小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年1月8日 星期五

男主人3球終於出手了!回顧:準備下一次出手

此文從未出過,只係我一路年幾以來慢慢打的,以作心路歷程之用。如太悶,請跳去2016年。

******
<準備下一次出手>
5 SEPT 2014

話說, 一向都借錢再還, 因現金流都OK.

第一次, 借左一球多D, 還左...不過經歷慘痛....2010

第二次, 借左兩球多D, 好順利還哂, 部份貨獲利套左現, 減輕負債結果提早還完. 2012

今次, 可能借貸額高達四球....四球好似好多, 不過, 求其整件廢青買層樓都四球啦...算得係乜?

點樣借, 又係一門學問....

最初, 硬借, 股票直接留係銀行.

上一次, 我借錢出戶口, 再係股票行買貨做COVERED CALL.

今次, 預計離買貨日子仲有好多, 可以比我儲下錢先. 再者, 離下次公佈股息時間重有半年, 呢段時間點都儲到六十萬以上.

預計股息, 亦都係六十萬左右.

剛剛好, 四球錢, 可以去玩股票分期, 出三成, 即係1.2M, 借入2.8M, 輝立話要年息2.88% 其實有D 誤導.

1. 佢先收1%手續費, 即變成 3.88%
2. 只提借一年時間, 兩年係3.88% 即變4.88%
3. 好處可以做COVERED CALL, 免佣, 有咩用? 雞仔數
4. 提早賣股, 佢話比息同還錢就OK, 究竟利息係全期定係果一期就得?

好處係, 如果股票價值跌, 只要補跌左個部份錢就得, 如存係OD, 就要全數補哂....防守力強.
以3.88% 為例, 九個月0既OPTION, 已經可以COVER 利息支出, 結果股息可以全收了.


10 DEC 2014

再UPDATE, 滬港通開左喇, A H 都狂升, 不過昨日又暴跌, 未係機會, 不過都UPDATE 一下.

我十一月份果陣EMAIL 問過輝立, 佢好快即日有人打黎答我, 原來還息唔係還全期, 咁都OK 抵玩.

刻下已有五十萬現金, 一路儲到明年年中應有一球, 計埋股息應該有1.5M.

如果而家買貨, 要五球現金, 等佢跌到四球有交易先算. 同埋, A 股帶動H 股上升, 其他非H 股, 例如渣打, 可以放入觀察名單, 佢唔穿紅底我都唔會買住.

若內銀續升, 致股息少於4%的話, 我會轉買匯控呢D 唔駛收股息稅, 期權交易量又高好多0既股票.

27 JUL 2015

呢篇野又係UPDATE 時候, 等足九個月我都未出手, 証明賭性已全滅。其實本身都無乜賭性,只係玩股人特徵,就係成日鐘意買買賣賣出出入入。

個人投資金句:"買入時機比一切重要"

我唔係價投人,都唔係睇圖個D TA人。只係覺得如果係適合時機買入,嬴面其實高到不得了!

現恒指又去番二萬四左右,七月頭有一日仲單日跌到二萬二千幾。

交行6.93,建行6.28,匯豐67.75!

建行已經差唔多進入射程,睇黎匯豐今輪洗倉無佢份!原因?因為大升時都無佢份,無得滿倉又點樣洗走佢?

UPDATE下我0既步署,已經係輝立開左戶口,原來做股票分期仲要開多一個!

大部份股同錢都係一通,中信銀行得番30萬股票同七十萬現金左右,已經如箭左弦。

不過交行太貴,可能將交行賣左佢買建行,雖然建行有股息稅,計落股息少過匯豐,不過以派息比率計,如果兩間一齊PK,建行只係派緊三成,佢大可提成比率以維持高息;相反匯豐己幾近八成,只能減派。

