2015年8月29日 星期六

女主人出手了 師奶買股 輝立証券

男主人叫我一定要記錄落來,咁我唯有俾下面寫低我師奶仔今次買股事情。

本來見佢升都冇諗住會成交左,純粹set下價心態定左5.4, 點知突然見到成左。😓
由於輝立可以篤手指5萬蚊,所以在我未入錢入戶口情況下只敢入9000股玩下。第一次用證券行真係咩都唔識,入定十萬蚊入去就成立左我嘅師奶股本金。希望唔會第日渣都冇.....

其實女主人好少買股票,近來見人人都講股票,所以也來湊湊熱鬧,希望唔會變左明燈。

除左剛買入建行,手頭上仲有兩手n年前跟風男主人買入的兩手@10.3交通銀行,一買佢就跌到而家都未返家鄉。男主人話我搭沉船。

想當年,有期好興抽新股時,我都抽中中左一手中材股份(1893.HK). 叫做賺過下雞碎咁多錢,就以為自己好像股神。當年仲瞞住男主人買入左建滔積層板,果時我仲係秘書仔一名,幫公司清潔個姐姐都有買股,佢同我講呢隻股個名原來係叫「見高即沉板」,咁我明白點解我買左之後係咁跌.....最後止蝕走左。又有買過仙股,又係蝕錢離場。

講到最叻女應該係當年33蚊買匯豐,然後六十幾蚊放走佢,估唔到幾年後,豐匯依然係六十幾蚊。

今次唔會再做燈神了吧。5蚊再買10000股玩玩先。

附上我今期又篤篤的半成品。


2015年8月26日 星期三

換馬行動 + 身邊的股蟹

一連兩日都有出文, 其實好少有.

各位留言是給我寫落去的最大動力!

不過此BLOG 股票組合一有變動, 便會出文...

今日做左一個換馬動作,如下圖:


結果,就咁同交行講BYEBYE!其實早D換,可換股數更多,算吧,最好時機錯過左。

如果兩行差價變大,我呢個行動就豬左喇!

現在全部都係建行,因為息高而派息率低最差係佢減派息,同埋人仔貶值!咪住,係咁貶會無人同你玩架,下馬威就夠。學高人話齋"IT IS OUR CURRENCY BUT IS YOUR PROBLEM!

小弟亦同時部署下一部行動,就係動用槓桿!不過唔一定用得成,真係要睇市況,計好哂數,若終極CALL全LOAN,我都有錢去頂,因為家中有女主人是現金牛。。。絕不會再出現2011年小囡剛生時的慘況!

估計兩個人現金加埋有三百萬。(又係個句,每個人/家庭風險承受能力不一樣,切忌死跟!)

又睇下其他人,好多人都有小量現金,究竟會唔會食埋佢地呢注錢先出手?

身邊見到0既,有四人:

1。老婆好友個老公,上月已知買二三線細價股DEEPLY蟹左。唔知佢有冇止蝕啦。

2。今日剪頭髮個髮型師,唔知佢買乜,不過佢話已經清倉唔睇。

3。食開間食店個男伙記,成日問我股票點,原來佢都HI哂野!

4。我老豆個舊同事,而家賣私煙為生0既阿毛,買左幾皮野諗住搵幾百走人,點知又綁死哂。

呢D例子足夠令人恐懼入貨未?

咪住,而家係牛二定熊三?兩個月前D人話係牛三!

如果係上個高位買左,而家溝貨都係無補於事。不如等下佢係咪有終極一跌到萬六。

資金要走0既都走左,要攪攪震0既又少左中國A股市場(你唔怕比人查?),而貨源亦歸邊國家隊中短期都唔會放番出黎。

鱷魚潛得耐都要上水抖下氣,要拉動個市,貨又得咁少,可以點?

當然,我都係9UP,因為我無數據支持,同時亦無技術指標!得啖笑咪算LAW!

兩仔爺齊齊砌...哈哈! 好明顯佢學我,阿仔越黎越過癮!
今晚,阿囡坐係我隔離睇我打PS4!
哈哈。。。希望佢地都能夠學得練精學懶啦!!


