小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年11月28日 星期一

射倉收費估算 (中銀 一通 致富 輝立 中信 CITIBANK 渣打 HSBC)

呢個係前文0既續集,有興趣可以睇下。

股票射倉有$2000回贈,中信射倉去中銀!

若覺得此文有用,請FB分享一下啦


結果三個月後,我張中銀信用卡的確係多左三千蚊(之前以為2000,原來EMAIL特選客戶係3000!)。

但係我又發現,中銀射倉異常地貴!貴得離奇!真係好搵過打劫。

賣左佢?手續費更高。一般銀行都係咁上下。

以下只係估算,並非實際收費,計錯數我唔負責,有疑問梗係去銀行/證券行問啦。

除CITIBANK,HSBC及渣打外,我全部都做過射倉,包括射入射出。親身經歷。

射黎做乜?原因有二。

一為作股票期權備兌,屬早期操作。二為避股息收費,五十萬股息,收費可以差二三千蚊!條氣唔順多過貪圖雞水。

留意本文文章日期,可能他日費用會變呀!

以250手建行(現價5.83),總值約145萬為例,經SI射去其他銀行/證行(並非提取實物股票),一般轉入都唔駛錢,以下只列出轉出成本!



由一通射倉走,即1450000*0。00002+30=$59

賣出至少四位數字(雖然只係5蚊佣,但港交所個D費用不能避免。)



由致富射倉走即250手*5=$1250<$400

好彩有最高收費。再多都只係$400。



由輝立射倉走,即1450000*0。0001+200=$345

個兩舊水手續費比得好唔抵。不過好過賣出!女主人用輝立,計過條數股票買賣費用同銀行有得FIGHT!不如放係銀行吧!



由中信射倉走,即1450000*0。00002=$29

你估佢唔到,射倉用中信銀行最平!我用過再CHECK過月結單,真係無計錯!
真心講句,咁多間銀行,我覺得最好招呼係佢地!可惜,我要轉戶口了。



由CITIBANK射倉走,我無用過,不過字面睇就係$300

<渣打銀行> 
<匯豐銀行 HSBC>

渣打射倉同匯豐射倉,呢兩間收費都只係差一蚊,一齊講。無最高收費!

250手*5=$1250
渣打多一蚊輸入費,認真無奈。
四位數已經唔算平,不過沒有太貴,只有更貴,睇埋下面中銀射倉再講



由中銀射倉走,很肯定數一數二咁貴,至少係上面兩間銀行0既DOUBLE!

每手$10!我同職員CONFIRM過,真係好難接受。

250手*10,即係$2500,仲無最高收費!!幾年前我都射過倉,果陣股唔多,都要成千幾蚊!

即係最抵係中信同一通(就係我呢幾年互相射倉0既銀行),幾百蚊0既有輝立,致富,CITIBANK。最貴係四位數字0既中銀!

即係話,我個3000蚊回贈,實際得500蚊!

當然,如果你轉一手大銀碼個D股票,例如新地,咁又另計啦~!


若覺得此文有用,請FB分享一下啦


WORKER-TYPE 定 LEADER-TYPE?

我兩個小朋友都係讀好正常0既屋村幼稚園,區內口碑中規中矩個D。

未完成0既閃光高達!

而我住個屋苑,應該都係中中間間唔平唔貴。難得0既係最大單位要八位數,呢D地區唔計自制相連單位,應該係佢最貴。

區內有唔少非學劵學校,有D仲出名到區外人入黎讀,為左升九龍區傳統名校TIM。

不過男女主人都覺得煩,又驗身又不停要帶小朋友去IN,再者,只要能力圈以內,便會有成功感。正所謂"寧為雞口 無為牛後",讀唔成書,大不了送去外國;讀得成,更加應送去外國!

