小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年7月14日 星期四

首次BLOG聚 (我可以唔撈嗎 18)

難得近排休息唔開鋪(但日日番去砌模型),今日等機器送來,又打番一篇。

睇到近期砌左咁多模型但又無放上BLOG,就知好耐無打過了。

剛剛完成左G機動武鬥傳入面果隻中國代表,天龍高達。
呢隻係同人換番黎,再噴沖油翻新下。1/100但已是1994年出品,可動性極低。砌後感在文末。



玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)
我可以唔撈嗎15 (建行減派息 成功財務自由)
我可以唔撈嗎 16 (入廠維修

我可以唔撈嗎 17 (去蕪存菁;又上千萬)


話時話,近期少左收租仔發聲。可能租金下調已經無咩好寫,佢地又無得加按無乜彈藥。話唔埋生意唔好比人裁員,樓又未有租出。。。

講番自己,近月嘗試為三年後退出準備。

例如砌高達為其之一,認真,日日砌好悶(日日食鮑魚都會厭啦)!不過唔會再搵新興趣,因時間唔容計啦。有時想試下賣左D作品,究竟有冇人會買?(老豆話齋:"齋計心機都蝕哂")

其之二,試下識新朋友。模型已識左一班,最近玩下BLOG聚。已見過幾位朋友(見佢地無寫,我都唔多講是誰了。)

我真人就是一位整電腦的中青模樣因女主人有令,不能洩漏生意機密,可能令BLOG友失望了。不過此BLOG內容千真萬確,炒旦生意只係平凡非常的生意,聽完唔係"車"就係"哦",比較有回應者,就會之後問埋D傻瓜問題。。。

聚會中有人問,係咪同"80後求死"有牙齒印?非也,我倆既不相識亦從未互相留言。

只是,出於我尖酸刻薄又好,心存正義又好,或者我鐘意蝦D無人SO佢0既七頭都好,教同輩互相吸血,仲自以為好叻叻豬,非常睇唔過眼。

其真實性又係問題,一層亮賢居按得幾多?哈哈哈。。。

七頭講多無謂,聚會中講投資其實我係零,求其正正常常我就會買。如你話咩價值股十倍股,我唔識亦未必會去學搵。咁好心機不如做好本業或砌下高達。

"反正最後都會財務自由,錢多同錢好多同錢極多其實一樣。"

你未到個D位,你唔明白0者。男主人幾年前已有此頓悟,你一把年紀仲係度睇唔化?

醫生律師亦如是,花心機去收租?不如買收息產品。傻仔黎0既。

呢個三年之租約,應是最後了吧。以每月儲8萬蚊計(我現在開足工應可儲10-12萬),收埋股息,三年後約有350萬現金,女主人都應該係咁上下。未計現值千一萬的股票。

錢唔係多,但慳慳地應夠。

如股市大升特升,提早唔撈,剩下租約日子只開星期六及日,已可交租之餘有兩三萬剩低。

夠錢,不追逐名利後,剩下子女問題中年危機而已吧。

今年炒旦米芝蓮,真係比我講中,我符碌臨尾三個月炒中左個獎番黎!!仲以為今年唔會有獎,連續三年了。預計第四年都一定有獎,第五年好難講,第六年應該機會也大。到時可以光榮引退了。


HG 1/100 DRAGON GUNDAM
(天龍高達 - G武鬥傳)1994年老模。

噴左以下色調,全為淘寶 GAIA油
STAR BRIGHT BRASS
STAR BRIGHT BRASS 再上PRIMARY YELLOW
STAR BRIGHT SILVER 再上 PRIMARY YELLOW
STAR BRIGHT SILVER 再上 PREMIUM RED
白底上珍珠白(MR HOBBY XC08)
白溝PRINMARY GREEN 底再上珍珠白
金屬綠為SRAT BRIGHT IRON 加PRIMARY GREEN 同PRIMARY YELLOW 調出兩種深淺色。

上埋水貼靚仔好多,女主人成日話我貼得太多,我又覺得要貼到李克勤個喼咁樣先型!