最後, 一通排名! 這不是炫耀! 留意, 我0既名次長期係22-27位, 但係最高個幾位先生(唔知係咪都係個幾個人啦, 由最高七千幾萬去到而家四千幾萬, 唔知佢地心情如何? 當然, 可能係唔同人, 七千幾萬果個已經提左錢都未定呢!)
小弟生活鎖事或股票期權小變動,會先係FACEBOOK分享,再行文。
按此LIKE我FB PAGE

2015年8月25日 星期二

有咩慘過股市南柯一夢

今日係度"數錢",本來諗住收工噴油,最後都係番左屋企。

下圖為某內銀股500天表現,似乎已經快進入射程。

各位0既留言係我繼續九UP0既動力!


黎緊會做一個換馬動作,至於會否用槓桿重未肯定。

決定唔動用130萬流動現金,好讓工作令佢繼續滾存,唔係唔用,而係唔會一次過用哂。

已經打左比AGENT,睇下息口仲有冇得傾。

若市況配合,最快可以係星期五買入新建股票倉位。

不過都係個句,機會時時有,可能等一下又更加平呢!

現價有唔少股票息口好高,不過唔排除會減派息!盈利倒退唔係問題,因為有部份高派息股票個派息比率其實好低。。。

例如匯控派息比率高,若一倒退,肯定派唔到咁多。領匯都一樣!

拿,我唔係呢方面0既專家,九UP唔好跟。

只能講,買入時機比一切重要(車!~~~~~~)

小弟現有股票大部份係一年半前買入,所以到而家都未開始蝕。。。收左股息同權金少量就無謂計,亦唔會扣減成本自欺欺人。

應該有唔少BLOG友都係低位買,而家打個和,南柯一夢!

有咩比南柯一夢更慘?就係個D初買股收租仔,坐哂艇啦。。。真係陰公豬,唔知收幾多租只補得番喇。

班人又會計好數先買股,話買樓得個3%,股有4%(早排升市),其實兩年前好多股有6% TIM!真係符6賺左錢以為自己專家,其實係好彩。

個位求死更加好笑,佢將SSD罰款當入"股票可蝕BUFFER"入面!咪玩啦,咁阿Q精神0既?

比南柯一夢更慘之餘,係呢一刻有平貨都無錢去買去執!!

我驚講錯野,不過呢一刻應該好多人都蟹左!

買入時機比一切重要

其次係控制注碼(不過我做唔到呢點)

各位留意小弟的明燈動向吧,若買入會再行文。

兩個星期無新作,放番隻舊0既電鍍新安州!


 





駕駛員係馬沙0既複制人,伏朗托。複制人始終係複制人,形似神不似,以為自己有一套自己0既見解,最後當然比主角打敗!

各位0既留言係我繼續九UP0既動力!

2015年8月22日 星期六

人到中年 生日篇


真係人到中年無咩好做

生日都無乜要求, 其實由細到大都無乜, 最多咪又係買下玩具咁.

今年生日最頻撲! 因為細仔入左私院, 本來諗住試新藥要MON住個狀況, 點知CHECK 到係D 奇怪野, 變相無得攪. 不過, 唔影響生命, 最多影響外觀0者.

私院唔係好, 要跟到個好醫生先有用. 只能講, 私院乾淨D! 講醫護人員水平, 政府一定身經百戰, 只係好多時要排期令人折騰.







鐵窗邊緣...

前一日我已經同自己預祝左, 從前獨行俠要自HIGH 無難度!






豚王, 都係浪得虛名....我五點去食, 當然唔駛排隊!

正日, 仔出院, 同個女去左朝聖!







又有排砌了!



最後, 女主人都係自訂旦糕, 又貴又唔好食, 下次唔好喇! 而家好多學藝未精0既人開店話識整旦糕, 真係厄人錢...仲係厄上一輩錢!

仲要好似八歲小朋友生日咁...

女主人其實一早送左生日禮物比我...希望九月後我真係抽到時間完成哂佢啦!!


咁都要講下個市, 無人理無人買無人賣, 真係FREE FALLING~~~~

淡多兩下, 我應該要入市了....大家睇住我呢盞明燈吧!

FB會無聊更新生活趣事,按此LIKE我FB PAGE 會成為我繼續亂UP動力!)


2015年8月18日 星期二

三分工作,你會點揀?

題外話,星期三細佬就入院了,因試食新藥要在醫院監察,並非做手術。佢D濕疹好番好多啦!


刻下有三份工作,你會點揀?

首先, 先不要理會投資回報!

