小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年5月29日 星期日

一生三宅 可退休?




又係一篇成個月前0既TOPIC,臨入院前幾日同老婆行書局,睇到一路都唔知係乜水0既乜SIR本書。

一生三宅可保平安?
一生三宅可退休?
一生三宅可即時財務自由?

CASE1
(月入八萬,擁三層貴野)

我諗,影一頁唔算侵權卦?如有,不妨告下我或通知下我將佢REMOVE。


呢位乜SIR讀者,成功一生三宅(好似仲有一個係車位)!家庭月入8萬,支出每月消費支出五千真係嚇我一跳,一日洗百幾蚊咋陰公!不如唔好去旅行,每月洗一萬,個人鬆動D!噢,月入8萬咁慘苦0既。。。

重點,三層樓收租四萬五,我當你三十年已經FULL PAY,父母又已經唔駛養,咁就可以自由。但每月依然係五千蚊(或同等)生活質素,仲有老婆架喎。仔女應該無卦,咁將來會唔會有。

細心睇,佢係貼錢供樓0既,無計,佢逐間買,越買越細同貴,回報梗係低。

CASE2 
(DISCUSS 網絡紅人,唔知佢人工點加,不過買極都係三球)


「雙租族」5年買3層樓秘技大公開



又係同CASE1 一樣以租養租,不過一野比人篤爆左。一黎佢儲首期速度好快,人工升得好古怪。二黎佢咁快可先FULL PAY 第一層FREE 番個QUOTA 出黎。

我講0既都唔係技術上問題,三間唔同時間,三百萬樓,大中細三間,收得幾多租?尤其第二間2013年三球左右租到14K就有D奇。

點都好,未計供,得$38000,夠用?(未計租樓支出喎)

我只係想講,三層樓,一定唔夠財務自由,只能補貼下自已收入。我已經係當佢FULL PAY架喇。

咁,即係都仲係要做(番工),又同而家有咩分別?

CASE3
(男主人終極幻想)

三十年前,即係1986年,以男主人個區ABCD盤計,應該得D盤同埋當年新出0既C2盤!唔理佢開賣幾錢,我當你當年FULL PAY!

D盤呢一刻租緊唔駛一萬,C2盤都係萬一二左右。

你話喇,三十年後今日,你供左三十年(你供又好租客供又好,總之而家你是FULL PAY!),呢一刻,每月三萬蚊,唔鬼計果D差餉管理費地租大維修,真係可以安享晚年?

重有,你租樓開支未計。你住其中一間,兩皮野(扣埋得番萬幾蚊),真係係而家夠你兩公婆退休生活?

得!飲下茶慳D都夠!

但旅行,請工人照顧自己,睇醫生,就未必夠喇!

CASE1 CASE2刻下達唔到財務自由,CASE3最真實,當年一生三宅都唔係退到休。

當然,當年未有財技去加按,而跟住加人工你再買又另計。咁就唔係一生三宅,係一生十宅啦。我都計過,如果我要退休,要有十層!

香港係咪可以再重演一次經濟起飛?

當年三層樓價加埋都係幾十萬,而家至少九百萬啦。咪住,HKB當年幾蚊,最高位百幾蚊喎。。。都係三十年前咋。

究竟係咪有人有遠視?近而不見?你話估未來會點就難,用之前D舊樓黎計,樓價係升左好多,但收租到呢一刻都係唔夠用!早前租金升幅只係供求問題而非經濟實質增長喎!

我又要講多次,經濟已成下行勢。街上人少左,D人又慳左。連女主人消費思想都唔同左!

之前D人一開二三四,因為樓價上升預期上升,可以加按,可越升越加。而家樓價下跌或唔郁,用盡購買力個D收租仔買又買唔到,越少人買價就越殘,銀行估價更低。

無左呢堆加按人,焗結婚果D又結哂,大陸留學又唔係香港讀書,仲有一班認為樓價跌而縮沙0既人,需求仲剩番幾多?

早兩日砌0既,BB377 武者號斗丸!



最右果張未上手油

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年5月20日 星期五

男仔中學成績可成為潛力股溝女?

訓唔著, 將入院前諗好左0既寫/打一次。

老實講,我N年無見過工,不過成績表仲收得好好,一搵就搵到。

唔見得人個D唔SHOW啦!

小弟BAND2學校(5個BANDS)出身,呢個成績可能係創校最好。不過,第二年已比人打破。哈哈!

