2016年3月31日 星期四

我可以唔撈嗎15 (建行減派息 成功財務自由)


玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)

近排工作太操勞, 長話短說.

昨晚八點等到建行UPLOAD 上HKEXNEWS,

上年派RMB 0.301,今年派RMB0.274,少左9%

相比渣打減一半,真係濕濕碎。結果建行派息比率變番三成,同其他內銀一樣。

扣左股息稅,扣左大約0.1%手續費,用而家人民幣匯率計下,1手建行可派HKD287!

上隻唔撈14講過,如困0。27就達標。0。2就慘慘豬。

即係達標啦!

預計六月尾除浄,八月派息,做OPTION 的人注意了。

男主人預計派息57-58萬左右,細數係跟找換店牌價,大數係跟YAHOO RMB報價,即係四皮七一個月。

如果無乜物慾,還哂條LOAN已經可以自由。呢個數夠住屋開支,父母外母家用,小朋友每人幾千,自己HEA食早午晚。仲剩到少少去旅行!

金色自由,最終水貼完成。$300會有人買否?哈哈。。。


刻下策略等派息,唔做權。升到7蚊先至將股息回報降至4%,升到9蚊先變3%。

如無意外,條數12月就還完,提早同輝立SAY GOOD BYE!

東亞條數仲有三個月完,即係六月。如果佢再撩我借,九月我就借東亞來還輝立!東亞可以分兩年慢慢還,會輕鬆好多。

男主人炒旦生意如果條數一路都唔變,鋪頭租約完結時會有170萬現金在手,現價股票1000萬。只求溫飽應該唔係咩難度。

今次減派息,無影響自由之路。之前由交銀轉過來,交銀今次無加派息,繼續係派0。27。

另外,地產AGENT打黎,話有個平租盤。本來想拒絕,因為要到5月才走,而家三月咋喎!點知AGENT話,睇下先LAW,可能到時有緣份呢(潛台詞:租唔出)。拿,比起上年前年個D"你唔要就無盤"真係爭好遠,各位切忌心急。

不論價錢定係質素,而家都有好多選擇。

偷得浮生,同個囡去左玩佢唔識玩但又好想玩0既星光樂園卡GAME!

個機免費,不過唔好意思玩人部野,幫佢買番包卡,$28

其實係節奏音樂遊戲,幾簡單。個囡未玩到,我玩LAW。。。我唔差的。


同佢玩機,其實好多小學生妹妹會幫你手,好好溝通的!另,又有毒男(年紀大過我)係度玩,同埋向小學生兜售卡。。。

最難頂係,有D師奶係度又唔係玩傾湊仔經!!非常討厭!這是玩的地方OK?我也是來玩埋一份的,並不是看守者!

最後,原來呢個BLOG已經三十萬次瀏覽!多謝各位支持!
去到一百萬,抽獎抽高達~!

題外話,感謝各BLOG友(有部份更加係好出名個D)加左我入佢BLOG LIST,令我流量上升。

同時,其實我主要人流係黎自GOOGLE ORGANIC SEARCH。

如何令GOOGLE 搜到自己?這是男主人中學年代學識的東西,非常有用。不過同時亦係女主人商業機密,不能告知。

另有留言想我講如果以按代租?其實GOOGLE一下就有。若要行文,我會係一個租務市場瀕死時傳授,成落井下石之效。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年3月21日 星期一

教育路上奔馳

伸延閱讀
我深信的人生遊戲
我的財富累積大道(上)
我的財富累積大道(下)

廢物利用,超舊版 HG流星號加自由高達。果隻自由高達分色差到。。。最後全噴金。

"金"錢加"自由"高達,寓意財務自由!!



睇到苦瓜 BLOGGER 文章

失敗者, 非也, 好多時候眼界更廣, 成就更高更有彈性.

男主人係教育制度半個成功者, 讀書從來都在頭十。除入大學後無呢支歌仔唱。

又講當年,女主人又會話我悶。

男主人讀專業科目出身,成班粉腸同學,好多成績好好,只係成績唔夠好入唔到某神科。屈屈不得志。

當然,現實係要面對,佢地書就要繼續讀。因為唔止要讀仲要做,結果明爭暗鬥少不免。

上一集講過,當年玩走線0既同學如何?

畢業後,呢科順理成章應該係入政府做,當年經濟最差時,人工已經是神級(仲未興講IBANK),入得去政府,成績要好。

入唔到,求其次,有份工都好。只要一年工作經驗,就可以自己執業。

結果,私人工都爭崩頭。有份1/4 工都有人爭!(你無睇錯,工作量可能係一半,但糧出1/4)

更攪笑者,寫信去自薦,做三個月免費勞工!!

拿,咩叫經濟唔好?而家有冇呢D現象?