第一份,月月高薪,舉個例,月月五萬蚊,可以做到60歲退休!但永不加薪~

第二份,第一年一萬,第三年二萬,做到第二十年十萬,如做到六十歲,月薪為二十萬。

第三份,第一年已經五萬,第三萬可能七萬,第五年已經十萬,只能做十五年,即係3X歲就無得再做,只能去做看更。

當年,我就係揀左第三份。

當初以為做十年八年就無得做,點知長做長有。。。

如果係你,你會點揀?

當初我係咁諗,如果每月洗費一萬,你搵三萬儲兩萬,同埋搵五萬儲四萬,以經係一個DOUBLE!

反而及早累積財富,可保之後生活。

當然,月月五萬都唔差,唔加咪唔加,盡早搵錢係皇道。

最伏係第二份,睇落最有前途,其實不停在浪費青春。對未來有憧憬係好事,不過真係到搵到錢個陣都老啦,個陣0既人生FOCUS都唔係呢D野,唔通真係到"四個小生"咁0既年紀,先去旅行咩!

所以,我好反感D人叫人苦行憎式儲錢!!搵得少不如轉工,又或創業啦!

樂天知命亦是一個解決方法。

切記人做你又做,例如做收租仔!一層無事,兩層租客代供,三層可以也文也武!不過萬一有咩事,唔講咩事啦,你真係覺得你唔會死先?

有好多人,入貨早過你,成本低過你。教你去死搵你做砲灰咋傻仔。。。

身邊要買樓0既都買哂,想收租0既,受壓測影響同收租現金流太慢,跟本買唔砌下一層。無未夠樓情況之下,咪又係要做5、60歲!

講番自己份工作,如經濟慢速下行,我預計我退休之時,即兩年半後,應該手頭上最少有四球CASH。(講左好多次,應為兩年股息80萬,刻下現金130萬,未來30個月儲蓄為200萬以上)

以五厘息計,可以再收多20萬股息一年,每年60萬股息,應夠有突,同埋女主人未退休,還有佢0既收入幫補下。

最期待畫面?梗係個市跌下啦!!!我都未夠貨!

交通銀行今日收市6。58
建設銀行今日收市6。18

邊隻好D?可否再平D?黎多次5蚊好嗎?

我等緊一次過買四百萬貨呀!

(其實D話自己半退休收租仔又未夠貨,竟然想樓價升!靠不停加按收租還錢,實際上生活現金流唔會多左好多,一樣要做,做到四個小生去旅行,你咪可以退。。。咁同普通打工仔又有咩分別?可以買個靚D棺材?)

呀!我住果個屋苑,租金成年無升過。。。女主人同我仲密謀想搬去最大最貴果種單位。都係貴而家一個DOUBLE,其實如果家庭收入有成廿幾三十萬,已經唔會住呢度。

最後,送上最近完成埋0既RG渣古!

今次主題係,狙擊獨角獸!






小弟生活鎖事或股票期權小變動,會先係FACEBOOK分享,再行文。
按此LIKE我FB PAGE

2015年8月15日 星期六

2015年8月12日 星期三

一通 的 期權交易 注意事項

呢篇唔係我寫, 但講得非常之好!!!

迪士尼門票已回本!! 佢今次話要坐車...仲有無格仔女主人!

收到一通EMAIL, 如下: (可只睇特別顏色個D, 佢寫一篇好過我寫十篇, 廢話個D 變左紅色細字! 如有侵犯版權或著作權, 請告知)

期 權 交 易 注 意 事 項

一通在剛過去的周五與港交所合辦的期權講座獲一通客戶踴躍參加,座無虛席,首先在此感謝客戶的支持。根據港交所今年上半年的統計數字,一通在股票期權客戶交易合約張數在全港十大之內,市佔率為3.8%,實有賴一通客戶的長期支持。

一通成績雖然是有目共睹,但
期權屬於高風險的交易產品,一通希望在此向客戶重申在交易期權之前必須充分了解期權的性質及交易程序。另外,由於一通是網上經紀,客戶需要自行落盤,所以在交易時客戶必須小心核對資料一通有見期權受客戶熱烈歡迎,在此特別提醒客戶在交易期權要留意的其中幾項重點:

一、風險監控

如客戶按金淨額低於基本按金的六成,一通可在發出追補按金通知前為客戶強制平倉一般來說,在大波動的市況下,早平倉比遲平倉虧損較少,因為其他期權經紀可能會在按金淨額更低時才斬倉,及早平倉可避開到時人踩人的慘況。到時斬倉盤太多,期權莊家可能不開價或擴大買賣差價,以致遲平倉的期權經紀客戶損失更大。

