小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年9月30日 星期五

女主人燈神倉 中國郵儲銀行新股 我可以唔撈嗎20

近期又再抱恙,不過只係少少喉嚨痛,聽日應該好番可以番鋪頭噴油。

原來上個月無呢個系列出過,難得女主人股票倉有變動,即管SHOW出黎比人睇下。(當然,女主人係同意架啦)

佢多左D乜?

佢抽左中國郵儲銀行 1658.HK  ,分配結果?佢抽十中六!咁高中籤率,梗係有問題啦。

結果呢,佢又同各位抽新股搵食0既人一齊搭沉船。

一共24萬股票,連現金三十二萬係輝立,怕唔怕?無所謂啦。

印象中,佢得匯控同埋建行係正數,中車同郵儲都係負少少。

佢係我地家庭0既現金牛,以備不時之需,盡量唔會去做股票買賣,除非佢認為跌到價殘啦。

其實,佢買優先股賺息都係一個好出路,買價呢,買賣差價太大,急用時真係會蝕價。

講工作

呢個月又忙番一大輪,同時又埋數計下有幾多錢。果真如我所想,衝過左二十大關!每次以為已經係最大功率輸出,微調下結果又有空間再升。不過今年都唔太強求,KEEP住而家個收入到十二月先再算。

其實,下年2017做到15-17已經算唔錯。如2017年度都可以掂到二十萬,好有可能可以提早一年達標。

重有,令我最開心0既,係今年受氣比以前更少!我本身已經唔駛點受氣,今年忍痛作出改變,優化結構,本住最多做少D心態,點知反而唔駛咁受氣仲要錢多左。

唯一令人煩惱,係食材數量比較難控制,往時訂二十五包面粉,運輸哥哥好唔開心,可能因為太辛苦,搬重野0既錢又唔多。

上兩個月開始改訂15包,即時唔同左,至少運輸唔駛成日轉,上到黎又唔會黑面。不過我就好怕遇到無哂料0既情況。

另一方面,因為UPGRADE左部機器,而家機用0既材料係會JUST IN TIME送黎比我!至少,煩少左樣野。

無錯,我D小生意就係咁細小咁無大志,訂個水我都覺得煩,清潔搵清潔阿姐攪掂,總之我炒旦就算。

唔會放大個生意,
又唔會縮小佢。

等2017開個好頭,可以保障2017同2018生意OK,咁退休之路應該無乜問題。

講資產

建行現價5.89,曾經升到六蚊以上。

保守估計,升過六蚊我肯定全部股票倉位都番哂家鄉!喂,原來我D股票係蝕緊?保守估計0者,因我派息唔扣減股價,一路以來低位買入溝低個成本,應該都差唔幾了。(其實好肯定唔係打和0既,股息都收左百幾萬而呢兩年大手買入0既價錢都係5.5以下,兩年前邊有咁多錢去幾球咁買?)

另,持有六十一萬美金美國公司債,應該過兩日再有四千美金債息入袋,真的月月有息收。

再另外,有九萬美金買左GLD(黃金ETF)

再以SHORT STRANGLE 來做1:1期權。剛剛九月平左倉,獲利一千六百美金。再即時開左十月倉,130/124。


現槓桿比率為1.46,應該還算安全,若有其中一債違約跌到零,都唔會有咩事。建行跌到1.5先出事,除非,以上情況同時出現。

侍機再買入優先股食息,德銀唔諗,驚驚。都係睇HSBC個兩隻啦。

目標係維持比率係1.8之內,即借入金額係110萬美金(850萬港元)之內。’

都係個句,若建行升到十蚊,即時TAKE PROFIT走人逍遙遠去。

小弟非貪財之輩,只希望用錢換時間,去做一D自己想做0既事,幾千萬同幾億,其實無分別。

雖現在已好自由,但我想更自由。

講目標

其實主要係現金部份,考慮過能力問題,自由目標推多左一球。即800萬現金收山

以下是女主人部份:

以上係佢私人戶口
(佢重有公司戶口未計,個戶口好神秘平時唔拎錢出黎,佢自己都唔知有幾多,由佢)

女主人,HSBC入面有205萬,加埋輝立D錢,有32萬,一共237萬。

而小弟呢幾個月0既收入(60萬)都會還哂比佢,即係佢實際有297萬

男主人,三年股息,約170萬(如派息不加不減)預計明年三月至合約終結前,一共28個月,每月儲起八萬(低估前段高估後段啦),儲到224萬

即係,女主人(297萬)加男主人(394萬)
等於691萬!
剩番個109萬點算?
靠女主人吧,哈哈。

當然,只要我2017同2018都開得OK,其實女主人可能不用增加一分一毫。

再者,我未計美債,"金期權金",同將會買入0既優先股帶來額外收入。預計每月都兩三四萬。計埋其實已經唔駛用女主人錢。

八球,平平地買到區內三房(800呎實用了),又或者加多兩三球按揭,可以買過千呎實用全區最大個D了。

如果到時上車盤都要八球?
你估D人反唔反?

到時我都要講多句,我呢D偽中產家庭,
每月主動被動收入得個三十萬,
兩個廢柴夫婦學咩人買樓,
學咩人做生意?
學咩人寫BLOG?

講其他

UM。。。細佬開學並唔係想像中咁順利。上左成個月朝早都仲係喊0既,可能係因為我鬧佢。試下唔鬼理佢,睇下好唔好D。另,咁快已經有功課做,細佬無家姐咁醒,唔算太識做,唯有教下啦。

家姐?佢好多課外活動,又唱歌比賽又朗誦比賽,真係送苦了帶佢去學野練野0既女主人同埋我老豆。尤其女主人放低鋪頭東西走出來接佢,仲特登將公司固有假期改左(其實另一原因同公司有關,非私人因素),非打工就有呢個好處,至少時間可以自控。

女主人送我TURN A 高達盒旦,
因為佢記得我讚過靚


頂,其實我唔係特別鐘意TURN A,上次只係讚我自己噴得靚咋



其他集數,經典重溫,睇下以前我點諗退休唔撈?

