER租金有突了!

(麥記個包加一兩蚊,其實已經好好搵!)

即係咁,鋪租加左20%,我貨價加番4%已經抵銷加有錢入袋了!

講多次,呢D加幅,係加係所有用家身上,除非你不吃人間煙火啦。。。

所以,最慘都係打工仔,兩邊一齊硬食。。。

我唔排除有人經營不善真係頂唔住租金,又或者鬥氣而搬,不過你做開小生意就會暗笑個班用樓做收租,好似高息定期咁既傻仔。

收租唔駛做有錢收? 三百萬要十年回番比你,都係要時間。刻下如要即有三百萬現金,必須賣樓。人生最重要係乜?時間!

可以睇下呢篇<如何儲一百萬?好多錢?

如果我要一層一層咁買落去,真係買到頭髮都白哂都未攪掂!

後記,學下塘人兄話齋,租客同你供足廿年,點知供到第十九年,你就死左。咁層樓即使係你又有咩用?

後記,我搵番隻UNICORN頭頂粒的了!! 補番兩張相自HIGH一下!另外,又開始砌MG電鍍版新安州!

好修長0既腿!



2015年7月9日 星期四

2015车7月:兩日跌市,我去左邊?

兩日跌市,今日升番三分一。

個人沒感覺,因為好多貨都係一年多前買,跌極都跌唔到果個位。(下圖為兩年間買股紀錄)



手頭又有CASH,你跌到我又陪你癲下,用埋孖展又何妨,20000點丫唔該。

只一講隻交銀,7.5樓上真係好死士。下一站要見6蚊先會出現血肉長城。。。(下圖為一年數據)



唔玩股0既朋友,都講跌市。玩股0既朋友,好似好驚。

第一日,我老婆就話要去証卷行開戶!嘩。。。佢都出手了。

我地去左証卷行云集0既旺角道(輝立 一通 耀才 致富),先黎個CHEAP TEA,就係彌敦道平時搭車行過見到有個大大雀籠個間呢!佢有個69蚊TEA SET其實都OK,不過我地散叫,呢D地方食二百幾,不如去食CHEAP TEA BUFFET!

入面都唔係咁靚,但如果我仲係單身,用兩舊水厄下女都唔錯!今次我仲一次過厄兩條,超值!(間鋪都唔係咁靚0者。。。)



之後,梗係去五蚊雞證券行,一通開戶啦!只要身份証同地址証明,填到最後,仆佢個街,公司地址証明唔接受,ON9都極點。女主人全部信都寄番去公司架MA....咁佢又少左個客。(下圖我地一家三口去開戶)


之後,行行下我又試下搵我輝立個AGENT(我個戶口都係新開,用黎借錢買股,借左先再寫文),問佢公司地址得唔得。佢話OK,我即時上去攪。

第一日大跌,AGENT話有個同事個客要按樓補倉唔知真定假,第二日大跌,佢追孖展追到氣咳TIM!



當晚,我好悠閒咁拆左我隻2009年HG UNICORN。為明天上色作準備!

當年,我地仲未結婚,女主人鋪頭開左無耐,我地玩交換禮物,我用一條SPONGE BOB睡褲($20)換左兩盒高達($14XX)!!


當年女主人都好正架!

*****

第二日,跌左二千點,有股進入射程,不過無買。無後悔,機會時時有!

出左太子金魚街買濾綿,要黎做乜?就係DIY個模型抽油箱!

個模型噴油箱,放左係公司噴!上面個張未係完成品,加埋個綿就下面條片,必睇!

女主人咁0岩去完DERMES脫毛,順手過黎客串試噴,不要介意佢唔正宗。我噴都係奇怪的,因為我用左手。

模型朋友,呢個箱噴油完全無味!我個鼻好靈敏,噴緊同噴完,個抽風箱都係零氣味!好過你淘寶買現成,抽力差太遠!

途中見到有人帶龜散步

番屋企砌埋佢,因為本來噴銀色,但係女主人買埋D古怪銀色比我,結果砌出黎鐡黑色咁!另外,頭頂粒野又唔見左。。。唉!(左邊係原本,右邊係成品!)



總結,機會大把。有貨又有錢,駛乜急?


跌完,依然係八位數字淨資產,供負債。

小弟生活鎖事或股票期權小變動,會先係FACEBOOK分享,再行文。
按此LIKE我FB PAGE
Related Posts Plugin for WordPress, Blogger...