小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年8月29日 星期一

中日混血女友 我的女朋友系列 外傳二

呢篇,係冒死而打的。

原因,因為女主人唔鐘意我提佢。

上圖為最近新作!AMX-003 GAZA C!金屬色加水貼
對我來說,完成度算高吧。

對我來說,呢個外傳都已成往事十年多,當時一齊時間都唔長,好似三兩個月咁上下。

點解我要冒死提佢?因為如果唔係佢,我應該唔會去識女主人。

簡單講下佢咩款?

UM。。。四份一日本血統(婆婆)。皮膚較白小肥,所以相對身型較吸引某D著重身材0既男仔。(男主人睇樣的!女主人的童顏最好!

溝佢個陣,佢仲要有男朋友的(我真係一個亂9黎0既人)。當時佢讀緊嶺大歷史系(又係學生妹,不過果陣我都係26歲左右),住女宿,上左支劍擊莊,打佩劍。

佢0既大學生活真係輕鬆又頹廢。

畢業後做乜?我唔知,因為已經散左,更加從來無再聯絡。

因為相處時間短,佢只能算係咁多個入面,最無重要性0既一個,唯一的是,叫做有一個女朋友的名份。印象中連我D朋友都無見過佢。

不過,如果唔係佢,我又唔會試下去溝女。否則後續就識唔到阿女主人啦,係咪?所以佢係我生命線中一個轉捩點黎。


(古巨基首漂流教室,入面竟有胡定欣)

未同呢個女朋友一齊之前,我有兩三年空白期無去拍過拖。

空白期究竟做過D乜?

當然緊係工作啦,當工作變成遊戲,而又為左遊戲有所犧牲左,我會超級認真的!咪以為唔駛努力,由2004-2006呢三年,晚晚都要預備定材料炒旦,有部份東西,十年後今日依然用緊!

回番少少帶,上一個(2004)點解會散?只係我唔想穩穩定定打份工,我想自己闖下。果陣剛剛再進修完(做乜去讀書?因為2001失戀後太得閒),本來可以安安定定打份政府工。

我想為自己走一敝,結果變回單身(哈哈,這是一個理由?!)

詳見我的女朋友系列 外傳一

空白期間,事業梗係越黎越好。當年未興講有冇收租樓,結果我0既收入同埋對我前景0既預期變得好美好!

當然,咁0既條件係會引到女埋身的,絕對有用過收租樓!(有機會再講,我覺得呢D條件都無女埋身,一定係自身有問題,不是樣衰細粒,便是七頭性格。)

當年,我形容自己係老千股扮未來藍籌!
哈哈哈!

同呢個四份一混血一齊,為何?其實都係一時興起,"不如拍番拖!"(我就係咁隨心亂黎)

當時佢仲有一個唔係好理佢0既男朋友,於我而言,靠把口,已輕鬆搶左過黎,用左唔駛兩個星期,見左兩次就攪掂。

分手原因?哈哈哈~~~

其中之一,我阿媽唔鐘意佢(當年我阿媽小手術入院,佢來過探病),個原因好攪笑,因為我阿媽姓陳,佢又係姓陳喎。(我估唔單止係咁0既)我估,可能佢太白,我阿媽又覺得佢血色唔好,哈哈~

(果套超人對BAT MAN,明明因為阿媽一樣姓,先和好如初一齊打大佬!中西方對老母姓乜睇法好唔同!)

同樣,我好唔鐘意D女因為我收入OK而埋我身(我估當年都係四五萬一個月左右。),因為我成日都怕炒旦有一日無得炒,同埋我亂來沒章法0既做事作風,對想搵穩定飯碗0既女仔我非常反感。

在我眼中,計埋女主人,幾個女朋友入面,最唔聰明應該係佢。大學生0者,我都讀過,無乜大不了架咋。。。只要你無用心讀過書,有個學位又有咩用

同樣,我都知佢阿媽都唔太鐘意我,因為我係第三者之餘,又係果個原因。。。

"我係獨子,第時家庭負擔會較大"

真係痴九線!一黎養自己父母人之常情,二黎收入好,又何來成為負擔呢??

拿,我呢度唔係投資BLOG,不過當年我重係股票新丁時佢阿媽挑過我機

我記得見過呢位老母一次,佢整親頸,禮貌上去探下佢。無啦啦問我買咩股票,我買左中人壽交行咁上下啦(已賣左幾世)。佢仲同我講,佢持有好多匯豐(當時至少120蚊!),每次收息唔記得幾萬定十幾萬。

呀,唔記得講,呢位婦人已離婚!唔駛做,因前夫(有點錢)十年前包港人二奶仲同埋二奶一齊生埋仔。個阿媽唔駛做,靠贍養費就儲到咁多股票!

上天係公平0既,阿EX個細佬又係個D讀書不成0既後生仔。。。

EXEXEX細佬,
EXEX細佬,
EX細佬,
都一樣係讀書唔成0既逆青。

女主人果個係大佬。。。哈哈~

咁0岩,在這班老母眼中,我都係負擔好X重0既獨子!(女主人阿媽,即係我外母,因居港時間只有二十多年,份人相對無咁現實。相處得最舒服算係佢了。

呢個末代女朋友而家點?我都唔知,應該結婚生仔已成肥師奶!(女主人生左兩個依然比人叫阿妹架!鋪頭D客以為佢係打工仔!童顏是無敵!)

不過,或多或少,如果唔係佢,我唔會拍番拖,
否則不停穿花蝴蝶虛渡光陰,
就識唔到女主人喇!

後記,我阿媽對我D女朋友都係一兩句講完。相反,講得越少就越近合格線。

我唔係愚孝,不過係我有得揀之下,點解唔計埋佢老人家感覺在內?

總結一下

第一位:唔係好出聲(自信心問題,成長問題。如果佢唔係讀名女校,對佢人生應有正面影響)
第二位:好好口(我都同意,可惜我有我要走0既路。)
第三位:又係姓陳,眼神怪怪地,血色唔好

女主人?印象中係"幾好",當然,而家評價應該非常正面,點解?

當呢個新抱去同佢地飲茶果陣,D酒樓茶友就恍然大悟!點解我兩個仔女個樣都OK靚,"因為有個靚媽媽"

不論女主人,我老豆,我阿媽,
聽到都應該心裏暗爽!
(最慘係我。。。付出基因被人無視)

阿老人家健康還可以,
仲可以一拖二帶佢地去社區中心玩遊戲!
右上為中心幹事姐姐。

一路怕爛尾0既女朋友前傳終於完結,謝謝收看。

後記,我D咁0既毒J都溝到女,重有女主動反溝,如果你係70/80/90後,有樓有學識有少少錢,都未能脫獨,是否自身有D問題?