結果,我個屋苑唔係好多小朋友讀呢間幼稚園,真係一隻手數得哂。

上年升左小一個位家長,將D新淨0既舊校服送左比我,真好。慳左0既唔係錢,係去買0既時間,同時減少浪費,心裏非常爽。

題外話,呢位家長搬屋(同屋苑),問多兩句原來兩房搬番兩房,只係而家住緊個到係外母0既。而另一位家長,住緊個度係老爺0既。條起跑線都好前下呢~

我以為佢換三房,佢話要成七百幾萬,覺得好貴,等佢去到六百幾先買。樓市其實好有支持力,即使我無手持磚頭,購買力依然有0既,不過細價投資收租客就可能走得七七八八喇。


小朋友科學探索日,以屋村學校黎講,咁多野玩算係咁啦,我非常滿意的。

因為呢位升小一家長以前係間幼稚園工作過,同D老師特別FRIEND。

言談間,佢原來以為我係做緊我大學畢業個行專業!其實我咁多年只係做過三四日替工咋。

問下佢點知(真古怪),原來係班主任講。咁應該係好耐之前0既事!因為我有親口同班主任講過我炒旦生意0既,點解講?當然當時有我0既原因啦。

番黎同老婆講下,其實班主任又知我老婆係咩生意喎!!重知道我老婆上過tvb/nowtv!

諗下諗下。。。一係個女講(個女應該唔知爸爸咩生意,又應該唔知爸爸大學讀乜喎!)

我老婆秒殺左呢堆疑團,應該係久唔久去接放學0既爺爺口多講0既(即我老豆)。

如真係我老豆爆我專業同老婆生意出來,非常正路。因為佢鐘意威威豬。。。

所以,小弟炒旦生意,我老豆佢就唔會講,因為係外行人眼中,跟本係d地位低,搵唔到食乜滯0既玩意。再睇埋收入咁多(其實廿萬唔多,2017應該維持唔到啦),又會諗左去第二度。。。

其實,唔止係班主任,有好多十幾年無見0既中學同學,原來一路以為我係做番我畢業個行。

計落D同學咁諗又好正常,小弟都算係半個學霸,咁班中讀書好少少個D,自然應該讀好書搵分好工好正常(我D讀到書0既同學都係咁),只係我古古怪怪我行我素0者。

真人係咪咁?哈哈,剛剛早幾日同幾位BLOG友BLOG聚,我就係一個無乜記性又唔ATTENTION TO DETAIL0既李力持咁樣!BLOG友講0既野,我幾乎有一半係斷片唔記得。。。(BLOG聚感想有空再寫啦)

喂,對小事唔細心好正常,我自己生意自己就係LEADER,根本無需要理D細節。真係要人去跟?留比WORKER TYPE 0既人代勞,比少少錢比佢地咪得LAW,出糧架MA!

根本係將軍同士兵0既分別!而我又好似乜七都唔識咁喎,其實,會唔會係我有D能力你一世都睇唔到?哈哈哈~~~

我最大能力0既運氣。信不信由你。

第二最強係我唔受得氣,對在上者我諗都唔諗直接X佢!(唔係求死個D為供樓打工,結果又為自由打工結果無得自由啦)

樹有高低人有高矮,如果真係覺得懷才不遇,工作又唔開心同事關系又唔好,有冇諗過改變下自己?或者改變下環境?

我知創業路未必人人平坦,但如果能力之內只能做公司中一粒小齒輪而又心有不甘,會否由細到大你0既能力已經比人塑造成一粒齒輪?

呢D,比高分低能更可悲。"寧為雞口 無為牛後"

似乎讀乜做乜呢個情況,係香港真係好根深柢固,係我眼中,果行都係得個名,講出黎好聽又唔好食0既專業。如果講錢,只能夠話係穩定0既低數輸出,相比炒旦,穩定高輸出。女主人生意,不穩定高輸出,真係無得比。

至於現時D加按收租仔,2007或以後加入個班,租金輸出其實更加少得可憐。。。工,咪又係要番~!

上星期五,陪女主人去CITIBANK開戶(佢貪迎新優惠),的確女主人盤生意講出黎好聽好多,我的炒旦會比人追問落去。

最後我都開埋戶,實在太著數了(另文再述)。

2016年11月22日 星期二

小朋友利是基金 回顧

事先聲明,如果以後我見到有人講利是基金又好,講類似操作又好,因為我好很七肯定我係第一個講而D人又係睇我果度學番黎,如各位讀者使用,請交出3%版權費,或者引用番我,否則我一定嬲嬲豬你!