或者,我係<BIG FISH LITTLE POND>,結果不甘做一粒齒輪。同同年紀0既人又唔係好溝通(而家同大部份人溝通都怕講錯野,所以BLOG聚唔敢去。免得罪一D我喜歡0既BLOG 友),走左去炒旦。

當然,自己有炒旦天份就肯定。同時,亦多謝帶我入行的J.LAM(真名!)帶左我去一片藍海,佢係牛津大學數學系碩士!

拿,讀書人,或者讀得書0既人,其實佢地D謀算未必同個D傻傻收租仔一樣一時你講回報,我地又計到回報盲點;好喇,而家租值下跌,又同人講生活質素,其實我地呢一刻食緊花生儲緊CASH,班收租仔仲還緊MORTGAGE再借又過唔到壓測(租金跌等於人工跌,慘慘豬)

講番成績表,小弟都係打波(唔勁,同同學放學玩下個D),打機睇漫畫個D學生哥。當年應該無溝女(未必算溝,傾下電話就實有),要數有人追,過左會考中六先開始有。留番外傳講啦!

我一D都唔靚仔(老婆話0既!),只能叫斯文(敗類)
可能讀書好似潛力股?

諗真,小弟年青時起碼做左十年以上潛力股,有女睇上(靚唔靚唔計啦)都真係有,唔駛收租樓。真正搵到錢以後,就更加要小心,邊有人會鐘意D女鐘意你D收入?(有樓有女呢句,真係咪講笑啦。。。有車有女就真0既!)

點讀呢幾條A出黎?

無架,當年我唔補習(家窮)中文睇明報學生版(講你都唔信,是有用的!),其他科只靠小量練習,早四個月開始讀。

明不是最難,咁大個人要明已經好基本,背才是重點。

跟住又有人丙話死讀書,痴九線,睇個醫生做手術,醫生D SURGICAL PROCEDURE 唔駛背?佢用"明"黎同你開刀?

DESIGN最多讀唔成書0既人讀,你估真。DESIGN唔駛背?有真正美術底子0既,相比以為唔駛讀果班,咪高低立見LAW!

牛津碩士話我知,佢當年PURE MATHS個A都係背番黎!!

小弟話你知,我A MATHS只係用左三日(四個月入面,臨考前三日),將十幾年試題背哂入去,一條數都無做過

死背?在背"劍招"而非背內容!

四個月入面,主力攻我A左個D啦梗係!中文都有得背,並非背課文(呢D基本),仲要背"估出題",諗下可以點組合黎問(唔明?咁講,即係自TIP試題!)

好喇,好似10A港姐咁哂左咁耐命,我想講D乜?

1。喂,邊個教你唔駛背只要明?一係玩九你,一係佢都唔識!收租仔教你0既,真係得?佢符6其實唔識咋下話?

2。讀書係咪真係無用?肯定唔係,查個外國WIKI對入面講解明白程度,讀書人同非讀書人理解已經好唔同。

3。溝女,MK可能真係WORK,不過男人過左25,MK與否無乜關係啦。如果講其他因素,講野同讀書係25歲前好有用。咪住!我記得中學女神17,18歲就比個大幾年0既醫科生溝左!咪又係前途用樓溝女?仲衰過做手術整大條J以為可以溝女,一樣可笑。

4。青春一去不復,細個唔努力,其實唔緊要。若然因運氣財大氣粗笑你隔離果個全級第一名唔夠你錢多,你真係未見過大蛇ALL尿。未見過叻又叻過你搵錢又多過你0既人。即係咁,物以類聚,你又點會識得到10A港姐呢?

5。有時讀書好簡單,同投資一樣。遇到跌市,其實幾花巧都係輸,除非你好彩。反而控制注碼係自己可控

我對買股投資真係一D都唔識,不過有錢咪買下。策略好簡單,會否成為大鱷點心?唔怕,我有無限補時,因為我唔等錢洗之餘,亦已經夠貨。最差0既,咪捱多幾年捱到四十,一年儲一球,有咩好怕?

股票總值日日跌~


零售唔掂,我依然無變,排隊買炒旦依舊,揀客依舊。

開唔開分店?
請唔請人幫手炒旦?
SORRY,讀書人固執,有目標收夠柴就會頭也不回收山。過左四十,陪下家人小朋友,不亦樂乎?


仔似老婆,女似我。。。幾奇怪!?