 爛尾BOSS機,反而卒機完成左!


再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年8月25日 星期四

東方日報財經版 訪問

初到訪者,你好。這不是投資BLOG。

上面有兩個系列值得一看,分別係"我可以唔撈嗎"以及"心態決定境界"。

連結如下

http://hk.on.cc/hk/bkn/cnt/finance/20160824/bkn-20160824190414634-0824_00842_001.html

隱形富豪股票資產8位數 食息做財務自由人




睇個標題,隱形富豪肯定唔係,任何人只要有三層FULL PAY收租樓,已經多過我啦,係咪?

先感謝財經小妹CHOLE訪問我呢位大叔,內容大致上都同訪問一致,真好。

話說年半前已經有媒體搵我,自今年開始,小弟認真左玩BLOG,同時準備多D玩意比自己,好讓退下火線之時,唔會無哂"人生意義"

係度廢UP一下,
小弟只要唔出樣,
唔透露工作內容,
會接受所有訪問的。

為乜?一不為錢,二不為名。只為此BLOG點擊率。係咪好無聊?非也,對我來說,是個好玩遊戲。

同時,亦希望年青人不要傻傻的相信別人走的舊路必勝(例如買樓收租,打份好工等等),趁還年青還有夢想,何不嘗試去實現?反正,衰左無乜大損失,對吧?

講番個採訪,係朗豪坊來的。我奇怪點解揀咁多人的地方,原來想影下相同片。

如果唔係透露得工作,我成個鋪頭都係高達,裝修也OK。我仲有高達頭盔,戴住訪問可以唔駛背住鏡頭!哈哈哈~~~!

另外,不得不讚攝影師GARY好勁,三兩下拖延計完成短短拍攝。(唔知佢拎番扭得太實果個腳架底坐未呢?)

之後同左小記上上面食TEA,期間錄音訪問。我又怕我太多野講阻住佢收工,因為佢訪問完就收工了。同時,我又怕太多資料不著邊際。

訪問同我心中所想差不多吧。

如真係要補番幾句漏左,因都同財經無關,係BLOG度UP下。

1。認真多謝父母親自少以來賦與我選擇的自由。(同時我亦會給予我子女)

2。感謝我老婆肯一路同我癲。(其實佢算半個美女,幼齒系。不過佢過往上鏡唔會上財經版。。。)

3。小弟的真正財富,並非來自投機投資,而是來自工作。

4。每人背景,家庭,風險承受能力各有不同,勿亂跟

5。三層FULL PAY已過千萬,其實這數不算多(不過全倉流動資產有幾人?)

6。年輕人,應追夢,錢財身外物。搵到你鐘意0既事物,你估仲會做得唔好?

訪問完後,過左兩天就係生日。

我相信女主人都好期待出街會點,我正因失左聲,把聲好古怪(變左聲音經過處理),再加上其實於投資而言,跟本回報不高,無乜大不了,唔知可以點寫。

點知,出左街,文字版行先,都OK喎!朋友們都話背影認唔到係我!(太好了!)

半夜出埋條片!

我老婆睇到狂笑,因為真係好有心機剪接呢!兩個仔女係度睇,個女問係咪爸爸黎!我叫佢自己估,最後佢話唔知~~~!

另一邊廂,有朋友都發現左係我,因為認得我個女。

之後,被人轉載去左DISCUSS

一如我同老婆所料,香討無窮人,一千萬真係跌左都唔駛執當碎銀。仲有邊有人買建行咁ON9?係都買QQ啦,已經九位數字了~ 仲有,得個一千萬,豪少少0既樓都買唔到呀!

又係喎。都係個標題衰,應叫做"死窮鬼無錢學人財自!"

講笑,其實香討網民反應我同女主人預左,我呢個IT大叔先唔會放在心裏。

因為自由意志是我的,
葡萄是你的,
只水吹做不到是大部份人的。

也讚一讚,有人突破盲點,指出資產同流動資產的不同。我不詳述了。

相比其他被訪問後放上DISCUSS(香討)的BLOGGER,我的負面評級相對就很正面。也感謝他們比面。

再講多次,
小弟一不為錢二不為名,
只希望文字裏尋求遊戲感覺,
好讓真正退休之時,唔會無哂"人生意義"!

另外,訪問中數字大部份都正確,我何必做假?21歲大學畢業好正常,我八月出世喎!

總結一下,成個訪問同出街都好合心意,在此多謝東方,或許,是我人生唯一一次在媒體出現,如此沉悶人生故事,遠遠唔夠高回報新聞好睇。(這個都是我無回應一個好好出版商出書的原因,跟本無人買。)

每篇都有一隻高達的話,今次肯定是他。




1/100百式連米加粒子砲
有人問點解次次做背景,其實我想在我值得紀念的文章才用它!

一位亡友的愛機,我總算練習左好耐才開始噴佢。他教我股票(只是如何買賣),名義上半個師傅。我教他溝女(他生前的老婆)。

佢同我講過,如不是父母有間居屋,他婚後生活會很麻煩。

DUSTY,你的睿智,永遠壞念。

(另,錯手得罪銀英傳中DUSTY的對手BLOGGER,大人有大量,唔好嬲啦。)

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年8月22日 星期一

生日有感 是順風還是逆風?

先講講,今日(八月廿一日)雖然是小弟生日,不過我依舊會開工。

(寫完先驚覺呢篇野9UP成份太重,希望各位朋友不要見怪,比面壽星仔。)

曾幾何時,我會係生日放自己一日假(好正常丫)。唔知幾時開始,因為成日放長假,呢一日假變得完全唔重要。

我同女主人依然各有各開鋪,收工食個飯已經好正。

男主人唔貪食,靜靜地食番餐就好夠,傾下閒計,已很享受。

整個小櫻比你啦,女主人童年回憶~!

食左私房菜,算係法國菜吧。兩個人食左一千蚊多少少,真係好抵。相比食自助餐,呢D更0岩食。

LUXURY PRIVATE KITCHEN
幫佢賣下廣告
最好食,係個隻生蠔,牛都OK!