拿,我真係好肯定我係自有METHANE NITROGEN同CARBON DIOXIDE 化何反應產生NUCLEIC ACID 以來,首個"生物"用呢個TERM!

哈哈,方丈份人好小器(唔知咩器),而我呢D小人物,你唔怕蝕到你HIHI又唔怕我係陰謀,你咪抄LAW!

咩係利是基金?咪就係將新年,佢地生日,長輩生日,收到D利是就會去買股票。

買乜?只能買有息派下,長輩又識,最好可以以股代息。。。

即係乜?咪又係匯控!

最貴由80蚊開始買,一路以黎最低四十幾又買過,而家升番六十蚊以上。

當然,拉埋係蝕錢,好在係一通買,佣平!連碎股都係好平!

有圖有真相,連有幾多都睇到。成本一數,其實係以股代息扣減出來的。

反正,一年利是都係一萬幾千,蝕極有個譜,小朋友咁細個,最適合玩無限補時啦,係咪?

基金年費同手續費?就係每次以股代息個D現金零頭(幾十蚊),我就懶得計番比佢喇。

上星期女主人生日,但係無厘頭食左兩餐,另一間係


G. Cuisine

原來止凡都係呢度攪過BLOG聚。靜靜地係唔錯0既。

最後,唔知咩事女主人今個月生意奇好。。。有利我地自由大計。

2016年11月19日 星期六

SGX REITS 蝕錢組合

以下是小弟SGX REITS 組合,係得五隻。

篩選方法,先揀市值,再揀地區,再睇DPU,最後揀派息月份。(以下為SGD價錢)


債券組合月月有息派之外,SGX REITS 同兩隻優先股(HSEA HSEB)提供額外派息。

一月 四月 七月 十月  HSEA
二月 五月 八月 十一月 REITS
三月 六月 九月 十二月 HSEB

成個組合,暫時都係蝕,尤其USD對SGD係買入後不停升,變相SGD資產就小左,另外REITS又跌左少少,又除左淨。真係要收番一年息先回本。

HSEA不幸中大幸,無太早買入,又係收一次息先打和(一年派四次息0既,不過又會除淨)。HSEB就好D無蝕。

其實最頭痕係GLD,暫時轉到就轉,轉唔到就接貨吧~~~

債價上落,相對上可以無視,同埋波動好小,始終短年期0既債,最後都會變番PAR。

對我自己來說,都係乜都唔攪會方便D。

奇怪0既係,HSEA 同HSEB 係MARGIN 要求低得出奇(8%),REITS都係8%,GLD 6%左右。。。。反而我D垃圾級債券(垃圾入面都有D好D0既),MARGIN要成30%。港股建設銀行都係30%。

應該同倉位大小有關,當買GLD/HSEA 買得多,個MARGIN要求又會大番。所以每樣買D,先可以用得盡個MARGIN。

怕唔怕爆煲?要連埋債券等等資產全部跌一半才會有事!世界末日到了麼?再者,斬倉又唔係乜都無,只係沽出部份倉位而已。

1997個班人中X哂招,用成三十年先回到氣咁可憐。咪又以為每次金融災難人人都好似佢地咁SUFFER至得架?最大風險,係IB有事就真。


近期無乜砌高達,拎番張舊相出黎。

呢隻可謂失敗之作,當年改色改到隻關公咁。

而家睇番,如果唔係呢隻野咁差,都唔會慢慢變成而家OK咁丫。

2016年11月14日 星期一

女兒爛手,問道於盲(心態決定境界13)

男主人已經好耐無玩自己個FB ACCOUNT (此網誌FB ACCOUNT 就有玩,不過無人MESSAGE 我),FB呢一兩年有個好玩功能,就係會提示番你當年今日UPLOAD過咩相!

呼籲一下,按個FB LIKE,支持一下,是我繼續9UP分享0既動力!

LIKE過0既SHARE一下吧(我認我貪心~~!)