左為未上色原件,右為噴筆後未手油未上水貼。

小弟有興趣開番個WHATSAPP GRUOP 吹水,但只希望係寫BLOG的朋友,如有興趣,SEND個EMAIL給我吧,我無乜要求,你個BLOG有五十篇文以上就可以了~~~!

60 則留言:

  1. 炒旦米芝蓮,成身車軚,
    呵呵。。

    勁到冇朋友。。

    回覆刪除
    回覆
    1. 哈哈...唔中米芝蓮, 無咁有說服力.
      以為今年無, 點知定義上都係叫做有.

      刪除
    2. 如果0甘多人排隊爭食都唔中米芝蓮,
      真係超好彩了 XD

      刪除
    3. 係可以唔中的。
      排隊之ma. 手腳慢而已

      刪除
  2. 睇標題以為你內容寫blog 聚添,哈哈

    回覆刪除
    回覆
    1. 哈哈, 其中一個內容就係你有出席!
      都有其他0既, 講下其他人點開免費COURSE 再威迫利誘人比錢上, 上到去馬來西亞.

      刪除
    2. "開免費COURSE再威迫利誘人比錢上" "俾錢買股票貼士"之類的話題都幾有趣

      刪除
    3. 係! 仲有某師兄去過好多TALK, 好多"名人"都見過~~~

      刪除
    4. 佢見過你口中的80後求死隊長XD

      刪除
  3. 睇標題以為你內容寫blog 聚添,哈哈; 唔係唔寫. 係未寫. 我認個BLOG 聚是我攪的!

    回覆刪除
    回覆
    1. 無錯, 你是今次大佬~~~
      攪得又快又準.
      我隻貓是否很好認呢...

      刪除
    2. 正啦。好過我件藍色恤衫。
      你同止凡好攪笑,互相都有約大家,又不約。。。
      再講好基。。。。

      刪除
    3. 有機會再攪。下次搵間張枱大d. 哈哈。

      刪除
  4. 五十篇文+埋最近都有寫文, 哈哈:D

    回覆刪除
    回覆
    1. 我50篇一半都冇(以我平均每個月1,2篇嘅速度,真係等下年,或下下年先),岩岩70後兄仲問我做咩咁耐唔update,係咪走失左。lol

      刪除
    2. WONDER BRA 兄(哈), EMAIL 幾張鬼妹相過來當你夠數啦~~
      哈哈...SEND 個EMAIL 來吧,我估有人好想同你傾~

      刪除
    3. 老老實實昨天真係有諗過學東昇兄咁寫番篇生活選股,腦內組織下發現基乎全部自己都無持有,好似寫埋d自己都無做既野,最後放棄左

      刪除
    4. 我都有比佢INSPIRE!仲即時計埋數。
      我一日用一卷廁紙。一年365, 即係36PACK 左右。
      超市大約48蚊兩PACK,買30000蚊維達就廁紙無憂了!!,

      刪除
    5. 哈,我幻想自己既vtech和澳門股可以支持下自己買玩具和去澳門玩既使費,奈何全部都係賺息蝕價當中

      刪除
    6. 我要買BANDAI。。。VTECH我都係淘寶類似個D。

      刪除
    7. 等陣send email,不過唔好預我會成日參與討論,因為有好多書要睇同讀......

      刪除
    8. 原來入WHATSAPP要一年50篇、我應該唔合資格喎、一年計落我都係2/30篇~~~~~呵呵

      刪除
    9. 呵呵。查一查原來池某都唔合格,舊年得37篇,今年得36篇,要努力寫多14篇先得。

      刪除
    10. 飛鳥兄及池兄,email whatsapp tel 給我吧。
      美女圖補數,另有位賭馬blog 友好想加你。

      刪除
    11. //係有諗過學東昇兄咁寫番篇生活選股

      同我個生活基金同一道理,回報唔錯架!