女主人關心我砌模型一事,其實我唔玩WHATSAPP GROUP都會繼續砌。九月份應該可以再開始噴油。要忙0既都忙完喇。

回老家接番仔女回家,兩姐弟感情越來越好呢。他們的年紀還小,係我地呢D年青父母黎講,最美好的回憶就係呢幾年了。

男主人性格,想做就去做,近兩個月做左唔少過往唔做0既事。

1。加入別人的WHATSAPP GROUP,投資或模型(如有模型GROUP,請介紹下)

2。轉左個戶口去IB,平息借錢買野,暫時槓桿50%都未到。

3。又要威又要戴頭盔式,接受左媒體訪問!(最早年半前已有人搵過我,不過當時唔想真身出現。。。越近財自,就越唔怕被起底。)訪問出街時,會再行文。

講開接受訪問,女主人經驗多好多。ROAD SHOW,幾份大報紙,TVB兩三次,創富坊,有線,雜誌,佢仲出埋樣!哈哈!

訪問我0既小妹妹,認為我好順利。我估佢講投資同埋工作吧,我同佢講,如果可以揀,用身家交換佢十年青春,返老還童我都願。始終錢財身外物。

我就唔會同個D憶萬富豪比(係真定係假?哈哈哈~),同D年紀大機器壞老人家比都唔會(複利效應喎!花甲之年仲要講錢?做乜?個仔唔生性又唔理你?)

究竟,我算一帆風順,定係逆著風走得快?

了解自己最大問題

唔少教育研究指出,GIFTED通常都有SOCIAL BARRIER。

不過,有SOCIAL BARRIER 0既就未必一定係GIFED。至少我唔覺得我係。

如果唔係有SOCIAL BARRIER,可能我唔會次次抄小路走,唔去跟人行。反正一向離群開,做古怪野,D人都習以為常。

中學年代好少事,都有三五朋友。入到大學,見D同學密集式專業洗腦都咪話唔驚!我呢D古怪人,打從一開始已經唔想做番本行,真係正牌攪攪震!

"唔想做你又讀?"

唔通我轉科由YEAR1讀起,SIDE屋企錢咩?

十幾年後今日,佢地做番本行有幾多(唔鐘意做0既,好難維持吧?),到今日仲做番本行0既,以收入計,又係咪真係咁高人一等?我真係唔覺。

使命感?其實仲有更神科0既一線專業吧。。。

人各有志我梗係明。不過當日嫌我古怪,其實人大左,走一條定好哂0既路才是古怪吧?人各有志定係人各有相同的志呢?

正因SOCIAL BARRIER極重,我唔係好識兜圈圓滑,一出口就中人要害。好明顯天生唔打得工。

即使打工,一係死忍DUP低頭,睇下幾時八號風球;當做到白頭,只能係快餐店同其他阿伯講:"做生意好大風險,我後生個陣點點點,年青人唔好諗住一步登天,唔好怕蝕底!"(傻的嗎?真係話佢ON9又驚阿伯嬲)

好多人,比我更好,一步登了天。你仲諗住二三十年後租客就幫你FULL PAY層阿婆舊樓?

UM。。。我不得不承認,我脾氣差。由細到大都係。我估如果打工,比老細X,我一係X番佢唔撈,一係又DUP低頭等幾時八號風球。

如果唔係脾氣,小生意絕對唔會做得住。。。呢個亦都係我認為傳唔到比仔女0既原因。


自由度之重要

如果唔係父母比大量自由度我,不論學業定工作,我都唔會揀到自己鐘意0既選擇。

係訪問中,我都強調過,感激父母親由細到大比我0既自由,自己揀中學,自己揀科,工作做D乜都唔過問。我媽媽從來無問過點解我唔做番我專業(只係提過下我搵番份長工,呀,佢唔知我諗法。)

反而以前D女朋友(s)個阿媽先會問!

同樣,我揀中(定佢揀中?)阿女主人0既原因,就係因為佢肯陪我癲!或者,可能識佢個陣佢先得果21歲,根本入世未深吧。同佢講我做乜炒旦,佢都只覺得係職業一種。

有冇睇過最頂幅圖?就係當年行長城0既故事。。。

正因佢肯同我癲,我見佢當年做秘書仔日日無所事事,佢試下攪佢個份小小生意。佢又肯跟試,否則佢而家唔會買野唔太睇價錢!!!

如果唔係咁唔識死,唔行大路,唔走線(意思係行捷徑,例如要小朋友嬴在射精前就一定係走線行為!),光明正大,唔欺負弱者以自肥(所以我好憎收租仔)。

走到呢一刻,行極都唔太算錯路(或者我阿Q精神),可能係無做過咩壞事暗事陰質事0既好報。

刻意順著風走,不如試下逆風。

人生短,適時玩。
工作,事業也是遊戲!

男主人寫BLOG並不為錢(花咁多心機,不如努力工作),亦不為名(會比人笑我為左十蚊,行多幾條街買高達!)

咁為乜?

非常老實,只為點擊率,當作指標玩玩,希望大家支持。

我接受訪問都係想試下係咪加到點擊,如果得,我又唔介意再繼續被訪問喎!

其次,希望能令後輩離開傳統框框,不要走老野們SET好0既路。

人收租你又收租
有冇諗過三十年後
係香港DOMINANT0既係邊D人?

比你揀,你想係而家D收租大嬸,定係90後?你想你仔女0既老細係邊個?

最後,在此感謝朋友提早為我慶生!如果真係要計,1998年已認識,當年玩新聞組的一班學生哥。(果陣?3HOME都未有喎。。。尖沙咀有間初代網吧叫CYBER X!)

圖中不是我家,圖中朋友有九龍站加按整餅,有雙租族,有高薪中女(唔好打頭),仲有父親留下資產的人。

不過,他們都沒有出書,
沒有覺得工作辛苦日日想財自,
更加沒有節衣縮食為買樓收租!

唯一比較特別,係我有兩個小朋友,佢地可以成日去旅行。。。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年8月19日 星期五

資產再配置 我可以唔撈嗎 19

第十九集!

如果一個月有兩集,應該退休之日,差唔多一百集。。。

講工作

上個月仲係頹廢中工作之下,今個月一開足個TUBRO就病左,不過呢一刻好番八八九九了。

預計不少於15萬吧,本月儲蓄應不少於六位數。

預計下個月會更好,至少都18萬卦,希望衝破20萬!因我個人WARM UP 左,炒旦數量自然上升。

今個月,有D旦有剩多左,我都由佢變壞就算,其實唔太應該。

休假後,又自從上半年不明發燒,我決定唔好再太激動。情緒影響健康,矛盾地,正因為有這種古怪情緒,炒旦先炒得靚。

近期因錢銀事情,將股票轉去新證券市場行,又加上少少病,工作開始忙,已經有兩星期無砌高達!

