小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年10月31日 星期一

數數女主人身家 我可以唔撈嗎21

暫定每個月月尾一篇埋數文,以提示自己退下火線程度如何。同時,又笑下女主人個燈神倉。

既然財自是必然,達成時間便成為目標之一,同樣,財自之後0既打算就成為目標之二。

是實質唔撈定係一種態度?視乎你點講比人聽吧。

唔少人都係為左逃避工作,又或者想多D得閒時間。小弟生意其實算幾好玩,有錢有尊重,只是覺得,想轉變一下,人生剩番幾十年(希望),留番黎陪下屋企人,做D傻傻地但自己認為正確的事也不錯!

財自不是一個夢想或希望,是小弟人生必然面對的"問題",所以,不要勸我唔好財自了。

早幾日同老婆飲早茶,佢問我佢幾時唔撈。哈哈,肯定佢又受左班港豬0既氣,扭計生去意。見佢停留係做義工呢D思想上,我估佢未READY吧。

我都講左目標金額佢聽,下文再述。

講工作

其實無乜大轉變,要轉變都係一月0既事,黎緊十一月我要搵一晚好好PLAN下。因有小小名氣,唔愁無生意,只愁做得受氣

其實,唔受氣,人都開心D,生意都做得好D就真。

近日成日有唔食開炒旦0既人黎問有冇炒旦食,如果大心"做大佢",真係開分店都唔怕蝕。

可惜我最怕0既,係煩!要我管咁多野,我唔要D錢好過。

講資產

建行現價5.6。跌左,不過唔太影響自己。

現時資產分佈如下,幾乎無現金(月月還哂比老婆),只有負債。

槓桿比率為1.8,即係10蚊買左18蚊0既野,港豬可以諗,呢個係四成半按揭。

息口1.36%PA,唔駛還本,每月還HKD11000以下。

預計一年整個組合收息約HKD120萬,扣左利息開支都有100萬。

當然,MPF同保險個D雞仔數就唔計了。

本月收息只有三萬港元(來自美債),因整個組合十一月才正式攪掂。。。預計四五萬無走雞。

GLD買來是玩期權。GLD現價121.7,我128買入,賬面蝕唔少。但本月權金為1.7,十一月權金為1,抵銷部份虧損。(其實只佔3%總資產,對MARGIN IMPACT不大。)

以上全為男主人單人資產,無計女主人在內。

講目標

目標就同女主人資產有關,第一目標是五球,第二目標是八球。用黎做乜?可以買番個自住物業了。

原來,由2009(定2010)目標樓盤只係升左80%,講錢,男女主人已今時唔同往日,當時只夠比首期,今天已可以近FULL PAY。

始終,細價樓同中價樓升幅唔一致。(貴野我唔會同佢癲。)

女主人D股票繼續跌,哈哈!~~~~賬面唔見左兩三萬

至於現今,因為我又還錢(二十萬)比佢,佢又出糧比自己,結果加埋有232萬

股票加現金,女主人現有263萬。佢重有40萬爛數未收(我是債仔),預計今年或明年一月還清,即有303萬。

離500萬(或550萬),仲有好遠。

不過,男主人計過,收埋明年七月建行股息,應有160萬左右(但要提番D債息出來)。

九個月內,女主人要儲到36萬或87萬!前者無難度,後者?哈哈。。。應該唔得。

點知佢話,將公司一個戶口入面個幾十萬(唔知幾多十,佢從來唔睇唔用),派番比股東!

咁,呢個目標就接近好多了。

再之後?玩多兩年就唔做了,到時若未買到樓,就達成八球現金。女主人要麽再玩多兩年,要麼再出力一點,齋靠我的話,有咩突發事故就番唔到轉頭了。



近排真係懶到爆燈,噴完油,放低又唔滲線又唔手油。樓上兩隻都係未完成品。。。

其他集數,經典重溫,睇下以前我點諗退休唔撈?