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)
我可以唔撈嗎15 (建行減派息 成功財務自由)
我可以唔撈嗎 16 (入廠維修
我可以唔撈嗎 17 (去蕪存菁;又上千萬)
儲夠七球就退休 我可以唔撈嗎18
資產再配置 我可以唔撈嗎 19

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年9月26日 星期一

善良的人好相處 我的實習時代二

上次講過某次實習經歷

我的實習時代一 (男主人工作系列)


,今次講下另一次實習。

睇番舊相合照,原來已經係2000年0既事。

2000年,睇番GOOGLE FINANCE,匯控只係90蚊!如果果個陣有買,升到2007年140蚊的話,連股息有將近一倍!不過再持有多十年?

現價58.5,扣埋股息都未駛蝕0既。。。

買樓的話,你已經還完條數都未定!

你話喇,買股定買樓?

噢,唔記得講,大家記得2001同2003發生左咩事呢?買乜都好,亂做槓桿都係危險動作,賺左威威,輸左比人笑架!

2000年,我估身家接近一皮卦,中學時期留低0既,係2001年差唔多用哂了。你把握到機會,只係你老餅0者。。。並唔係後生仔唔夠勤力,唔肯蝕底喎!


三國傳 BB戰士 關羽高達!

講番正題,一個實習開心與否,睇老師仆唔仆街,又睇下同學衰唔衰啦。

分數對我黎講係浮雲,因這一個實習是在YEAR2!我YEAR1後期已下定決心唔做呢行,我都唔係得個講字,畢業後從未搵過本科工作。除左大半年後有少少有過回頭之念,幸好天時地利人和某公司因政府制度問題,取消左個OFFER!

當年實習有幾人?

LADY FIRST!由最唔知佢做緊乜果個講起吧。

S小姐,我只係記得佢叫咩名,實際上幾乎零交流,就係典型唔講野0既女仔,如果又唔係有少少樣,基本上係唔會主動撩佢。(全班成一百四十幾人,我已經叫做認得多人果個喇。)

實習黎講,實力無乜,攻擊力(對同學用計謀)為零。

要用FB大神先搵到佢近況,仲要唔近,2011年結婚生左仔。THAT’S ALL。有冇做番本行?唔知。。。

第二位係W小姐,印象中佢同我一樣都係魂遊太虛,實習傻下傻下但求衰唔中自己0既一員。當然大家都係表現到扮勁扮專業,不過大家一出手,便知有沒有。

最後?佢去左中學教音樂,我估都要教埋英文。最得意呢,係我本行同教育風馬牛不相反,卻有好幾個同學去左教書!可能因為名女校出黎D女英文都好D吧!呢D咪係起跑線好處,至少衰極都唔會做太差0既工作,係咪?

噢!佢讀嘉諾撒聖家0既!點解我知?因為我其中一個好老友0既大學同學係佢中同!

UM。。。樓上兩位女同學,個老公個外表都幾特別下。

第三位係K小姐,成個實習個人感覺同佢最易溝通!我很肯定佢唔會當我係FRD,不過至少係悶到HIHI0既實習入面,佢係比較好傾果個。

特點係好瘦!個樣有幾分似大力水手個女朋友

有冇諗過溝佢?完全無,雖然佢個人唔COOL,但個樣太COOL了。我係鐘意可愛型/童顏型。呢D冷但不艷的,留比有需要0既人啦。(當時我係有拖拍0既!)

題外話,YEAR3實習又同同一地方,結果最FRIEND就係佢了。

不過,畢業後無職絡啦,連FB都好似荒廢左(我懷疑PRIVATE左),照道理,佢都係做番本行0既。至少,我係某次見工見到佢,當年IN一份幾千蚊的所謂專業工。

我連SECOND IN 都無去,印象中最後請左果位同學,同埋佢做左一排又轉埋工了,LAST UPDATE已是2008年。

噢,順帶一提,佢係BLOGGER CHERRY 兄0既師姐。

明明呢科女多男少(6:4吧),幾次實習都係男多女少,D女仔去哂邊?


完成關羽高達,眼用貼紙其他噴油加手油。
有d 唔跟佢配色,關公紅面才是關公!頭頂ZZ米炮位還是紅色好。

另外三個男仔,又由最唔知佢做緊乜0既開始!

V先生,如果講出自雞校(荔景天主教定係嶺南鐘寧光),非佢同我莫屬!個樣成個海盜呀,山賊個D咁。我以前衰,成日夾埋D同學笑佢講野唔正音(十年後周街都無人正音啦),印象中佢都係大聲夾無準個類型,不難想像佢個外表加埋佢講野發音再加聲線,老師對佢印象好極有限。

佢而家點?好似信左主,做番本行,不過只係道聽途說。不過FB就見佢唔到,亦唔見佢係佢D朋友聚會上出現。但願佢一切安好。

其實佢係一個善良的人,世間上買少見少。只係佢同我一樣,見到太多人去走線,有點失措吧?如果從頭黎過,我會好好珍惜呢位實習同學。

我重記得,當年佢好HIGH PROFILE話自己勁,點知首次TEST,我遲到左十五分鐘,得九個字做,都高分過佢(我應該排到頭二十個最高吧,YEAR1仲算會比心機讀下0既)

第四位同學是智先生,喇沙書院的。應該又係讀唔到神科入黎,人靚仔成個張智霖咁,仲要係足球隊隊長,真係D女比佢溝哂。

不過,印張中佢無同同學拍過拖,可能一早名草有主?

份人真係又超級隨和,唔識(其實係我無準備過),問佢又會答你,結果,我差唔多隔日問佢野。

而家係點,佢應該從開始到現在都係私人執業中,當然一畢業要寄人籬下啦,而家肯定唔駛。有個四正老婆同仔女,幸福愉快生活去吧。

最後一個,是上次實習的阿蔡,不用詳述了。

呢個可以算係最開心0既實習!點解?因為無人扮勁無人暗鬥無人搶答問題。。。大家就嘻嘻哈哈過左幾個星期。當然,老師角色居功不少,佢就成個秦沛咁,輕鬆之中又肯教野,其實我地係黎學野,唔係黎考試!

我咩GRADE?哈哈哈!B+!

