2016年11月19日 星期六

SGX REITS 蝕錢組合

以下是小弟SGX REITS 組合,係得五隻。

篩選方法,先揀市值,再揀地區,再睇DPU,最後揀派息月份。(以下為SGD價錢)


債券組合月月有息派之外,SGX REITS 同兩隻優先股(HSEA HSEB)提供額外派息。

一月 四月 七月 十月  HSEA
二月 五月 八月 十一月 REITS
三月 六月 九月 十二月 HSEB

成個組合,暫時都係蝕,尤其USD對SGD係買入後不停升,變相SGD資產就小左,另外REITS又跌左少少,又除左淨。真係要收番一年息先回本。

HSEA不幸中大幸,無太早買入,又係收一次息先打和(一年派四次息0既,不過又會除淨)。HSEB就好D無蝕。

其實最頭痕係GLD,暫時轉到就轉,轉唔到就接貨吧~~~

債價上落,相對上可以無視,同埋波動好小,始終短年期0既債,最後都會變番PAR。

對我自己來說,都係乜都唔攪會方便D。

奇怪0既係,HSEA 同HSEB 係MARGIN 要求低得出奇(8%),REITS都係8%,GLD 6%左右。。。。反而我D垃圾級債券(垃圾入面都有D好D0既),MARGIN要成30%。港股建設銀行都係30%。

應該同倉位大小有關,當買GLD/HSEA 買得多,個MARGIN要求又會大番。所以每樣買D,先可以用得盡個MARGIN。

怕唔怕爆煲?要連埋債券等等資產全部跌一半才會有事!世界末日到了麼?再者,斬倉又唔係乜都無,只係沽出部份倉位而已。

1997個班人中X哂招,用成三十年先回到氣咁可憐。咪又以為每次金融災難人人都好似佢地咁SUFFER至得架?最大風險,係IB有事就真。


近期無乜砌高達,拎番張舊相出黎。

呢隻可謂失敗之作,當年改色改到隻關公咁。

而家睇番,如果唔係呢隻野咁差,都唔會慢慢變成而家OK咁丫。

37 則留言:

  1. 揀reit個陣唔睇行業?新加坡比香港reit種類多,香港只有住宅和商廈,新加坡有物流,工廠甚至醫院

    回覆刪除
  2. 講得岩, 成日以為世界未日而不去投資, 絕對是笨拙的決定. 很多優秀的基金經理都不會因為大環境不明朗而放棄投資呢.

    只要做好風險管理, 同分散投資就ok.

    回覆刪除
    回覆
    1. 末日來了的話,買定d 武器去打刧老人,好過買金。
      不明朗也有變明朗的一天,至怕係太明朗0者。

      刪除
  3. 睇題目快眼睇到Sex就入咗嚟,lol;
    IB啲孖展又真係好奇怪,我啲倉竟然一蚊都唔俾,所以真係要硏究下佢想點,呵呵

    回覆刪除
    回覆
    1. 塘兄,佢有得選cash/reg-t. 如選左cash 就冇margin. 可網上轉的。

      刪除
    2. Reg t 點計應該有得睇,不過我又唔係番屋企就四面牆果d 人。哈哈。
      買下買下就了解吧。

      刪除
  4. 可獨立睇每隻 margin 要求? 係咪report 入面?

    回覆刪除
    回覆
    1. 右click,check margin impact.
      或trade 一次唔按transmit 都睇到。

      刪除
    2. ///應該同倉位大小有關
      對.. 我都係咁現像..

      刪除
  5. 同意最大風險係IB有事, IB轉了用香港注册,如有事,跟香港法例賠.

    回覆刪除
  6. 其實如果IB真係爆煲,我哋嘅損失係孖展本金定係所有股票嘅總值?

    回覆刪除
    回覆
    1. 呢個問題好明顯吧。。。
      求其打去一間行問都答到你。
      唔好怕醜,網絡世界未必能盡信

      刪除
    2. 間間公司都有可能爆煲....邊擔心得咁多....

