小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年7月16日 星期六

賣走童年回憶 -- 龍珠萬變咭

話說砌模型0既朋友,都有儲其他毒物,例如漫畫,FIGURE,VCD,仲有龍珠萬變咭

佢地第一次SHARE 我就諗起曾幾何時我都有玩過,時間都幾長。由小六至中二。

更多在文末,我估無三十歲以上唔會有玩呢D了。

模友話我知,而家呢D咭有價有市,我一路都無理,因為本卡簿係老家。

旅行前,係老家番出黎,睇完無乜感覺。

原來,我已經唔記得哂呢D咭係點得番來!當然,一定係自己抽,同人買,呃小朋友等等方式。

唯一記得,係成日中二同個朋友係咭機前等水魚抽咭。。。

"賣就賣吧,賣左錢買碎股留比仔女!"

約定左兩位模友(講清楚點,砌模型的朋友,不是靚模朋友!)估下D咭價錢。的確,當年值十幾廿蚊張果D,而家可以三五七十或者成舊水,不過成本咭簿都係兩千蚊左右

兩千蚊,值得賣走嗎?但其實唔賣,佢都只係繼續留係我老家幾十年。

我猶豫左一陣,LINE問下女主人,佢話唔好賣。

其實,模友越講,我越唔想賣。

我發現,原來D咭0既來歷,我已經唔記得哂,記憶力退化速度快得令我害怕。佢地一路講,我先回想番以前0既事。。。

同時,如果我呢一刻大吉利是真係香左,老婆或者會留堆高達紀念(我講過,原價放左佢!!),如果留一本卡簿,會方便好多。大大話話過百隻高達。。。

男主人係記憶力好好0既人(只係好似魔術師咁講,唔ATTENTION TO DETAIL 而已),好多小時候0既事情都仲記得,大學同學聚會,講開每一個同學(當年150個INTAKE)我都記得,當然,你可以話我好似CHERRY咁八卦0既。。。

最可恨是,我小學時未有互聯網,又唔會筆錄日記(我手字唔得!)。如果可以,我希望記番起多D小時候0既事。。。

當然,現在擁有的人和物,絕對珍惜;過去的事,盡可能記到就記!

將來的東西,要試過的工作試過了,錢現在也算夠了,除了等待慢慢變老及子女長大,都只餘下些必然發生的"人生階段"。

呀!如果我重係單身,相信現在是很精彩的,我先唔會寫BLOG咁SIDE時間!!




其實唔止咁少,以我當年計,算是半個收藏家吧。當然,現在後追個D成年人,收藏量必比我更多。

上次止凡 東昇 MANDY REX BLOG聚之前,
我同兩個小朋友番左公司巡視業務。佢地一黎到就玩計數機。

SORRY,爸爸0既小生意,應該留唔到比你地(你地唔會識做),相反媽媽個盤生意都仲有D機會。。。


最後,個女自己話想學琴,我呢D平民梗係唔會即買琴又請上門老師啦,去社區中心學下先,睇下興趣能否持續吧。老婆本來想學結他,職員要佢剪指甲,佢唔肯,結果放棄了!哈哈哈哈哈~~~

或許,下一篇可以寫下暗戀當年書蟲男主人的師妹(如女主人批准),她現在還未婚,全職教琴。

各位留言是令我繼續九UP0既動力,必覆!
如有任何頭暈身慶,水土不服,或者約我去街HEHE一番
按此EMAIL 我啦!

48 則留言:

  1. 留唔到生意,留到智慧都一樣

    回覆刪除
    回覆
    1. 智慧都唔留啦。係叻既學校有得讀。哈哈。一陣變左怪獸家長。

      刪除
  2. 70後兄有冇睇龍珠超,近期新出故事,連載中。上幾集未來世界突然有個黑暗悟空出現,杜拉格斯唔夠打又番去過去搵真悟空幫手,睇到一頭霧水,等睇故事發展。

    回覆刪除
    回覆
    1. 無睇呢。
      好多老野,當睇完思路/布歐就大左結局架喇。

      刪除
    2. 我都係,布歐就當完左架啦

      刪除
    3. SAME HERE.
      其實斯路都想當佢完....布歐就有D OVER 左.

      刪除
  3. 以前細個砌BB戰士同埋買遊戲王卡,真係可以搞到傾家蕩產...尤其係d卡,張張起碼幾十蚊,一疊卡組唔經唔覺就千幾蚊...後來就黎破產先冇再玩,依家留番疊卡黎留念。

    回覆刪除
    回覆
    1. 遊戲王卡,我同你差一兩個世代呢。而家d bb戰士出得好靚,得閒買番隻400號砌下啦,齋砌都好靚。

      刪除
    2. 哈,依家d bb戰士真係做得仔細好多。以前我有砌過舊版的武者號斗丸,依家睇佢隻新版,d關節靈活好多。聽完你講,走去睇隻400號……就咁砌唔洗噴都真係幾靚。

      刪除
    3. 越出越多分件分色.
      有愛可以去砌部RG, 素組都靚爆!

