小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年2月25日 星期四

我的女朋友系列 外傳一


上文提要

<了解我的初戀 八千里路雲和月>


話說, 年初二番外母屋企食飯, 之前同老婆行下荷里活廣場...講開某小學, 講開原來我第二任女朋友都好似係讀呢間. 老婆串我, 不如一齊約佢出黎食個飯!


行荷里活買左呢個.

哈哈, 人地結婚生埋仔, 鬼睬我/佢.

不過, 我認真講左句, 如果真係見到, 我呢個(EX)"外傳一號"應該會自卑.

點解? 因為講樣, 我老婆靚幾條街, 講身材都係完勝.廢柴D 講句, 講收入, 都係我老婆都係完勝...

我諗如果真係有得揀, 會一面倒投女主人一票.

有BLOG 友叫我講下D EX 咩樣, 我又講下....

佢, 高瘦平. 170CM 但好瘦, 識佢果陣, 我先得22歲, 佢18, 仲讀緊中七. 女校出身, 英文非常好, 乖乖女一名, 有d 似唔靚素顏版張可頤. 同上一任一樣, 我又係佢0既初戀.

當初點解同佢一齊? 我又係唔係好知, 如果走到最後睇番最初, 應該係....

"搵一個鐘意自己0既人, 好過搵一個自己鐘意0既人"

呢個只係當時諗法, 絕不代表現在想法.

無可否認, 佢最好0既係, 填補左我失戀0既空檔...係我自信低落0既時候比左唔少支持我. 拍拖都係行街食飯睇戲, 當年經濟唔好, 基本上睇戲實有好多位, 食飯直入唔駛等(除非你去名將個D 窮人恩物啦). 經濟唔好一定人工減? 非也, 我人工節節上升! (現今樓價跌三成, 人工都最多跌一成, 邊個suffer? 笑人工跌九成個d 真係好可笑...資產泡沫同經濟下行唔一定同步喎.)

當時我收入到係萬幾二萬左右. 因為我都讀緊POST GRAD., 如果最初係做待應, 果陣我已經炒緊旦. 只係當時係普通滑旦, 功力未夠火喉未夠.

同佢一齊大約係2003-2004 左右. 當時佢仲沙士考ALEVEL. 我成日都覺得係咪拍拖拖累學業, 不過佢話唔係啦!

分手? 某一個MOMENT 比佢FEEL 到我唔鐘意佢, 佢又傻到問我, 我咪SAY NO...就係咁就分開左.

我阿媽對佢評價都OK, 就係有禮貌. 佢阿媽? 話我係獨子負擔大, 其實都ON9, 搵到就無乜負擔. 通常有呢D 諗法0既女人, 佢地另一個仔通常都不孝, 報應黎0既.

分手後一兩年, 曾經有一個MOMENT 佢想離開現任男友(即而家個老公)同我復合, 只等我開口, 不過, 我無講, 因為我知道我唔會鐘意到佢一世.

原因?

一黎外表唔係我杯茶(其實佢唔係差, 有點似醜版張可頤, 又高.), 
二黎我覺得佢太蠢, 
最重要係, 我覺得佢唔明白我係一個鐘意唔穩定工作0既人!

當年, 我剛讀完POST GRAD., 可以去做某薪高糧準半專業人士(至少功能組別有一票, 我UNDERGRAD 又係另一個功能組別). 我估佢都想我去做, 咁就可以肯定將來生活正常穩定.

可惜, 我唔係咁諗, 如果要咁樣做, 我不如一開始就做番UNDERGRAD 果行啦.

我想走不同的路. 或者, 佢以為我一路炒旦都只係暫時性, 只係一份PART TIME.

你要女人定要事業? 喂, 而家唔可以兩者同時都有咩!?

搵個明白你事業0既女人啦傻仔...真係睇得太多tvb 了. 

砌緊 852 gundam unicorn! 稱為可能性之獸, 事情點樣發展有無限可能性! 唔一定讀書搵工買樓結婚生仔之後死0既...好多事情多數可以一箭雙雕而非等價交換!