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年5月14日 星期六

輝立証券 股票分期計劃 用後感

小弟係一月咁上下,用過輝立証券0既股票分期計劃

好唔好用?用後感如下:

我一共買左三百幾萬港元股票,分兩年,唔算好多,不過應該有資格比講下呢個計劃。

我個情況,其實我現有150萬CASH,為左全借同埋安全D,我借足全數,無用CASH

網上條數唔清唔楚:其實一係拎三成現金,用股票做抵押其實好麻煩。

2基本上佢地好多人手計數,好慢。買哂股比哂錢,過N日先知收費,真係玩死

買賣佣金貴絕我用過0既証劵行(一通,致富,什至中信銀行!)

4經紀溝通奇差,開頭話可以分兩年,1.88%,點知股票都買埋,佢先同我講攪錯左,要2.88%!你話死唔死?呢個係經紀問題!

5最可惡係,除利息外,佢要收1%手續費。呢個我預左,不過呢,原來係總貨額0既1%!明明借三百三十萬,佢計總貨額四百幾萬。後尾要鬧佢(1.88%個件事),先肯退番收多左0既比我,7千幾蚊等如個幾月利息。呢個係魔鬼細節!!!

6好喇,當我還哂(我BUMP再錢入去提早還清),諗住射倉個陣,竟然分期戶口同股票戶口不相通,你想下指令轉番去股票戶口都唔X得!結果要分兩次射倉。有冇攪錯,夾硬屈多個客200蚊!明明係我D股票仲已比錢贖埋!

收息超搵笨(同分期無關),手續費同我間銀行一樣。但佢每手收HKD2。5元!!正常HKEX收$1。5,大部份銀行都一樣。即係,我2000手建行比佢收多2000蚊

計過數,射埋倉都仲抵過留係輝立,轉走哂佢好過!

其間我無做過COVER CALL,唔知仲有冇魔鬼細節!!!小心小心!

陰人最勁,應該算係輝立。




1/400京密剎 QUEEN MANSA
因為佢係多色成形,只加少少手油同水貼
簡單得黎,適合剛出院0既我砌

耀財無用過,齋睇利息都唔SO,唔諗。

我用個間銀行,股票OD戶口都只係4.25%,我D錢又係入面,即係話,我都係借180萬左右,無手續費,每月都係$6375,已經平過輝立第一期利息。無啦啦仲扣多1%手續費真係條氣頂住頂住

呢一刻個PROFO 係咁。

五萬幾卡數,因為入院檢查,保險可以CLAIM 番。

輝立証券 股票分期計劃 好唔好用?如果你自認笨七想比人搵笨,咪可以用LAW!


我就笨過一次就夠喇,你呢?

唯一叫做好少少,係經紀幫我射倉,唔洗親身交FORM,只係咁。

想知點計佣?
ANDROID有APP計佣金。

港股佣金計算機

https://play.google.com/store/apps/details?id=com.calculator.hkstock.vaisseauhk

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年5月13日 星期五

港仔做生意 - 墨西哥餐去左賣咖哩魚旦

又來BLOG MINING....

男主人工作系列 
(原來幾多文相關...)

15/9/2014 我的藍海一: 我的生意像澳牛
7/10/2014 我的小生意續約了
11/11/2014 墨西哥餐: 做乜要咁辛苦?
31/12/2014 小時候 小茶飯 做咸SITE!
1/2/2015 我的財富累積大道(上)
3/2/2015 我的財富累積大道(下)
20/2/2015 新年比人問搵幾多?
16/4/2015 最沒信心的事 -- 傳承
23/6/2015 我深信的人生遊戲
24/7/2015 退休教授 -- 意想不到的 facebook friend request
17/7/2015 年青人應如何創業(一)
18/8/2015 三分工作,你會點揀?
9/11/2015 如何活得無悔? 收租死不足惜
1/12/2015人生遊戲二 魚與熊掌
5/2/2016 鋪王其實都係我個客!
21/3/2016 教育路上奔馳
4/5/2016 生意前傳 -- 被人蝦的經歷


***

呢篇文真係打哂尖1 其他儲開0既文章都要行埋一邊呀!

話說男主人呢行話大唔大話細唔細,大則當係"飲食業",細則當係"澳牛炒旦"。

又再話說,男主人單打獨鬥不太問世事,除左知道一D做意大利菜,西班牙菜,非州菜0既老前輩消息外,基本上係無朋友無認識0既人係同行

又咁0岩,好間接咁識得有個人係做墨西哥餐墨西哥餐: 做乜要咁辛苦?>, 我知道佢上年已經將餐館縮細左,搵得幾多我心中有數,上年開始佢脫離左飲食業去左賣坃具!令小弟大惑不解!