上天就係咁唔公平,我無乜犯過大錯又四四正正,佢以為我真係識,其實我唔係好識,同埋我D題目又易,比較好彩吧。

我私低下都同阿老師講過,我唔打算做番,應該不會在行內相見了。

呢個,應該係第三個實習。一共六個,歷時超過一千個鐘

比較有代表性,都係第二個,雖然YEAR1已經唔做番本行,不過第二個實習之後我幾乎以為我要肥佬而第一個實習,就認真咁識左我0既初戀情人吧,平時百九幾人你唔會同佢講野。

將時情記得,其實十多年後,D感想肯定唔同哂。當年容祖兒仲係剛出道,唔知第二定第三隻碟係LOVING U。朝朝係收音機聽到狂播。

而果邊食野又比較平民,同學又好,老師又無乜壓力比我地。真係過得輕鬆又偷快!

小弟打工生活時間非常短!畢業後計到盡只係做過三個月野,之後PART TIME頂左三個月,然後去左學炒旦一年了。

之後下山,去左讀POSTGRAD(同時亦幫拍檔炒旦),再隔一年,我去左做"我的志願"(基本上公司全部人都識我又好關照我,無打工FEELING!)

而家諗番,
大學呢三十星期實習,
已經算係我體驗做工仔0既點滴了。

呀!後尾讀個POSTGRAD,仆佢個街又有實習!不過D人好鬼頹又無學霸同我鬥,我輕鬆KO佢地啦。

唔講錢,係咪好鬼悶?


左邊未手油 右邊是素組
邊度買?特價$28咋。
下一隻張飛。

如果能力許可,請SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年9月22日 星期四

老人指路 大厄細 比屎餵

話說上學年,我個仔重未讀書。

幼稚園要家長整傳聲筒!但唔見佢教原理喎?
呀,現實生活,搵人做傳聲筒是懦弱的表現,現實會被同性異性睇小!
小弟個樣就真係七頭IT LOOK一個,不過千祈唔好比我有SAY。。。

朝早我湊番學上校巴,咁為左減輕我做0既野,當然教識佢自己著襪著鞋刷牙等等日常生活。其中一個環節,係個女好鐘意做0既:

就係按電梯掣,包括LIFT外同LIFT內。

隨住佢越黎越高,連番屋企個樓層都按到。。。如是者,佢樂此不疲。

當然,有時趕時間,佢又按得慢,我梗係會丙下佢。

今個學年,細佬都上K1喇,因方便管理,讀埋同一間幼稚園。(男主人樓下就有一間有小小名氣0既私立幼稚園,區外人會黎讀個隻,不過我唔讚成愉快學習,除非打算讀國際學校再出國)

咁兩老婆唯有一齊出動負責梳洗,暫時細佬學習自理都還可以,著襪著鞋著褲也OK,唯一係未識刷牙同ALL尿唔拎住自己條小蟲之外。

送完番學,仲可以兩公婆拍拖去食早餐!


去到搭LIFT,頭一星期兩姐弟又爭按LIFT掣!訓示後決定一個按LIFT外一個按LIFT 內。

點知,上星期開始,家姐作出讓步!竟然比細佬按哂,我叫佢按,佢按完叫番我下次比埋細佬按。

事先講明,我個女絕對唔係咩善良的妹妹,十分港女又貪靚,唯一好處係聽人意見同埋有口齒。肯定如果佢鐘意0既野係唔會讓比細佬玩。。。

原因?我估各位估到一二:

1。玩厭
2。朝早按掣,不如留番D心機照下鏡(貪靚表現,LIFT牆都是鏡)
3。細佬發夢唔按,比人鬧只係細佬,自己免卻奶野風險。

對,現在就是我玩夠了,反正又有比人鬧0既風險,不如比哂你玩,又可以站係個道德高地!小朋友識唔識呢D心計?當然唔識,不過如果避險始終懂一二0既。

其他事件都搵到唔少蛛絲馬跡!例如佢地一齊攪媽媽D化粧品,一定係細佬玩先,佢在一旁食花生,可能會小心D玩免比我地知(例如唔好整污糟隻手),番黎又可以講我地知係細佬玩先。。。(當然呢D CASE唔止一次啦。)


佢地各有自己錢罌,儲黎新年年宵買汽球!
(個女今日第一日做我小秘書,負責將現金分類及支票蓋印,一蚊人工一日。)

始終,家姐大過細佬,
見0既事多D,
而細佬又自得其樂無理到中間風險。

講到呢度,應該知我又想講乜:

<一>好多時,老野做好心,又未必真係害你。

例如,叫你做收租仔,可能係佢後生個陣經濟起飛係WORK,但現在香港經濟雖然大好,但能否好似過往咁倍數上升?早排經過貨櫃碼頭,櫃0既數量已經大不如前。大學生人工幾年無升過,是否老闆都是PK都是刻薄?還是開支去左第二度?

又例如,叫你打份好工,穩穩陣陣!又是否抹殺左追夢之路?尤其係,讀書一般0既老一輩,佢自我滿足一生走得不錯,但比佢讀書好0既前輩呢?你走去學,都唔會去學一個係同年齡成就入面唔高果個啦。

阿前輩錢比你多,
樓比你多,
自由時間比你多,
又是否只因佢撈多你二十年呢?

老野好多上左岸,或者上左一半,再或者佢地老到上唔上到都無乜所謂。但青春是你的,若跟一個人生比賽大半世都係LOSER0既人走同一0既路,是否明智?

有好多人呢,如果唔係1997令DOWNTIME十幾年,一早財自左,又駛乜而家先走出黎認叻?

<二>佢地無試過其他路,覺得自己幾十歲靠呢個方法安然生存,咪介紹比你。

佢叫你打工唔好怕蝕底,
叫你默默耕耘,
努力進修,定有出路?

而家咩年代?

即使我呢D GENERATION X,比人話政治冷感出生在夾層中,都建議做人要SAY SOMETHING ALOUD!

當年,我個年代,出聲就是異類;現在,回頭睇番,當年靜靜的一班人,也做著我當年的事情,足足遲了十多年。當年有個同學,因不滿某出名玩野老師加同佢頂撞,結果實習肥左要重出,佢嬲嬲地索性唔讀!其他百幾個同學點睇?只為小新聞,無人敢正視問題。。。

若然當年有人肯挑番個老師機,肯定實習制度會公平好多,至少,唔會比一個人決定生死而要去刷鞋!

