小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年11月7日 星期一

食哂花生講DSD 未見官先打八十

呀,雖然無乜興趣入市,不過我有兩個QUOTA。

新辣招將DOUBLE STAMP DUTY劃一提高左。

"全面提高買賣住宅物業從價印花稅,不論交易金額格,稅率劃一調高至交易額的15%,交易時無物業的港人,可獲豁免新稅率。"

小弟無意收租吸人血,不過以投資角度睇,你仲會唔會去收租?

其實好多人都講過係點同埋估過會點,我又貼下圖同LINK



上面個圖,漏左講首置者分別係4.5,18同37.5萬!

即係話,超過672萬以上(上圖無咁細分),其實無影響,新舊招稅係一樣。

係咪會冰封中細價樓?

我只知,
要買黎住0既一定會買,
收租0既就睇佢醒唔醒目了。

其實,當你出貓住公屋買層私樓收租,300萬樓收回舊印花稅已經要10個月(當月租1萬再加佣金,仲要當埋你FULL PAY!)

45萬,要收幾耐?

若無視升值預期,呢15%要幾耐先收得番?再者,仲有冇得升?邊有咁多處女?

又有傻仔收租話,賣左買唔番,所以唔會賣。

當你簤股票個陣,如果預佢升,都唔會買番喎。其實唔賣個D就唔會賣,要賣亦可以有千萬個理由。寫文個條粉腸鐘意唔賣,但比個ON9理由佢解釋而已。

少左人收租,租盤會減少?痴線的嗎?不如睇下租樓人數有冇升跌!大陸人仲有幾多黎讀大學?頂唔順加租個D,一早買左啦。只有一路租開個D繼續租,相信租金壓力越大,租樓人數越少。

租約完左,租客重可以搬,R個平租走(至少,我續租都減左租啦,仲想加?),人人係咁租金真係會升?尤其一個人持有三層以上個D,租唔去唔通你食左佢?仲去諗賣左買唔番?

同一個淨資產之下,係咪有更好投資?

定係你眼界有限,
只係識得跟D大叔大嬸去買磚頭?

題外話,男主人呢邊1000萬樓都係租到3萬左右,150印花稅(舊辣招是75萬),要收幾多年租先收得番?期間3萬蚊都有2萬去左供樓啦。。。

300萬樓?租到1萬,當有5千供樓,唔減管理費同差餉之下,一年現金流入6萬,幾多年先收番果45萬?(舊辣招為9萬)

仲有比出黎個45萬0既機會成本同埋利息未計。

最後,新上車者用呢個表,你話樓價邊個位最易引到買家上車?


(剛收到已被REDEEMED0既玩具反斗城債息,約美金3300元,另文再述。)

19 則留言:

  1. 之後就睇樓價想唔想跌了:|

    回覆刪除
    回覆
    1. 升也好,大家生意更好,慘了打工仔(收租仔唔少也要打工)。
      跌也好,最好慢慢跌。

      刪除
  2. 純粹想買樓收租的投資者市場已經正式完結。

    回覆刪除
    回覆
    1. 投資者多定自住者多?
      小弟識既同輩,要買既都買左了。
      後輩買唔起。

      刪除
  3. 近期可以留意下新聞果堆新盤仲會唔會有大手買入幾個單位既投資者,應該可以反應到二手市場既市況

    回覆刪除
    回覆
    1. 咁大手買入實有,係真定假都會有。
      二手市場呢班人又未必係大數喎。

      刪除
  4. 未計辣招稅, 一個500萬單位收租, 月租$13-14K, 回報3.1-3.3%, 減晒差管地租供樓利息, 淨回報得返1.6-1.8%, 再減埋200萬首期之機會成本(當係30年期美國國債2.5%), 實質回報淨返0.6-0.8%。15%印花稅要回本, 要18-25年!所以我覺得, 宜家買樓收租, 以為「租客代供」好L醒, 其實係白痴到極。

    回覆刪除
    回覆
    1. 你假設佢FULL PAY 喎. 回報未至於咁低.
      不過租客代供, 月租14K, 供同雜費都要8-9K.
      每月5K 現金流(即一年6萬), 幾時先COVER 到75萬印花稅?

      刪除
  5. 其實上面幅個舊印花稅已經包左舊DSD, 並唔係672萬以上無分別。

    回覆刪除
  6. “至少,我續租都減左租啦,仲想加?”

    70兄好野!香討哋“磚家”仲話年年續租可加價;)

    回覆刪除
    回覆
    1. 另有朋友交開18k,元朗三房租。而家續租睇到市場上實盤都係16k。
      新聞準定用家準?
      當"股息"唔係年年保証有,d 人就會驚驚。
      “放租一星期即有客”個段日子已過。

      刪除
  7. 70後兄真係可以食花生,加到幾辣對你都係有利無害。

    回覆刪除
    回覆
    1. 我呢D 小角色, 學咩人買樓(哈哈)
      買唔到, 佢升跌對我都無害.

      不過我期待可以請小鳳姐出場~~~~

      刪除
  8. 1)投資者唔放賣,租盤冇少到
    2)新樓冇左投資客 減價放售
    3)部分租樓人仕因新樓平左入市買樓
    4)少左人租樓而租盤不變
    5)租金下跌


    回覆刪除
    回覆
    1. 重點, 如新樓真係會平, 二手又二三十年樓個D必死...
      個D風水唔好0既雙門廳, 唔X實用0既鑽石廳, 仲有拿屎上身0既開放式廚房, 首當其衝.

      刪除
  9. 加一兩次息,按上按果啲想唔賣都唔得,到時人踩人,點會買唔返!

    回覆刪除
    回覆
    1. 唔急真係可以慢慢等吓

      刪除
    2. 加息可以唔賣, 用人工頂.

      做左樓蟹, 無限補時, 到六七十歲樓市再升, 又走出黎扮老人家叫人買磚頭補值.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...