男主人0既初戀情人<了解我的初戀 八千里路雲和月>,當年就搵工搵到九月定十月,去左做人助手,人工13K。當年,董建華話大學生應由6K起步。

我打從一畢業,就無做番本行。去搵自己鐘意又搵到錢0既工。

十幾年後今天?

如果佢一路做老散,頂薪POINT 24
如果升過, 頂薪 34, 應該未夠年期去到頂薪
如果再升多一級, 頂薪先至39, 印象中無人做到.


唔好講我自己, 講下其他無走線0既同學!

私人執業個D, 叻個D好好搵,詳情唔知。唔叻個D靠上下電視懶威威。

有部份,已跳出自己框框,另創新天地。

人地搵幾多我唔知,我估做政府佢點升都搵唔到我個數。。。

錢唔係重點,可以早D自由先有用。更有錢,只帶來更多物慾。

近排女主人搵少左,都洗得無咁豪氣!
哈哈哈~~~

所以呢,讀書係咪無用?一定唔係,不過讀唔到書都未必係絕路。睇你條路點行(廢話)

不過如果讀唔到書,只係比人搵多少少(租金收入),就笑人讀書無用,咁真係太可笑。

回應番最上BLOGGER個主題,雖然我無走在教育的失敗路上。但教育的成功路上,都唔一定成功!比你爆哂GPA都無用。

你以為最平坦0既路,不一定是好。


2016年3月14日 星期一

我可以唔撈嗎 14 (千金難買少年窮)

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)

哈哈...本來想寫下小小大地主思維, 不過真係寫得太多, 無謂悶親各位, 又廢事比人以為我詞窮啦.

搬屋在即, 兩個月唔買高達, 只砌.

買機動世界送0既 1/144 RX-78-2 VER KA
跟本係國產級數, 砌到講粗口! 今次噴珍珠色系.


講資產

錢, 男主人現金15x萬, 女主人兩球以上. 男主人每月有14萬<股票分期計劃>要還, 預計現金只會越黎越少, 如內銀派息不變, 預計兩年貸款會係一年內還清.

強積金及保險太少, 計黎無謂.

股票, 200萬股建行, 跌左蟹左. 不過總好過買渣打銀行0既. 有冇息派一件事, 暫時唔覺得有轉0既著數, 因小弟股票亂九黎, 勿跟.

講負債

東亞仲有三期, 每期二萬幾.
輝立, 唔好用! 仲有23期, 每期14萬. 其實欠310萬左右, 預計年底或可以還哂. 不用攤開兩年.

講樓

簡單講下, D 盤最殘最細, 仲未肯接受現實, BC 盤已同佢地差1000-2000 價位, 有個別盤幾百而已, D 盤真係慢慢等養老鼠.

男主人住B 盤, 租金已平左一二千, 走就必然, 換個新地方.

"唔溝多D 女/識多D 女, 又點知自己鐘意D 乜?? 你唔係靠SPEED DATING 睇兩野就覺得環境好交通好就去馬結婚下話?"

講工作

依舊順利, 如月固定收入. 無計過幾錢, 不過至少過15萬0既, 暫不能減產, 至少要肯定股票分期還哂先.

女主人個邊, 生意係差左, 好明顯樓市一縮大家消費意欲下降. 好事黎, 無乜開支個D 人繼續多D 錢, 加錢向上租樓又無乜。 無租收個D 繼續交錢, 利息比銀行, 管理費等等...

講股息

建行上年派0.301 人仔, 今年如KEEP 到已經超標, 派0.27 就達標, 如派0,2 或以下我就慘慘豬了!

計過數, 派0.301 我真係可以完全自由, 加上佢價升做SHORT CALL, 三四年內應唔駛煩.

************



再砌國產紅迷背包!主體完成左好耐,放左係深水埗玩具模型倉。星期六拎番番黎砌埋背包上去。
如你見到有時星期五有個四眼仔同個老闆吹水,可能係我黎。入面而家重有部GUNDAM DX + G FALCON 係我架!


地址:深水埗黃竹街15號,即係黃竹街球場側!

***********

三四年後? 到時現金又會更多了.

相比無窮無盡0既"優質生活", 我更希望可以做自己鐘意做0既事. 小朋友現在已經有一個唔錯0既底子, 走去鬥名校鬥補習其實無乜意思.

聰明的會聰明, 唔叻0既, 去做BIG POND LITTLE FISH 只會帶來自卑人生.

究竟, 邊個帶出港豬教育遊戲? 呢堆大茶飯, 邊個既得利益者?

我們這群學歷OK高, 搵錢算係OK, 有美滿家庭的人生上半場嬴家, 童年是什樣煉成的? (當年有點錢又出國都同學現在又如何? 當年玩走線同人爭搵份好工的機會主義者又去左邊?)

我都係個句, 錢堆砌得到的, 人人識做有咩用? 你真係覺得唔做會輸?

