小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年12月5日 星期二

第二次捐款 捐書保良局

平時好日我都唔覆EMAIL,因為大部份都係問錢錢錢。

老老實實,我又怕教錯你,同埋我D時間心機用黎做更有意思0既事好過。搵錢都係為左買時間,掉番轉花太多心機去投資,不如主攻本業。(好似求死人工唔高可以另當別論)

近日想解答呢一個
你好,作為你讀者,我有興趣想知怎樣捐款到保良局學校圖書館,你覺得用什麼形式去捐去保良局較好?例如助養定一次性捐款較好

JXXXX

其實好容易,你走去是但一間學校,話想捐款但想指定捐去這一間(正常都唔會拒絕你),你怕佢問長問短,咪話你自己係舊生。換句說話,捐番自己母校其實最方便。

至少,咁樣少左益果班行政人。

我比較簡單,捐番比讀緊/讀過0既學校又得,係銀碼比較少,怕麻煩到校長/文職人員要上報拎批准0者。

另外,估唔到有人EMAIL向女主人伸出援手想低薪幫手做PART TIME(BLOG中有愛!),覺得老婆太辛苦?不過真係子非魚焉知魚之樂。

係果位同事放產假期間,有一眾PART TIME妹妹仔幫手,自己獨挑大旗,以前初創業0既成功感番哂黎。呢個都係我預料之內。

錢固然重要,同時成功感同存在感更令人將事情做得更好。

男主人工作長期都有呢D,只係覺得有時候總要有個盡頭,同埋多D時間陪屋企人,所以先想唔撈。

以下是第二次GOOGLE AD SENSE 捐款收據。

上次捐款去左邊?

ADSENSE作捐款 遲來的收據!



近月無乜UPDATE,所以善款數字較慢,估計要到三月先夠數。有機會的話,試下東華三院。

(其實,EMAIL問非投資上0既野,我係會答你的。)

2017年12月3日 星期日

化療始動 我可以唔撈嗎 35

講家母

家母已出院,各位有心。

出得院,即係戰場已經轉移陣地,要正面同癌細胞作戰了。

都係果句,不用安慰了。正如我太太一樣,默默地在旁幫了好多。

有時一個人是容易生活一點,係某D位,都係要一個伴。(側面估計某前輩MARBO兄應蜜運中,呢半年講煮飯仔多過投資呢。)

想幫手?幫我捐錢吧。

上一筆GOGOLE AD SENSE已全數捐與保良局某學校,作為圖書館購書之用。一共八百元(咁樣捐就唔駛扣行政費!)。收據今天剛收到,待下一篇網誌才出吧。

又另一篇預告,請工人。係,得番外母一個幫手只會令外母健康變差,在此多謝風兄介紹佢請工人個AGENT比我,真係好多女(傭)揀,同埋其中一個員工係當地人,信心保証。正所謂,WHATSAPP谷(菊)中有愛。

只能講,外科病房同腫瘤科,真係兩個世界!無論環境、待遇同埋LINE OF THINKING,都好唔同!BY EXCLUSION,家母診斷為原生腹膜癌,算是比較少有0既個案。唔知因為人事關係定係個案罕見,有幸得該院副顧問醫生診斷。

好簡單,只係一個腹水問題,外科病房只係講無能為力,因為抽腹水有危險(法國醫院都抽過),上到腫瘤科,唔夠一日已經有陳醫生(我老豆覺得佢好巴辣,我反而覺得佢講野堅定喎),用手提照聲波睇下腹水位置同多少,決定量少唔痛唔駛抽,前後唔駛十分鐘。

最估唔到係,另一位蔡醫生(我無見佢真人,只係IN WARD CONSULTATION來過),同我電話講,腹水同腳腫好可能係唔夠蛋白質引起,我即時醒起我媽無胃口只食飯同菜。(一言驚醒!)

即日叫佢食左醫院0既蒸蛋白,第二日已經消左一半腫。

外科D4病房既醫護人員,撫心自問,係咪真係咁忙呢?一句說話有時已經幫到病人,唔識,咪問下人LAW!唔需要下下用程序來回應,尤其單嘉恩醫生,入院兩日,從未睇過我係私院帶過黎0既PET SCAN REPORT!如無記錯,家母入院三次,由好轉差,間接係佢一手愛理不理做成。

當年我無做,一黎唔鐘意,二黎無PASSION,如果你都無PASSION,不如唔好做!你不停同我講程序,講自己無做錯但又幫唔到手,究竟佢有冇任何愧疚?我唔係要追究,我只係覺得,因你而DELAY又兜左一大個圈,想有一個EARLY TREATMENT。(其實已經唔EARLY)