行動未實現,繼續唔PUBLISH。

目標係是但一樣
20萬股匯豐,一年股息約77萬
200萬股建行,一年股息約67萬
200萬股交行,一年股息約60萬
以上係2014年度派息,若來年有加減又另計

加上期權及收入,預計我退休之前已可以還哂,作為最基本0既退休儲備。

8 JAN 2016
轉眼間又半年。

今日建行跌到5.0X, 真係進入左射程了!52週新低

SEND個WHATSAPP比輝立AGENT(其實我從沒係呢間行買賣過,只係放左D股票係度,準備出手)

因為要借金額約330萬,所以呢,要D時間。

以為要一至兩日,點知即日攪掂左。

即倉中新舊加埋,共有2000000股建行。

買入價如下圖。因還款表未出,都未知每月還幾多。

三球野,可以買間細價樓了。仲要唔係差架喎!

手續費總值1%再加哂上面政府收0既,總借額應為3293000(ROUND OFF 4個SIG FIG)

如年息為2。88%,分兩年還,每月供$141360

實際款比呢個數少,因為雜費同手續費我應該一次過比哂,同埋,我呢D算OK唔大唔細0既額係有計傾。幾多%就唔講得了。

結果,眨下眼就完成左!儲夠貨,如明天大跌。。。都無計。

大陸剛剛取消熔斷機制,又睇下點。

我心中如何盤算?

手頭上約有150萬現金,即係話可以頂到十個月還款,亦假設每月能儲五萬(呢一刻每月儲到十萬)

而每年八月派息(約60-64萬),假設不減派及預期貶值RMB只能90對100HKD。分別係第8及第20個月派

0 手頭現金150萬 <欠329萬>
1 手頭現金141萬 (150-14+5),<欠316萬>
2 手頭現金132
3 手頭現金123
4 手頭現金114 <欠276萬>
5 手頭現金105
6 手頭現金96
7 手頭現金87
8 手頭現金138 派息60萬,即87-14+5+60
9 手頭現金129 <欠208萬>
10 手頭現金120
11 手頭現金111
12 手頭現金102 <欠167萬>
13 手頭現金93
14 手頭現金84
15 手頭現金75
16 手頭現金66 <欠112萬>
17 手頭現金57
18 手頭現金48
19 手頭現金39 <欠70萬>
20 手頭現金90 派息60萬,即39-14+5+60
(此時只剩欠款70萬,已可一次過還清有找)
21 手頭現金81
22 手頭現金72 <欠42萬>
23 手頭現金63
24 手頭現金54

如每月生意同而家一樣咁好,預計去到第十二個月就會還哂。

***總結***

由2014年九月到2016年一月,忍左手年幾終於買貨。

小心燈神係我,免我做你又做,一齊搭沉船!請量力而為計算個人所承受風險。

24個月後,鋪頭租約完結,而我亦好有可能退出唔做。真係靠食股息達至財務自由。不用收租吸血咁陰質。

往後期權亦會做,股票亦唔會死守,善價而沽。如足夠令我轉去比單一股票風險低0既ETF,而食息夠用,我會轉。

73 則留言:

  1. 回覆
    1. 現在去訓了、睇下睇下又3點~~~
      要小朋友12點睡了後、才有自己可以處理事及做家務時間~~~~

      刪除
  2. 強。舊年9月、10月、12月三次都可以忍住唔出手。忍功強過甲賀派+伊賀派。

    回覆刪除
    回覆
    1. 升市忍手好難....
      不過早知升果陣放左部份股先...不過有早知, XYZ
      忍者動畫, 有套甲賀忍法帖, 好正.

      刪除
    2. 甲賀忍法帖正呀!尤其係陽炎!cctvb有做過。仲有仲間由紀惠的真人版。

      刪除
    3. 魔術師,識睇梗係睇留言。
      螢同水蛭都唔錯,大部份女都正。
      相信真人版都好難表達出各人宿命中的無奈。

      刪除
    4. 甲賀忍法帖結果太慘了

      刪除
    5. 最正除左女角外,就係呢種淒美feel.

