2016年8月9日 星期二

一球資金開戶 私銀 門檻

首先, 感謝 STARMAN 兄半無私的奉獻!(個人唔討厭任何非影響民生0既收錢活動)

STARMAN 兄 BLOG LINK

希望佢唔好介意,為左減少其他初看他BLOG讀者時間,我有以下推介。

個人認為,最舊個幾篇同埋2016年八月近期呢幾篇最有用,最有可觀性。都係關於私銀同債券。

其他個案,其實得個睇字。不過亦見到好多香港人持有磚頭!

不進取者,持有NAV勁高磚頭一件無加按!

進取者,幾舊磚頭車位收租,但幾乎按到盡

再一次感謝BLOG友半無私的奉獻。

題外話,近日苦思出番本書,叫做"帶著矛盾去財自搵人贊助(CAP水!!!)!講下邊D人一邊話已財自一邊又做自己唔鐘意0既工,又講下邊D人為左財自最後變孤獨老年。。。
(以上只係講下笑,不過近期好多人話財自,實質好矛盾!)

工作開始忙,整唔切高達,父債女還!

佢人生首件LEGO!不得不讚佢,剛五歲可以我唔教之下自己執件自己砌。係手指唔夠力有三成要幫。砌錯要提,大約兩成砌錯隔離。


小弟睇完,想搵下私銀資資,有咩好?

都係貪佢息平,同埋個槓桿孖展額,係全個PORTFOLIO 計!即係股票債券期權茦貨黃金拉埋一齊計。其中一邊爆都唔駛比人CALL MARGIN。

私人銀行門檻要幾多?

其實打電話問就得,唔好咁ON9去分行!免各位多走冤枉路,綜合如下(金額要求為流動資產,即係你有十層加按到盡0既收租樓係無用0既。):

匯控私銀:五球美金(是否痴線?),我以為我係生客。問下入面工作的朋友,原來好多年來都係五球。

高盛:其實佢地炒野多,唔記得,應該係兩球美金。我有兩個後輩(都係外國大學雙學位畢業,求死一世都識唔到個D LEVEL)同時係度做,我問左其中一位。借貸利息為 2.2% 左右,視乎LOAN SIZE。 佢話大LENDER 先有機會有平息。

之後,我可以網上睇下有冇得佢地打比我問。

渣打私銀:兩球美金,息口唔知。

UBS瑞信:網上講兩球美金,我無咁多無謂問。

CITIBANK:一球美金,CS聯繫過,不過佢之後無打過黎。

內銀私銀應該唔多港客,問親都覆。

交銀私銀,一球美金,息口2。2%

中信私銀,一球美金,息口1。9%

當然,我問到0既,未必同你一樣,做個參考吧。

*********

好了。有咩買佣金幾多有咩玩,對我而言是息口。

高盛後輩教左我,私銀可分三類!(可能有錯,我只有信)

1:正常RETAIL銀行伸延,多D野買咁LAW(例:就係我地識個D)
2:提供高端生活品味,帶你去試下紅酒,拍賣下古蕫。(例:UBS)
3:提供投資產品,幫你落盤幫你炒埋一份。(例:高盛)

*********

最後,大家看到盲點嗎?

香港樓按為2。1-2。3%,通常樓按都係叫你借盡,因為息低。

而家,有息口更低0既選擇,FULL PAY 樓變得更抵。只要你有錢(車~~~~)

即係咁,如你有三百萬現金,最傻仔可以按七成(唔用二按),比九十萬,剩餘210萬用黎買5%息以上0既野,已經可以股息供樓。

當然,假設前景不變。

如果有1。9%0既錢,不如放三球FULL PAY,因入面本身有一球美金流動資產,買股又好乜都好,買番300萬收息股票,現金流更高。唔掂果陣加按番層樓又得喎!

本來世事好似好美好。。。

之後,我發現平民版借平錢方法。

邊間?唔好EMAIL我!

建議BOOKMARK此BLOG同埋LIKE我FB,當我完成成個動作時,我會寫BLOG公開,FB會送上NEWS FEED。(LIKE我當鼓勵啦,請LIKE PAGE,不是這一文章。LIKE文章無NEWS FEED 比你

我都可以講下,因為可能有人知。我唔係想賣關士,我同成龍一樣,要用完真係WORK先講出黎0者。

原理係借比港紙更平息0既美金!如果借一蚊,港紙收2。2%,美金只收1。8%!如果十萬美金,十萬之後餘額只收1。3%!

係咪平到笑?