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)
我可以唔撈嗎15 (建行減派息 成功財務自由)
我可以唔撈嗎 16 (入廠維修
我可以唔撈嗎 17 (去蕪存菁;又上千萬)

2016年10月26日 星期三

有錢要及早有 外母的財自系列

呢篇有關女人五十歲財務自由故事。

應該同時睇埋小弟以前工作拍擋個篇。


簡單講幾句,我拍擋就係後生時做左十幾年小男人搵錢唔多,屈服係公務員老婆腳下。到同我一齊炒旦,搵到錢就想女人,頂唔順老婆,有三個小朋友都離婚收場。

結論?要有錢要早D有,
當你感受過,其實就唔覺得係咩一回事。

男0既會咁,女0既又會唔會?

其實我外母2014開始財自左,應該五十出頭(早過唔少大叔大嬸),不過佢唔係靠D乜投資,資產又無乜,又有個一路食工傷唔太生性0既仔。

佢係靠個女,即係女主人,提供被動收入。

當年,就係做得唔太開心(都係換左主管個類啦),而又想多D時間照顧個孫(唔生性仔個女),而我同女主人比0既家用又多過佢工作,結果財自了。

之後佢一路有PART TIME做下,又有孫同外孫玩,如呢個年紀要為口奔馳,又或者個仔唔比你湊個孫,真係唔知人生還剩下些什麼了。

無錢也可以財自,只係方法唔同。一定要用資產?一定要收租?一定要好富貴?

當然,WHY NOT BOTH,樣樣都有就最好。

不過,若有錢,你0既價值觀又會否令你仔女唔想理你

呢期就有ON9收租仔走入銀行攪加按以為自己大支野,結果無人理佢淪為BLOG 界笑話。

講番今期目標人物,係我外母個妹妹

我唔知外母有多少兄弟姐妹,不過有個家姐有個妹,叫做外母姐及外母妹吧。

外母姐一早移左民,身在美國,當然唔駛做,因為有國家養之餘,佢個女都係做生意(意外地,同女主人同一生意,真巧合)。

外母妹五六年前仲係大陸,借假結婚移民去澳洲,現在打工5000澳元一個月。由大陸少奶奶(老公係中層公安吧),變做高收入(?)人士,黎香港探外母時口氣都大D。

例如好好笑咁用佢0既時薪黎衡量物品貴唔貴。。。不過聽到五六年前我果度0既租金,佢都話貴架,其實,佢未認識過香港生活指數吧。

剛剛果三星期,佢地三姐妹約定係美國相聚,一齊玩下。

外母係美國買番黎0既禮物(MAGICLIP香港只有少量水貨)
我個女,三星期無見,一見到婆婆黎個大擁抱!呢D才是親情!

番黎之後,外母一蚊都無用過,全程大家姐請(佢個女請啦);相反外母妹就自己比錢了。

當然,外母妹也不憧做人,常常唔留家食飯,約左佢美國的舊同學(男主人常常笑女主人鄉下不停輸出黑工!),當然,仲有幾年前假結婚借左錢又唔還,現在有錢唔還仲吃喝玩樂先令人嬲啦。

男主人意見?係我眼中女主人D親戚個個都無乜野,因為唔深交,佢地又覺得女主人有錢就唔八卦咁多啦。只係我對外母妹都唔太多好感,原因唔係佢鐘意哂命(就同求死隊長一樣,當係個笑話聽下,都係未見過大蛇就當自己大支野),而係外母妹好鐘意係我面前講佢D鄉下話

喂,明明我係度,你講鄉下話我唔識聽,唔通我講番英文?專重下我好喎。

外母多受人保護,並非無原因,相信同佢份人品比較溫和,以及份人無乜所謂有關。

錢真係咁重要?好多事情錢買唔到,反而"忽然有錢"帶來0既性格改變,可能令你剩番0既優點都破壞埋。

或許,果位傻仔求死以前只係讀書唔叻做事唔醒比同學同事無視,當佢以為自己有錢之後,連銷售員工都無視埋佢。。。哈哈。

通常呢D比人無視0既毒J,都有D同LEVEL0既朋友,而家資產多左,"財大自更大",會否連當初同佢一齊ON下ON下D FRIEND都無埋?