咁0岩女主人生日飯,睇番D舊相,發現有呢一張"爛手相"。


女主人係緊張大師,郁D就怕有事。男主人看在眼裏,其實大驚小怪。

應該係個女幾個月大,見到手掌好似爛爛地,女主人怕之餘,UPLOAD上BABAYKINGDOM問人咩事。

結果D人叫佢即刻睇醫生,又話因為乜乜七七攪到咁啦,更有人食哂花生話女主人唔識湊小朋友!重有人聯想到老婆隻手有倒刺傷口會感染比小朋友,真誇張!

最後係咩?其實只係個女戴左對紅色手套,入面個D紅色線甩左出黎!哈哈哈哈~~~!

有時候,問問題問錯人,可能重衰過唔問。

當然,唔少得我老婆同我外母0既祖傳醫術啦,例如ALL屎唔出就話熱氣,無胃口就話夜訓,流個鼻水就話凍親。當然入面有更多攪笑理由,我成日暗笑佢地係中醫師,勁到唔駛望聞問切。

呢期成日同女主人煲此劇,所以少左寫BLOG
劉詩詩D楚楚可憐FEEL係幾正0既

女主人仲諗住,照個全身MRI磁力共振,就乜病都可以搵出來!(哈哈,肯肯定小至感冒大至愛滋都驗唔到!)

當然,扮專家0既人,總有一個係你左近。

例如個女初出世0既時候,女主人有位女性朋友,連男人手都未拖過,就對感情事照顧小孩事指指點點。其實佢根本乜都唔識,究竟比意見係唔係適當,係唔係可信?

小至砌下模型,我整個抽風箱出黎,已有人認為十吋風扇太大風會抽走D油,令到模型件上唔到油,其實呢,唔通我加左個變速器又要話你知咩?哈哈哈。。。模型我係新手,整呢D小工具其實難唔到我(我係力氣唔夠,腦筋還有的)。

又有模型老野同我講,要戴防毒面具,其實當然出於好心。不過經我測試之後,風力已足夠抽走大部份東西,其實面具作用不大。佢地無抽風系統或者抽風太屎情況之下,先會咁樣。

男主人炒旦生意,有冇人識少少扮代表?梗係有啦!普通朋友實會問你D傻瓜問題,有少少生意頭腦個D又會比意見你,其實,你又唔係我,又點知我想做到某一個點之後放手引退,而非想千秋萬代咁做落去呢。

假手於人而收錢?噢,我真係無諗過,因為我享受炒旦。唔自己炒,不如唔炒。

錢並非睇得咁大,多有多洗少有少洗吧。

女主人當年創業,佢個班打工仔舊同事都好多意見!例如選址,宣傳,競爭對手等等問題,佢地都有專家式0既意見。其實呢,最後一條意見都無接納過,因為明知佢地唔識又未試過創業,聽佢九UP有咩用?不如自己諗。

當然,兼聽非壞事,
不過都要視乎意見提供者係咩人。

佢0既可信性,
視乎佢0既身份,學識,往績。

男主人就係成日唔太聽人講個D粉皮,你我都係同樣一知半解,瞎子摸象,你最安全0既選擇,會否係我最危險0既選擇?

講得誇D,你想長生不死,點知有人話你知食屎可以長生不死。但係教你果個人又唔係真正長生不死,可能仲後生過你。咁你信唔信?

感想有二

阿女都開始升小一,其實入一間OK好0既學校更係重要,但如果追逐入頂級名校,小朋友又係咪果D材料呢?讀好書需要好學校?一將功成萬骨枯,名校入面成為枯骨,又有冇人公開講出黎?

叫你追逐呢個遊戲0既人,佢勝出左未?還是大家無厘頭追逐相同東西,死就一齊死,跑得早過你更有優越感?