      刪除
  3. 勁,最衰 blogspot 無得用公仔,唔係一定俾十隻手指公男主人。

    當中的一份忍力已經非常值得學習。我就係成日衰衝動,一有錢就身痕。

    回覆刪除
    回覆
    1. 因為從失敗汲取教訓, 留錢好過即買.
      港樓也一樣, 有排沉.
      不用急於求死

      刪除
  4. 回覆
    1. 只能夠講, 快是AGENT 功勞
      狠是我懶
      準, 未知...要等番三五七個月了

      刪除
  5. 係咪男主人本身已經有6,7球,依家只係去借3球,所以股息會有60幾萬?

    回覆刪除
    回覆
    1. 見文
      "即倉中新舊加埋,共有2000000股建行。"

      刪除
  6. 我都用類似既方法一個個50萬咁儲. 唔同的是因我本少, 我比較追求資本增值, 派息是第二考慮. 其實管理好現金流就OK 了!

    回覆刪除
  7. 過黎學習下男主人忍功

    回覆刪除
  8. 比十個Like~~~
    昨天也加注27000@5. 可惜全私己,無借力^_^
    哈哈

    回覆刪除
    回覆
    1. 十幾萬已經好多!
      借錢要計數, 唔係計還唔還到, 仲要計如果最差, 點樣甩身.
      按上按上按果D, 一爆就會死...

      刪除
  9. 70後兄對建行信心十足呢。

    回覆刪除
  10. 大陸經濟咁差仲問內銀股?新手一問,本身都想入下

    回覆刪除
    回覆
    1. 小弟都係新手, 原來大陸經濟咁差...
      真係唔講唔知.
      不過買左就算, 拿, 咁差真係唔好買內銀...

      刪除
    2. 哈哈、唔好講笑啦,你點算新手,我是你fans,上年開始追你個blog架啦

      刪除
    3. 因為我唔分析睇價值, 所以一分析就肯定係新手.
      謝謝支持. 我真係亂咁黎的.

      刪除
  11. 人仔跌,內銀會差,呢個時候入要好大勇氣,

    但睇返大半年前,當時內銀股又炒到飛天,當時你要沽又係好大勇氣.

    你終於用輝記,雖然話手續費貴少少, 但呢間此終夠大, 好野黎架~

    回覆刪除
    回覆
    1. 美元眨值其間股市表現如何?
      用輝立,只因平息。哈哈。可能供完又搬倉的。

      刪除
  12. 我就重等緊,今日再沽左d割禾青。

    回覆刪除
  13. 1. 長期忍住唔出手
    2. 借貸去大量入貨
    3. 詳盡分享借貸入貨過程
    對我黎講,要突破心理關口,做到上述3樣其中一樣都不容易。
    今次真係唔留言支持70後兄都唔得~

    回覆刪除
    回覆
    1. 謝謝支持, 不過睇個情況, 我星期一變蟹機會好高.

      刪除
  14. 勁-建行幾多個零都要慢慢數,唔係好易數錯
    忍-跌左咁耐,忍到依家先出手
    狠-1次買咁多,要好有勇氣

    回覆刪除
  15. 七十後兄現金流超強,藝高人膽大

    回覆刪除
    回覆
    1. 如經濟一路差, 應該最多頂到一年...
      第二年生意額會跌了.

      刪除
  16. 新手一問…… 明白建行夠大隻,高流通量。但從風險角度看,想理解兄為何唔把成千萬的投資,分散幾支差不多息口的股呢?而將全部雞蛋放在一起。

    回覆刪除
    回覆
    1. 1. 如追高息只有內銀.
      2. 要跌齊齊跌, 只能買中電果D 可能跌少D
      3. 如分散, 買指數好過.
      4. 我唔分析, 只能人買乜我買乜, 最怕買左幾隻, 三兩隻唔生性...

      刪除
  17. 個答案就係夠大隻同高流通量,你會一注買阿寶定分散買黑色三連星?:P

    回覆刪除
    回覆
    1. GREAT MIND THINK ALIKE!
      不過曾幾何時, 匯控, 中人壽, 銀娛都係每日成交叱吒一時...
      唔寄望佢係阿寶, 但至少都係佢身邊唔會死個D 拍檔.