聽女主人講,外母妹的轉變,其實幾好笑。

識男女朋友都好,識個一早有少少錢0既,好過到佢有錢性格變,大把港女識左有錢老公生活大變不停哂命,係咪?好彩女主人由秘書仔變老闆,帶來轉變並不大。

剛剛今日同女主人飲個早茶.,成間酒樓都係阿伯阿婆,少量大叔大嬸。

下一篇,又係月結女主人資產了。

2016年10月25日 星期二

GLD SHORT STRANGLE ROLL OVER

近期太多事要分心(都係玩樂的事),建倉又未完成,今天簡短講下轉倉一事。

唔知係 INTERACTIVE BROKERS 咁強大定係美國D OPTION 係咁,自動對盤好快!買賣差價又少。。。

主要收息,來自港股,美債,SGX REITS,HSEA 及HSEB。SHORT GLD OPTION 只為玩玩,金額不多。(GLD只佔資產3%)



******

為左同GLDI比較,試下將一年GLD OPTION 權金記低。

舊倉
九月SP124 SC130,權金USD1600左右

上月倉
十月SP124,SC130收權金USD1.78,7張約USD1250(已扣九月減平倉成本)

之後ROLL OVER 左124PUT,以及開左十一月SC128.5,收得USD1,即係總數USD700

*****

最初,做GLD OPTION 係想買下其他野,同時又想試下SHORT GLD OPTION 會否比買入GLDI 好。

點知,權金又唔錯喎,不如試下SET個目標,用權金黎交借貸利息。

本月貸款利息約USD1300(包括美債,HSEA,HSEB,GLD及SGX REITS借金)!年利率約 1.3965%

即係話,十一月權金唔足以COVER利息支出。不過,十一月頭又有USD3182債息派發。

其實,收一次債息,已夠還幾個月總貸款了。

十一月中,五隻SGX REITS會派息平均每隻USD400-600左右,預計USD2400走唔甩。

十二月份,收美債(TOYRUS BOND)及HSEB,到時再講。

小弟現在槓桿比率為1.8左右,即18蚊東西入面有8蚊借番黎。(當係五成半首期也可)

健康否?要跌4成先開始要補倉吧。
近九百萬貸款,月息都係一萬蚊多少少,平過唔少樓按呢。


大黃蜂面具好好玩!

保守預計年收息110萬,已扣減借貸利息,原來已達七位數字。

老婆聽到,即時話我地兩公婆可以唔做!無錯,還爭一樣東西,已好眼訓,下回再講。

2016年10月19日 星期三

非倒模式財務自由

PAGE VIEW 將達五十萬大關!是一種鼓舞!

近日打BLOG少左,原因有幾日受耳石移位困擾。

咩黎? http://www.kmuh.org.tw/www/kmcj/data/9906/5.htm

復位法後未能完全好番,好好休息左兩日,現在剩番一成問題左右吧。

原因?可能有期我無聊係度FING個頭。。。。哈哈~!

見止凡兄暫時停筆,十分可借。

要數BLOGGER無私出文,真正無CAP水者,寥寥可數。除我呢D嘍囉"平民老百姓"之外。

今個月又收到債息,左抄右抄學番黎。


$4125 美金,為本月十月被動收入。

十一月被動收入,除債息外,仲有一堆REITS收息,下月再講。

基本上月月有息收,無奈玩具反斗城債好似比人CALL左,只收左一次息。要再買過一隻。

等買埋兩隻優先股,再出個表統計一下每月利息來源。

****

另,見大家起哄式講財自,我又講下。。。

一講又要由為何寫BLOG開始講(小字體無關重點,可飛!)