其二,教你財自0既人(物業又好股票又好),佢叫你咁做,點知佢加按再加按,表面有幾層樓收租之下,係咪真係唔駛做?還是佢口講風流工,實際日日比老闆X,DUP低頭日日等八號風球

最攪笑者,為收多幾百蚊一個月租金,奔波文件同銀行之間,還滿有成就感。租客有野,親自維修!哈哈哈。。。真係專業收租仔。

投資亦如是,百萬股票倉同千萬股票倉已經好唔同,總不能COPYCAT吧?小賭怡情式0既高回報,眼光是有的,可是對財自或財富增值又幫唔幫到手

買金等打仗?雖然香港真係唔少老人家老左仔女唔理佢,不過,呢班老SEAFOOD未見過打仗吧????如果打仗,我估好多人第一時間打呢班無人保護0既老SEAFOOD主意,有金都無命享了。

小弟並無財金知識,好多操作都係COPYCAT一D成功例子,左抄右抄過來,應變大多也是跟人或衰左之後才學精的。

寫BLOG目的,其實就係留給同我一樣咁無大志,想靠小小錢渡過餘生的後輩參考之用。

究竟無野做係咪真係會好悶?
究竟財自生活係咪日日訓覺?
係咪教識子女好食懶飛?
面對通漲咁樣坐食山崩係咪真係捱得住?

我又唔係只得個叻字咁可憐(真正叻人是梁山宋江還是ON9呂布?)不用為成功感/存在感而繼續做一份自己唔鐘意0既工吧?

同兩個小朋友趟在床上,輪流一人講一個卡通人物遊戲也很有樂趣。

小朋友也不一定跟在父母才開心,每星期去長輩家渡假,曳下扭下計唔駛比爸媽管可能都好爽!

左面為阿毛唔識佢的。唔知邊個教細佬射波!
我老豆個手機長期加左個好油0既FILTER!嘔。。。

睇我D文章鋪排,就知我死剩把口,求求其其,錯左又兜得番,真係吹我唔漲架喎!

有機會講下我呢個唔識煮飯唔識摺衫由細比人縱壞0既末代港童,唔鐘意受氣唔聽人講唔走正路攪左劈屎出黎,比人知道以為衰過乞衣,但月入唔錯0既小小小小生意吧。

仲有,多篇文章帶有實數金額,亦為參考。離地與否,金額多與少?

有人覺得好多,其實更多人覺得少。

就簡單舉例剛剛早兩日止凡BLOG聚小弟資產肯定五強不入。

題外話,年青有為STARMAN兄寫BLOG原因很有趣,原來我們有相同取笑對象

謝謝市場先生小小意見,睇下唔加顏色背景會否更易閱讀。

*****

心態決定境界1 <運輸街車哥哥>
心態決定境界 2 <文員姐姐無手尾>
心能決定境界3 - 論創業 <叫朋友做影相佢當我點佢>
心態決定境界4 <四十幾五十歲個班西口西面女人>
心態決定境界 5 -- 淺淡同學妻
心態決定境界 6 -網誌被舊同學發現!
心態決定境界 7 -- 壞男人AGENT
心態決定境界8 - 短途旅行港人奇行種
舊拍檔的男性中年危機 (心態決定境界9)
煩膠阿四 以為自己做生意(心態決定境界10)
如何擊敗老土ON9大叔(心態決定境界11)
你依然對夢想頑固嗎?(心態決定境界12

2016年11月10日 星期四

US BOND ACCRUED INTEREST

昨日留言0既 TEAMKILL 兄,講開BOND BUYER 駛唔駛補番INTEREST比上一手SELLER,令我突然百忙之中CHECK下月結單,發現原來係有的,好鬼公道。

上INTERACTIVE BROKERS 個官網睇,大大個PDF講明要比。

不過收息果陣又唔發現有扣喎。

開番月結單睇就明哂,原來佢係買入個陣已經扣左。我一路傻下傻下唔知。


即係又再計一計,之前月份收到實際債息如下:

九月(NE),USD480
十月(BKR),USD1215
十一月(SPN),USD1169
十二月被CALL(TOY),USD1676
十二月新買(GNW),預計USD940

一二月會好好多,因為持有日數較長。
一月(NGL)USD1990(佢息低但BELOW PAR買入)
二月(RDC)USD3400

女主人話,咁都幾均真!哈哈~~~

另外,USD10000債,佣金大約USD40。除此之外,應無任何費用。

加上SHORT GLD OPTION,應該每月有萬幾蚊港紙落袋。

十一月重有SGX REITS,估計有USD3000。其實呢個倉位係蝕的,一黎蝕匯,二黎蝕價,因為除左淨,希望慢僈會升番上去啦。

隨住十二月同一月分別 HSEA HSEB 派息,各有USD3800左右。

每月貸款利息USD1450(八至十月少好多,買得少),暫時GLD OPTION可以輕鬆付責利息開支。


最後,今日外父生日,我趕唔切去,結果食自己。

諗唔到食乜,有人提議一個人打邊爐,又試下。

個種毒0既感覺,除砌模型外真係好耐無試過!最正係斜對面有個睇緊馬經0既大叔!