如果你坐巴士,有人食煙你會點?可能你會出聲。我?一定0。1秒反應即鬧,幾個月前,我先係巴士鬧過有條友仔係車上面食菜肉包

人地唔敢講,咪我講LAW!

所以我現在好喜歡我的生意,打工仔最怕無份工,我?如果你攪我,我一定玩番你轉頭,因為,我老闆就係我自己,再者,我從來唔需要低聲下氣去搵錢。

或者係我好命水,但係我明白自己性格同長處,知道前人某些路跟本搵笨七

<三>基本上,年代唔同左,未來的日子是年青人的,你重聽班老野老點,是否忘記你父母為何叫你讀好書?就可能因為當年因智力或墨水不及同輩,希望係你呢代有所突破!

可能,我父母讀書唔算好多(爸爸是某澳門名校出身,無錢但全靠我阿麻夠怪獸吧),我老豆都只係同我講過渣筆搵食好過體力勞動,可能對我無乜大期望,我更加無乜壓力。

但係,如果我只係做番我大學本科專業,到而家阿婆樓收租年代,跟本只能一路工作一路生活,談不上財務自由,談不上算有兩個錢。

我0既本科專業,好聽唔好食;
我0既小生意,好食唔好聽。

期待真正財自,可以再多D時間陪下父母。當我問我個女幾多歲就唔同我出街0既時候,佢話佢唔會。雖然我知無可能,不過心裏依然暗爽

到你有一日能易地而處,將隻腳塞落人地隻鞋度,你就會明白當年父母最想要乜

我相信,父母只要你活得開心便可,若天天等待八號風球出現,何不闖另一出路?

<四>若只講買樓,後生仔買樓推高樓價,才是老野真正BUFFER,當數價波幅(非大跌)之時,呢班後生就係緩衝區,至少,佢地會用上十年時間去死供。

呢點唔詳述了,因此文比預期字數多左三倍,而我又講過N次。或許,樓價永不跌,反正我現金流升幅比樓價升得重快(最新新聞五年升左80%,我五年升左三四倍!)

其實收租老人又好收租後生又好,根本唔關我事。不過就好似有人係車上食包咁,我就係忍唔住要出聲。

女主人成日怕我上左YOUTUBE,我都未驚過。。。哈哈。

人地唔敢講,咪我講LAW!

係度感謝SHARE過我網誌LINK上DISCUSS0既"全職小股東"CHING,我每天也看看反向連結的。雖帶來流量不多,也再次謝謝SHARE到BLOGSPOT去不到的地方!

如果能力許可,請SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


2016年9月19日 星期一

以債租樓 首次收債息

自從上個月轉左去 INTERACTIVE BROKERS 之後,一直試緊以下操作。

1。買美國公司債
2。買金ETF
3。做(2)的COVERED CALL(當佢係GLDI做,原來好難攪。。。)
4。低息借錢

女主人0既愛麗絲 Q POSKET!
黎緊會出其他公主系列,真心幾靚。

見有BLOG友(魔兄)買HSEA 同HSEB (不詳述,請GOOGLE),同埋有BLOG友買不同月份派息之股票做到月月有息,我又PAT PAT痕試下。

不過自己就買半年派一次息0既公司債。

買年期短,息高高地。

世上邊有咁筍?當然評級唔高,都係B1-B3級別,兩三年到期個D。

買上六隻,
每隻半年派息一次,
就可以月月派息。

大約每隻買左十萬美金,即係六隻要HKD470萬左右。

1,5%年利率之下,每月六千港紙利息左右。

中秋節追月日終於收到首隻利息,無稅又無扣手續費之下,袋左3750美元(未計我高於PAR買的成本)。



阿Q精神,小弟除左無限補時之外,就係以X買Y!

此為以債租樓!

!!!!咪撚ON9。。。

其實D錢係自己,都係左手交右手,債券派息D錢,同我股息D錢,同我小生意搵番黎D錢,放哂同一個POOL度,其實無分別!

點解收租仔當D租金收入係用黎供樓?其實佢地份工作收入也是供樓。

偷換慨念而已,D錢入左袋就係你,又講乜鬼租客代供?又講咩幫人供樓?

算吧,左邊袋個一蚊同右邊袋個一蚊係一樣架。除非,你真係唔工作,得一邊袋有錢!

不過,得把口話半退休0既大把,
真係可以楊逍、范遙又有幾人?

每當有人話財自,總有人話唔夠,出黎多多口水,其實可能佢又做唔到,講我又有咩謂?等自己好過D?

如池兄所講,成吉思汗不斷征討,先有大業。不過我話,好似宋朝咁,收埋研究下宋明理學閒適一下,人民所得滿足感又不一樣吧。

再者,多錢唔代表你要蝦人,做個大唐盛世也不錯。

大話怕計數,如果我付出HKD470萬(只是借來吧,收租仔最鐘意叫呢D做零成本),每月生出現金流已經夠租樓有突好多,粗略計下YTM至少5%,交租後仲有錢剩。

喇,你話幫人供樓,調番轉諗,出600萬FULL PAY 自住也非不可,仲好鬼低息。首先,你要夠流動資產去借。不過未計差及管而已。

咁。。。其實我呢個CASE,真係可以坐定定睇時間食糊喎。

等唔砌,咪又做多幾年,個現金成份再大D,到時選擇又更多了。



中秋去左屋苑個草地玩,另追月日又去冒險樂園放電!

早兩日經過書局打書釘,見到財叔本財自書,要計,我足足可以早佢十年財自,而且唔係靠物業

我反而最想知係,佢當年讀得書0既同學,現在是否在乞食或在捱騾仔,還是成就已經遠超一般人。(當年讀得書,起步快,不論錢同名利也不難到手)

可惜,卻令一眾年青讀者,
以為讀書或許無用,
以為財商現金流才是皇道,豈不可悲?

我明白,從佢本書裏,看到一絲絲被人睇唔起想出一口氣0既感覺,就正如80後求死隊長一樣,嬴左就想牙斬斬。

其實,有D人跑得更快(同年齡之輩比較)你尾燈都未追到。。。

有機會再講下最小弟現在的投資組合。


強烈請求~~~
SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年9月12日 星期一

經濟十年來 是越來越差?