早係1999年已經有寫BLOG習慣,果陣讀緊U,用HTML打字再UPLOAD上GEOCITIES,當時寫下番學,寫下同學(嘲笑多啦),寫下實習(所以我重記得當年實習趣事)。
出黎做野,有一段日子係記住我工作,而家睇番真係ON9,亦算是半個麻甩佬單身但唔受溝日記(小弟成個李力持咁樣,都有兵收!)
係2009年左右,當時係記下飲飲食食同女主人旅行遊記。

其實早在2006年,開始發現自己收入較同年同學歷朋友多,可能佢搵兩萬我搵六萬,佢儲一萬我儲五萬,長此落去會令股息收入高於自己每月所用(當時一個月,連埋家用都係萬幾蚊,每月25000被動已好夠,即500萬五厘息)。

之後開始網上搵下有冇呢D人分享,當然是無的。小弟財自並非由其他人啟發,是自己計數時發現的。窮爸一書,只係好後期睇過下,咪又係食正個浪大大聲!

直到2012年,開始記下自己投資同工作相關事情(當時已經好多收租仔),財自金額係身邊擦身而過多次,隨住結婚生仔開支上升,居住要求,通漲等,所需金額一路上升。

最後,兩次小型股災(2007,2011,2015我無事),知道再要預留部份BUFFER,結果金額再提升


細仔車陣!唔係車震。

******

以前我會諗,無乜人分享財自;大大話話,十年後,或者我係少數咁有準備,而非其他人講個堆勉強財自,突然啟發財自,死慳財自,為財自而財自。

佢地未必有能力財自但想追求財自,所以計劃要算盡。小弟計過,自自然然生活工作,都會有呢一個結果,問題係去到咩位先停。

因為,我本身物慾唔多,洗錢都唔多,現在已經好夠。再搵多D只會令生活腐爛,大富大貴我又唔會,窮到兩餐不繼又無乜可能。

唔上唔落咁,我可以點?

計到最盡,我呢世人咪最多得五千萬。不如二千萬就停低吧,唔見得多左三千萬對人生有何種突破。(多左三千萬,我D仔女又唔會鑲鑽石!)

你有冇計過,唔計增值,
一世人搵幾多?

你比幾舊榴槤我食,我會覺得好味;比我食哂一個,好滿足;比五個我食,自然唔太爽。(我知有個TERMS 形容,不過我唔認為人生可用經濟學解釋。)

除非會移民,否則三千萬同五千萬差唔幾。一兩個億?我應該做唔到!

還記得我對教育選擇是希望BIG FISH LITTLE POND,同樣,我要求在自己能力範圍以內,達成最美滿ACHIEVEMENT,並非金錢單一。

條路走到呢一刻,
聽到閒言閒語唔少,
有善意的又有葡萄的。

會否好悶?不會,悶個D係五十幾六十退休個班。還有青春精力,轉個身大把野攪。

人生無哂成功感?不會,做左紅海半個龍頭咁多年,要停了。光榮引退是好事,時代在變一切在變,趁未比人KICK OUT黎個華麗轉身,拍下屁股走人吧。

再者,成功感非單一來自工作。

走在財自路上,完成這使命,已算解鎖若干人生成就。此成就有幾人有勇氣去解?難得肯定做到而所需時間不多。

見到墨西哥餐朋友夫婦結婚週年都係食個靚飯,另有哂命女性朋友去個旅行都不停直播,就知道自由時間自由思想多麽珍貴。物質當浪漫?

浪漫應為不受拘束去放浪吧。

當你睇到住堆田區0既人,為左有地鐵為左空間而搬入,但又要有架車而有車位,你的人生是你的嗎?還是被物質拉著走?人生滿足度應如何計算?

同樣,為左有被動收入用黎供樓而不用工作收入去供,結果更加努力去工作幾年買兩層樓番黎用租金代供,又是否成功的財自陣式?

如資產大跌點算?我已預留BUFFER,如不幸都唔夠用,出番黎撈LAW!哈哈!又有乜所謂?

