2016年12月15日 星期四

上一輩的盲點 怕交稅 無技能白領

男主人強調做事要有自由意志,不論讀書工作創業打機溝女,尤其而家資訊多,非以前老人家所能想像,要找出缺口,一定係要上一代盲點著手,而非蠶食同輩,或助紂為虐以獲利。

雖然都係錢,但得來方法影響其成功感。

先講溝女,唔講太久遠用媒人。。。今日坐巴士見到舊同學SCOTT,講開識女仔。點會識自己學校D同學咁豬,要識梗係上網識。個POOL大D,遇到適合0既機會都高D;同樣,阿同學回內地識女仔,真係一萬個認同,先唔理文化差異拜金與否,至少個POOL大D,樣靚D又後生D,唔通真係留港溝女,搵件賣剩蔗MISSY?或者男人咁樣0既社工咩!

上一代,可能歧視大陸女人,又或者覺得上網壞人多。其實,壞人身邊可能更多!

同樣,讀書又好創業又好,都已經唔係我老豆個代,渣筆好過渣士巴拿了。做個專長藍領,分分鐘可以劏到一般白領一頸血。你唔識修理水電?唔比錢人整你唔好用吧!部份中年男人,連換個門鎖都唔識,換個電制位都唔識,換個天花燈又唔得,裝條窗簾路軌又唔得(男主人識喎!),因為當年港英統治只係要讀到書0既人就有錢,結果老一輩白領就變成書呆子了。

當然,年青呢一輩人都好多人唔識以上事情點做,咪比錢解決。

記得 BLOGGER STARMAN講過,係外國買債券好COMMON,本地老一輩(錢唔多唔少個班)完全無乜興趣,反而就鐘意傳統智慧買磚頭,買金個D仲好笑,講到世界末日就到咁樣TIM!

我唔係講邊樣好邊樣唔好,但年青一輩對不同投資都持開放態度,已經係一種EDGE!

同樣,老一輩最怕乜?最怕交稅!後生個時,打份行街打份食環,讀書唔多,收入唔多,交稅唔多!一時三刻加按買樓升值再加按,手頭上錢多左,而年紀又唔細,咪講財自。點知發現買賣要交稅,之後我就唔講啦。。。

其實,要玩,千祈唔好玩稅局,只係時辰未到而已。

其實我年紀都唔細,又要講一下,我同女主人兩邊小生意都係食上一代0既錢。女主人0既生意涉及金額較大,通常要年紀大一點0既至會幫襯,同埋若要親手做,恐怕觸及佢地自身盲點,又怕死又怕比人厄,唯有比錢解決。當然,都會有年輕人生意,不過就相對少好多了,佢地未夠錢。

男主人炒旦相對"食中"好多,因為跟本上一代人係唔識,但係對佢地黎講係必需。於佢地而言,小則飲恨,重則影響人生滿足度。就同壯陽藥一樣,呢一刻唔用錢去食下炒旦,下一刻先食其實已經無用。

題外話,2017年若暫時唔炒新旦,收入收210K跌到165K,一日未完租約,似乎要繼續炒新旦。。。


深紅騎士gk件。。。真係唔知幾時有心機去整。
呢期高達進度極慢,太累太忙了。

搵上一代0既錢呢,咁我又無理由叫而家2000年出世個D行我條路,咁咪好似個D傻仔求死隊長咁,得個幾層細價樓但成日踩無家底年青人無未來一樣?

間單講幾句吧,80,90,00都出生在資訊多到你接收唔哂0既年代,簡單一個多拉A夢大結局都有唔少版本,仲有唔少人信以為真喎!(我個女五歲,都知聖誕老人係假啦!)

面對大量資訊之下,如何過濾資訊,或者如何使用正確/錯誤資訊也許是一條出路,點做?我太老了,創新思維有限,幫你唔到。

好簡單舉例,"大賭可以變李+x"已經厄到唔少人。。。

舉多個例,早多幾日見到個係POLYU做IT0既中學同學,同佢講開。。。

其實電腦CPU速度再快,都唔夠換一隻SSD硬碟所提升0既速度咁明顯!咁一堆舊電腦換左SSD就可以唔駛換其他硬件都可以頂多幾年(男主人公司部2009NOTEBOOK而家用到2016尾都仲好滿意!)

咁大家追咁貴0既i7為乜?是否因為大家都唔知,盲目相信cpu快d成部機會快d?

同樣, android機cpu以snapdragon最快(其他都係平價野,唔講),但其實電話內置rom大小才是樽項所在(如錯請指正,我樣似做it但其實唔識it),但rom多預載更多,慳番好多寫入寫出時間!我都期待下一轉手機有6-8gb rom可以揀。

咁大家追求"更快0既機",又是否被一般資訊厄左?大家都讀過書識字會上網會搵資料,但都會中計架喎。。。

34 則留言:

  1. 比稅局d錢冇得走,就算萬分不願都要比。比左d稅去比新移民買名牌手袋就超不爽。

    回覆刪除
    回覆
    1. 公屋新移民綜援婦領錢買Gucci手袋不交屋租
      呢篇係內容農場假文黎喎

      呢單其實係:三年內七次申領綜援標準特別津貼,購買名牌Gucci眼鏡
      已經係2008年的事
      http://hd.stheadline.com/news_topic/nt_content.asp?sid=101&nt=nt

      刪除
    2. 我也說說我立場,即使買名牌手袋,都無傷大雅,交稅最多又不是我地呢d 平民。
      反而,細價收租仔吸低收入,吸年青人血,影響別人追夢,更加可恨。

      刪除
  2. 一般黎講, andriod機rom確係樽頸, 定期去root倒下垃圾就會feel到, 老餅真係唔會識哩D... 再遲下, blockchain成熟, D阿叔阿嬸一覺醒來先發覺唔知D銀行去晒邊, 搞到好似郵局咁, 一個大區得一間, 入到去感覺同老人院差唔多。

    回覆刪除
    回覆
    1. 無root 過機感覺唔到。
      不過靠佢同iphone 速度分別估算,後清唔哂係android 機既雙面刃。

      生活全上哂網機會好少,不過好多機會比下一代發揮,仲要好低成本。只係佢地睇唔到,下下要去買阿婆咁老既樓收租0者。

      刪除
    2. 呢篇正. 我想睇D 資訊都有.
      家有部 8 年的PC, 好慢. 可以換SSD硬碟嗎?