另,重遇番一個十多年前0既食客,佢將我炒旦功夫轉左去做煎旦,無啦啦我變左佢師傅。亦都從佢得知,有一排隊中食客原來係行家。咁攪笑?想黎食炒旦偷師?其實無咁0既必要喎。始終呢D野好睇個人性格,我連傳比仔女都覺得無可能,你又何苦黎偷學?

發現換左新機器,附加左JUST IN TIME功能,即係佢唔夠材料會自動SEND去總公司,再速遞黎我鋪頭,唔駛我次次MON住有冇料要訂,又幾好喎!!

講資產

呀,建行升到5。74,未計現金,一個月內,淨資產無啦啦多左一百萬(應該升得快過千萬豪宅)。

之前收到股息,全數比番哂女主人。現左仲爭佢幾十萬。

股票,我轉左去 INTERACTIVE BROKERS!經過網上填成粒鐘0既FORM,山長水遠去金鐘簽文件,再做轉倉,大約十日左右攪掂。

貪佢乜好?其實上網大把人講。。。

台灣人貪佢息平佣平(應該台灣食水好深)

大陸人貪佢借錢方便,同埋方便洗錢!重有佢地可以直接買港股/個D中港通股票!

香港人?係我角度,真係用得爽歪歪!

1。可以買美股,美債,美優先股!

2。美股美債美權佣平

3。槓桿出奇地高!一般香港大型股,可以按75%!即係按盡可以有4倍!好多人唔識計,其實係 1/(1-0.75)=4!

4。息口奇低,港元借1蚊,2.55%!借額過左78萬後計2.05%!再借過780萬1.55%(額咁借出,平過按揭,不用還本TIM!)

5。最吸引我,係可以借美金買野,美元借1蚊,1.9%!借額過左10萬後計1.4%!再借過100萬0.9%(平通街了吧?)

昨日個戶口用得,我已經有所行動。

不敗的魔術師講過話有隻ETN用SHORT COVER CALL 金ETF來派息,息口奇高。

詳見以下連結,該BLOGGER已講明風險所在及意注碼控制。並非任何邀約或推介~~~!

http://magician__yang.mysinablog.com/index.php?op=ViewArticle&articleId=11312325


再上GOOGLE FINANCE睇完,同GDI比,發現好有可能賺息蝕價。當金價一樣,個ETN價升唔足。已由高位唔見一半。

我好奇睇下自己SHORT結果係點,我做到2%,唔知點解佢可以派1。7%。

再加上果隻ETN內含管理費乜乜七七,我覺得搵笨(發行商Credit Suisse)機會唔細。

買左9萬幾USD0既ETF金(實物BACKUP,TRACKING 都不錯),另再做左SHORT STRANGLE 132/124。

升過就比佢,跌就平倉或接貨。我預接多佢十萬美金。

不得不提0既係,佢可以SET個組合一次過SUBMIT!仲有得揀先限價成交再剩番個一邊市價成交。非常自動化呢~~!

另外,買左三十萬USD美公司債,遲D等有息派再行文講下操作,始終要用過先介紹吧!
(呼籲下,LIKE我FB PAGE 會自動係FB NEW FEED 彈最新文章,咁就唔怕MISS 左,我有時得閒一日一篇,有時一星期先一篇。)

以上新買全是美金借入,約40.4萬,平均年息約1.53厘。



結果,現在資產分佈變左,如下

股票:78%
債券:17%
金(ETF):5% (未計SP接貨)

如無意外,債券部份合被增持,不過要揀退休前(2019)到期,而個RATING同YEILD又OK0既債券實在比較少。

講目標

1。如建行升到十蚊,即沽唔諗,閂閘收鋪退休去。
2。700萬現金目標不變,現金主人約有200萬,三年股息170萬,即係仲爭330萬。假設老婆鋪頭三年儲得100萬(機會好微),230萬我兩年可以達到。即使老婆一蚊都唔儲,我三年都攪得掂。
3。以上未計新加入美金借貨買債的回報。估計每月暫時有$7000港紙(未計SHORT金。)。最終目標係將買債部位由230萬加至700萬左右。

今次這篇算是近這幾年比較大的變動,我開左幾晚夜車,亦係我停左唔砌高達0既原因。


爛尾之卡碧尼。。。飲恨,能力有限。



玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)
我可以唔撈嗎15 (建行減派息 成功財務自由)
我可以唔撈嗎 16 (入廠維修
我可以唔撈嗎 17 (去蕪存菁;又上千萬)

儲夠七球就退休 我可以唔撈嗎18


再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年8月17日 星期三

月餅失衡論 買定咁多樓做乜?

由唔知邊年開始,男主人開始買月餅比兩邊屋企。題外話,病情好番好多,各位有心。

此圖不是我,若你有成隊筋肉人幫手,請佢地食月餅是理所當然吧!

又唔知由邊年開始,女主人開始買月餅比佢D供應商,順帶買埋男主人個份,結果我慳番一筆!(哈哈)

其實,應該係供應商買野比佢吧???何解調轉左??大概係當慰勞下D工人大哥吧

試過有一年,過關檢查,比人篤爛哂D月餅,唔通怕我地放左"反清復明"字條係月餅入面?哈哈~

上一年,女主人依舊買月餅,例如外家兩盒,男家兩盒,自己屋企一盒。

點知,我阿媽自己又係酒樓經理游說下買左月餅。唔緊要,三四盒好易食完。

更加估唔到0既係,男主人收左三四盒月餅!!(過往收過果籃,月餅都係一盒,我一向唔收禮物,旅行手信都OK,特登買又唔係幾好意思。)

結果,成七八盒月餅,我同女主人加埋兩老,又點食得哂!?

我媽是慳檢老一輩之人,會慢慢食食到十二月,實在非常唔健康~!

今年女主人好醒,提出唔買月餅!

佢估計,佢會收到月餅,而我,因為男主人生意SCALE大左,收到月餅可能比上年多。(前年收到半島奶黃月餅,第一次食。同美心奶皇月餅無乜分別丫

佢打算派利是比班工人大哥就算,實際過送月餅;同時,佢又覺得我收番黎0既月餅可以夠全家食。

係我立場,根據往年紀錄,其實唔一定。(我都唔會炒炒下旦問食客會唔會送月餅比我吧。。。一問就大獲,會有雙位數!!)