一通已提供網上期權交易逾七年,期間經歷多次大跌市的挑戰,不斷優化風險監控的措施,以致面對今年最大單日跌幅時,所有客戶風險全部受控,足證一通的穩健經營方針,能夠應付市場的突發事件。

客戶在按金不足時可儘快用繳費靈服務即時轉賬至一通投資戶口,不過,繳費靈服務是有上限的,所以,若客戶的期權持倉較大,為避免強制平倉,可能需要在一通投資戶口存放額外資金。如果客戶持有優質股票,亦可啟動股票孖展戶口,將股票轉至孖展戶口,便可套現至現金戶口,即時能夠補倉。啟動股票孖展戶口程序簡單,在一通網「戶口」功能下按「增戶」,選擇「股票孖展戶口」,便會收到啟動股票孖展戶口電郵,填妥補充資料交回一通便可使用股票孖展戶口。現金戶口及股票孖展戶口是由客戶獨立操作,可當作兩個股票戶口使用,隨時將股票在現金或孖展戶口轉移,滿足臨時的資金需要。


二、短倉風險

有頗多一通客戶沽空價外期權冀在到期日時賺取期權金,並以認沽期權為主,因為價外認沽期權的期權金與所需按金比例較高,回報率比價外認購期權較佳。較高回報率的事實是價外認沽期權的風險遠超過價外認購期權,原因是跌市速度及幅度比升市更快更大。沽空價外期權的投資者在享受期權金的豐厚獲利時,必須小心市場逆轉時要面對的損失。

首先,期權價格每時每刻在變,客戶不應以炒股票的心態看待期權短倉,開了倉便放埋一邊等結算。期權是槓桿式的投資產品,贏輸金額對投放資金是以倍數計算,長倉最多是輸了期權金,但短倉在大波動的市況下虧損的金額可以非常驚人,所以不要一味盲目沽空價外期權等到期。以下建議希望客戶在建立期權短倉時多加注意:

1)不要因賺取的期權金迅速加大持倉,持倉數量的增幅必須小心控制,避免持倉超過財力能夠應付的情況;

2)如果客戶長期交易期權的話,短倉期權金並非純利,期權金類似保險的保費一樣,遇有突發事件時,以前收了的期權金便要用作保險的賠償金;

3)認沽期權短倉在大跌市時因市場價格下跌及波幅上升,以致基本按金大增,所以在升市頂位時及/或波幅很低時仍沽空認沽期權並非可取的投資策略;

4)若期權短倉已經建立,客戶務必每日檢視期權價格及按金水平,如果經已有相當斬獲,可考慮提早平倉,不用次次等到到期日自動結算;

5)訂立適當的止蝕水平,因為市況可能與原先的估計有異,及早離場有機會減輕損失,亦保留足夠彈藥再次開倉;

6)預留資金捕捉大跌市危機,一般來說,大跌市後出現即日或隔日反彈的機會很大,再加上斬倉潮後的平倉壓力降低,消除反彈的阻力,所以此刻開短倉的贏面較大。


一通希望客戶在期權市場能夠勝人一籌,但純粹用簡單的期權短倉策略難以長期贏錢,所以客戶必須加強對期權的認識,一通日後會增加各式各樣的期權投資課程,讓客戶更了解期權的交易方式,不用獨沽一味。

三、期權合約調整

與指數期權不同,股票期權會因應正股公司的公司行動(例如派發紅股、供股、拆合股或重組)而作出合約調整。合約調整會在該等公司行動的除淨日前一個交易日收市後進行,期權合約的代碼、行使價、合約股數及開倉價均會按港交所指示更改,調整完之後的期權合約會在客戶的日結單及一通網的持倉組合反映。由於原來的合約代碼會用作新正股的期權合約,與調整後的舊期權合約不能互相交易。客戶若想避免輸入錯誤合約,可在持倉組合內按買賣鍵。正股公司的公司行動的資料可在港交所網站(www.hkex.com.hk)查看,客戶必須留意該公司行動的除淨日。


另外,沽空認購期權亦有很大機會在除淨日前一個交易日被提早行使,若客戶沒有備兌正股在手,便會構成沽空股票。因此在除淨日前一個交易日平掉價內認購期權短倉,可避免被提早行使而帶來的額外成本。

*********

我都係拾人牙慧, 分享分享而已.