我最怕0既,十年八年後,小朋友長大了,唔再同你傾太多0既時候,存在感問題。不過呢個唔關財自事,我估每個父母都會遇到同樣問題。反正十年八年後,就由佢。比我做多十年,都係搵多一二三千萬,無乜意思。

留D錢比小朋友?我剩番咪比佢LAW。我完全無諗過,我完全唔覺得需要令我0既仔女都"食住"佢0既同輩,叻0既人,你點阻都阻唔到佢跑過你。搵到個樣好老婆老公生個靚小朋友,已經嬴在起跑線。

留資產?同係堆田區買個車位一樣,比某D價值觀拖住走,幫唔到子女,只能夠叫做"無計謀無目標下去消除自己不安感以及外人眼光吧"

你係個圈入面,我係個圈出面,睇0既野自然好唔同。

"車,佢讀書/搵錢/創業/財自好叻咩"

SORRY,
你是否還在圈內?
還是在井內?

財自後做D乜?做好多我想做同埋應該做0既事,係D乜?留個秘密吧。

至少,我同老婆都覺得,咁多次旅行最過癮係無目的北上玩左一星期,遠遠正過PLAN好哂咁坐飛機去他國;就明白,要浪漫並非物質,是放浪而不受拘束吧!


小女去同學生日會,麥記姐姐唔靚。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年10月12日 星期三

樓上來的財自老人聲音 如何救回GLD OPTION

近日,金價急跌,結果男主人買左兩個月左右0既GLD要跌了。

(個衰仔係有兩分靚仔。。。似我老婆!可惜實在太曳!)

賬面損失事小,期權要轉倉先煩。

持有SHORT CALL 130 同SHORT PUT 124現價120左右

九月權金約USD2.6,十月權金約US1.8

即係阿QD諗,即使被行使,接貨成本都係119.6。當然,GLD脹面就肯定蝕了。

接貨就無謂,應該會轉倉,同埋GLD OPTION 個SPREAD 唔大,轉下月或再下個月都有肉食。

感覺,遠好過做港股期權,成交唔多買賣差價都大(我已經係做建行),轉倉時真係硬食。

當然,佢再跌我又慘慘豬啦。月尾先攪。

債券方面,過幾日又收到4125美元公司債債息。



剛買入SGX幾隻REITS,等除左淨再寫。

只欠兩隻優先股,咁呢三年個借錢收息大計就完成了。計埋建行D息,每月有九皮野港紙走唔甩,利息只係一皮。

即係成個組合有一半以上係港股,
少於1/4係公司債,
少於1/6係優先股,
少於1/12係REITS,
少於1/24係金ETF。

即係點?我都未買齊,買齊至整個PIE CHART 啦!

再加埋工作儲得到個D,每月廿萬儲蓄煉成。應該可以兩年供完細價樓,可以做到十大傑青了!




*******

講番屋企事,早幾個月,阿仔仲未番學,每朝阿女換衫個陣,八點未夠,樓上已經有個阿伯係度唱歌。

當然,有時真係會嘈醒,有一期忍唔到佢,打去管理處投訴。其實佢可以過多一粒鐘先唱,等番學0既番學,番工起身0既起身吧。

呢個阿伯,唱D歌都算新,至少唔係除少鳳丫。比較新有王菲我願意,辛曉琪味道,仲有張韶涵隱形的翅膀!其他歌估唔到佢唱乜,唱到一舊雲!

經調解了解後,佢話佢會遲D唱啦當然。

其實,佢應該係一個人,住係一間六百萬左右單位(男主人對正0既樓上),退休又無野做。無乜病痛但又唔去旅行,又無乜興趣,朋友多唔多就唔知,不過我成日去食早餐都見到佢。。。

老來先得到0既六十歲退休生活,或者財務自由,其實一D都唔自由。

錢,
再比得多你都無用,
青春已用盡。

所以,年紀大個D,走去同報紙佬講你財務自由,其實無乜意思。相反靠炒樓炒股炒栗子0既後生仔,如果真係財自左加上真係辭埋工唔做,反而仲值得去睇去學習。

呀。。。十大傑青個條女,好似都番緊工。

喂!有人財自都仲想做,
係我咁不思進取0者。

咪住,有幾多人咁幸運可以搵錢個份工同佢最想做個份工係一樣?唔好自欺欺人好喎!

又或者,最有成功感就係而家個份唔高唔低有人管下個份工?呀,既然係咁,都只係追尋成功感,咁又有咩成功感大得過可以自己做自己鐘意做0既野?!