咁如果一盒都收唔到點算?女主人又好鬼醒,因為送都係一星期前送,如果中秋前一星期都無,大不了出街買兩盒番黎。既健康又環保!(唔係為左慳錢,男主人最討厭浪費食物!)

月餅又唔會無得賣0既,反正都係要兩三盒,何必一早買定?

我唔係想講道理,不過,樓同股都一樣。

股票又唔會走左去,而家唔算貴,已經算平。買入也OK。無貨可以小入,有貨咪儲下錢睇下佢有冇得跌LAW!又係個句,買入時機比一砌重要!買唔到,咪等下,呢隻唔跌,實有其他好選擇喎~

樓又係一樣,自住都係只要一間,唔買可以租!如果舊年買左,而家好有機會坐緊艇,槓桿之下,唔見多少?當然,你2007-2009買落又係死唔去仲一大舊錢加按,不過,十年八年之間,你無生仔結婚?果度仲0岩住?

以我所知,2009加按層九龍站物業,遠比2009年加按層十九亮賢居吧!BLOGGER 之真假,真係好易睇到架咋!老老實實,我真係未比AGENT水過,是否你個人樣太七呢。。。?

仲有,成左家0既雙租族,如實力只屬一般,都只能租新界大西北三房單位(你睇下乜SIR個D真實個案就知)!真實加按後,現金流部份其實唔多,只係租客代供偷換概念之下能爽歪歪。

如前一篇文所講,用租金收入去租樓,一邊可有收租優越感,另一邊又可以話比人聽無放棄生活質素~!DOUBLE COUNT左喎!

拿,都係個句,人人背景不一樣,心態不一樣,可承受風險不一樣。我0既選擇又未必係0岩你架。

好鐘意食呢間"餃掂",推介松茸餃!

只係,我唔買只租,一黎有被動收入交租,二黎我兩公婆現金流相比租金真係九牛一毛,三黎我地都係傻傻地又唔驚死0既人,再升多十倍都未驚過(其實你加租,我加價,難道香港收租仔唔駛衣食行?)。

當然,點都會有兩手準備,投資加上工作十幾年(阿女主人後生過好多80後BLOGGER!我就2001年畢業0既。),儲到0既股,已經足夠用條OD LINE提出全數FULL PAY而家住緊果度。

仲未計動到老婆的現金。

呢D情況,有需要急於買樓嗎?可能,只要一次股市牛市就夠(邊個話股票會蝕死?無限補時最適合老散使用!)。時間越長,儲備越多,選擇就越彈性。

連個女都已經有小學MARK定,更加唔駛去花心機做怪獸家長,真係唔那兒來的福氣!

小女開始長大,再出鏡會比人認到。是時候小兒補上了!

可能,是我這家人堅持不以收租吸別人血以自肥,不作惡,自然沒報應。

我收股息收權金,心安理得,不用計較市值租金個一千幾百蚊去MARK UP租金。香討個班:"唔租過主,大把人等住租",今年應該無呢支歌仔唱啦。

今日股市跌番少少,家庭淨資產約1350萬左右(呀,我地除左每月幾千卡數,基本上無負債的)。未計女主人持有的內地小小小物業。

哈哈,若建行升到十蚊,即時TAKE PROFIT 走人,閂門拉閘唔做了。

預計資產可以累積成點,
遠比預計收到幾多月餅容易呢!

再呼籲下,LIKESHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年8月15日 星期一

以租養租 雙租族 北斗之拳的嘍囉


呢期工作開始忙,上個月密密砌高達,似乎熱情又有點減退(砌到悶悶地,比隻MG CROSSS BONE X1 攪到爛尾。。。)

搵呢幅圖發生左d小插曲。

話說,呢樣野我都同老婆講過。今次肯定唔係我d social barrier 出事。

呢幾隻野,可能係近期最好的了。下次砌高達真係唔知幾時。

小弟都有join 下d模型群組,話說有一老野(我已經係老,佢更老),句句窒住哂,我已經睇在我呢d小角色又勁忍左佢幾劑。老老實實,講野有骨,又唔係會有咩著數,你更加唔係我老細,無理由乜七都比你窒兩句。

離開左,少好多語音,電話更快~ 模型朋友fb再見吧

講番正題,話說果d唔知乜sir,出過下書,即管上個月得閒去書局睇下佢地d著作。

唔睇由自可,一睇都幾火。呢班正一北斗之拳0既嘍囉!有本事就打雷奧,何必做果班老野收租輩0既buffer?他日如樓價不幸下跌,死都死你先!!



例如,叫人出租自己間屋(或許多過一間),再去租另一間屋。為乜咁做?

1。如租細左,可以有正現金流!
2。如有幾間細,又可以租一間大,叫做唔會犧牲生活質素喎~
3。仲有d一早插左旗0既,本身供款唔多,直頭可以租番同一素0既樓,而又有現金流tim!
4。後生仔最多,租出自己新界私樓,去租市區套房。
5。竟然係因為唔想比stamp duty去換樓,你信唔信?無錢就無錢啦。

原來2012年已有,不是舊聞:
80後「上車」催生雙租族  新界買樓放租 租住市區方便上班

其實,或者我偏激,咁樣做都幾陰質

本來一堆人租,而家多埋呢d傻仔搶租,變相益左agent。

而呢班人,笑人地要租屋成日搬,自己又好自豪咁覺得無犧牲生活質素喎!最經典梗係一早買左兩三層舊樓0既人,去租新入伙屋苑啦。

真係黃子華金句

你有樓我有樓......我買你躉樓你又買我躉樓,然後我又買番我躉樓,你又再買番你躉樓,咁就大家都發啦!

時移世易,而家變左:

你有樓我有樓......我租你躉樓你又租我躉樓,然後我又租番我躉樓,你又再租番你躉樓,咁就大家都發啦!

其實,呢d傻方法,我十年前都用過,不過係用股票期權0既期權金去供樓。當年只係玩票性質,每月幾千蚊一d難度都無。

呢d以x養y之策,其實原理都係一樣。用租金交租唔係咩超卓見解。

如果租金回報一樣,根本只係益左經紀。當然,佢地用兩間細價樓黎租一間中價樓,因細價樓回報係呢十年拾級而上,變左有現金流之餘又叻叻無事。

不過,佢地只會記住自己好平個陣買,又唔去理現價0既租金回報已經跌到好低。

你成日記住你80蚊買hsbc,係120蚊個陣同人講你回報有十厘。點解唔賣左佢?果度50%,成五年股息啦。。。

等左五年,hsbc而家。。。五十幾蚊!

