2016年12月29日 星期四

什麼是債基疊增?高息回報攪咩葫蘆賣咩藥?

(題外話,自從加左EMAIL係個BLOG,收到唔少人問野,因為我懶,又無乜投資智慧,我全部都無答,近日有人問溝女問自身途,我決定集齋兩三條有趣問題行文回答。)

幾個月前,完全無財經知識0既男主人,走去學人買美國公司債券。再一次多謝STARMAN兄個BLOG提供唔少有用資料,此人正氣直接說話簡單有力,絕不收埋收埋叫人科錢去比料,新手想學?最頭個幾篇文最有用。

呢幾年好多人買樓,無不停買樓個D,就追求下被動收入買高息股有高息回報,例如一眾內銀,又有已死傷無數0既美容股。

最大問題,股市上落大,如借錢買股收息,補孖展機會高。另一方面,係香港一般銀行借錢,利息都至少三四厘,即使內銀派到六厘,所賺取息差,相對其風險,一D都唔吸引。低息?可以學止凡兄,按樓買內銀(息口兩厘吧),咁只要定期還按揭,樓價又唔急跌,就好穩陣。

男主人自從知道INTERACTIVE BROKERS,以下簡稱IB,可以借美金(兩厘以下)來買野,環球股票又得,債券又得,當然美國英國上市0既債券基金/債券ETF都得啦。

幾個月前,應該從其他BLOGGER得知,我口中講0既以租養租,一生三宅論果位作者,都有叫人加按層樓之後用"債基疊增"方案去提供8-2X%年高息回報。其實我完全唔認識佢,只係我唔鐘意收租仔,咪睇下有D咩新策略去收租咁勁。

我最鐘意,每次去書局快速打書釘,每次打一兩本。陶淵明話齋"好讀書,不求什解",我會重覆分幾次打一本,每次都快速睇哂,睇下睇下就知佢講乜。

其實果位債基疊增本書無乜講咩係債基疊增,本書講收租加按0既,都係個案分析多,其實都幾好睇架。至少,唔會好似求死隊長咁,講到你無樓無前途,又自以為收個租三四厘息已經好勁丫。(真係求死呢D井底之蛙都可以出書,我都應該自資出番本啦係咪?)

債基,可以係債券基金,又或者係債券ETF,其實都係一籃子買左一堆債券,再派番息同收番你手續費。比買債券好處係乜?

1比買單一債券好處係分散投資,爆一隻唔會TOTAL LOSS。或者咁講,你唔識揀,唔識睇評級同報表,佢幫你揀埋。

2同埋入場門檻細好多,幾十幾百美金有交易(其實IB買單一隻斬債都可以,唔一定要20萬美金起步0既)。

3仲有最開心係,唔少債基/債券ETF都係月月派息,唔駛好似買內銀咁,一年派一次等到頸都長,仲要忍受佢股價上上落落。

其實,大部份單一支債券一年派兩次息,要做到月月派息,只要買六支就可以,不用買債基/債券ETF。仲免除左管理費。

仲有債券基金/ETF個價格會變動而且並不保本(不過或者相對股票細,待証),而債券呢,只要佢唔違約,到期日係可以取番發行價AT PAR0既錢,而債價越近到期日,個價格變化越少TIM!

不過呢,大部份債基/債ETF都唔算好高YIELD,例如安碩個D啦,其實GOOGLE打HIGH YIELD BOND ETF就有好多選擇。

我相信一定有更高息0既,不過我懶得搵0者。


債券呢,一般MOODY評級B1-B3有6-8%唔難。以下係我個組合。剛剛好六支債券,不同月份派息。唔駛比管理費。

講番最初,我搵左債基疊增呢樣野,真係唔好笑我ON9,搵左好耐都無,原來要比錢上堂!下?乜話?從來我都唔會比錢去聽人講野,最多比錢聽演唱會咋喎!