終於完成左BB三國傳隻張飛!又係28蚊係深水步黃竹街玩具模型倉買架!
幫阿老闆ARTHUR賣個廣告

仲爭劉備!不日砌埋佢!

男主人以前都諗過去深水步做叫賣,即係個D賣神奇菜刀,百潔布,神奇收肚褲個D大叔。當然初戀情人又當我亂UP,但佢唔知道,其實我最鐘意講野,尤其鐘意亂講野!

當你以為我亂講野,轉個頭先發現你ON9左,只係我諗0既野偏離左你個NORM咋,果種滿足感真係好過癮。

如果件資產三十年(或者十年)會供完,可以完全提供回報,但係十年入面你要繼續捱騾仔,咁又值得嗎?如果為左資產增值,咁就唔係講每月有正現金流啦。

即係,拎左傑青先至講自己點樣勤力點樣捱,其實會否是運氣?

男主人一路走來,除父母養育方法及揀到女主人呢D肯陪我癲0既女人外,一世人就係一靠運氣,第二靠脾氣

阿樓上來的大叔,其實好可憐。呢個年紀,住咩樓又有咩所謂?公屋老人都仲有老街坊可以傾計,舊酒樓可以飲茶,蛇齋餅糭可以食。住我呢邊個D私樓,真係無人踩你,如果你無個伴又無子孫理你,真係等死而已

與其努力製造老年才有0既財務自由,
不如現在準備一下朋友,子女,另一半如何安排吧。

二十幾至五十幾,可能仲係黃金時代,有工作有人生意義,一老左,錢只是浮雲,只怕到時寫BLOG教人買樓財自,只會比班後生仔笑你持老賣老,搵多我地三十年錢,有咩值得哂命?

留番淡氣係屋企唱歌吧。。。

原本未上色係咁樣的。。。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年10月1日 星期六

你依然對夢想頑固嗎? 心態決定境界12


呢篇其實又係想打好耐,一路無乜MOOD打,比R兄篇文提醒我,再唔打攤凍左就無用。

講多N次,這個不是投資BLOG,小弟投資成績只係非常一般,亦係左抄右抄之流,只為稍作調整,以適合自己懶人性格。

而我自己亦都係我行我素一派。。。

好處係,做事總出奇制勝,你諗我唔到;
相反,由細到大比人睇係古古怪怪(又串串地)。

而我父母,或許忙於工作,或許無為而治,或許因學霸成績不在他擔心,一路都放羊比我自己去走我0既路。

幸好,小弟係一般中學出身,長期是位學霸,你想跟我,連車尾燈都未追到。此小小世界觀,直到大學才大開眼界。

再有互聯網(80後神器),世界才變得更大。小弟太太(女主人)亦都係網上識的。


至少頭個三十年人,
命運還是緊緊掌握在手裏。

以下的MV,我問女主人有冇睇過,原來佢每次都係靜音睇。。。或者佢係一條咸魚?

強烈建議,開聲開聲!靜靜睇!唔好SCOLL 文住。。。留意太空人是誰以及睇哂成個MV

(五月天我只聽過這一首,如外界留言,佢地最勁係將一首普通0既歌,加個MV變成好受歡迎)

呀,或許,你要靜靜一個人睇,話唔埋你要張紙巾

如果你睇過,不如睇多一兩次。



可以的話,再睇一次,留意歌詞。

小弟0既夢想?都唔知係好彩定唔好彩,已經係我25歲0既時候完成左。我渺小,所以夢想比較單簡,加上當時天時地利人和,我莫名其妙地成功了。

達成0既感覺?其實無乜,當時無乜錢又無女乜都無,太多事情擔心了。

到左三十歲,我仲會久唔久發夢番番果個地方做果樣事情。一覺醒來,若有所失,但感覺依然是美好的!

最令我有體會的,只是這一句


"我身在 當時你 幻想的 未來裡"

我相信,每人細個,都諗過大個會點,個老婆咩樣,會唔會出人頭地等等。噢,如我小時候的我會同我好似隔世追兇咁講電話,我會毫不後悔同佢講,我對得你住,並無辜負你之前古怪0既選擇!