同樣可以成個PORTFOLIO MARGIN 一齊計,又係有債券同埋各地REITS買!(例如星加波REITS)

都係等我試左開戶先。

我第一個動作係射倉過去,一蚊都唔放,睇下提款出黎可行否。

如果得,買一千樓樓就唔駛借樓按,無壓力測試,更加無五成按揭出租限制了!

當然,首先你要有流動資產,唔係個D按到盡0既無用磚頭。

兵貴神速。

(係度發個誓,我唔會利用呢D東西搵BLOG 友錢!即使要比錢,我會不扣成本全數捐左佢!最有可能都係用AD SENSE。。。哈哈,講TALK無人黎,可能棟篤笑多人過投資班~)

個仔一睇就知係曳樣!!!

再呼籲下,LIKESHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

89 則留言:

  1. 係咪 ixxxxxxxxxxxxxxxxx.com.hk? 開戶要親身上去,我都有係果度抵押股票再買債券。

    回覆刪除
    回覆
    1. 其實可以係TWS打個stock/REITS code right click佢選check margin就可以睇到

      刪除
  2. 都幾好。 暫時所知
    100萬資產可借400萬比你買美股
    Loan 利息每月加上去
    保障跟香港證券行一樣 15萬

    回覆刪除
    回覆
    1. 但100萬資產可以DRAW 到幾多錢出來呢?

      刪除
    2. 好用。用左好多年。多次同佢地傾電話問野!(唔好近五點先打去問。。。)
      “但100萬資產可以DRAW 到幾多錢出來呢?”
      唔太明想問乜。100萬資產指1M Portfolio?是咪咁:
      舉例IX 假設自已先有1M HKD,之後買1M HKD 939.SEHK, 俾個約數要維持保證金20%,就至少要有20 萬係IX 戶口,可DRAW 80萬出黎;當然,你明白會俾人追,所以會少D。

      刪除
    3. FYI
      http://holland.pk/govla3xd
      你愛股939, main. Margin 係136320/547000=25%
      其餘75% 資金可提出。

      刪除
    4. 我都fill緊個application!

      自由夢兄買債門檻高唔高?

      刪除
    5. Teamkill 兄,感謝告知。
      你既留言有用過哂我成篇文。
      果然可以借平錢。。。

      刪除
    6. 我買係preferred stock ,可每股買 。 入場費唔高。

      刪除
    7. 魔兄,我知丫。
      不過我唔想做伸手黨0者

      刪除
    8. 自由夢:
      哦!Preferred stock我都有諗過同睇過,但我想買債多少少,不過我未有時間搵債所以問吓(都係戴返個頭盔先,呵呵)。

      刪除
    9. //不過我唔想做伸手黨0者

      伸手黨的留言有一定style的,一睇便知.

      刪除
    10. 我扮robot 似robot,不留半點痕跡。
      不過如果魔兄行文講下hsea hseb 點免稅,應該好多人想知。至少wsapp group 好多人等緊你。

      刪除
    11. //過如果魔兄行文講下hsea hseb 點免稅,應該好多人想知

      無任何技巧,因為exempt at source.舉一反三就可以找到其他類似證券:

      http://magician__yang.mysinablog.com/index.php?op=ViewArticle&articleId=12751636

      刪除
    12. 比我伸手一下。。。
      是否買左,自動到手,唔會被扣30%?
      再伸手,點可以找到???逐隻睇?

      刪除
    13. //是否買左,自動到手,唔會被扣30%

      係,呢個就係exempt at source的意思. 你平時買美股, 都係withheld at source,自動被paying agent 扣起.

      //再伸手,點可以找到???逐隻睇?

      呢個唔講,谷歌好易搵, advanced啲就要用腦推敲一下, 係有啲小技巧research methodology嘅,所以我唔講嘞.

      刪除
    14. 明白。
      拿,我請你飲杯starbucks,比多少少tips 黎啦。

      刪除
    15. 利是餅:請得你食,咪要請哂所有人食?

      刪除
    16. 咪咁懶, 你咁聰明, basic 嗰招google search 有幾難? search 到之後再諗,就好容易的了.

      刪除
    17. Senior 大叔玩junior 大叔。
      我做k 博士,不了了之先。
      有機會用到再試。

      刪除
    18. 魔兄啲文有啲蛛絲馬跡!