GOOGLE一下,文章無一篇教你架!試埋GOOGLE PICTURE啦,D圖左遮右遮,驚死人知你買咩債基咁。想知咩圖?按此LINK

搵下搵下,原來好簡單。就好似收租仔講"整餅",其實只係按左層樓再買樓再加按再買。。。

將簡單0既事情改個咁0既TERMS為乜?(當初玩期權,見到雙龍閃又唔知係乜,不過搵得到解釋0既就得啦)

其實,債基疊增,即係用債基抵押再買債基,押借買番黎0既,再抵押再買。(即係同股票孖展一樣0者。)

小弟無財務底子,只有科學,醫學底子,不過計呢D數,只係會考數學題。

如果一個資產價值為1,可以抵押到其價值70%,咁押一次就有1+0.7,抵押第二次就有1+0.7+0.49,抵押第三次就有1+0.7+0.49+0.343,如此類推,

押到盡?1/(1-0.7),即係1蚊買到3.333蚊0既野。

如押到九成?一夫當關當十個!1/(1-0.9)

所以,聽到佢講疊增一次,疊增兩次,原來係咁。

而IB買得少的話,可以押九成,買得多,押七成。

難怪該BLOGGER/作者話,年回報可以由8-2X%,因為8%三倍就係24%!

借錢投資,從來都係雙面刃,其實男主人現時都做緊借貸,一蚊買左兩蚊野(其實未到),年回報都有10%左右吧(有一半個5-6%股息0既內銀,拖低左)。

不過如果有讀者心存僥倖諗住有20%年回報月月派息的話,希望佢地GOOGLE到我呢篇文,明白當中操作。其實係借錢買債券基金,而債券基金價格波動,有被斬倉危機(如你按得太盡),同時,債券基金/債券ETF並無到期日,若然個價格番唔到買入價,你任何時候賣出都係會蝕,在以坐艇坐到永遠0既。

仲有,去銀行買,手續費貴!!一陣收息又收你一筆,變相拉低利息回報。

我自己會唔會做債基疊增?NO WAY!我一買已經涉及借錢,已經係疊增。

不過IB入面PORTFOLIO MARGIN特性,你個PORTFOLIO越分散(地域及資產種類),佢對孖展要求越低。

我現在持有收息東西,有債券,優先股,SGX REITS。如果買高息債基,所需MARGIN只係10%左右(一百萬港元計),其實加拿大REITS都有高息回報,又唔會用盡孖展額度。

對我來說,分散收息才有用,集中疊加就唔好了。

呼籲一下,按個FB LIKE,支持一下,是我繼續9UP分享0既動力!

LIKE過0既SHARE一下吧(我認我貪心~~!)





90 則留言:

  1. 回覆
    1. 我都係左搵右搵整理別人資訊咋。謝謝支持。

      刪除
  2. Margin 真係雙面刃,希望想借margin 朋友睇到呢篇文章。好過去上乜sir 堂。

    回覆刪除
    回覆
    1. 係,有得計既,只要維持係自己可負擔而又安心水平之內便可以。

      刪除
  3. 阿乜Sir成日叫人買債基,講嘢黎黎去去三幅被~但都嗡到咁多本書,真係勁!

    回覆刪除
    回覆
    1. 佢d書講收租架咋,因人人都識。
      債基要上堂,抵押債基要同銀行傾,唔係間間得。
      用ib 吧。。。

      刪除
  4. 回覆
    1. 過獎了。
      只係平時太多屎帖,相對呢篇實用好多。

      刪除
  5. 很喜歡這類貼!!! 已like & share!!!

    回覆刪除
  6. 即係一按二按加按按中有按, 無事好地地, 條鏈其中一PART出問題就火燒連環船。

    回覆刪除
    回覆
    1. 無錯,就係按上按。
      按盡好易爆,按一次其實好難爆既。
      不過按樓出黎買完再按,真係會火燒連環船。

      刪除
  7. 有料! 乜SIR授人以魚, 70後兄授人以漁

    回覆刪除
    回覆
    1. 太過獎了吧, 我都係左抄右抄整理一下, 免下一個搵餐死...

      刪除
  8. GOOD article. 又一美其名的金融產品名稱. 什麼債基疊層,原來只是借上借的操作. 斬倉時就hihi 了. 什麼時候會齊齊斬倉? 就是發生在 normal distribution 的 "tails" 事件當中. 機率雖細, 不等於無哦.