男主人開始有儲文習慣,不過係儲標題,適當時打番內文便可以PUBLISH。

以免有時諗起又唔記左想打乜。今晚二人世界食飯個陣,問女主人開咩TOPIC好,佢揀左FREELANCE師妹,不過,我又唔想講女仔(講得太多了吧),即係問完佢又唔接受意見。

又有時,我唔知果個星期砌邊隻高達好,叫女主人同我揀一隻。其實都係BB戰士,但每隻難度不一,有時佢揀個D我覺得未夠能力砌,又唔理佢意見

其實,當時我心裏已有個大概想砌乜,不過又順手問下睇下中唔中0者。

其實我有既定答案及立場
所以口不對心在所難免

AMX011,ZAKU III CUSTOM
六七年前買入砌埋,搬過屋又放埋一邊
將佢重噴金屬色,其他乜都無攪。

今日同女主人講開(其實成日都講),經濟真係唔好咩?

2006至2016,每年電視訪問街上路人,過時過節又好,平時對政府意見又好。被訪問者都係講"經濟唔好"!真係十幾年不變。

其實,經濟真係唔好?

2006年,我應該全力初同拍檔一齊撈,一開始得三皮野左右。
2009年,女主人創業,營業額頭兩三個月先得個十萬(不是純利,佢條數好難計),我都係五至七萬左右
2011年,我拆伙,首月已過十萬,估計當年女主人每月都三四十萬營業額。
2016年,呢一刻我接近廿二萬,女主人今個月淡月都有三四十萬。

真係有差左?先唔理女主人已經第二次細鋪搬大鋪,個SCALE大左自己生意多左D,我呢邊簡直係從未差過。

或許同炒旦技術及商譽有關,但係都無理由直線上升吧。而我仲要三四年無加過價,大幅落後於通漲。。。(其實我懶,唔想加。)

咁個班話經濟唔好0既人,係咪真係咁諗?

講明先,我唔係用自己收入去計別人,不過我兩公婆生意都係普通大路東西,無錢自然會慳唔黎買。如果經濟唔好,我兩公婆都只能拍烏蠅!

出街食飯一樣有同樣現像,出名少少0既都要等位,話唔埋係同你講今晚FULL左,又或者兩個人唔招待,位都唔比你輪。

以前,我記得又一城間LITTLE ITALY係唔駛等位直入0既。。。

FB更加見到唔少朋友狂去旅行,富貴地生仔。。。

咁,究竟我加埋我身邊朋友,同電視入面個D人,係咪係兩個平行時空生活緊,而大家又互不接觸呢?

定係,個社會M形得咁緊要?(咪住,我都只係窮人中比較好少少個班,講讀書識字可能會階級好少少)

定係扮窮,扮經濟唔好,想LUR地搵錢?叫政府幫多D中產舒困?

我估,無非以下原因

1。人講你又講,當係開場白,咁我都無咩好反駁
2。扮豬食老虎,好似小學雞學霸考完試話唔識又話無溫書,但點知考出來好X高分
3。人心不足,自己好左,見到人地更好,但係又做唔到,咪覺得時不與佢,經濟差左!
4。我都唔排除,真係經濟好X差,世界末日到了麼,大家賣哂D身家出黎食餐勁0既。

其實佢地有既定答案及立場
所以口不對心在所難免

財演叫你買咩貨,基金經理叫你分散投資,收租仔叫你借盡一開二,全都有立場。

叫你買金可能好D,都係多個人加入,小量買入分散投資也好。

最後講句,如果香港經濟呢十年算差,咁日本個D叫咩???


估唔到淘寶番黎個支藍牙K歌無線咪(K068),最後係比個仔用黎唱兒歌!
其餘成員對支咪不大大興趣!
好唔好玩?其實只係一支喇叭,不過音質叫做好少少。



再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


2016年9月8日 星期四

Azzita 電動平衡車創業 我影響的師弟之一

本BLOG非投資BLOG,一切投資事情皆我個人行動。每人風險承受能力不同,請勿跟車太貼。
本BLOG亦非搵錢,所以有咩大茶飯唔好找我,除非資金會用作慈善用途

咁寫黎做乜?

1為紀綠自己故事,BLOGSPOT計有三四年紀錄,有時站在最終看最初非常有意思。

2希望刺激年青人創業,趁後生乜都試下,成功也好失敗也好,反正無野好輸。

3提出世代鬥爭重要性,下一代如果無辨法命中上一代要害,跟佢地走舊路,最後只會變成佢地奴才。。。(例如你傻傻收租做人BUFFER?)

今次立會選舉2016,我無得投票,不過好滿意今次結果。年青人上台,不論是否有幕後金主,至少對年青一輩,命運自決觀念是一支強心針。

只要有決心,搵出漏洞,對付前一輩0既人輕而反掌!今次係乜?網絡力量!同埋年青人個一種熱血。

(講明先,我有得投都係投建制,因佢地真係幫到我屋企老人家!)

男主人窮鬼一個,無車無樓無番狗!番工閒時坐巴士,趕時間坐的士!(唔鐘意坐地鐵)

有日,坐巴士番公司時,見到個師弟,細說大家近況!