循例都放下高達先~~~!!

今次仲有制作過程~~~~

先上銀底!! 我懶~~~~ 唔用夾!

再噴骨架...

最淺色就銀底噴上透明綠, 中深淺係黑色溝透明綠, 最深就再多D 黑色! 呢D 係人地教0既金屬色噴法

砌好!

同佢死過!



2015年8月6日 星期四

工作如何簡單減壓 + 2015 八月高息股

近排比較多出文, 原因係工作較清閒, 同時砌高達慢左....

鋪頭終於定左換機器方針, 貴左兩千蚊但慳左電的話, 如果係30 個月入面, 每月慳到100蚊, 都已經番本! 與其計雞仔數, 其實只要加價就乜都番哂黎...

2016 年不如加價? 再加4%?

平時講開退休退休, 其實我又未真係退, 至少做到租約完啦! 搵多三兩球就算! 股息另計~

我立刻收檔唔撈都得, 退休係已經做到的事, 不是一種願景!

係我二十幾歲個陣, 已經知道40 退休無難度. 幾年前D 收租仔未也文也武之時, 我都話半退休, 只是當時天真, 未有考慮周詳.

所以, 今天收租仔講0既半退休, 看在我眼裏, 都係得啖笑.

講工作, 近日發現好多人玩呢樣野!


呢幅野, 係一位讀書以前好鬼叻 (佢細我九年, 我估同期咁計, 佢仲勁過我), 但感情同事業都碰碰地壁0既女性FB COPY 出黎, 唔係話讀書唔好, 只能講, 女仔真係樣子先決...收入好就淪為幫男人供樓0既工具! 還是樣靚好!

初初唔知係乜黎, 今日女主人話而家好多人油顏色黎減壓! 女主人都買左D 手作仔番去玩! 用後感係有用, 但好花精神.

唔怪得有人行美術用品鋪(我睇噴筆, 以為壞左點知又無事), 見有兩三批人係唔同鋪頭話買木顏色, 仲買好靚個隻!

係大家成日旅行睇戲食BUFFET 個陣, 以為RELAX 緊? 只能講係用金錢換生活. 我好懷疑係咪人人都覺得旅行係RELAX, 睇戲係RELAX?

我覺得呢D 服務, 只能說好坃新奇, 真的RELAX 可能係做運動, 靜靜係屋企聽下歌, 或者油顏色....

辛苦油完, 集中過後, 睇番成品, 有一番滿足感!!

YAHOO 新聞LINK!  

暫脫離現實世界 重回童年時
一時之間,全球其他出版社亦爭相出版同類書籍,令填色書進佔各大暢銷榜,就連時尚品牌Hermes亦有推出填色書。不少網民更紛紛把自己的填色作品,上載到社交網站,對熱潮再推一把。
填色書可成為熱賣書籍,相信叫不少人跌眼鏡,但熱賣並非無因,原來填色有着神奇的減壓效用,這種「藝術療法」,正是現代人所需!有西班牙心理學家解釋,當人專注於填色、不塗出界,可讓人暫時脫離現實世界,擺脫壓力,選擇填甚麼顏色等,又可發揮想像力,令人感到重回壓力較小的童年時期。即是說,填色書就是對抗精神壓力的「良藥」
現代社會發展快、都市人壓力大,與減壓有關產品或服務,就大有市場了,最明顯的就是一眾減壓運動如瑜伽、跑步、冥想等,近年相繼掀起。美國傳媒曾報道,因減壓有市場,與瑜伽有關的產品、服務,成為全球10大上升最快產業,估值達到60億美元。

我同女主人講, 其實我一早做緊! 哈哈....我玩乜黎RELAX? (其實無乜壓力, 只係用來舒解一時時的鬱悶)


砌高達其實有異曲同功之妙, 所以我砌得唔專業, 因為佢地往往要成兩個月先做到一隻完美品, 我幾日就OK, 做出黎擺係度睇, 都好開心! 網絡金句圖!


UPDATE 一下高息股, 我都係CAP 圖! 留意, 大部份股票已除淨, 即係話今年息已派, 息率大前題係佢下年唔減派息, 例如渣打已大減派息! 各位朋友睇路~!


個人心水, 建行, 工行, 匯控! (長和系唔買, 另外三隻只因股價大跌, 明年維持派息成疑!)