要搵, 緊係搵個互相鐘意架啦!!

十二年後, 而家佢係點? 好似用生育技術生左對龍鳳胎, 做左小學英文老師, 生活應該好OK. (男家個邊有點錢. 只係老公又老又七...) 佢老公, 係佢中學時代0既老師, 大佢十二年, 果真穩定職業.

(講明先, 我覺得老師多無賴, 同以上完全無關, 因為佢地年齡唔係我講果班麻煩友之內.)

2016年2月19日 星期五

男女主人的地產經紀

呢篇係忽發奇想打0既...

本來應該係感情二三事的外傳, 不過思考良久未能好好講解, 不如SKIP 左先.

似乎, 就黎連我無太大興趣0既樓市, 都可以寫一個系列.

仲有, 近期高達攪左件大龍鳳出黎....完成左自己能力範圍外0既事, 特別開心! 砌左騎士高達!!

KINGHT GUNDAM 1/100 BASIC MODE RESIN KIT!! 

呢隻野唔係BANDAI 出架. 要用MG WING GUNDAM 骨架再買左二百幾人仔GK白件黎砌!

女主人問, 做乜買白雪雪0既件....因為呢, 反正都會上色, 佢本身係咩色根本唔重要~!



兩幅圖有咩分別? 原來SM08 再上透明紅琺瑯漆有如此效果!!! 件斗篷我求其搵個女D 顏色紙剪出黎. 我呢D 業餘人士, 自己開心就OK 啦.

講番正題, 男女主人, 不論係鋪定係住宅, 都係用開一個AGENT.

不約而同, 佢地都好平民好住家FEEL, 都係中年人士, 至少清楚我地想點, 又表面老老實實.

住宅果個, 其實係因為三年前租樓識, 未簽組條業主已經好麻煩, 煩到AGENT 都怕左佢, 我估而家呢個勢, 個業主已經唔可以咁串.

講番呢位經典人物, 教壁球, 收入唔多, 好彩佢有個長輩無兒無女, 死前送層樓比佢. (FULL PAY 的), 簽租約時不停強調自己好多樓收租又話自己做會計, 其實完全無料到, 一間D租盤(本區最差的), 一間大角咀舊樓單棟(點解我知? 佢諗住入小額錢債告我要寫自己地址, 遲D 寫文教下各位安全以按代租), 再加一間天水圍居屋....WELL. 真係好多錢喎...賣左都唔夠我找條股票數.

講番AGENT, 老婆又同佢UPDATE 下我地想搬大D, 佢即SEND 左佢公司內部電腦CAPTURE SCREEN 比我地睇. 價未0岩, 搬就一定, 最多搬番同SIZE又可以慳番千幾蚊一個月! 無錯, 照計番中間價, 應該講完價可以平.

(廢事比人話我扮70後求死...CAP 埋圖, 並非吹水, AGENT 識就話識, 唔識唔會玩終極幻想!)


下? 搬有成本, 又要比佣? 係喎! 咁叻仔比你發現左, 不過住屋都係開支, 住舊左唔鐘意咪搬, 同一屋苑又唔影響交通.

當年果位傻仔業主, 覺得比我以按代租好慘, 仲千叮萬囑要AGENT 係租客備註寫明:

"不可兩公婆都是做生意!" 下圖為証! 自動轉賬又係笑死人...要CUT 又有何難? 而家CUT 有線咩. 佢年紀同男主人差唔多, 不過水平真係....唔怪得佢仲係毒J 一條! (我點知? 搵到佢FB 啦....)



真係正爆!

同樣, 老婆租鋪都係用開一個, 貼心又明白我地要幾大, 因商鋪唔少係老人家業主, 我地呢D 新行業全靠AGENT 溝通先租到好野(唔係平貴啦)! 不過, 呢兩年都應該無搬鋪0既需要喇!

今日又睇下新聞, 唔知真定個別事件, 唔少新界西同北都已經番番2013 年價格喇. 即使你2013 買, 都仲有租金收, 但點解唔叻仔D 之前賣左佢?