先講講幾年前阿師弟背景:

1做紀律部隊,幾年前辭左職。
2辭職後我最UPDATE係做緊EBAY生意
3有一拍左好耐0既女朋友,係佢師妹黎(再細我一D)
4師弟細我好多,當年應22歲左右。現今28歲吧。


************

2011年1月16日YAHOO BLOG文節錄(不在BLOGSPOT)

每逄星期日, 我番完自己工作, 都會去女主人個邊"踩下線", 我唔係去幫手, 只係覺得去行下幾舒服....
過去, 都有唔少嘉賓黎探我, 講實在d, 都係d 舊朋友舊同學黎吹水懷舊一番.
今個星期日, 有兩個師弟入黎傾計.
多謝你地杯hot mocha!
私穩關係, 佢地0既事倩我唔係度講了, 我想講0既係, 呢兩個年青人都係二十二歲, 仲有大把青春.
如果佢地早一日知道呢個遊戲點玩, 或者會行少好多冤枉路.
或許佢地係想學期權, 都係個句, 教人唔係唔得, 不過到呢一刻為止, 都係教果個死果個, 有個好frd 0既同學提過我:"你亂教人, 等同殺左佢", 恍然大悟, 自此唔再教現實生活中0既人, 始終人人情況唔同, 可能別人0既資金有限, 一野死左成世都搵唔番....
投資方面, 師承三人, 分別係"買股票", "玩期權" 同埋"點借錢" (後兩者網上學習, click link 可以到佢地網誌, 前者係生活中自己朋友黎)
理財方面, 男主人並無任何啟蒙, 真真正正自己諗出黎, 早係06 年初玩股票果陣, 已經plan 定財務自由了....當年仲未識得女主人.
今日同兩個年青人傾開, 先明白點解咁多人睇完poor dad rich dad 咁大回響, 而我自己一d 都無....
女主人講:"可能佢地特登過黎, 想學番d 野或者有點得著, 你九唔搭八同人吹水, 人地會唔開心"
其實呢樣野好難做到, 一黎我怕殺左佢, 二黎無理由好似教書咁教佢, 我又唔係成功人仕.
今日我只係將我0既故事講番比佢地知, 就正如我當初係yahoo blog 搵d 三十幾至五十幾歲0既失敗blog 睇一樣. 生命無take 2, 學識人地點樣會炒車/一事無成, 先可以避免失敗.
到四五十歲人先發現, 買入優質資產產生現金流 / 借貸同負債, 係唔係已經太遲? 已經比人少左十幾廿年複利光陰....
又或者, 做多五六年野, 先發現中左三份工陷阱...到時真係欲哭無淚...
最後一句, 廿歲出頭後生仔, 無野好輸0既時候, 好應該試下唔同0既工作/生活, 等自己搵到屬於自己0既路. 當然, 本身人工好好的話, 就利用空閒時間搵d 野試下啦.

當年, 我放棄打工仔生活(其實加埋都係一年多少少), 果陣好鐘意聽呢首歌.
"逆著風 讓自己體驗每一個感覺"
註: 其實見番你地, 我好開心~~~


************
入面提到,有兩個師弟

其中一個已UNFRD左我,因為佢是黃我是藍。。。唉~

另一個(之前做紀律部隊那位),早幾日見番,原來剛剛創業!

咩來?就係電動平衡車維修同提供場地!GOOGLE可以搵到佢地。

觀塘「踩」場 電動平衡車任飆


有FB PAGE,有個五千呎場地!




八月三十一日買左個老翻LEGO,$188。
砌左好多晚,八月六日完成!
一共669塊加PC件,成品在下方!
(無砌高達,唯有父債女還!)

主攻年青人市場,開業半年,已回本。抵讚。

如果我後生少少,又或者有人陪我去,我都想去包場玩下呀

聽到呢度,我已經無咩問落去。無謂問埋D傻仔問題!

咩係傻仔問題?就係D人知道我做乜,或者女主人做乜,就會一知半解咁亂九問野,又或者一開始就問你商業機密。

呢位師弟,為理想放棄左D乜?

佢話,放棄左份人工!哈哈,我估開頭個份紀律部隊人工應該唔錯架。咁EBAY個陣應該又唔多錢(佢稱為TRADING,應唔唔係我呢D外行人諗得咁簡單0既)

另外,放棄左條女,就係今年年頭,佢太忙唔得閒理佢,同埋被埋怨,再加上覺得大家越黎越遠喎(呢個一定,由公務員穩定工作轉去搵朝唔得晚又唔知成功與否0既生意仔)

仲要,唔係一般傳統老一輩憧得0既生意模式喎!

點同父母交代~~~

不過,阿師弟現已有另一新女朋友,我睇左相,照計身材樣貌比上一個正好多!!!!

哈哈,是否損失?還是所得更多?

我亦都有點沾沾自喜,因為佢提番舊事,原來我都親身同佢講過:

既然無野好輸,做乜唔去玩一下追下夢?

題外話,呢位師弟個妹是一位靚到爆0既TVB後生新聞女主播,大家差唔多每晚都見到的。(人以群分,你見果DON99收租仔,識得D咩人?)

我都問埋,黃絲師弟做緊乜?

佢繼續係公証行做文職。估計佢進修左個學位,話佢而家打打算考消防幫辨定督察喎!嘩,成28歲仔先去做,重未知成功否。是否浪費光陰?

你估打機升LEVEL要練功咩?

呢一條路,大部份70後都適用,就係讀好書搵份好工。有份好工,就可以不抗上一輩,因為上一輩會退休,你等下就有位上。

80,90後,又有誰會中呢D陷阱?現在人人想做政府,老師,護士為熱門鐵飯碗。

好彩另主人係70後到尾好近80頭。呢招唔0岩用。

再者,我從來認為,自己的路自己走,時移世易,人地成功只能參考不能亂跟。

最後,我唔知呢個算唔算成功例子,不過,


千里之行,始於足下。

看完此文,若熱血沸騰,何不想想自己有咩夢想?你唔係仲諗住好似求死隊長咁,乜都怕死只要求生存下話?你咁憎老人政治,郤又走去跟埋老野一樣守規矩(守佢地訂下0既規舉),另一方面又讚美衝擊同掟磚0既後生仔?

講多一次,我係藍絲。只係,無論社會安定與否,我都有方法安身立命,去適應去衝破前面0既問題。做人,唔應該係咁咩?

成品比想像中靚呢!我有冇份砌?我只係負責加固同監工,悶死我!超過90%係佢砌的!