小弟生活鎖事或股票期權小變動,會先係FACEBOOK分享,再行文。
按此LIKE我FB PAGE

2015年8月4日 星期二

收錢啦,唔好講咁多

今次標題係英文釋過黎....

"SHUT UP AND TAKE MY MONEY"


小弟都係大半年前識講呢個TERM, 意思係指有樣野你好鐘意, 係心頭好, 即使幾貴, 你都會比錢! 因為個陣開始學下玩砌模型, 到而家都係好唔專業, 但求擁有, 又厄到下"行外人"咁上下水平啦....

嘗試GROUP 埋同類型文章, 如下


今日想講0既係兩單新聞, 其實唔睇LINK 都得, 我估咁HIT 0既新聞人人都會睇.


澳門上月博彩收入186億澳門元,倒退34.5%,符合預期,按月則回升7%
總結今年首七個月,澳門博彩收入跌逾36%。
無陰公, 七月暑假先比考試月好少少...拿, 唔係講股票好唔好買, 只係想講, 單一產業一死, 全城PK.

唔怪之得我母校有個好睇唔開0既阿SIR, 成日去澳門, 話而家貴賓廳無人去要摺!

又唔怪之得上兩星期我去澳門(買每個人最後都要去0既地方), 全程的士非常易截啦.

不過澳門又關我乜事? 我會留意, 有冇人供唔掂層樓...


呢間野不嬲都個平字, PRODUCT 差, 租咁大地方捱唔住一D 都唔出奇! 香港人, 即使窮窮地, 都唔會作賤自己! 食好住好, 唔係日日, 都要係特別日子對自己好D!

結果低端產品又邊有人買!

另一方面, HKTV 玩網購, 係咪遲左少少? 而家你諗得到0既, 都可以淘寶啦! 傳統零售已經比互聯網KO 左!

你日常出街, 有幾多去左幫人交鋪租? 如非必要, 我都唔會去實體店買野~ 當然, 食野無得走....

無辨法, 鋪頭加租, 咪加番去D 客度, 收租仔都要食, 可能加得多過租金TIM!

最潮0既收租仔回覆, 係話:"員工發現打工0既唔可靠, 收租才穩定, 多左人買黎收租, 樓價GOGOGO"

仲有這篇BLOG 文...


下午一個東亞、恒生業績拉在一起的話,結果只有一個Worry!!!
以東亞為例,重點固然並非派息金額少,盈利不滯,而是內地貸款撥備急升,半年計,按年升三倍,半年計,逾期還款水平較年底多六成八。
更弊是,半年計內地貸款近乎零增長,在貸款沒有增長情況下,撥備急升,東亞故事告之,銀行別無選擇之下,已為多年來潛在壞帳做撥備。
以往,東亞對內地是義無反顧的樂觀,現在對前景卻是面對現實的平淡,同樣貸款及撥備政策一向審慎的小象恒生,半年撥備大升近八成,當中額外提撥由不足六千萬,跳升至近三億,恒生解釋可圈可點:受企業客戶信貸評級被調低影響。
有關評級並非標普、穆迪的信貸評級,而是銀行內部評估的評分,大象系對內地前景有幾樂觀,在在值得再思考。
內地是否都開始唔掂? 拿, 我唔係80後求死, 唔會知少少扮代表0既!

不過, 經歷過2007. 2011 滿倉遇跌市0既我, 深明一道理:

機會時時有, 不用急於求死

當然, 刻下升市人人發達梗係個個歡喜! 不過, 如果跌, 對我黎講更加好! 因為我未夠貨!!

大家準備夠錢未? 

未都唔緊要, 慢慢等, 有的是機會! 
儲夠? 咪住, 機會時時有, 唔好急於求死! (如果早排大升市入左, 又要蟹番一年半載未定!)

幾時入貨? 你一定知幾時, 只係到時你唔敢入; 當大家開始執死雞, 睇清楚有冇老虎係你後面啊!

我依然相信現在是牛二, 當時機到(未必一定是股價, 亦有可能同自己現金水平有關), 我會對個市毫不猶豫講句:

"SHUT UP AND TAKE MY MONEY!" 

現時有1.2M CASH 以及預計可借3M並係租約完結前完全還清.

呀! 網誌流量幾近17萬...多謝各方好友支持. 多人睇係我繼續9UP 0既動力!