樓唔同股, 你估真係會反彈就反彈? 果種MOMENTUM, 要積聚多少才會轉向? 你睇下樓市一路上升期間, 幾多淡友變好友需時多久?

即使我係淡友, 都唔代表唔會買, 跌多三成已經可以用呢一刻現金安全買入, 唔使沽股票, 亦唔影響我還股票分期條數.

相比成八位數字0既樓, 現有租金使用跟本九牛一毛, 等待成本十分低.

相反, 千萬盤, 管理費差餉都要三四千一個月, 現值租金七除八扣, 回報真係少得可憐....

股票蟹左其實唔太膽心, 因為機會時時有. 樓蟹左, 真係一等就十年八年.

又計下數, 例如800 萬0既樓, 只要首期320 萬就攪掂(未計其他駛費), 呢一刻我同女主人現金已經達到有突啦. (估計現有約380萬)


石破天驚拳!

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年2月5日 星期五

鋪王其實都係我個客!

果D 收租仔呢,又無乜錢個D,出書又話自己好巴閉個D,已經死X左無野出。我係話緊求死隊長個班人,已經無哂墨水。出野?佢地女都無,射去牆度啦。。。

我呢度唔係投資BLOG,唔係搏出書,唔打算用黎搵錢0既,寫乜都得,長寫長有!各位0既留言,令我更敢言!

點解一開波講佢?因為條友成日唔夠講就搬佢D前輩朋友出來,又話佢地點樣唔駛撈點樣做善事。(但真係唔知有冇此人定係睇新聞見到當係朋友)。又例如果件小小雜卒老年公務員歪思,大家當前輩,其實講錢跟本唔入流,講工作成就就更加濕九。

(兩姐弟感情好左,個女似我!哈~)


UM。。。講識人?成日話有個"朋友",即係邊個?我有喎原來。

今日睇新聞

舖王波叔:2018年先至好上車

原來佢D"子女"三年前開始都係我個客!我都係今日先發現。

之前都聽過唔知咩咩鋪王咩咩關係,我不以為然。

我仲曾經覺得佢唔適合食我D炒旦,諗住唔再賣比佢。

我SEARCH 下D關連公司,先發現支票台頭係其中一間。哈哈~

話時話,人地對我都好有禮貌

同女主人D客一樣,越富貴,越好禮貌。

最無品就係個D有少少錢又唔係多但又想扮勁個班(即係DISCUSS入面郁D就叫人上土審個D傻仔啊!)。又或者係老師!認真,十個老師(三十至五十歲),七個仆街,尤其係住堆田區個D。持住自己扮講道理R呢樣R個樣。

相反,男主人唔怕呢D,我真係澳牛炒旦,可以唔做你生意。結果,D老師/有錢/無錢/強國土豪/鬼佬鬼婆都好尊重我。

能夠有份咁0既工作,真係三生有幸,當然我真人工作唔寸,只係覺得如果你認為唔0岩食不如唔好食!我用心制作事事親力親為,係本身咁細0既市場上應該無乜人咁做。

阿鋪王子女當初告知佢無貨供,當然好有禮貌打黎傾計啦,最後都無事,我好少下逐客令0既。

題外話,阿女主人有兩球現金係HKB,為左唱新銀紙去同經理SOCIAL,經理又係得兩層細價,又同女主人講樓價會回升。

經理覺得樓升原因?好多人結婚,所以有需求!

呢個原因,夠哂仆街。而家飢荒,買定D米賣比人?當然,呢D心態,總有報應。

其實結婚潮已過,我識個D影婚照0既舊同學,係FB都收哂皮!平時影完又POST相,客人又讚下佢地!而家,真係靜英英。

個人認為,需求主要係投資帶動

男主人近日睇到個租盤,追蹤一下,發現佢由$26000,每日減10蚊,日日係我手機個推播通知出現話減價。真係好無聊。

計下數,月供26000,息口1。8厘,樓價只值七百萬左右。實際上呢個單位最近成交都11XX-12XX萬。跟本COVER唔到。

女主人聰明豆上身,話人地買得咁大間,可能好有錢,或者一早買落!