其實,有好多野利息回報都好過租金,唔少股票都有四厘。

例如,係好多年前,小弟一年股息,已夠租樓了;當然今時今日,夠租樓夠家用夠自己洗啦。

即係咁。。。
以租養租只不過係你買唔起多一間中價樓自住,只能夠用自己僅餘生息資產去交租。

張家輝話齋,而家無,你將來可以有。

就係呢個咁美好0既願望,令到好多收租仔義無反顧去坐貨。無錯,三十年後或者二十年後層樓就係full pay,期間仲有租客交租有少量現金流。之但係,升左賣q左佢再買其他野,複利效果更強呢。

就係美好三十年項望+用買入價計回報呢兩個盲點,厄左唔少年青人入市。

你2003-2007買左你0既事,何必要現在班後生suffer?

呀,我係咪都係咁?非也,如果我用股票開條od line,應該可以full pay 而家住呢度。

最後補充一下,d人成日講買樓有得做槓桿又有低息。

其實七成按揭股票都做到(夠唔夠彊一件事),低息?私人銀行利息更低!(去ib拆借美金更低!)

我或許無能力做阿主角(其實我記憶已好模糊,否則唔會問人雷奧咩樣),至少,我有用過我自己方法,去走一d上一輩人(普通人啦)最怕走0既路,截其死穴。



噢,sorry,樓不是流動資產,即使你三四五層收租樓,都不足以達到私人銀行門檻。或者等樓價升或者等三十年,等佢可以加按拎舊錢出來吧。

(寫到呢度,個人病病地,喉嚨痛得要死~~~!)

再呼籲下,LIKESHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年8月9日 星期二

一球資金開戶 私銀 門檻

首先, 感謝 STARMAN 兄半無私的奉獻!(個人唔討厭任何非影響民生0既收錢活動)

STARMAN 兄 BLOG LINK

希望佢唔好介意,為左減少其他初看他BLOG讀者時間,我有以下推介。

個人認為,最舊個幾篇同埋2016年八月近期呢幾篇最有用,最有可觀性。都係關於私銀同債券。

其他個案,其實得個睇字。不過亦見到好多香港人持有磚頭!

不進取者,持有NAV勁高磚頭一件無加按!

進取者,幾舊磚頭車位收租,但幾乎按到盡

再一次感謝BLOG友半無私的奉獻。

題外話,近日苦思出番本書,叫做"帶著矛盾去財自搵人贊助(CAP水!!!)!講下邊D人一邊話已財自一邊又做自己唔鐘意0既工,又講下邊D人為左財自最後變孤獨老年。。。
(以上只係講下笑,不過近期好多人話財自,實質好矛盾!)

工作開始忙,整唔切高達,父債女還!

佢人生首件LEGO!不得不讚佢,剛五歲可以我唔教之下自己執件自己砌。係手指唔夠力有三成要幫。砌錯要提,大約兩成砌錯隔離。


小弟睇完,想搵下私銀資資,有咩好?

都係貪佢息平,同埋個槓桿孖展額,係全個PORTFOLIO 計!即係股票債券期權茦貨黃金拉埋一齊計。其中一邊爆都唔駛比人CALL MARGIN。

私人銀行門檻要幾多?

其實打電話問就得,唔好咁ON9去分行!免各位多走冤枉路,綜合如下(金額要求為流動資產,即係你有十層加按到盡0既收租樓係無用0既。):

匯控私銀:五球美金(是否痴線?),我以為我係生客。問下入面工作的朋友,原來好多年來都係五球。

高盛:其實佢地炒野多,唔記得,應該係兩球美金。我有兩個後輩(都係外國大學雙學位畢業,求死一世都識唔到個D LEVEL)同時係度做,我問左其中一位。借貸利息為 2.2% 左右,視乎LOAN SIZE。 佢話大LENDER 先有機會有平息。

之後,我可以網上睇下有冇得佢地打比我問。

渣打私銀:兩球美金,息口唔知。

UBS瑞信:網上講兩球美金,我無咁多無謂問。

CITIBANK:一球美金,CS聯繫過,不過佢之後無打過黎。

內銀私銀應該唔多港客,問親都覆。

交銀私銀,一球美金,息口2。2%

中信私銀,一球美金,息口1。9%

當然,我問到0既,未必同你一樣,做個參考吧。

*********

好了。有咩買佣金幾多有咩玩,對我而言是息口。

高盛後輩教左我,私銀可分三類!(可能有錯,我只有信)

1:正常RETAIL銀行伸延,多D野買咁LAW(例:就係我地識個D)
2:提供高端生活品味,帶你去試下紅酒,拍賣下古蕫。(例:UBS)
3:提供投資產品,幫你落盤幫你炒埋一份。(例:高盛)

*********

最後,大家看到盲點嗎?

香港樓按為2。1-2。3%,通常樓按都係叫你借盡,因為息低。

而家,有息口更低0既選擇,FULL PAY 樓變得更抵。只要你有錢(車~~~~)

即係咁,如你有三百萬現金,最傻仔可以按七成(唔用二按),比九十萬,剩餘210萬用黎買5%息以上0既野,已經可以股息供樓。

當然,假設前景不變。

如果有1。9%0既錢,不如放三球FULL PAY,因入面本身有一球美金流動資產,買股又好乜都好,買番300萬收息股票,現金流更高。唔掂果陣加按番層樓又得喎!

本來世事好似好美好。。。

之後,我發現平民版借平錢方法。

邊間?唔好EMAIL我!

建議BOOKMARK此BLOG同埋LIKE我FB,當我完成成個動作時,我會寫BLOG公開,FB會送上NEWS FEED。(LIKE我當鼓勵啦,請LIKE PAGE,不是這一文章。LIKE文章無NEWS FEED 比你

我都可以講下,因為可能有人知。我唔係想賣關士,我同成龍一樣,要用完真係WORK先講出黎0者。

原理係借比港紙更平息0既美金!如果借一蚊,港紙收2。2%,美金只收1。8%!如果十萬美金,十萬之後餘額只收1。3%!

係咪平到笑?

同樣可以成個PORTFOLIO MARGIN 一齊計,又係有債券同埋各地REITS買!(例如星加波REITS)

都係等我試左開戶先。

我第一個動作係射倉過去,一蚊都唔放,睇下提款出黎可行否。

如果得,買一千樓樓就唔駛借樓按,無壓力測試,更加無五成按揭出租限制了!