無論你有幾有錢, 幾多SUPPORT, 你永遠都嬴唔到公屋仔半夜匿係屋企個廚房一路溫書一路打甲由果種人.

千金難買少年窮

我講0既, 都係一般例子, 如你講你有個朋友(但又唔係你自己喎)點點點, 呢D ON9 諗法唔該自己收番埋吧。

我只要求我的小朋友知道自己鐘意D 乜,知道自己想點。而非我地家長帶動,我地只能帶佢見識見識。

呢樣亦係自由後其中一個目標

當然,高達繼續砌!


左邊係國產,右邊係BANDAI RG RX-78-2,年半前作品,邊隻靚D? 唔知有冇進步過呢? 

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年3月2日 星期三

買樓準備? 準備買樓?

睇新聞, 唔知真定假, 細價樓有唔少都平過三球, 非居屋喎仲要!

男主人個區, 又講下 ABCD 四種單位.

租樓分析租務市系列


A 盤開始企穩, 最貴, 租買都有D 成交, 因為早前租金下調, 有唔少有錢家庭都會租住. (有錢唔一定買樓0既, 有冇咁多鬼佬或房屋津貼人? 自己諗下)

B1, B2(男主人果度), B3 各有千秋

B3 跌到C 盤價, 結果都唔少租務成交. 梗係啦, 約十二三年樓又新又靚.

C 盤點算? 都有唔少租務成交, 因其交通方便, 不過因量多, 部份要降到早前D 盤價放. 應該質素決定租客, 差個D 真係無人租一路劈到D 盤都唔見租得出.

B1 B2 同價, B1 方便, B2 單位大(最細單位等如人地細價三房大小), 租務成交B1 WIN 哂, 因為一樣咁靚之下, 呢D 中價單位大多數打工仔要番工, 方便緊要. (男女主人要清靜同埋平時彈性時間, 反而鐘意B2)

B2 只有放租, 無人承租, 所以個價自上次出文已跌左百分之十幾(B1 B3 早期已跌, B2 最後才減價). 原因? B2 應該唔少生意人又五十歲以上(佢地三十頭置業吧), 已供完住左第二度. 不過即使FULL PAY, 管理費每月近二千, 無人租就白交.

C盤上文已講, C1 成交到, 價介乎B D 之間. C2 大部份都係B 盤價, 樓齡關係.

D 盤? 繼續未完成大維修, 而果班濕九收租仔又唔肯面對現實, 大量放盤之下都只係得一個租盤成左. 原因? 同樣價錢之下, 已可以租C租, 重要人地大多佢20%實用面積加上樓齡又新少少! 真係慢慢降低回報率.

有網友問男女主人有冇策略, 有. 都係個句, 每人取向不同以及風險承受能力不同, 請勿亂跟.

五月完約, 如租金0岩即走(成本? 哈哈, 九牛一毛, 換個新地方都開心D啦).

以現在情況, 新約租金應該可以傾(現任業主減都唔會留低, 我地鐘意住新野), 應比現有平多兩成睇下有冇可能.

否則, 搬大D, 應該加多幾K 就得. 當然夾眼緣不會衝動.

買? 哈哈哈....劈多兩成才進入射程. 比我地初想買個陣都係貴左兩成, FAIR PLAY.

D 收租仔成日話計0岩數入得...點計? 

http://www.mreferral.com/mortgage-calculator.html

(MREFERRAL 銷售員不要找我了, 無興趣搵雞仔數收入. 同時亦唔想此BLOG 言論受控)

設樓價1000萬跌到 800萬好未? 現供款18103, 加埋管理費都係21000! 加息3% 都係供多2000. (未計差餉)

印花稅30萬, 佣8萬. 首期320萬.

即係360萬攪掂. 錢唔係太大問題.

入息要過壓測, 搵44000 以上就OK!

終於完成, 1/100 knight gundam basic mode! 未完成都唔知咁靚! 經過一大輪粗口同質疑, 最後結果比預期更好. 點解? 因為一開始有哂plan, 無比d 傻仔左右law!!

從來置業自住非難事, 問題係, 值唔值得去買? 你肯定你真係鐘意住呢度?

同溝條女番黎結婚一樣, 你唔試下點知自己鐘意乜?

班傻收租仔笑人一年搬一次或兩年搬一次, 其實佢地唔明白, 有得揀住邊, 揀揀下先會搵到心頭好, 唔通靠睇樓就得?

早d 溝女結婚, 怕遲d 無女/禮金貴? 定係試下同不同女仔拍拖再揀下自己鐘意邊種女, 邊個結果好d? 留意, 每年都有年輕女仔比你揀! 你去娶阿婆?

拿, 我唔係投資角度出發, 我只係以人生滿意度成功度出發.

你細價收租扮大地主, 令年青人高追求死? 我祝你屋企人0既健康去哂你個度. 得你一個長命百歲....報應總會來呢.

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE
Related Posts Plugin for WordPress, Blogger...