因男主人都有朋友賣玩具,利潤初做有幾多其實估得到,一定唔會多過佢做墨西哥餐(當然佢做得差成點我唔知,當年好大口氣,可能佢唔知我係經驗老佢一輩個班人,只當我係一個普通同行

佢老婆平均搵13-17K一個月(我十分清楚),最初佢打工幫人做餐,我估都兩三萬走唔甩卦!賣玩具可以賣到呢個數?初做喎!可能佢賣EBAY賣上大陸?咪玩,呢D一早有人做左做過,已唔係藍海。

男主人月入十五個以上,女主人點都有七八個,最得意係,佢地兩公婆真係好捨得洗!(或者係我地孤寒啦!)當然,人地老豆有幾多,所謂基金投資唔套現又可以幫幾多我就唔知喇。佢無物業,一樣都係租樓。

今日,聽女主人講,呢位仁兄又轉番黎飲食業,不過唔係我呢個MARKET,佢打算去開間咖哩魚旦檔做老闆!

WOW~~~!我當堂打左個突,因為開魚旦檔我都略知一二(墨西哥餐我就唔識),第一租鋪地點非常有限,租金唔平,第二好多人都識做,有潛力0既地方都比人插哂旗。

最重要係,個種咖哩汁,除非你開過檔,否則由零開始的話,個汁差到無人幫襯架!

賣魚旦,客源幾種

1。鐘意你D汁,佢無
2。鐘意你夠平,佢應該做唔到
3。鐘意你夠功夫,佢打算請人打魚旦,一定做唔到親自整個D級數

仲有,同行會攪你,牌照攪得到,貴;攪唔到,生意受影響!

再者,非正式統計,只有魚旦妹生存到,魚旦仔存活率近零!大部份最後要蝕賣盤或者執笠!

入院前最後一隻上水貼。MG 1/100 GUNDAM TURN A!話說佢係最醜樣高達!又話說故事入面佢係最強高達。。。年代係所有高達故事之後,因力量太大比人封印左。




(電鍍藍色水貼,心口部份滲左銀色線同上銀水貼,留意左腳有HK70S字樣,方為正貨!)

講番墨西哥餐呢個人,佢應該係典型港仔學做生意例子,以前D人開間7-11一樣,諗住唔落場做只係比錢就可以有回報!哈哈哈!諗住掉D錢出黎等人地同你搵錢,正傻仔。。。打魚旦叻個D,又識SELL客個D,佢做半年就會自立門戶了。

P。S。 佢賣玩具成績肯定差,因為我都見到佢係FB賣野,說話極其尖酸刻薄,係賣得好就唔駛話人講價報價啦。網上賣野預左係咁多人出聲。咁唔大方,都唔方搵到咩錢。(例如,男主人從來唔會利用任何平台宣傳炒旦,口裨就係最強工具)

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年5月10日 星期二

我可以唔撈嗎 16 入廠維修

其他唔撈系列link 後補。

話說男主人燒左兩個幾星期,約左昨日星期一入院。



臨入院前燒已退得七七八八,不明燒都係check 下好。

結果照食道,胃,小腸,大腸走唔甩。

之前驗血肝酵素Ast Alt 均高於正常一倍,而家族人士有肝膽胰問題。

結果照埋下全腹超聲波,連埋前列腺。

驗血同尿走唔甩。

1 胃息肉已切

2 少少脂肪肝,叫我做運動

3 前列腺,脾,無事

4 食道,腸無事

5 就係唔知乜事發燒

明天出院啦

本來諗住若有野,黎多個 CAT scan.

燒退左,人定d.

上星期諗過。。。

如果係即死,末期xx,留低既錢同保險少量應夠高堂妻兒女生活ok。

如果幾年命個d,慢性唔知咩咩衰竭,即時唔撈休息下,做埋自己想做既事,雖然無乜。

如果要慢慢養病過d,責任上炒埋呢兩個月旦就唔撈,轉為休養加湊小朋友。

如果無事,繼續依計劃行事。

女主人早兩日4.77 買入建行十手,而家已蟹左。




病房中,為免整夜太悶,我淘左 1/72 突擊高達黎玩。大陸老翻來,叫強襲高達。

合金成份好重,連埋順豐到付,共港紙 850 左右。差唔多成隻pg 咁大,好正。

如果我係幾層樓係手收租,呢個位真頭痕,cash back 比家人都黎唔切。話就話收租,孤兒寡婦遇上租霸點算?如果十間有五間無租收點算?唔係供既問題,現金流會出事。

三十年賭局,即使表面似贏面大(只因通漲),你要頂足十幾廿年都唔係一定得。

炒旦既客人聽到,都好關心我,其實我非常暗爽。哈哈。

點都好,有冇事又同今次久燒不退有關就另當別論了。


2016年5月4日 星期三

生意前傳 -- 被人蝦的經歷

舊文重溫

我的財富累積大道(上)


首先預告, 下星期二如無意外, 可能不停有UPDATE, 原因暫時賣個關子.