    回覆刪除
    回覆
    1. 如果唔借錢有廿幾巴仙年息其實好吸引,不過知道要借上借,其實其六厘回報產品,只要佢可以按完再按,廿厘無難度啦.
      樓收租都一樣.

      刪除
  9. 十分欣嘗70後前輩對 "疊增" 的解釋, 希望讀者們都可以 google 到這一個article, 唔好俾幾千蚊血汗錢去聽 "疊增" 方案。

    回覆刪除
    回覆
    1. 我已經GOOGLE 過自己, 好有效率的.
      其實大家LINK 下呢篇文, 或者自己打一篇, 可以溝淡GOOGLE SEARCH 集中程度架

      刪除
  10. 呢篇正! 多謝sharing!

    現代資訊過多, 好似70後兄, 將不同source了解再整理過, 用自己既方法表達出黎, 十分有價值.

    回覆刪除
    回覆
    1. 係, 其實邊度搵番黎我已經唔記得, 應該無人咁小器覺得我無QUOTE佢卦.
      智識0既野,都係你睇下我我睇下你學番黎架拉, 最唔鐘意要人比錢學.

      刪除
    2. 如果有料到,俾銭都無所謂。最怕是行貨,學唔到嘢,上完就呻笨!

      刪除
    3. 有料到個D 就收埋自用了, 一多人用, D MODEL 就失效(亂估).

      刪除
  11. 講真我真係勁憎個乜SIR, 雖然我無中過佢招但我知好多人奶左佢野, D 基金一跌幾% 佢地就輸甩褲, 呢條友正渣滓

    回覆刪除
    回覆
    1. 我唔鐘意收租仔, 同埋唔鐘意收埋D野要比錢先講.
      其實果位人兄D CASE STUDY 幾好睇架, 不過講到尾都係購買力同埋債基十幾%無難度, 但又唔講下點做喎.
      呢D BOND ETF 最勁可以跌三四成, 預番足夠BUFFER 其實都安全0既.
      按到盡, 跌5%即死啦...

      刪除
  12. 我本身有買直債,已有8.5%年回報yield, 一年派2次息,有此被動收入已經非常好。之後拱捍左30%,已經夠哂

    回覆刪除
    回覆
    1. Lily, 請問你是經那裡買直債?

      刪除
    2. 半年派一次等到頸都長, 是否完整20萬美金一條債?
      斬開六份, 月月派息又分散風險呢.

      刪除
    3. 我睇過,銀行PB 食SPREAD, 有D 又收管理費,有D派息都要收錢...

      刪除
    4. 開PB目的是借平錢,分散投資和IPO,現在借平錢,IB仲平過PB

      刪除
    5. 美國一加息,IB已跟,香港有冇能力一路唔跟? 如有,加多兩次就借港元抵好多了。

      刪除
    6. 借港元可以轉美元買美股

      刪除
  13. 正野,簡單咁解釋果個咩疊增,小弟無知,真係聽都未聽過

    七十兄親身了解再無私分享經驗,真係唔話得

    回覆刪除
    回覆
    1. 我都未聽過,就係見佢不停講, SEARCH 一下原來講左幾年又唔講係乜, 好奇心驅使下搵下. 同女人G點一樣.
      同埋, 貪婪心驅使, 一年廿幾%息係好吸引,但邊有咁大隻XX隨街跳?

      刪除
    2. 下次寫篇講G點...或者我哋可以開班教點樣生一仔一女...LoL...

      刪除
    3. 生仔生女MA...無限補時, 不停生咪得.

      刪除
  14. 呢篇正!
    條友仔來來去去都係得一招,成日話係咁咦10%回報

    回覆刪除
    回覆
    1. 佢無錯的, 借一個DOUBLE, 6%變12%年回報, 減去2%利息支出, 閒閒地真係有10%架.
      同埋, 估計跌四成先要斬倉, 都幾大BUFFER

      刪除
    2. 好嘢!簡而精!小弟知點解但寫唔到咁好!小弟都有買債基,只係抵押一次,都夠 buffet, 再多抵押就危險,最緊要自己知做乜。

      刪除
    3. 我都係估估下, 睇多幾次了解多D 就很肯定佢只係抵押債基買債基.