      刪除
  4. 家中書架都有盒sailormoon閃咭同全套美少女戰士漫畫、如果將來有個女可以同佢一齊睇XD

    書架另外仲有套龍珠同入樽等緊佢大個一齊睇:)

    回覆刪除
    回覆
    1. Sailor moon 我都有幾張,我老婆已經同個女睇緊新個一集再版美戰。你有冇睇?
      龍珠同入樽,如果佢唔再出,個仔應該唔會鐘意睇。

      刪除
    2. 新果輯美戰睇左半集冇睇、因為啲配音員唔同左、已經唔係果回事(雖然畫工靚好多。)

      依傢睇緊city 東京喰種

      刪除
    3. 新果輯呢,木野真琴好靚!!!!!真係好靚~
      東京食種睇過一集,幾好睇,不過已沒時間去追。睇完WIKI當睇左。。。

      刪除
    4. 木野真琴係我細個第一個鐘意嘅角色、細個覺得佢對boot好靚XD

      東京喰種睇左10集左右咋、幾有深度。

      刪除
    5. 我以前鐘意火野麗, 得佢一個長長頭髮吧.
      睇左第一季就無再追落去了.
      齋睇樣, 土萌瑩也不錯~

      刪除
    6. 漫畫入面、火野麗曾經講過:「用高踭鞋來懲罰你」 、唔記得動畫有冇類似對白。

      刪除
  5. 師兄最後係咪想俾群眾壓力女主人?

    回覆刪除
  6. 嘩好羡慕你哋龍珠卡呀,我哋sailor moon已經冇哂啦~

    你話我八卦~~咁我又真係有興趣聽阿教琴老師既野既=P

    回覆刪除
    回覆
    1. 我都有幾張SAILOR MOON,果陣人睇我又睇。其實少女漫畫我唔鐘意睇。。。
      教琴老師好善良0既,不過真係唔係我杯茶。。。

      刪除
    2. "教琴老師好善良0既"~

      有時太善良,反而會影響自己的桃花運。
      叫她來搵Cherry姐姐吧,包佢立即problem solved;)

      刪除
    3. 佢係你姐姐啦, 我師妹都仲大過你呀...

      刪除
  7. 等水魚 抽卡。。。呵呵。。

    回覆刪除
  8. 啊~~~~ 唔見晒d 卡。。。。記唔記閃中閃呢樣野?

    回覆刪除
    回覆
    1. 閃中閃少事啦。
      重有暗閃!我睇番卡簿,都奇怪點解有白卡係入面!

      刪除
  9. btw 學guitar 要左手冇指甲,右手好長指甲! 我相信女主人唔肯的!
    又 btw 我都學緊琴,差不多兩年了,看能不能持續!

    回覆刪除
    回覆
    1. 兩年修為,彈到歌仔未?

      女主人自己整GEL甲的,佢話遲D甩左佢先去學。。。

      刪除
    2. 佢話遲D甩左佢先去學。。。: 但要一長一短wor,看起來怪怪的!

      彈到歌仔未: 咁又唔止歌仔,mozart / Beethoven 簡單的已可handle。

      刪除
  10. 唔知yes咭有冇人買,森而有兩本係舊屋。

    回覆刪除
    回覆
    1. 勁呀!! 周慧敏 楊采尼年代啦一定!
      YES 卡我無(見好多痴情FANS有,放埋銀包就一定)
      YES!雜誌就有睇,有儲,不過已經掉哂了。

      刪除
  11. 我d閃卡都重係度,以前我重有儲地鐵飛。重記得o固陣o係部機出卡位係咁䀹,裝下下張出唔出閃。

    回覆刪除
  12. 龍珠萬變卡大多capture卡通既畫面,可觀性不高,反而依家用插畫師畫既卡,真係百看不厭,不過我都很理解,龍珠係80後既情意結,可能有d卡係當年朋友所贈,背後有個故事。其實我都好鍾意砌gundam,家中亦有幅很高既"嘆息之牆", 不過有咗小朋友後時間不容許噴油打磨,依家通常素組pack入箱,可能若干年後唔使撈先打磨上色。

    回覆刪除
    回覆
    1. 有一個系列叫做風雲卡, 就係用左漫畫封面插圖!
      我都有十幾張, 聽聞都值少少錢架.

      另, 你識得講嘆息之牆, 可能你係D 模型GROUP 已經見過我其他作品了. 我好少做打磨, 所以技術黎講我唔入流的.

      刪除
    2. HKML,大陸78論壇及日本Modeler G我比較常去,但就無咩印像呢3個網出現過你既作品,可能眼細睇唔到,不過睇你個blog都一樣。我對上一隻上色成品已經係3年前既MG無限正義,暫時都仲未pack入箱,有機會影張相俾你過目下。

      至於風雲卡,真係未聽過,風雲第三章睇到大邪王問世已經無睇,反而結局最後10期有睇,但非常失望,真係快d完咗算。

      刪除
    3. 唔係港漫果套風雲~ 套龍珠卡系列叫風雲。
      HKML係勁人睇啦,我唔多打磨,又唔做無縫,技術上矮一截,放係FACEBOOK 自HIGH 下就算了。
      有機會都放D成品看看,給我偷師~~

      刪除
    4. 哈哈...誤會左添。卡已經好耐無儲,本身對畫畫有興趣,所以有時會買D卡既畫集睇,GUNDAM既設定集都會買,GUNDAM UC OVA既動畫線稿真係唔錯。HKML係勁人睇?唔係掛...我覺得砌GUNDAM唔一定要做足哂所有步驟,最重要係自己鍾意就OK,砌模型最興奮係自己完成果份滿足感,唔需要同人比較。

      刪除
  13. 70後兄講起龍珠卡,池某都醒起有幾本郵票。90年代有個uncle在郵局做,退休前出親首日封都幫池某買一套,唔知依家有冇價呢?

    回覆刪除
    回覆
    1. 我地呢個年代0既郵票, 大部份有價有市啦, 連英女皇頭既毫子都話值錢!

      刪除

各位每個留言,係我繼續9UP動力,必覆。

Related Posts Plugin for WordPress, Blogger...