      刪除
    19. 魔師兄,你好!我認我抄你功課:)還沒去你處謝過,呢度補返數~THX!
      //RE 70兄“是否買左,自動到手,唔會被扣30%?”
      FYI:http://holland.pk/bel0pr1t
      上期收息張STATEMENT 會咁寫:25X8.125% coupon/4 會分左兩項出現(可見會標示NRA Withholding exempt), 加起來就係總數一項。[分開的原因有高手知道嗎?是節稅的安排?]

      刪除
    20. 另,70兄,IX 佢係multi-currency,入1M HKD 後買1M/7.75 ~=129K USD 的HSXX,係唔兌錢的情況下,佢會129K USD 全數收利息1.8p.a.(有階梯,大約吧)[假設1USD=7.75HKD]
      兌錢呢部分可能會搞到好朽狡,現在我全數借外幣算。。
      至於邊隻要扣同唔洗扣,傻傻地買一股試下都無話唔得:)

      刪除
    21. Teamkill 兄,階梯我知呀。
      我唔打算放現金,放一千萬港股入去,借錢買美國野。借三球至六球左右應無難度。
      係唔知債券類可有幾多loan to value.

      刪除
    22. 唉,間野唔憂做咁,當年輝立想射過去好朽狡。。依加唔知點,最好自己問多次跟足D 就係啦。
      10M 借3-6M 應無難度:939 當你留BUFFER 40% 準備金,剩個6M 錢買D 完全沒有得借的產品都可以。
      債券我得IBOND 95%按值。

      刪除
    23. //還沒去你處謝過,呢度補返數~THX!

      okay la, 夫善戰者,無智名無勇功. 我唔介意人抄我(否則我就唔擺出來了,學乜sir話齋,見光死,盞俾人搶貴哂啲投資物).不過適時俾返少少credit,大家以禮相待就無問題了

      有些人問完一個問題就問第二個,面皮9丈厚,仲好意思不斷糾纏煩住人,究竟咁大個人知唔知個醜字點寫?


      //[分開的原因有高手知道嗎?是節稅的安排?]

      要最後睇返1042-S同埋IRS income code會清楚啲,就咁得兩行真係無頭緒.

      刪除
    24. 我終於知咩係"朽狡", 長見識了. 答番上面我唔知講乜果D 先~
      兌錢,可以揀主貨幣係USD, 咁係ACCOUNT果度可以RIGHT CLICK 揀其他貨幣歸零變哂做美元負債. 即係賣出美元買入港元還錢, 我用PAPER TRADE 戶口試過, 還算方便.
      射倉打過去問, 應該同正常射倉一樣,佢地都有CCASS ID.
      射走未識...可能好難攪都未定!

      刪除
    25. 魔術師兄 我都有抄功課 但只抄左一隻咋。XD,令外謝謝魔兄比我地抄功課。 某類係唔收30%,魔術師兄文有提示的。 朽狡係乜?

      刪除
    26. SORRY,唔識打正字。「朽狡」:其實想講 朽=英文NOW讀第5聲,狡=膠讀第6聲
      哈哈,我搞到咁難明,真係朽狡!

      刪除
  3. 留名學嘢… 另外小心老人家係第二度話你借錢投資唔理風險喎…嘻嘻

    回覆刪除
  4. 我都想開私銀account,想問下係咪citi PB可以買到新加坡股票?
    Citi Gold 買唔到搞到我只可以將大部分資金轉去DBS Vickers

    回覆刪除
    回覆
    1. 應該大部份pb 你想買乜就買乜,如果唔係要黎無用喎

      刪除
  5. 唔知點解Download落黎既Trader Work Station一直都開唔到, 要先投資部電腦? 哈哈:D

    回覆刪除
  6. 謝70兄的詳細分享!你真係逐個問清楚再比較,毅力及智慧並重!

    小妹膽小,暫未敢借$買股,只敢開個濕9美股户口。但都期待你更多射倉和槓桿操作的分享,預祝你投資大成功先=D

    回覆刪除
    回覆
    1. 射倉搵唔到相關文章。
      槓桿後會cap 圖。

      等我做白老鼠啦

      刪除
    2. 射倉唔難, 係網上搞掂的。

      刪除
    3. 射入唔難。
      唔知射出有冇麻煩東西。
      見香討有人講過,又或者係條友唔識射所以射唔出。

      刪除
  7. 我早用緊喇!
    舊文有講:
    http://magician__yang.mysinablog.com/index.php?op=ViewArticle&articleId=13570458

    回覆刪除
    回覆
    1. 我睇過啦。
      你都係買野,有冇借錢??