      刪除
  18. 恭喜師兄~嚟緊如果做權又要面對另一問題,2000張要沽齊都唔易呢。祝師兄早日退休做自己喜愛嘅事:)

    Monster man

    回覆刪除
    回覆
    1. MONSTER 兄, 要沽, 一定每100 或200 張咁沽.
      之前升市試過, OK WORK.

      刪除
  19. 70後兄真係藝高人膽大呢!忍手多時已經好勁,祝你一注成功早日退休=)

    回覆刪除
    回覆
    1. 除非減派息, 否則應該可成功.
      今次唔怕蟹, 唔怕補孖展, 現金COVER 好足.
      唯一只係蝕左機會成本, 可能佢跌到3蚊呢.

      刪除
  20. ADR建行 4.876

    今年可能會減派息 3至4厘,小心風險。

    回覆刪除
  21. 你起頭踏入個股票/期權市場時有冇失敗過,成篇野一個字(勁)

    回覆刪除
    回覆
    1. 會有人無失敗過? 咁一係佢一路九up 學80隊長,一係佢從無入過市。

      刪除
    2. 哈哈,小弟而家都想學下期權,不過都係果句,講十次不如做一次

      刪除
  22. 期權您有千幾蚊,做calendar spread option您一定學到野,同好小機會蝕

    回覆刪除
    回覆
    1. 個D 一套0既期權, 好少做.
      理論上好WORK, 實際上買賣差價好大.

      刪除
    2. 喺喎,您買三百萬個啲建設銀行,做左SC未

      刪除
  23. 正想去輝記搞下 師兄文章帶我行小好多路

    回覆刪除
    回覆
    1. 要問清楚佢地。
      人人要求也不同,有人用錢借,有人用股借。

      刪除
  24. 70後兄,一切萬分小心! 內外大圍環境真係有D唔妥,風雨欲來。祝順利。




    回覆刪除
    回覆
    1. 記唔記得上次以為大升市, 結果好快番番原位?
      其實今次好安全.
      一個月前, rmb 跌左一下, 全球出事. 今次, 大家已有心理準備, 未必會有骨牌效應. (我地散戶就怕餐死)
      不過個市一定要跌, 唔吸夠貨, 到時又點夠貨派?
      年頭喎, 仲唔拿拿林質低個指數/股價, 唔係年尾點話比人知升左幾多?
      唔知係咪應該咁諗, 不過如果真係全球出事, 唔會咁樣膠著, 一定跌到連補孖展開票都開唔切.

      刪除
    2. 分析得好好,俾個like你,祝順利

      刪除
    3. 上次升市,看錯以為是狂牛無食糊,損失是賺小左,無損本金。
      今次跌市,若看錯太快去接刀, 損失會是本金,更加要小心。

      刪除
  25. 投資最難的就是一個"忍"字.


    巴黎



    回覆刪除
    回覆
    1. 都唔係0既, 做下其他野, 可分散注意力, 例如砌高達.

      所以而家蟹左, 心情都唔差

      刪除
  26. 從你放棄本行專業自行創業同埋一注獨贏買股兩點觀察, 真係好佩服你咁有個性咁勇猛!

    回覆刪除
    回覆
    1. Leo 兄,女主人今人已串我有冇後悔。
      我唔係勇猛,只係懶。
      謝謝支持。

      刪除
    2. 個人認為,你已經贏面已經大過好多「醒目仔」,因為你會假設自己「唔知」,目標係收幾多息就幾多。大部分股市失敗者都已為自己好得,知少少就以為自己係巴菲特,其實,投資股票,一定要假設自己唔知多過知,因為股票價格本身就好多變數,就連大部分公司本身管理層都冇足夠智慧預視公司將來,所以,高估自己訊息掌握水平會可以好大鑊。

      刪除
  27. 又學到新野,如果真係見到18xxx,入番多少少 2800 都應該守得下,等我都問下輝立同計下數先。玩少少賺下經驗。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...