舊文相關系列


再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年9月5日 星期一

舊拍檔教識我的二三事

你不明白我,可能我們層次不同;
更有可能,從小時候我們的資質已經大不同。


男主人2002年開始炒旦。

伸延閱讀如下

我的藍海一: 我的生意像澳牛

我深信的人生遊戲


頭一年是打工,只能算只一位雜卒,師承牛津大學碩士畢業中年男

之後離開左,去左讀書,同時同個拍檔去左一齊炒旦。

佢提供場地,我游說佢走去做藍海式炒旦(特別市場炒旦,客源不同)。

話說我拍檔其實2002年已經相識,如果以炒蛋形容我既工作,當時我哋都係一個外賣仔!(時間重疊左?因為正職炒旦,PART TIME外賣)

有邊個人年青時沒有捱過?當時乜都唔識,又無目標,反正無野好輸,就乜野相似工作都去做下。

當時我拍檔剛剛2002年俾人栽員,之前喺明報做編輯

2003年嗰陣,有日佢打比我,佢開咗個辦公室。諗住學人炒蛋,用黎補貼租金。(即係話,佢最初都只係打算用炒旦黎濕下腳,無諗過會搵到咁多錢)

好多人好想知我做乜,
其實講出黎真係得啖笑。
(同樣地,呢D得啖笑又搵到錢,不過唔係人人得咁解0者)

開頭我拍檔佢自己又唔識炒,本業又唔生性。結果日日蝕租!呢樣,應該係大部份人初創業0既死穴,走不出棄不掉!

個陣佢搵我哋外賣仔"合作",成班外賣仔,冇一個理佢!當然啦!D人都覺得炒蛋冇前途又無保証有錢搵,得我一個睬佢!如果講炒蛋經驗我絕對多過佢!咁最後當然可以力挽狂瀾造得唔錯啦~

講炒蛋我應該教咗同幫咗去唔少,
但係如果講做人或者人生經歷佢應該比較多,
佢大我十一年。

BB LEGEND NO393 FULL ARMOR GUNDAM
其實係裝備左三神器0既KNIGHT GUNDAM
好辛苦咁用膠紙分色,再金屬色噴涂,再加手油。

以下簡單講下佢嘅性格

<一> 小男人半生
點解小男人?因為佢一向做明報小編輯人工低,佢老婆叫做係公務員,應該都高級嘅社工!

聽聞佢老婆係潮州人,結果睇錢睇得重除咗睇錢睇得重又鍾意自己話事。喺屋企鬧仔女逼佢哋讀書,我相信我拍檔啲小男人又唔敢出聲,佢D性格應該係咁樣做成的!

<二> 妒人富貴
正因為佢比較小男人,而佢嘅財富度積聚得比較遲!成三十幾歲人先你搵到錢,結果當佢見到佢自己樹仁書院(都仲未係大學)嘅後輩上左位,就心懷不忿,好似人哋 呃咗佢錢咁樣 。

同樣地,女主人當年攪生意,佢都唔抵得,成日暗窒我放棄炒旦幫老婆,其實我同女主人生意係互不干預的。

<三> 一朝得志
最後雖然我脾氣暴躁,但都唔會喺生意度玩嘢!佢賺到少少錢就一朝得志,得罪客人不特止,仲俾客人玩返轉頭!(好彩果陣我已自立門戶,否好無辜!)

<四> 貪得無厭
其實唔止我老婆,我以前啲女朋友都講過!其實自己開一檔炒蛋搵嘅錢更多!唔使分番份畀佢!

其實分俾佢個份,都已經可以夠交租有突,當然係佢嘅角度覺得我走唔甩要用錢去交租比佢。其實我只係因為想避免孤獨地炒蛋,同埋有時可以放下長假又唔使我蝕租。結果我都留喺佢度直到2011年我終於離開咗佢~~

最後,佢開我每月17000,我比左兩個月就走左。之後見佢想分租比人。。。一路叫價由九千去到三千,講真,邊有人會理佢?真係比到幾千蚊,不如慳慳地租個細鋪仔啦。

呢口價17000,到今時今日都仲貴過我0既鋪租!(低成本創業。。。)

再講多一次,論炒蛋佢有排都未係我嗰皮
論技術同論經驗我都俾佢多
不過呢,講人生經歷,佢比我多。
無論佢成功定失敗
都仲係有好多野可以學習!

如果講佢上半生,佢做人都算ok,只係下半生突然搵到錢,因財失義,見利思遷。

當年佢嘅炒蛋只係一片紅海,係我教佢走入呢個藍海市場。

藍銀色甲,係銀色加透明藍同小量透明綠
出黎效果比我想像中好!

咁佢既前半生又有啲乜嘢值得參考?

搵老婆一定搵個後生過自己幾年嘅

因為如果搵同年齡嘅女人做老婆,當你三十幾四十幾歲個陣,因為男人老得慢而女人老得快。(女主人咁童顏就例外)影相拍埋一齊好似姐弟戀,到最後個男人可能就會嫌棄佢老婆已離婚!而我拍檔就係咁個樣生咗三個小朋友最後都要離婚!社工自己都要離婚,自身難保,係咪好正呢?

女主人細我六年,所以呢,如果呢個BLOG由佢寫,"一位八十後女人仔,創業兩年已儲百萬",是否來得更震撼??(其實我差幾個月都係八十後了。) 

開舖裝修慳得就慳

我舊拍擋每次搬舖都花十幾二十幾萬去裝修!所以回本速度極慢,而當時佢都只係搵三五七萬一個月。咁你話幾時先回到本呢?呢樣都係佢同我決裂嘅原因,因為我比佢0既錢都只係夠交租,唔夠佢去計裝修條數!

男主人2011年正式獨立運作,成本約十萬,一個月回本。。。當然,我呢D CASE梗係本身有客底先做到。 

我要去報稅

當然佢冇咁好死會幫我報!只係如果佢將我條數計埋入佢公司嗰度,佢要交多D稅。結果我就自己計自己報。

我相信好多炒蛋行業行家都未必會報稅(因為收入唔多?)