      刪除
    3. 「只係佢地睇唔到,下下要去買阿婆咁老既樓收租...」

      哈哈~~~ 你哩個觀念非常難得, 中國文化最需要向哩個方向搵出路!想發圍就應該去發掘藍海, 而唔係狗衝入去紅海殺老弱婦孺!依我粗淺觀察, 猶太人強項就係有哩種創業精神, 巧合地, 中國人比較弱就係哩範, 結果, 咪個個都好似求死咁, 以為借到爆晒廠買幾間蚊型樓就可以發達囉。


      刪除
    4. Pc 慢,首先要睇硬碟介面係咪sata,照計唔係,咁要加個adaptor.
      如唔識,搵朋友攪吧。
      換ssd 重生主要係notebook 世界,因大部份都已經係sata.
      Desktop pc 都一樣快好多,不過因desktop 平,d 人索性換機。

      刪除
    5. 都唔係,中國人,或者香港人,怕死唔敢創新,最大問題係太重權威性人格,神化成功人士或神化上司,結果只會走別人舊路。
      神化blogger 在blogspot 世界亦不難發現。

      刪除
  3. //千祈唔好玩稅局,只係時辰未到而已。//

    我唔建議一般巿民同稅務局交手,好多時蝕底會係巿民。

    回覆刪除
    回覆
    1. 就係班老野唔識諗。
      可能未靠用樓財自前,佢地學歷不高收入不高。

      刪除
  4. 所以我買新機一定加爆個Ram,可以用多好多年,CPU家陣出到我都唔知咩嘢係咩嘢;

    華人老嘢真係好鍾意逃稅,我呢度見得太多。

    回覆刪除
    回覆
    1. 老野唔識避稅,只能夠低階逃稅。
      新機打爆ram 唔work 了。
      傳統電腦樽頸位在harddisk,ram除非你又剪片又執相又打機,否則ram 是用不盡的。
      以前d 人貪ram 平,用黎做harddisk ,詳情search "ramdisk".

      刪除
    2. Ram要幾多真係好睇做咩,我上網為主,需求低。之前壞左條ram都無換,少左一半都完全唔覺慢左

      刪除
  5. 70兄見過Scott?哈哈下次blog聚,不妨也叫他過來吧:)

    回覆刪除
  6. 連換個門鎖都唔識,換個電制位都唔識----呢兩樣我唔識 :(

    換個天花燈又唔得,裝條窗簾路軌又唔得----呢兩樣我識 :)

    回覆刪除
    回覆
    1. YOUTUBE 有得慢慢睇! 哈哈~~~~

      其實一般個d 好簡單, 難個d 當然要搵人做啦

      刪除
  7. 香港呢個稅率都怕交稅,去到其他國家咪死得?

    回覆刪除
    回覆
    1. 所言什是,真係好明上代點解咁怕交稅。。。其他國家的複雜稅制更頭痛啦

      刪除
  8. 就算硬碟非SATA,都可以去淘寶買深圳IDE的SSD
    小弟自都喜歡DIY,所以門鎖/鑽牆/天花燈/拉及鋪多些電線仍得,但少少維修就做得好慢,手功業餘粗糙

    回覆刪除
    回覆
    1. 不過IDE類的機真係有10年前以上,CPU好老好舊,就算換IDE SSD,樽頸又會去返DDR2的上限4GB行XP就明顯改善,WIN7就已經有心無力。。。手頭有2部舊NOTEBOOK經驗之談

      刪除
    2. 而SATA類的CORE2DUO仍可以UPGRADE去淘CPU/SSD/DDR3費用好少但效果都好明顯,以前部用左7年聯想,行win7淨上網仍可應付

      刪除
    3. 飛鳥兄好熟電腦呢。
      始終upgrade notebook 抵玩過upgrade desktop. 個mon 影響使用快樂程度。

      刪除
  9. 除左地板,屋企所有維修工作都係自己做,突然覺得呢點原來好有用。

    回覆刪除
    回覆
    1. 係,自己整又平又方便又好玩,只要係能力之內。

      刪除
  10. 睇你要部機做啲咩啦,如果只係上網文書野,真係換隻SSD 都好夠,但宜家有啲人買皮幾兩皮一部果啲真係為左打機,不過如果筆值有限,買隻SSD 加張好少少display card,已經有好好體驗。
    70後兄加油,繼續支持你嘅文章!!

    回覆刪除
    回覆
    1. 所以打機我一定用desktop! 買張貴d 既display 卡就好順暢。

      刪除
  11. 搵得少少仲要交稅,好多人怕交稅,係0的能力雞的人先會0甘諗

    其實有能力交稅是福,代表你有賺到錢的能力

    回覆刪除
    回覆
    1. 都唔係架。
      有部份人突然搵多左都會唔捨得。

      刪除
  12. 講開電腦,N年前的電腦,可以裝免費的操作系統Ubuntu, 上網offfice 等一切免費,而且速度飛快。正!!

    回覆刪除
    回覆
    1. 自用就係。
      老人家用新 os ,玩自己多過玩佢。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...