各位朋友,若你還年青,是否還有更應該做的事?還是每天依你"能夠做的東西"生存下去?若小時候的你追問你現在如何,你會點解釋?

如果你好似我咁0既年紀,會否講出為生活而煩惱等等的一堆藉口?

如果你已經一把年紀,會否告知你好幸福?還是告知他,不應該再走一次錯路?導致而家窮得只剩下錢?

現在當下,其實就是你小時候很想長大看到的世界吧?
是外界改變了你,還是你改變了自己去適應這個世界?

"走過的 叫足跡;走不到 叫憧憬"

若然你未試過,又覺得唔得,也許只能憧憬真正行過,無論成功與否,也算行過。對自己來說也算成就的一種。

"如果你 能預知 這條路 的陷阱 

我想你 依然錯得很過癮"


姑勿論成功定失敗,未試過就註定GAME OVER,而且這個遊戲只有一次機會,老左就無機會。你睇幾多阿伯講佢後生個陣點點點?你睇幾多老到退休0既,話自己財自左,結果窮得只剩下錢(年紀大當然相對多資產)

如果收租樓要用你十年八載去完成,花在這裏青春還值得嗎?叫你去收租,覺得這才是正氣正途,不是在謀殺你的青春嗎?

無錯,小弟離地收入未必可以貼地了解後生一輩,但各有前因,我一早已達到夢想,而BASE ON 夢想之外,意料不及令我在某一範疇成功左少少。都係個句,你鐘意0既事情,點會做得唔好?事情做得好,又何愁無錢?

"每當我遲疑 從不曾忘記
活在我心深處 那頑固的自己"

呀。。。我唔敢認屎認屁,我就係成日唔聽人講!哈哈。。。連我老豆老母都咁話我(而家都係)。我外母直頭放棄左我(例如我唔食就真係唔食,唔好叫我試)

外人或許不知道,世上只有女主人明白,我果種執迷同頑固非常麻煩,去超市買一樣野,買唔到的話,我連其他野都唔買。

呀,個比喻用得好差,即係咁,即使明知前途好(真係好?),我都唔願意去做番我唔鐘意0既本行。我初戀情人問我想做乜,我只想乜都試下,看看我的出路在哪!我阿媽初期都叫我搵番份長工,其實個陣都已經撈得OK,用錢KO。

再而,用錢KO一切講三講四0既人,其實無乜人講三講四,因為大家都唔敢問我呢個古怪人。

到左今日,當我知道有D人覺得"車,佢好叻咩"0既時候,我真係開心到彈起。

因為,原來佢地好葡萄;但更重要,原來佢地只係用佢地用黎生存0既錢去衡量

這種境界,是否低了一點?成日笑人土豪,笑人無文化,笑人毒J個班友仔,其實是否心裏葡萄?

再者,我多項免疫,錢還算有DD;讀書?碩士而已,讀個博士也不難;毒J?我有個童顏老婆(成日比人望),同埋兩個可愛小朋友。

一切一切,都來自我的頑固選擇。年青的時候,選擇還是有的。光陰有限,一層自住一份好工一些職位,真的重要嗎?

每當你起身帶點懷疑的時候,能否勇敢諗下十年八年前,仲係好後生0既你,希望自己未來是怎樣?

講完,我寫BLOG 為左乜?我希望更多年青人醒覺,找出不行舊路而擊敗上一輩(包括我)的方法!不收分文不會開班!

想要走一條不同的路,必然要看看走不同的路的人是如何行出路來吧?

我亦希望,運用我自己僅有長處,從文字裏帶出這個訊息。如果各位鐘意,請多多SHARE FB PAGE,已經開始有點點成效,當來源不再單一,我更能暢所欲言。

我邊度長?睇左咁多篇都唔知。。。咪係我長處LAW!



昨日星期五都係在家養病,下次噴邊隻?哈哈。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


Related Posts Plugin for WordPress, Blogger...