唔好食,唔夠食!食完到而家都好口渴。。。太多味精了吧

都係同老婆係屋企兩個人打邊爐好好多!

呼籲一下,按個FB LIKE,支持一下,是我繼續9UP分享0既動力!

LIKE過0既SHARE一下吧(我認我貪心~~!)

2016年11月8日 星期二

REDEEMED BONDS-Toys R Us Property Co LLC

先講講,我係INTERACTIVE BROKERS 買BOND 的。

呼籲一下,按個FB LIKE,支持一下,是我繼續9UP分享0既動力!

LIKE過0既SHARE一下吧(我認我貪心~~!)

個MARKET SCANNER 好方便。

其中一隻債 Toys R Us Property Co LLC  被CALL 走左。現債券組合如下:


留意六支債到期日,全部係2018-2020年,即係最多都係四年,短債好處係快D到期,如果唔違約,會以PAR收番,保本作用。

有研究所計過,DEFAULT RATE同評級以及時間有關。

評級越低,時間越長,DEFAULT機會越高。小弟愚見,一間公司係蝕錢,蝕幾年都仲OK0既。

如果一路蝕,佢個債價都唔會AT PAR,大多都BELOW PAR!

即使唔信評級,現債價都有一點點提示吧。

講番隻TOY

COUPON RATE 8.5,男主人100.25買入,算係AT PAR 吧。

佢NEXT CALL DATE係2DEC

早幾星期收到通知,話3NOV會 REDEEM哂所有發行0既債,上YAHOO FIANCE 睇睇,原來都有息派。

當然,一路都唔知佢條數點計,直到REDEEM當日過左,睇睇月結單先知。

佢係計由六月一至十一月三0既利息比番我



八月尾買入,持有到十一月頭,一共收COUPON 3.3左右(已扣減手續費及少少ABOVE PAR 差價),即係兩個幾月收3.3%左右。

當然,我唔會年化呢個回報啦,當初買佢都係因為如果佢REDEEM,我都會收到一次COUPON!

HKD25000 左右0既債息,本來係十二月份的,現在買左另一支債(GNW)代替。

就當同女主人聖誕旅行之用,已買左機票酒店,地點係羅馬。


BB LEGEND378魔龍劍士!
幾經波折完成埋手油部份

右邊係未上色。。。其實BB LEGEND出得幾好,唔上色都好見得人。


下一隻,左二個隻全能騎士!

2016年11月7日 星期一

食哂花生講DSD 未見官先打八十

呀,雖然無乜興趣入市,不過我有兩個QUOTA。

新辣招將DOUBLE STAMP DUTY劃一提高左。

"全面提高買賣住宅物業從價印花稅,不論交易金額格,稅率劃一調高至交易額的15%,交易時無物業的港人,可獲豁免新稅率。"

小弟無意收租吸人血,不過以投資角度睇,你仲會唔會去收租?

其實好多人都講過係點同埋估過會點,我又貼下圖同LINK



上面個圖,漏左講首置者分別係4.5,18同37.5萬!

即係話,超過672萬以上(上圖無咁細分),其實無影響,新舊招稅係一樣。

係咪會冰封中細價樓?

我只知,
要買黎住0既一定會買,
收租0既就睇佢醒唔醒目了。

其實,當你出貓住公屋買層私樓收租,300萬樓收回舊印花稅已經要10個月(當月租1萬再加佣金,仲要當埋你FULL PAY!)

45萬,要收幾耐?

若無視升值預期,呢15%要幾耐先收得番?再者,仲有冇得升?邊有咁多處女?