當然,首先你要有流動資產,唔係個D按到盡0既無用磚頭。

兵貴神速。

(係度發個誓,我唔會利用呢D東西搵BLOG 友錢!即使要比錢,我會不扣成本全數捐左佢!最有可能都係用AD SENSE。。。哈哈,講TALK無人黎,可能棟篤笑多人過投資班~)

個仔一睇就知係曳樣!!!

再呼籲下,LIKESHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年8月6日 星期六

如何擊敗老土ON9大叔(心態決定境界11)

此文由早幾日同女主人去食泰國野啟發,其實食野遇到呢D人都唔係第一次。

BB戰士 NO.397 LEGEND 11 武者飛驅鳥
(我唔識佢我太老餅,不過噴完又幾型!)
更多相在文末

相信大家都遇過,特徵如下:

講野大聲
講野大聲之餘,又好似講埋比你聽咁,至少個咀方向係向住你
中年大叔
對面通常有一個上左年紀但打扮得斯文/妖艷0既大嬸,或是準女朋友吧
最正係,你講咩TOPIC,佢又偷聽到,不知不覺比你話題帶住走。。。

講番個日咩事,就係食野時佢地先坐,我仲記得佢叫左爐燒烏頭,小食拼盤,同埋唔知D乜。(唔係我八卦,係我八卦睇下有咩好食咋~)

我同女主人都係食鹽燒魚,春卷單點,柚子沙律,仲有好正但比較辣0既冬陰公炒飯(呢期好鐘意冬陰公味!)

其實個男人吹佢有幾威唔緊要,大聲到係我耳邊講都唔緊要,佢溝緊女呀!阻人溝女可能死了要落地獄被燒春袋(女士們免疫了!)。最反感呢。。。先看下圖:

問番女主人,佢掛住食(個男人個喇叭咀向住我,女主人接收唔到),佢只係記得佢捉緊 POKEMON 個陣,個男人仲話D人玩呢D好無聊。(女主人按:"我玩乜又關你咩事?!")



唔好意思,果陣都差唔多食完,我影條魚比朋友睇,估唔到用得番張圖。

個冬陰炒飯都食左大半,佢係裝係個椰青度。

個男人臨走打包左個飯,仲同侍應講唔係我地呢個唔好落錯。

臨走時佢好大聲咁細細聲同佢個準女友講:

"我唔會叫呢D炒飯,因為個椰青係重覆使用,其實仲有田螺都係假,只係將螺肉放係個重用0既殼入面。"

"我咁講係咪好衰呢?哈哈哈~~~"

其實,以我認知,只有菠蘿炒飯個菠蘿會重覆使用吧,個椰青已刮左椰肉係個炒飯入面。另,田螺果個我覺得好好笑,D手工咁勁,其實買新鮮螺唔係更方便咩??

勿論真偽
勿笑佢認叻
亦都勿話佢口衰
係我眼中,呢班老杘忽特點係。。。

無膽
怕死
以為自己理論可以用足100年。

****

唉,講明先,無特別指任何人,不要再係A度講B,C度講D,E度講F。

咁多BLOGGER比人口臭爆料(又玩估人?A阿麻資金,C按樓買股收息,E跌市唔見50%,其實佢地三個本人唔想比人知,阿大嬸你又何必踢爆

刷個鞋,魔術師是我偶像!真。百毒不敢侵!

講多次,以下非指任何人,切勿對號入座。

***

其實時移世易,仲有冇需要將某d食物材料重用?有需要冒呢d風險?

當然,佢又可能錯唔哂。

玩模型入面,一樣有呢d人。例如唔信大陸野,又覺得淘寶賣家係大陸人好唔可靠又好鐘意反口,例如無寄貨又話寄左貨。

其實。。。佢地有冇真正試過淘寶?成日都話有個朋友點點點賴左野,我由2007開始玩淘寶,真係十年都黎緊,真係自己七所以出事機會多過賣家問題。

可能,佢地跟本唔知開個天貓要幾十萬人仔保証金。。。你香港開個小小小鋪仔可能入埋貨都唔駛咁多錢!

小弟出生年份,正好係x世代尾y世代頭你叫我去服從,我又唔係好得;你叫我走你舊路,我又心有不甘覺得有第二d路。

而y世代最強工具,正是佢地出生在資訊科技起飛年代。

兩代人,各自話自己唔識電腦,但實際it proficiency程度可以差好遠。

兩代人,對打機概念唔一樣;兩代人,對程式交易概念唔一樣。

各位讀者blog友,無論你係y世代定係alpha世代,沿著舊路走,只會成為上一輩buffer。要擊敗上一代,未來才有希望。

缺口在哪?我都唔知架!(唔好打頭!唔該,個樣要黎搵食!)

我只能夠,用我有限眼光說幾個範疇

1 資迅科技(幾乎是必殺技)
2 物業維修或藍領技術,到最後佢地都要迫住比錢你
3 佢地唔識教仔,尤其係年紀較大又有學問0既x世代!因為佢地只有自己範疇內的學問!
4 佢地以為自己可以用錢堆切小朋友快樂童年,其實白白送錢比人
5 佢地以前接觸唔到0既投資(未必是新東西,只是全球一體化之下,而家咩都買到)

若然閣下已經有穩定工作及收入,呢d野關你咩事?哈哈。。。

如果你有小朋友,或者將會一路衰老(這是必然)

你最想看到的,二十年後,本地的領袖是收租大嬸這一輩,還是果位80後求死隊長?

兩害取其輕,你懂的。

李嘉誠同李澤巨,你平時鬧會鬧邊個?

一家之主,你要胡楓定胡諾言?(哈哈~)

最後亂入,家姐剛剛星期三生日,五歲了!!小馬寶莉旦糕好靚呢,兩磅,$480





****

心態決定境界1 <運輸街車哥哥>

心態決定境界 2 <文員姐姐無手尾>

心能決定境界3 - 論創業 <叫朋友做影相佢當我點佢>

心態決定境界4 <四十幾五十歲個班西口西面女人>

心態決定境界 5 -- 淺淡同學妻

心態決定境界 6 -網誌被舊同學發現!