      刪除
  7. 唔似某d人淨係講賺,蝕左就唔出聲,相當欣賞。

    回覆刪除
  8. 我三月加按所有物業丶車位 所得的錢全入房託 特別MT 。 一直賺 特別脫歐 賺得更多 但到9月 開始抄加息 我輸了幾個 於是決心賣掉所有reits 然後10月頭入咗件細單位

    絕對不是輸錢 而是趨時適變而已 而且還慳了很多dsd 這次交易

    回覆刪除
  9. Reits 低息期是不錯的 問題是房託升幅一年只有一成多 但今年差不多我入個三隻升咗三成 大家要知道 房託股價升幅很受制於其資產值及其加租幅度

    既然升咗三成 大家仍相信會再升嗎 不可能吧 點解吾換馬到實磚 到時價錢便宜一點再加按買番不遲

    我個人相信 股樓是可以交差操盤的

    回覆刪除
  10. 請問男主人的債券組合有冇新昌營造?
    現價很吸引

    回覆刪除
    回覆
    1. 無。
      Discuss 有人講。
      Below par 咁多,唔敢買。

      刪除
    2. 有隻新SGX REIT ETF: 'BYJ.SI',買齊亞洲房托,可以分散風險。

      抱抱龍

      刪除
    3. 講起新昌,我miss咗佢隻2340,唉。

      刪除
    4. REIT ETF 應該要比稅(不負責任MODE).
      只係REIT 唔駛咋卦...

      刪除
  11. 想请教下70兄,點睇啲債券嘅派息日期係幾時?

    回覆刪除
    回覆
    1. 如果認真要知, 要搵番佢個份發債文件, YAHOO FINANCE 幫到你, 睇到頭痕. 你我也不是毒J, 時間用黎溝女陪屋企人好過啦.

      其實佢贖回果日同埋共六個月前果一日,就係派息日.
      真正到賬,會有三兩日DELAY.

      刪除
  12. Hi 70後兄
    我沒看錯嗎? HSEA HSEB margin is only 8%?

    即系8萬蚊港幣可以買到100萬港幣HSEA/ HSEB? Wa. If yes, 可能比30%首期近$25.x 買入 好過買樓收租好多啦

    回覆刪除
    回覆
    1. margin rate 同個個underlying asset vs net liquidation value/Gross position value 有關,如果你做到只佔數個% 的話就可以。如果佔得多會高D。普遍係1/6。

      刪除
    2. Thanks Teamkill 兄,
      “如果你做到只佔數個% 的話就可以。如果佔得多會高D。普遍係1/6。”
      想問問這一句,如果你做到只佔數個% ?? 《---是否同樣8萬港幣,多買幾個不同的BOND, 不同的優先股,可以借到的金額會比用8萬港幣只買一個bond/優先股多?

      謝謝

      刪除
    3. 無錯.
      將八萬蚊分八份買唔同類型0既野, 每一萬可以買到更多0既貨.

      不過所有借貸及投資均有風險, 留言各位都係研究交流, 唔係昆你去買呀下.

      刪除
    4. 哈哈,推人去申請PB 服務(借貸投資)私人賺介紹費啦!有人出事就講到事不關己咁就得 XDD (網絡上唔少人咁做啦~)咁良心推IB 真係無幾多個。
      一隻收息物年內升三成,自己係未升的時候買入,之後係咁升係咁推,用70 兄的說話,咁算唔算搵人做BUFFER?
      另,Sunny, 係合理的LEVERAGE 之下,應該不要糾結於呢個部份,因為用到盡後只留1/6 作maintain margin 都算高。

      刪除
    5. 你指收息物 是MT, 是嗎?

      刪除
  13. 😬「吾系去昆你買」!呢句好正
    感謝70 後兄and teamkill 兄,HSEA/HSEB 就派息,收成季節.....希望佢吾好贖回,甘就一收

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...