又有傻仔收租話,賣左買唔番,所以唔會賣。

當你簤股票個陣,如果預佢升,都唔會買番喎。其實唔賣個D就唔會賣,要賣亦可以有千萬個理由。寫文個條粉腸鐘意唔賣,但比個ON9理由佢解釋而已。

少左人收租,租盤會減少?痴線的嗎?不如睇下租樓人數有冇升跌!大陸人仲有幾多黎讀大學?頂唔順加租個D,一早買左啦。只有一路租開個D繼續租,相信租金壓力越大,租樓人數越少。

租約完左,租客重可以搬,R個平租走(至少,我續租都減左租啦,仲想加?),人人係咁租金真係會升?尤其一個人持有三層以上個D,租唔去唔通你食左佢?仲去諗賣左買唔番?

同一個淨資產之下,係咪有更好投資?

定係你眼界有限,
只係識得跟D大叔大嬸去買磚頭?

題外話,男主人呢邊1000萬樓都係租到3萬左右,150印花稅(舊辣招是75萬),要收幾多年租先收得番?期間3萬蚊都有2萬去左供樓啦。。。

300萬樓?租到1萬,當有5千供樓,唔減管理費同差餉之下,一年現金流入6萬,幾多年先收番果45萬?(舊辣招為9萬)

仲有比出黎個45萬0既機會成本同埋利息未計。

最後,新上車者用呢個表,你話樓價邊個位最易引到買家上車?


(剛收到已被REDEEMED0既玩具反斗城債息,約美金3300元,另文再述。)

2016年11月4日 星期五

左手交右手 以債買樓/租樓?

剛收到USD3100美債債息




即港幣24000!

扣除利息(其實今個月利息都係三四千港元),點都有二萬蚊落袋。

今個十一月,除美債息外,重會係月尾收到五隻SGX REITS 派0既息,大約二萬多元。(成個組合入面,港股同佢派息已算最少)

咁四皮野,可以租樓可以供樓,又夠養父母。


阿女識得自己沖涼了!阿仔都比以前聽話左,真好!

講番正題,班收租仔好鐘意講租客代供,咁。。。

我十二月會收到最後一次現具反斗城美債債息,唔通我叫做反斗城代租?仲養埋我屋企?

傻啦,其實只係現金流入0既一種,同我番工無分別(我知主動被動有分別),都係錢。

再者,我工作已經上哂軌道,其實同被動技能無乜分別,同埋我習慣早一個月炒好哂D旦,從來唔會有壓力或者趕工呢類野。

不過,呢D錢暫無打算拎出黎洗,由佢係戶由扣下數吧。老實講,工作帶來0既現金流,可能係每月收息0既數倍,於小弟家庭而言,租金支出真係九牛一毛,可能只係5-10%。

呢D以X供Y都係得淡笑,用黎自HIGH。

所以,我都想自HIGH一下,以金供息

即係以金ETF(GLD)做SHORT COVERED CALL同時又SHORT PUT(即係SHORT STRANGLE呀!),利用期權金收入黎支付成個PORTFOLIO約九百萬港紙0既利息支出。

因為INTERACTIVE BROKERS借貸成本真係好低(年息1.36%),單靠個總資產3%0既GLD 又點可以收到45%0既貨款利息呢?

十一月份係失敗0既。只能做到一半咁上下,不過九月十月夠補番有突。

今日GLD又上番124,KEEP到月尾又唔駛轉倉了。

其實,玩下期權都幾過癮的。(以前重講笑話用期權金供/租樓)

呢D以X供Y都係得淡笑!其實成舊錢都係錢黎。

如果要收租害人,影響子孫的話,當一個家庭每月能儲起25-30萬的話,一年一層收租樓,或者"三年抱兩"根本無難度吧。

不過,要我去等三十年等佢供完,但個人要繼續做,我就感覺麻麻了。

我D時間,唔係要黎咁樣浪費的。真係收租日日賺?還是在浪費光陰呢?

另外,已買入另一支十二月/六月派息既美債,代替被CALL0既反斗城債券。
Related Posts Plugin for WordPress, Blogger...