當然而家梗係持之以恆行上地有去 報稅啦,搵人做稅務計劃咪輕鬆好多

提下各位,毛利有二百萬以上係唔可以網上報,倒不如比人幫手攪。 

千祈唔好同初戀拍拖至結婚

我拍擋就係未玩夠!或者咁講,佢未知自己鐘意D乜咪盲中中去左結婚。

結果人到中年,離左婚,好有可能係為左有得去玩。

玩妹妹仔都仲OK,佢走去識大陸女(唔靚),或者新移民女。而家係點?我唔知了。。。

如果有時光機,可能佢再溝多幾條女先揀定結婚可能仲好。

唔好嘗試去出名

正所謂人怕出名豬怕肥,當佢生意好果陣,成日想去包裝宣傳。其實個市場好細,唔駛出位都可以好好搵。始終,你唔知係暗角0既人會對你做D乜,工作上保持低調係好事。(其他地方HIGH PROFILE我又覺得好玩,但係工作就真係悶聲發財算了)

呀。。。我拍檔都一把年紀,我有時唔明佢做乜要咁高姿態

搵男人,搵個一開始就搵到錢0既

呢個唔係現實主義。我想講,如果係好似我呢D白手興家,係初段收入已算唔錯0既人,唔會因為中年突然暴發,繼而性情大變再拋棄糟糠!

正因為由經濟唔好個陣我收入已比同年朋友高(小弟公屋仔,無乜人有超厚家底),我更加明白錢唔係咩一回事。道理同讀書一樣,讀完大學,或者碩士,都唔係咩一回事。係咪?

拿,我話唔係咩一回事,因為我擁有,並唔係果D無學歷80後求死個種笑人讀書無用。

讀書當然有用,不過此劍在手,其實又無咩大不了,因為大把人有。

同時一千萬流動資產,都係大把人有(唔係講果D減完樓按無乜錢剩個D呀),其實都無乜大不了。

又再同時,有個四正老婆,老豆老母又無投訴,又唔係咩大不了。

再又再同時,小朋友樣子端好,其實亦無乜大不了。

不過,當同時四劍在手,幸福感便滿溢。

我唔係想串阿求死收租仔(其實佢係咪麥當勞經理?),我只係覺得,如果我拍檔有時光機從他年青時再來過,娶過一個喜歡的人,讀好D書,可能今日條路唔會走成咁。。。

前輩(老屎忽)走過的路,絕對有參考價值。

睇人仆街唔會開心,只會提自己唔好仆!

特別鳴謝唐勤兄(定係唐勤弟?)比面在BLOG中提到我。

最初寫此BLOG原因,都只係想講下,趁年青試下追夢亦無妨,何必要走別人訂下的路呢?當初別人用奇怪眼光看你,因為你好古怪;時日過去後,困在籠牢的他,卻想爭脫,反抗,走一條不同的路。

當初的怪人,回頭一看,人生不追夢不嘗試冒險,他們才是怪。

兩隻騎士好達,好正!
第三隻又放埋一邊遲D先做啦~

另,九月預計毛利約22萬!竟然比上年多。

即使股票唔升,我都可以係時限內財自。

"車,有錢,好巴閉咩?"

係,真係唔係咩一回事,只係人生在世,閒時定D目標比自己,生活才有趣味。

你不明白我,可能我們層次不同,
更有可能,從小時候我們的資質已經不同。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年9月1日 星期四

我的財富大道(2016) 四十五萬人次

不知不覺45 萬人次了。眨下眼咁快,果然同錢銀一樣,後期加速得好快,也謝謝各blogger 比面互link。亦多謝各讀者厚愛。
(如果我LINK漏左,提下我。。。)


講過會找數,一百萬時抽獎抽高達

打算加番個google ad sense,以不扣除成本之下,全數捐與慈善團體(東華,保良,明愛之但一間。)

今日東華三院賣旗,每年必買!

咩叫唔扣成本?我只花自己時間。拿,若有一日我癲到買google ad words或facebook promote,我自己掏荷包比,絕不從ad sense 扣除。

就同打機課金一樣,玩得過癮便可。

以下是財富累積大道上下集:

我的財富累積大道(上)


不知不覺,今日建行$5.8,即而家淨資產值$1160萬,比上次有紀錄下(2015年二月,建行$6.2),850萬多左唔少。

原因主要並非來自股票升值(跌左丫)及收息,係主要用左三球買股票(如下LINK)

男主人3球終於出手了!回顧:準備下一次出手


哈,咁算咩成績?係喎,我由頭到尾都話我財富係來自工作,投資成績我一向麻麻,只求有個資金停泊處。

潮漲潮退間,資產多少我都無乜所謂,佢唔減派息會一路持有。

同樣,如果三年內佢癲到上十蚊,即時take profit 走人。

細佬番適應班了。。。令人擔心,佢實在太曳。

東方日報報導出街後,最好睇係discuss d comment。

1。我個頭,並非影相咁誇,但我溝到女喎(而家都應該溝到)。睇番我老豆,當年佢已好前海FEEL,係度講下,早日睇醫生係可以減速既。食寶康絲啦。

2。七十後94年買樓?噢,我係好尾既七十後。爭四個月就80 後,所以有人計到係八十後。我估求死隊長我我都係差一歲。

3。有人話回報低,其實你揸住幾球流動資產,唔會all in 700啦,買非成份股又唔會咁大注。當年我個期權short call 倉去到四五百張交行,一轉倉手都震埋。

4。持有派息大市值股我可以放心去工作。

5。另,月入十幾萬非老作,小弟d 老前輩收入更高,我只算係同年紀個批叫好少少。比起食大茶飯既生意,我呢d 根本不算什麼。(太多人未見過大蛇柯尿,我只是蚯蚓)

6。另另,資產只是我一人,我老婆應自己有三百萬左右(佢唔鬼計,我次次要問佢先知個數),並非discuss 酸友講每人得五百萬。

7。又有人睇錯一年儲三球,其實係一年儲一球呀,邊有咁勁。另外,每月180k,並非一開始做到,都係呢兩年既事。

2010 前
我都只係一件搵三五七萬一個月既廢青

9。其實,工作收入effect 遠遠比投資回報大;同樣,自住樓而言,工作收入快過樓價升幅呢。如我唔做收租仔,買或不買也差唔幾。
2010 前股市跌,我要all in 才比到首期
2016 我all in 已是可以full pay.

家姐五歲挑戰難度,我做監督好Q辛苦!今日進度係咁多。開學再砌!

財富大道最後直路,為期三年。

當我多三球現金,加埋女主人就六球。我地住普通平民區域,一千萬樓已算最好,差唔多全區任揀。

咁點供?股息,債息就攪掂啦。

九月十二日首次收債息,到時再寫。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE
Related Posts Plugin for WordPress, Blogger...