附上一通排行榜


小弟生活鎖事或股票期權小變動,會先係FACEBOOK分享,再行文。
按此LIKE我FB PAGE

下一隻高達係....

2015年8月2日 星期日

我可以唔撈嗎 10

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
我可以唔撈嗎 8
我可以唔撈嗎 9


*****

男主人小生意又到一年一度計數日, 並唔係年終埋數, 而家呢D 時間已經可以預計到收入有幾多, 準過黃大仙.

今個月開始, 頭六個月平均預計過20萬, 之後六個月平均亦不少於15萬.

生意支出每月不多於25000, 可能20000 之內都未定. 視乎我浪費電力與否. (哈哈)

所以, 年儲百萬應該無乜難度.

唔係想哂命, 係想講多次, 我唔想老點任何一位BLOG 友, 小弟現金流可以頂到大部份股市波動, 而經濟唔好, 我估我都係最後一個比人慳減0既項目! 各位切忌亂跟, 請依自己承受能力行事!

我唔會自HIGH 一路做一路話自己半退休! 其實我呢一刻唔做都得, 只要慳D, 又食下女主人軟飯(我估佢都年入百萬, 佢胡塗一路都唔計!). 係咪咁講先?


個女預祝生日, 仲買左年票, 但去一次辛苦過擔泥! 究竟會唔會再去? 我日日都著到咁頹!

*****

講番正題, 已經寫到第十集, 真係唔知幾時真係退. 將鋪頭租約再加長左一年, 搵得就搵埋啦! (即係會係2017年12月完, 或許就係退休之日)

近日又係鋪頭砌模型, 免得常在鋪頭侷促。究竟最後會唔會因為想留係鋪頭砌高達,而繼續做落去呢??


呢期講過一個CONCEPT,就係唔同年紀0既人,要比較同要達成0既目標都唔一樣。

如果你三十內工作上0既成就/職位/有前途工作,可能係你最有用0既目標,至少你溝條女都易D!收租樓能否用黎溝女?我估過左三十個D女肯定用資產會易溝好多(卜卜脆妹妹仔一早比年青有為食哂,幾時到收租仔?),但後生仔又點會要中女?(後生仔會否要三四十年阿婆樓斯守?



如果你四十內,可能真係財務自由。並唔係為溝女,係為左趁自己未老,去做自己想做0既事,可能只係砌下模型,唱下K,陪下小朋友,出左發先諗去邊0既旅行,一點都不驚天動地0既野。

五十歲我未到,我估小朋友大左,你就開始怕佢學壞又怕佢前途唔好,又怕佢被綁不能追夢。錢?財務自由?到呢個時候大家搵得差唔多,自唔自由只係同慳唔慳D洗有關0者。

之後0既,我睇唔到。

我目標係,工作0既年數要比讀書0既年數少,就咁睇一定實現到。讀左19年書(唔計POSTGRAD 同MASTER),工作左都只係14年!


(re100 gundam mk iii 改色! 原本咩色? 網誌最尾有圖!)


****

每年預計收入係自己一種傳統,量入為出呀。不過,因為客人有連續性,若退休,有三個選擇

1。突然宣佈結業,成村人無炒旦食佢地會好慘,我又好無道義!

2。我預告會結業,一係比客人煩死要我延遲,一係佢地索性唔黎食,影響收入


3。唔接新單,最負責任,但係收入會得番好少。


依然煩惱中!當然,若黎多次股災而我又HIGH野的話,咪繼續做LAW!

後記, 剛等女主人收工食晚飯, 佢都同我講, 唔做某個客生意時, 正因個客都搵唔到代替品, 也央求女主人幫手! 當無任何替代品/你件野係最好0既時候, 其實可以串過個班天真收租仔...


不過, 我地又唔會咁做, 點解? 因為我地係正常長大, 正常成功, 正常地不需要吸血生存0既香港人law!

呀! 原來屋苑中最大最貴單位租金都唔駛三皮野, 我發現, 如果早排升市及早換馬, 已經可以唔撈再租埋果度無壓力! 機會呢, 時時有, let see.






(左邊係我改色, 右邊係網絡圖片原色! 噴灰再上色, 吃力不討好! 就當係練習.)

下一隻想買0既 gundam girl generation! 已通過女主人審查, 不過其實佢著番正常衫咪好law...

Related Posts Plugin for WordPress, Blogger...