      刪除
    2. 70兄係咪好想借錢出嚟買樓?!XD

      刪除
    3. 我無借, 又唔係發錢寒, 搞到我好似乜sir啲學生咁. 融資的回報,對我來說marginal benefit不大.

      刪除
    4. 我錢少,要發錢寒去借。
      認真的。
      所以比老人家話我,我認架。
      不過我後生,無哂咪再黎過。

      刪除
  8. 睇黎即刻會有唔少人like你既facebook。
    我都相當期待你用後既分享,又要講句富者越富。

    回覆刪除
    回覆
    1. 發展fb 係唯一出路了。
      否則睇blog 人數只會一路跌。。。寫blog 人數再跌。

      刪除
    2. FB的interface 難以作深入討論.

      刪除
    3. 只能夠講,增加睇blog 人數,唔能夠只靠google 吧。

      刪除
    4. 大鑊,池某係極討厭使用fb的老人家,睇怕只會越來越out了。

      刪除
    5. 唔係咁意思。
      如果只靠blog link blog,始終可接續人數有限。

      刪除
    6. 唔大鑊!70兄應該係借FB谷收視啫!

      刪除
    7. 雖然我都有幫個BLOG整FB PAGE,但我自己盡量限制自己玩FB。

      刪除
    8. 我fb 都係放下家人同高達相,唔公開的。

      刪除
  9. 謝謝70兄無私分享,已bookmark,森而不久將來會很有用!

    回覆刪除
    回覆
    1. 謝謝。
      總會有機會用到。
      佢最唔好係無trade 的話,最低消費每月us10

      刪除
    2. If your account balance have over us$100k.... Then no monthly maintenance charges...cheer//

      刪除
    3. Yes. 我應唔駛比。
      好似要比一蚊買data?

      刪除
  10. 呢個TOPIC 有趣~
    LIKE 你個FB 先!

    回覆刪除
  11. 哈哈, 唔做伸手黨, 已經好多人share晒所以有用資料啦.

    題外話: 就算隻股或etf或reit 有30% withholding tax, 我都幾肯定可從美國政府claim番30% tax, 原因係因為我有一個不熟的朋友試過. 不過, 成個手續有點煩, 而且要等2-3個月.

    回覆刪除
    回覆
    1. 我今年都打算claim,年尾去做公證.

      刪除
    2. 其實個間經紀行有稅務顧問,可以打過去問下XD

      刪除
  12. 想問一問點睇到果間證券行抵押股票個按押值呢!例如70兄隻939點知係75%?thx

    回覆刪除
  13. 其實佢射出好方便 不過多數人都係有入冇出 佢買賣又便 想沽用covered call到行駛價會扣貨

    其實佢每年會幫你renew w8 form非美人士,withholding tax唔會扣,不過收美股息非美人士一樣要扣30%

    所以好多人喜歡買sing REITS 黎收息

    回覆刪除
    回覆
    1. 原來都係要填1042-s 詳情都係睇大魔術師的 尋找1042-s的故事

      刪除
    2. 如果慳到十萬八萬,搵人會計代報會否更慳心力?

      刪除
  14. 做咗CD-ROM好耐, 今次第一次留言, 期待70後兄既用後感

    回覆刪除
  15. 《帶著矛盾去財自》,這書名頗吸引,何時推出?期待。

    回覆刪除
    回覆
    1. 止凡兄, 只是講笑,

      都係個句, 無人搵我出書的, 自資就有機, 蝕硬~

      刪除
  16. 請問點可以margin買債?我响IB 買6kbond就用我6k usd 買,可以set 2k usd 買6k 貨???

    回覆刪除
    回覆
    1. 咁你個bond 可以按番出黎買野喎。
      右click 揀check margin impact.
      我最初係存貨入去,一蚊都無之下買其他野。

      刪除
    2. 多謝70兄.我都係70後.之前浪費了大好昀間理財.希望可以慢慢追上.我打電話IB佢話冤貨覃用哂我戶口現金會自動做margin.只要maintaainence margin 係正數就得、惡試下先、

      刪除
  17. 作者已經移除這則留言。

    回覆刪除
  18. 你好,近日才留意到這個正blog,有點遲。
    我詳細睇個PM requirement 要keep有usd 100000 net liquidation.
    我想問下假設我首先有usd100000,我買了隻bond用曬usd100000去買。我是否不能draw錢出來?因為如果我draw錢出來,戶口Net總值會少過usd100000。
    如果我要draw usd50000,那是否戶囗資產要有usd150000?

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...