      刪除
    4. 我睇晒佢的書,講來講去都係債基,保險,加按又加按,根本唔work

      刪除
  15. 好文。有資訊、有知識、有理、有據、有良心。

    回覆刪除
  16. 衷心多謝版主分享!我同你一样都有睇乜sir 的書。對於佢日又夜又講嘅債基方案一頭霧水。見佢一堂都收成千蚊真係嚇一跳。
    依家終於明白了。請問IB 是證券行嗎?

    Bo

    回覆刪除
    回覆
    1. IB 係證券行.
      "債基方案一頭霧水" 我都一樣, 不過搵搵下有蛛絲馬跡可尋既.

      刪除
    2. 債基派息要除淨,又管理費又差价,又要比佣金乜sir賺,9成1生啊!

      刪除
    3. 係喎,齋買債券無除淨,但債基有。咁攪笑。

      刪除
  17. Good Clarification!
    "債基疊增"我第一次睇時已理解到他的意思,雖然故弄玄虛扮專業XD,但個名改得不錯,感覺很專業的樣子。

    回覆刪除
    回覆
    1. "故弄玄虛扮專業", 哈哈, 對我呢D 無財經底0既散戶, 不能一時半刻了解.
      一陣冤枉左佢就唔好啦.
      就因為我又唔係靠呢D搵食, 踢爆就最適合我做了.

      刪除

  18. 睇Lisa 姐post 果個啦, 有講:
    https://www.youtube.com/watch?v=Cx7eFLMWbEo

    回覆刪除
    回覆
    1. 唔知佢講乜,世界末日到了麽?
      地球不是繞住某人年齡及其風險能力而轉吧。

      刪除
  19. 回覆
    1. 70後兄,請問你射貨去IB時, 填射出貨紙時點填IB個CCASS code?

      刪除
  20. 請問70後兄個lv 做到幾大?
    以IB黎計 想請教下做2倍lv的話,大慨跌4成要call margin,
    但如果我同時擁有其他股票係IB(假設Bond同股票一半一半喇),咁係咪就唔需要即刻補倉?
    Thanks~

    C.Chan

    回覆刪除
    回覆
    1. 佢好似唔係咁計的。
      先假設你資產淨值為X,咁你倉入面既每一樣野,都會扣掉若干購買力,單一隻股票易計,但多種不同資產佢又唔係計LV咁。
      例如港股按到七八成,但一半資產係港股,只按到六成。
      用IB 個software 模擬下吧。
      應該有數計既,但係計到咁準不如用呢d 時間陪下小朋友或老婆,打下機,砌下高達好過啦。

      刪除
  21. 這陣子拜讀了大量七十後兄和其他blogger有關於債的資料,開始試試投資債卷,我在IB上看見一些Goldman和 navient corp的債,每月派息而且積息頗高(5-9里)評級達投資級,請問這些債值得買嗎?和其他半年派息的公司債有什麼分別?thanks!

    回覆刪除
    回覆
    1. 不知為何沒顯示名字
      From Leo Cheung

      刪除
    2. Leo 你好,呢d 我會不負責任回答架喎。
      Navi 我睇過,債價勁跌,同埋好似評級唔高喎。

      刪除
    3. 謝回應!當然明白買貨選擇需自行分析,但有感身邊人識玩債卷既真係唔多,什至有朋友用"都冇見高登仔有傾開可以咁玩"來回應 XD 無人問,所以都幾無方向,不知公司債卷是否還有分不同種類,如何定價等都未知,要再睇下書自學。其實就咁計,如NAVI做兩倍槓杆,已經好簡單可以個個月派15里以上債息,不過佢地好似叫"可贖回債券",又係唔知咩泥。

      刪除
    4. 咁攪笑問高登仔?
      其實網上好多英文網站教人玩債券,又睇下d blogger 點揀。
      最基本,債價升跌都識睇卦。
      Navi 留意評級同到期日吧

      刪除
  22. 我被你高達模型吸引來看,原來先知你最近像Starman做債券加reits,我目前只買reits,債券零經驗,可否講下這種操作感想?