      https://magicianyang.blogspot.hk/2016/07/blog-post_5.html

      刪除
    12. 咁如果當初我想動L買左同用左霸王洗頭水。
      點知佢有有害物質,股價又瀉,咁點算好呀大師。。。

      刪除
    13. 咁咪洗爛個頭仲蝕埋股價,不合港豬原則。

      刪除
  5. 回覆
    1. 我無厄你呢,識睇梗係眼留言。
      下星期又有了,今次年輕向。
      (上次都好似有個89年少女。)

      刪除
    2. 被騙了, 冇講blog 聚 x 2

      刪除
    3. 你有去,都知吹水咩水喎。
      除左講厄人,就係講叫人借盡個d 無考慮過跌市水退無著泳褲會點。

      刪除
    4. 被騙了, 冇講blog 聚 x 3

      刪除
    5. 樓上諸位下次再遇止凡,寫詳細d,老野記性唔好。
      東昇兄,期待你有幾記得。。。哈哈。已經係好多日前的事了。

      刪除
    6. 返工等車不時都見到個人好似止凡,但唔肯定又費事問。

      另外,森而都想入WhatsApp八下,但平時個人少講嘢,介唔介意先!

      刪除
    7. 森而兄,SEND 個WHATSAPP 電話去我EMAIL 吧。唔介意,入面廿四小時都有人的。。。你唔怕太多MESSAGE就得。
      hk70s.blogspot.hk@gmail.com

      刪除
  6. 70後兄你好, 因為職業問題, 小弟需要一天回20-50個email. 所以平時免得過都不會用email. 私人野係好少寫email的... 加上近期有一些雜務好忙, 但下星期有空會email比你加入你個blog.

    回覆刪除
    回覆
    1. 非常歡迎,快d 來吧。我一日都回好多whatsapp 的。

      刪除
  7. 似乎你們的blog聚都有講一些blog友間的活動呢, 哈哈

    回覆刪除
    回覆
    1. 八卦野就一定啦,咁岩有個blog 又去過好多乜sir 物sir 講座,見識之廣令人嘆為觀止。

      刪除
    2. 我想知乜sir上堂教乜?使唔使簽保密協議?

      刪除
    3. 有一個blogger去過免費個d,又無話要簽乜喎。再見佢幫 你問下。

      刪除
  8. 上完油真係靚!阿仔只是上貼紙,色彩無咁colourful-)

    回覆刪除
    回覆
    1. 阿仔咁細個, 點同呢.
      細個讀好D 書, 第日有自己鐘意0既工作, 日日玩高達/女人都得!!
      不過, 呢隻係舊模來. 佢一定唔會鐘意.

      刪除
    2. G Gundam 係高達舊系列唯一一套睇到好熱血既作品。好鐘意神高達,但佢老模個面相好柒,又唔出Version 2.0.

      玩女人figures 算啦!

      刪除
    3. Mg 神高還可以吧,一係買robot 魂。
      最鐘意緊係利英阿rain 啦。
      我仲有master,閃光,日昇,鏡四隻未砌。。。

      刪除
  9. //錢多同錢好多同錢極多其實一樣
    哈哈,The law of diminishing marginal utility

    回覆刪除
    回覆
    1. 係喎!不過我無讀過所以唔識用番。
      拿,呢d 咪係讀書好處,你一個term 等如我一個咁長咁笨拙既句子。

      刪除
  10. 哈哈我係 CD rom,個blog 等個兩遍,雖然join 唔到你個what's app group , 但支持你繼續寫blog 吹水!

    回覆刪除
    回覆
    1. 謝謝支持。
      cd rom 浦頭更帶來無比動力。
      人人生活事都可以好有趣,坐車抽空寫番幾十字無難度呢。

      刪除
    2. 你寫嘅文章啲topic 好正!
      又等我試下咩都寫下。

      刪除
  11. 止凡個blog依家通常淨係睇標題,特登因為個網聚睇埋止凡o個篇:)
    (利申:有去過止凡d talk,止凡個blog都係好野,只係我自己性格怕悶所以無睇)

    回覆刪除
    回覆
    1. 哈哈,你認左佢吧。你鐘意睇八卦野。
      講人是非比教人投資吸晴。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...