又係喎!一早買落個班歪思之流,教人整餅,其實整埋個安全網比自己。

2015買而家已經要蝕賬面。2014 都打和。

好快到2013買個班了。

當銀行一路縮估價,你估加按重得唔得?惡性循環性之下,真係會有反彈?

期待二月尾租盤變化,大家話過年前係淡季,又睇下過年後係咪多D人租?

當你月供三十年,你當租金都係回報,少收一個月,就少收一個月,永不回頭。三十年後,層樓係你,到時你都老啦,仲講呢D?不如睇下你有冇老婆,仔女是否孝順把啦。。。。<我可以唔撈嗎 10

唔同年紀有唔同FOCUS呀!


女主人有日神神秘秘消失左,原來去左灣仔鴻興買玩具比我!

好大隻黃金戰士啊!! $1999!又放係公司做神物~!

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年2月1日 星期一

我可以唔撈嗎 13(買夠貨)

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
我可以唔撈嗎 8
我可以唔撈嗎 9
我可以唔撈嗎 10
我可以唔撈嗎 11
我可以唔撈嗎 12

因為已經係未必係最好0既時間出左界王拳,結果小弟0既自由之路變得比較簡單直接,寫出黎都實在D!

最後一次入貨係 $5.01,貸款約330 萬,分兩年還。現價?$4.74!

阿Q D 諗,總好過係7.5 或者5.5 個陣買,否則連翻身機會都無。

個人認為,內銀減派息機會唔高。最多,都係減三成,即使收入同股息兩邊一齊縮,我都可以完成任務。

講工作

每年呢D日子,又係反思工作成果階段,今年同預計差有點遠。做得好果D結果一般;唔知攪緊乜個D又做得勁好。莫名其妙!拉番埋,呢幾年都好過五六七年前平均水平。

收入?無乜變過。過埋六月又有變動,到時再算。

KEEP住係公司噴模型,令感覺無咁乏味,可能到時為左D模型繼續做?


 (BUILD BURING HEAD DISPLAY BASE)
左手邊為TRY BURNING,右手邊上左水貼用隻G-SELF插住先!


講資產

物業:我無,女主人有,在內地唔知要黎做乜0既樓一間

強積金:加加埋埋。。。十幾萬?哈哈,唔計呢D雞仔數啦!

保險:有!無計過值幾多,夠睇病又死左有D錢比阿媽咁LAW!唔計啦!

股票:約950萬;老婆唔知佢。。。

現金:160萬;老婆2XX萬(即係二人即時可以買番個800萬單位!不過又有冇咁傻?)

負債:約340萬,其實10萬係東亞低息貸款,其餘係股票分期,兩年後就會還哂,亦無乜打算提早還。

淨資產?僅僅掂到八位數字

真係大話怕計數,少得可憐。不過我又唔會好似80後求死咁亂吹,比人踢中就講佢有個朋友/前輩有幾疊水咁0既。


女主人出椅,我出高達,個女出ELSA!個仔?出聲。。。
(上面係童夢EX百獸王同埋六神合體!)

所謂人生大嬴家,唔剩止係錢!自己讀過書有學識,工作有小成唔駛DUP頭睇人面色(收租仔?哈!),有睇得下0既靚老婆(唔係幫你供樓個D七頭女MISSY/公務員/律師),有仔有女又生得靚靚,工作唔駛受氣,四大長老仍健在,仲想點?

講其他

又係講ABCD四類租盤,果然B3盤好多收租仔。睇中原租務成交,已經劈到D盤價,無睇錯。同時,D盤無人租無人買少得可憐(但放盤係同樣多的)。詳情睇 <租客開始可以話事

可唔呵以唔撈?肯定可以!

另外,原來已經結左五年婚!感謝你一路以來不離不棄這個怪人。

自助山,其實不如以前旋轉餐廳!
你睇我隻手仲女人過我老婆,就知我用腦搵食,丁點勞力都唔駛出賣!
Related Posts Plugin for WordPress, Blogger...