    回覆刪除
    回覆
    1. Starman 是將債券所得利息投資在reits 中。
      我是兩樣都買,所得利息暫時未知用黎做乜。
      債券操作感想係,只要佢唔違約,其實持有得好安心。比股票更加安心。
      Btw 當初如何知道此blog? 因模型友唔會search 到我呢度。

      刪除
    2. 應該是有人加了你我見到個模型,我之前每個星期日一早追看高達!

      刪除
  23. 你所講Xsir我有買佢本書,佢講債券基金波動很大,但可以細金額投資,佢開blog係為了開課程,當然收收埋埋啦!

    回覆刪除
  24. 篇文提了我個名,加按套現小心出事,看我文章時把我當「人板」就可以了,借貸風險一定要好好控制呀。

    回覆刪除
    回覆
    1. 不會吧, 建行計埋股息, 至少已平手.
      又有錢濕下腳幾好丫.
      "你與我同坐這條船~~~"

      刪除
    2. 賺了不用提,反而讓大家知道借貸風險,這更重要。

      刪除
    3. 十分讚成借貸投資是雙面刃。我之前都寫了一篇文章講我自己借稅貸投資的經驗,稅貸和按揭相似,都是需要每月還本金的。扣除借貸成本後我蝕左少少,借70後兄呢度賣下廣告先,有興趣既朋友可以睇下。

      稅貸投資兩年回顧(真人失敗個案)

      刪除
  25. 本人看見你的blog后,深深被吸引著.
    以下有數問題請指教:

    1.)本人有買開債券但冇做桿槓戎買債基,
    請問哪個方法會比較好或安全?
    如開ib account , 手續如何(我做銀行,會否2.)?桿槓怎計利息,月月還息,還是?

    謝謝

    回覆刪除
    回覆
    1. 最安全唔做槓桿. 你知道的.
      手續, GOOGLE "IB 申請" 或 "IB 電話 香港"

      刪除
  26. 今年如果有金融危機,引爆點就是債市。槓桿買債多賺點回報是可以的,前提是一定要保持清還槓桿的資金或融資能力在手。債市爆了頂多還清槓桿,乖乖地收YTM, 坐定定等到期.債價點跌都對你無影響。今年玩槓債風險管理至為重要。

    回覆刪除
    回覆
    1. 何時都應該做好風管理, 至少在自己願賭服輸範圍之內.

      刪除
  27. 唔好意思想問咩係IB?
    要US resident先可以開戶嗎?
    如果想買債券可以從哪裡入手?

    回覆刪除
    回覆
    1. 請睇番之前文章.
      或者 GOOGLE "IB HK70S" 或 "IB 投資"

      刪除
  28. 非常欣賞你嘅文采!至於本人亦是那個乜Sir的學生,感覺之後只感到俾人昆水同後悔。

    回覆刪除
    回覆
    1. 最不滿0既, 係一般野當秘密.
      不如免費公開比各位啦.

      刪除
  29. 非常同意,乜Sir無料程度相當高,上堂內容水份勁多,鋪排昆水

    回覆刪除
    回覆
    1. 有冇料我唔敢講, 我都係廢廢地.
      不過一般野當秘密黎賣,不如免費講比人知.

      刪除
  30. 謝回應!當然明白買貨選擇需自行分析,但有感身邊人識玩債卷既真係唔多,什至有朋友用"都冇見高登仔有傾開可以咁玩"來回應 XD 無人問,所以都幾無方向,不知公司債卷是否還有分不同種類,如何定價等都未知,要再睇下書自學。其實就咁計,如NAVI做兩倍槓杆,已經好簡單可以個個月派15里以上債息,不過佢地好似叫"可贖回債券",又係唔知咩泥。
    Callable Bond,係持有人under某一d條件之下,可以要求提早還款!
    所以Callable Bond既息率通常會低好多

    回覆刪除
  31. Ib借息口點計。。一般戶口也能借70至90%嗎。。如想分散做年20%回報。風險大嗎。。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...