2016年12月21日 星期三

羅馬遊記 刺客教條的角度 part1

今年貪平機票同女主人決定去羅馬玩四日, 不過坐飛機來回都坐咗一日。

又係我最唔鍾意坐嘅國泰,又貴服務又唔係真係咁好,尤其短程機太多奄尖港人。

本來已經較咗鬧鐘,早48小時網上劃位,點知只係遲咗6分鐘就已經冇曬相連位,十幾個鐘分開坐,女主人唔太開心。 好彩blog 友R兄提我可以打去國泰cs,同佢哋傾下。

呢個時候應該好多花生友,話我買平機票 梗係冇得揀位。我又覺得冇理由得我嗰兩張機票係最平。我當佢有十張平機票,我只係遲咗6分鐘,無理由咁快冇曬相連位,仲難搶過演唱會?

第二日打電話去國泰,原來某啲航班佢哋保留咗一啲位畀唔識網上劃位嘅人。但即係話你班機冇人識網上劃位,咁識網上劃位反而無得坐好位?咁整黎做乜?

打去cs 第一個同我打官腔,收佢線,唔會好似求死隊長咁發人脾氣,佢都戇狗狗。

再打多一次第二個聽,佢解釋得好好,同埋畀埋個窗口連為我。

講番今次歐洲遊,坐十幾個鐘坐到腳都腫,落機坐機場鐵路 去火車站 行十分鐘唔夠就到酒店,去到酒店,窗外個風景一流,對正羅馬聖母大殿。

首天全步行,因大部份景點都好近。

同埋,教堂幾乎全部差唔多樣,第一間係靚,再去多幾間都係差唔多,只係大細之分。







有冇玩過刺客教條2?就黎有戲上映啦!

呢度d 建築物,有玩過個game 就識點樣爬上去屋頂了。

同時,噴水池,方尖碑少不了。




第一天就咁完結。

第二天?晨早五點已經訓唔番,時差影響吧。

一早進入梵蒂岡,聖彼 德大教堂就係教宗講野果度,入到去就係刺客教條某幾幕,其中一幕跳又爬到講粗口,另一幕係高處跳下殺boss...



真人點爬到最高?比8蚊歐羅搭電梯,之後再行多唔知幾多級樓梯到樓頂,真係出錢又出力,鬼佬韓嬸等都要抖。。。大媽?不見踪影啦當然。









出番黎去左梵蒂岡博物館,非常重覆,又唔識欣賞,大到離哂譜(相比北京上海韓國果d),靚唔靚?昨日已經睇到好盲目。。。








最後去埋聖天使堡,一見到外型,又係打機打過。尤其佢外圍個部份,個遊戲跟得好足。。。









未完。。。

今次機票同酒店都係Expedia book, 一萬四千幾,洗費女主人出。

雖然我成日鬧佢,其實都幾鐘意同佢去旅行。。。

註:意大利男正但女唔靚。大部份靚女都係外地遊客。而女主人,去到外地都比人認係日韓系,幸好不會當佢是大媽。



19 則留言:

  1. 聽聞似乎羅馬陽氣較盛,不知是否真的,哈哈XD

    回覆刪除
    回覆
    1. 美女遊客好多。
      大媽好少,陸女都較後生。

      刪除
  2. 建築物好靚! 好天的話影相一流。

    回覆刪除
    回覆
    1. 呢幾日陰天,另有一番風味,其實仲有兩日未玩。

      刪除
  3. 我去過南意(ie拿玻里), d街道真係舊到好有刺客教條feel
    成日型住轉角就有條友拎住把袖刀吉你個腎

    回覆刪除
    回覆
    1. 咁好玩?
      下次我又試下去先,越近租約完結,理應越得閒。

      刪除
  4. 哈哈70兄影的靚相應陸續有嚟,同女主人玩得開心哋呀!

    PS:“意大利男正但女唔靚”,謝提醒!等我知下次旅行去邊XD

    回覆刪除
    回覆
    1. 雖然我唔識睇仔,但大部份意大利白人,去到tvb 都可以做男一。唔似河國榮個d 咁麻甩。。。
      意大利白人女個d,似恐怖片最快死個d 二打六。

      刪除
  5. 國泰cheap 飛只係賺少0的
    盲毛狂搶以為執到寶,哈哈

    計落佢地有so, 響朵又賺錢••

    去睇返場意甲啦

    回覆刪除
    回覆
    1. 賣得去駛做平機票?我個人好唔鐘意國泰。
      人人驚恐襲,梵蒂岡見到唔少步槍兵,裝甲車。
      Ps 我聖誕前番。

      刪除
    2. 其實好多係員工飛, 賣唔到都唔會浪費
      我都至憎國泰呵呵,國泰算到盡都唔係咩新鮮事

      刪除
  6. 點解唔玩多幾日?反正搭飛機都搭左成日。

    回覆刪除
    回覆
    1. 1 仔女不能留在老人家太多天。
      2 女主人鋪頭依然有開,晚上要處理港豬找渣。
      (我就豪d,空城計,白交半個月租。)

      刪除
  7. 套戲聽日先上畫,期待中
    玩四日搭咁耐飛機好辛苦喎師兄

    回覆刪除
    回覆
    1. 其實唔辛苦既,睇下戲,訓下覺就過左。

      刪除
  8. 意大利西班牙都是型男多過索女. 英國就係男女都7. 烏克蘭一定係索女多過型男.

    回覆刪除
    回覆
    1. 呢d 無乜野買既地方,內地女人都靚d,係靚好多。

      刪除
  9. 我無玩過,如果有機會去無咁有feel添

    回覆刪除
  10. 70後兄可以利用呢個trip 整多個B,made in Italy. Haha.
    Ironman

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...