心態決定境界 7 -- 壞男人AGENT
心態決定境界8 - 短途旅行港人奇行種

舊拍檔的男性中年危機 (心態決定境界9)

煩膠阿四 以為自己做生意(心態決定境界10)


****
小弟有興趣開番個WHATSAPP GRUOP 吹水,但只希望係寫BLOG的朋友,如有興趣,SEND個EMAIL給我吧,我無乜要求,你個BLOG有五十篇文以上就可以了~~~!





2016年8月2日 星期二

女主人生意利潤 (女主人工作系列)

傍晚六點幾     新聞公告了在1晚上八時四十分改掛八號風球

七點左右正打算撤退之際     竟然仲有客人冒著風雨過來睇衫

我地向客人溫馨提示完風暖暴最新消息後    但客人依然旁若無人   我行我素咁睇  仲話佢女朋友都上緊來。

我安慰自己咁諗就當我地貨品真係好吸引佢。

*****

前兩日     同男主人講開每月利潤問題

慚愧地     我真係唔知道自己每個月搵幾多錢

咁點知道每個月公司係賺定蝕?!

其實好簡單    只要每個月公司條數係正數 而又可以供養到我日常生活(包括一切使費及俾家用)及每月固定有舊錢存入我私人戶口

我就知道公司係賺....

做左6年幾     非正式統計地只有一個月係入不敷支

因為果個月係新年只係返左十日工左右....其他日子都係放假, 所以接唔夠單

用最保守的計法      我每個月實際存入自己戶口的有75200元

75200 x 12個月=902400元

我就當呢個係我最純利潤     亦係我一年可以儲的錢

為免俾男主人哦我     而我自己都有點好奇想知下自己實際一個月賺幾多錢

終於的起心肝計下我純利究竟有幾多

打開個EXCEL    原來對上一次計數已經係2015年9月

計完2016年6月及7月    扣除左支出

38萬營業額     6月所得純利有        10萬
43萬營業額     7月所得純利有        13萬

****

雖然冇好確實咁知道自己賺蝕     但其實心裡也有個數

知道利潤係多左定少左

近半年公司被逼轉型 由最暢銷晚禮服       慢慢轉左童裝衫 十個有七個來的客人都係買童裝
在經濟咁低迷時勢     慶幸自己仲有一樣野可以企得住腳

亦好慶幸自己一年前想產品多元化而引入左童裝衫

我成日話我一路走來都係運氣        不過男主人說

有時運氣都係實力一種

呢句說話一直記在心上

「早起的鳥兒有蟲吃」    比別人努力     對客人的用心

相信這個也是引客人選擇我們的原因之一

(雖然有時我會揀客做)

****

今日睇相睇返一年前左右個女張相     覺得個pose好好笑

攝於國內間屋


*****

男主人後記,佢個格式我EDIT過先比佢出街,咁0岩我打完佢又打,佢要讓我出先啦~

為免各位錯失我上一篇BLOG文,可按此

儲夠七球就退休 我可以唔撈嗎18

各位朋友0既留言,
就係對無乜恒心將會爛尾0既女主人0既動力!

2016年8月1日 星期一

儲夠七球就退休 我可以唔撈嗎18

第十八集了。上一集已經係六月0既事。

今日打風,以下網址可以睇中日美台風預測!!
http://zt.zjmb.gov.cn/tfzt/


武者烈傳NO.271 疾風劍豪精太,真係噴左三日。。。痴膠紙做遮蓋痴到想打人!制作過程係文末。

問太多根本不會講。。。!

近期都有幾多決定,係時間上增加唔少碓定性。

檢視唔撈指數

講工作

住屋方便,因為無盤(之前有一輪好平,又錯過左),我地又唔會去等個D"就搬走"0既乞食盤,人地一走我地接力,連翻新都唔翻就比我地?

結果,減幾舊水簽多一年死一年生約

留意,男主人鋪租重有一年半死約(不要傻豬,工商鋪無人簽生約的),而機器租約有三年。即係話,鋪租要續多一年半

咁好多時間都好FIT喇!

講資產

今日建行5.35,即係股票總值一千零七十萬左右

建行剛剛係上星期派左息,連結如下<食息過活 建設銀行 2015 年股息派發

現金六十幾萬,不過要比番女主人,暫時寄養係我度。

女主人總資產係一個謎,因為佢自己都唔計,不過就肯定過一百萬。

講其他

見其他BLOG友講去計自己支出同收入,我又UP下:

其實我收入好易計,工作上支出都月月差不多。但係要計生活支出就好難,因為太小(相對收入)同埋太碎。兩老八達通增值都係我包,平時出街食飯有時我比有時女主人比,真係好難去一一紀錄。

阿女主人上次寫完BLOG,佢又話想寫,因為發現原來佢創業頭個兩年已經儲左一球錢!佢成日都唔去計佢搵幾多,只計自己出糧比自己當收入。佢個RANGE由二萬到二十萬都聽過。

邊個話做生意好危險?其實會唔會係個條80求死自己無乜七用,樣樣野都覺得唔WORK,唯獨折墮式吸血是出路?井底之蛙。。。


講目標

1。股票如無大升,繼續唔沽,玩無限補時。預計三年後帶來170萬股息
2。以男主人月儲十萬計算,扣減自己休息個D長假,三年間可儲300萬
3。若要無條件地"買樓",我計過要有七球現金,才可以同股票加期權去供樓(有機會再講,可能有排先寫),係唔傷本之下"股票代供"(我唔會租客代供咁無品)
4。女主人現有,當住先,約112萬同31萬股票。(問左佢了!)

現時指數為180/700

計一計,700-170-300-131=99萬,即係女主人要係三年內搵到呢個數。對佢黎講暫時都無乜難度,所以財自其實好近。

咪住,其實而家慳慳地都夠,不過如果達成呢個目標,就唔駛慳慳地了!

係少左供樓/租樓開支之下,生活可以更好。

最重要係,跑極都重可以跑0既情況之下,不如定個目標,一到就停!即係話女主人或男主人跑得比預期快,一到七球現金,即時收皮!女主人或許會繼續,男主人就會收山唔做喇。

精太原本乜都唔做,係咁醜樣架!
下面張圖,已全上色,只有眼有貼紙。不過未補手油同埋補番噴得唔好0既部份!
(留意頭盔兩邊Z字要上綠色底,胸甲要滲黑線,龍頭要油,文初個張圖係完成品!)
(隻馬真係難度好高,我已經做得唔好,但真係已經盡力。天份有限熱誠無限。)



兩隻都可以變成半人馬狀態!


最後講下小朋友,左邊個仔運動能力比同年小朋友好好多。。。
相反,個女第一次砌LEGO,估唔到佢自己識睇說明書自己砌埋!我覺得好勁!
(第時砌高達靠你了!!!)

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)
我可以唔撈嗎15 (建行減派息 成功財務自由)
我可以唔撈嗎 16 (入廠維修
我可以唔撈嗎 17 (去蕪存菁;又上千萬)

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

Related Posts Plugin for WordPress, Blogger...