2016年11月28日 星期一

WORKER-TYPE 定 LEADER-TYPE?

我兩個小朋友都係讀好正常0既屋村幼稚園,區內口碑中規中矩個D。

未完成0既閃光高達!

而我住個屋苑,應該都係中中間間唔平唔貴。難得0既係最大單位要八位數,呢D地區唔計自制相連單位,應該係佢最貴。

區內有唔少非學劵學校,有D仲出名到區外人入黎讀,為左升九龍區傳統名校TIM。

不過男女主人都覺得煩,又驗身又不停要帶小朋友去IN,再者,只要能力圈以內,便會有成功感。正所謂"寧為雞口 無為牛後",讀唔成書,大不了送去外國;讀得成,更加應送去外國!

結果,我個屋苑唔係好多小朋友讀呢間幼稚園,真係一隻手數得哂。

上年升左小一個位家長,將D新淨0既舊校服送左比我,真好。慳左0既唔係錢,係去買0既時間,同時減少浪費,心裏非常爽。

題外話,呢位家長搬屋(同屋苑),問多兩句原來兩房搬番兩房,只係而家住緊個到係外母0既。而另一位家長,住緊個度係老爺0既。條起跑線都好前下呢~

我以為佢換三房,佢話要成七百幾萬,覺得好貴,等佢去到六百幾先買。樓市其實好有支持力,即使我無手持磚頭,購買力依然有0既,不過細價投資收租客就可能走得七七八八喇。


小朋友科學探索日,以屋村學校黎講,咁多野玩算係咁啦,我非常滿意的。

因為呢位升小一家長以前係間幼稚園工作過,同D老師特別FRIEND。

言談間,佢原來以為我係做緊我大學畢業個行專業!其實我咁多年只係做過三四日替工咋。

問下佢點知(真古怪),原來係班主任講。咁應該係好耐之前0既事!因為我有親口同班主任講過我炒旦生意0既,點解講?當然當時有我0既原因啦。

番黎同老婆講下,其實班主任又知我老婆係咩生意喎!!重知道我老婆上過tvb/nowtv!

諗下諗下。。。一係個女講(個女應該唔知爸爸咩生意,又應該唔知爸爸大學讀乜喎!)

我老婆秒殺左呢堆疑團,應該係久唔久去接放學0既爺爺口多講0既(即我老豆)。

如真係我老豆爆我專業同老婆生意出來,非常正路。因為佢鐘意威威豬。。。

所以,小弟炒旦生意,我老豆佢就唔會講,因為係外行人眼中,跟本係d地位低,搵唔到食乜滯0既玩意。再睇埋收入咁多(其實廿萬唔多,2017應該維持唔到啦),又會諗左去第二度。。。

其實,唔止係班主任,有好多十幾年無見0既中學同學,原來一路以為我係做番我畢業個行。

計落D同學咁諗又好正常,小弟都算係半個學霸,咁班中讀書好少少個D,自然應該讀好書搵分好工好正常(我D讀到書0既同學都係咁),只係我古古怪怪我行我素0者。

真人係咪咁?哈哈,剛剛早幾日同幾位BLOG友BLOG聚,我就係一個無乜記性又唔ATTENTION TO DETAIL0既李力持咁樣!BLOG友講0既野,我幾乎有一半係斷片唔記得。。。(BLOG聚感想有空再寫啦)

喂,對小事唔細心好正常,我自己生意自己就係LEADER,根本無需要理D細節。真係要人去跟?留比WORKER TYPE 0既人代勞,比少少錢比佢地咪得LAW,出糧架MA!

根本係將軍同士兵0既分別!而我又好似乜七都唔識咁喎,其實,會唔會係我有D能力你一世都睇唔到?哈哈哈~~~

我最大能力0既運氣。信不信由你。

第二最強係我唔受得氣,對在上者我諗都唔諗直接X佢!(唔係求死個D為供樓打工,結果又為自由打工結果無得自由啦)

樹有高低人有高矮,如果真係覺得懷才不遇,工作又唔開心同事關系又唔好,有冇諗過改變下自己?或者改變下環境?

我知創業路未必人人平坦,但如果能力之內只能做公司中一粒小齒輪而又心有不甘,會否由細到大你0既能力已經比人塑造成一粒齒輪?

呢D,比高分低能更可悲。"寧為雞口 無為牛後"

似乎讀乜做乜呢個情況,係香港真係好根深柢固,係我眼中,果行都係得個名,講出黎好聽又唔好食0既專業。如果講錢,只能夠話係穩定0既低數輸出,相比炒旦,穩定高輸出。女主人生意,不穩定高輸出,真係無得比。

至於現時D加按收租仔,2007或以後加入個班,租金輸出其實更加少得可憐。。。工,咪又係要番~!

上星期五,陪女主人去CITIBANK開戶(佢貪迎新優惠),的確女主人盤生意講出黎好聽好多,我的炒旦會比人追問落去。

最後我都開埋戶,實在太著數了(另文再述)。

15 則留言:

  1. 我地兩公婆都係讀咩無做咩, 因為人工實在唔好, 唯有轉型囉:)

    回覆刪除
    回覆
    1. Haha.
      好多名人政要都係咁。
      塘人兄,目標做市長!

      刪除
  2. 幼稚園就有科學探索日 又幾好喎。

    回覆刪除
    回覆
    1. 其實似攤位遊戲多d.
      學野機會好少,有時我懷疑阿老師都唔係好識。

      刪除
  3. 其實無論打工定做老闆,最緊要是做得開心~每日返工都諗住等weekend,咁既生活就無謂啦。

    回覆刪除
    回覆
    1. 最慘係唔想到weekend,因無乜朋友,唯有日日番工。。。
      表面工作狂,其實人生失敗者。

      刪除
  4. 池某都係走左極端,讀書玩數字,返工玩文字,見唔到有同學或師兄弟或師姐妹做同一行。

    回覆刪除
  5. 70 兄的文無左睇到人眼殘的特色,好懷念。 XD

    回覆刪除
    回覆
    1. 有好有唔好;唔好的係唔知你想BOLD 邊D 重點,例如呢D 直覺覺得平時會BOLD+大字:
      「我最大能力0既運氣。信不信由你。

      第二最強係我唔受得氣」

      刪除
  6. 我的小朋友都係讀村校幼稚園(全日制),不知幾開心,宜家仲話好掛住...D 午餐..哈,佢話小學D午餐同屋企果D都無得比。我都無讀乜做乜,不過無乜所謂,大學時都係part-time多,都唔係讀書的。

    回覆刪除
    回覆
    1. 哈哈, 睇大學讀乜啦, 咁如果讀CHEM, 又好難做化學相關東西0既.
      全日制幼稚園正爆TIM啦~~~

      刪除
    2. 其實家長係點睇全日制幼稚園?想多半日托兒定點?

      刪除
  7. 其實個小朋友細個果時係我阿爸阿媽幫手睇住,你知啦,老人家食親飯都親自餵佢,乜都幫個小朋友手,我特登揀揀全日制嘅學校,等小朋友可以提升自理能力。下晝其實冇乜野做,食完飯就午睡,之後講故事,之後就食茶點,玩下遊戲咁團體活動,簡直充實過留係屋企。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...