小朋友又去左愉景新城玩,呢期無高達,因依舊抱恙,零進度。

見到魔術師講期權中的"雙龍閃",真係好耐無聽過人咁講了,而家得番D財演用專有名詞懶係勁。<原文請按連結>當然,我唔係受呢樣野吸引,睇到前輩初出茅廬搵錢唔多,又比上司蝦,諗諗下原來我都有過呢D經歷。

講打工,男主人打過六份工只有第五份工係生意相關,當時亦同時做下PART-TIME),即係係,2001-2005之間0既事。

首份工(月薪8000),做左九日(實收千幾),唔撈(正廢青!)無人蝦我,同事覺得大學生走黎做SALES好怪,都好FRIENDLY,可惜,我唔想利用我0既專業係呢度,同埋我隻愛貓剛巧去世。就是任性,唔做咪唔做。(呢份工由畢業起搵左幾個月架)

第二份工(時薪已忘記,肯定唔高),聽電話提人找卡數,即係CALL CENTER,其實係而家求職報入面個D TELEMARKETER 前身。完全係虛度光陰。咁0岩又係做左9日,一黎錢少二黎搵到新工,走。無比人蝦,只有個SENIOR 係度扮PRO正ON9。。。(男主人專業訓練中見過唔少呢D扮勁無料的人)

第三份工(月薪八千),文職仔,做左三個月即走。雖然準時番放,但路途遙遠之餘錢又唔多!最重要係,應承左試用期加一千蚊人工,到第三個月竟然要問大老細?!大陸同胞做野真係。。。星期六放長短週,放假重要一早打黎搵你。咪玩,即走。

第四份工(由七千至萬幾都試過),只係過渡性質,做左三個月,工作性質只係坐。作用同賣老番個D阿叔一樣,如有人黎查牌,你要認左壇野佢!有女睇有水吹,最開心係呢份。可惜間野拖糧拖一個月,幾乎無錢駛。後尾搵到第四份走。唯一得著,係識左初期炒旦個拍檔。

第五份工(月薪一萬,加埋PART TIME有近二萬),炒旦相關性好高,小老細係牛律碩士,因車禍轉行。一做做左一年。過左試用期加人工,都係小老闆自己掏腰包拎出黎。大老闆只係出錢過日晨。當時同時做幾份PART TIME,也是炒旦相關。一樣,無人蝦我,因為各有各做,吹水傾計就有。最後我因失了初戀<了解我的初戀 八千里路雲和月>無聊番番去讀書而辭工。

第五份工後,我已經同我舊拍檔一齊做炒旦生意。(每月都萬二至二萬幾,仲要係PARTTIME!)我拍檔唔會蝦我,無我,佢連交租都成問題。當時讀番書,女朋友係呢個

我的女朋友系列 外傳一


第六份工(最後一份了),自己讀完書,我番左我母校教書!這是我的志願,非常好玩,即使現在發夢都偶爾夢到呢D情景!無人蝦我,個個都十分鍚我。雖然我只是一個FUNDING位,又可能大家都知,所以都好照顧我。恩師變為同事,感覺好特別。一年過後,副校長一早話左我知無得撈,我當然亦都唔會去搵其他學校教,我只係想完成個願望而已。(當年校長亦批准我繼續去炒旦,人工加埋都唔少架)

之後開始我小小生意路,一開始首月已達三萬七(2005年)。

2011年一月,拆伙了,首月已多過10萬純利。

我只想講我在職場都無乜比人蝦,都係錢作怪。財富方面,請看文頂連結。

男主人家雖窮,不過受盡母親溺愛,連煮個飯都唔識,摺衫都唔識,真正溫室小花。受人氣我真係唔得,比著而家,實比班老屎忽話我後生仔唔捱得!喂,我捱得聰明有收獲,你捱得ON9係你0既事喎!

又唔想不停做,想抖下,快手搵夠咪算LAW!

三分工作,你會點揀?


各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE
Related Posts Plugin for WordPress, Blogger...