左手前臂瘀黑就係D4外科果邊抽血搵唔到血管造成。
真係出入咁多年咁多次醫院都未試過咁慘。。。真係咁忙?
(圖中已是腫瘤科病房了,環境好好多。)

首天化療,家母無任何感覺。不過聽聞副作用係兩三天後才出現。因多天無落過地,最大問題係行唔到幾多步,留係屋企就行得,出街就唔太安全了。

講工作

十二月我輕鬆中有忙碌,年年都係咁。今年感受比較深都係因為家母。不過,一早定左0既三星期長假不變,想同老婆去個旅行(長州也好),又睇下有冇機會。本來過往作風係十一月會準備好十二月0既野,不過今次因家事而臨急抱佛腳,暫時還頂得住。

女主人個唯一一個員工呢,開始放產假。當一般DISCUSS打工仔鬧老細0既時候,又有冇諗過你放產假特登較到放埋個農曆年,其實好影響公司?呢D少於五個員工0既公司,少一個人其實好大件事。請你番來幫輕一下,結果成日要就番佢。。。

出糧唔係大哂,不過你著數哂又係咪應份?

講投資

女主人倉位無變,沽左中海油,剩番不肖子中石化!

男主人動作如下

SP GLD 十二月頭轉倉一月頭,收權金HKD4700。
BKR 8.25遇到FULL CALL,買入價104,CALL價100。其間15個月共收息10蚊多D。(計埋得5厘,減息後得3厘!)
SC 939 變廢紙,HKD7000權金全袋,佢唔升番上7蚊都唔會開倉0既。

BKR被贖會回後,好大機會買隻BB BOND。KEEP住貸款為1000萬港元。

最後,剛剛星期五債價回升唔少,估計同今日星期六美總統通過新一輪稅務措施有關。

講資產

女主人本月430萬(上月427萬,月中計,十二個月平均每月增長九萬幾)

受惠於債價回升,男主人無啦啦淨值高左!(其實上月小兒CT SCAN及家母私家都駛左八萬蚊,其實收下債息都抵消左筆數)
男主人本月234萬(上月217萬),其實點計?
(所有戶口總值-貸款-建行市值)
即係話,佢係我IB收息組合同手上現金0既淨值

現時家庭淨值過二千萬,唔撈之日,一年半後,應過2500萬。

家母曾是我努力認真的原動力(我就是喜歡日本動漫中求求其其又過關的主角)。
或許,人生中,有好多人守護不到,亦同時有好多人需要守護的。

好好彩,我揀左一樣可保障生活,又唔係捱騾仔0既工作,唔駛好似求死咁成日寫BLOG講D人努力打工ON9。(我覺得係存在感問題,你份工無成功感,只有收租樓比你自己覺得高人一等,咪鬼笑人地啦,其實最值得取笑係你求死吧?)

兩姐弟一齊打街機,估唔估到咩GAME?
美少女戰士呀!而家佢地可以雙打,我唔駛幫手。
不停入COIN直到打爆機!

最後,小女首次考試成績唔差,全歸功老婆同佢溫書!高處不勝寒,呢條路有排行。第幾?有機會再講。

2017年11月29日 星期三

家母抱恙 原生腹膜癌定卵巢癌?

平伏了好久,才想寫低近日事情。

一如我每月月底0既"我可以唔撈嗎"一樣,非為晒命,只希望每當有人GOOGLE 呢D字目0既時候,可以搵到呢個BLOG。

十月份連續兩次入急症,都比醫院DISCHARGE出黎,最後去到私家睇(法國醫院,用我AGENT介紹0既潘子聰醫生主診)。

乜都未做,已經首先開通"醫健通"功能,等私院可以睇到公立醫院方面0既病歷同所做過0既掃瞄!(建議求助無門0既,必需要開呢個!)

一睇報告幾乎已經唔駛做本來要做0既野。公立醫院睇漏左又或者唔講比我地知吧。。。

腹膜充滿點點陰影細胞,即係話,癌症。

而公院因為姑娘溝通問題,腸鏡結果係入唔到,唔係照唔清!就係咁,我媽好慘咁又捱多D瀉劑。私院一樣入唔到。

最後用個PET SCAN(由頭到大比),CONTRAST 下腹。唔知咩黎由佢,用黎睇放射性葡萄糖UPTAKE,可睇通大部份嗜糖0既癌細胞,收費萬八蚊,呢個非常之值,亦係今次我媽診斷幾乎最有力証明。

潘子聰醫生算係幾好,知我媽無保險COVER,BOOK左津貼病床比我媽。連其他雜費一律打左個折,醫生巡房錢都平左,無必要佢唔會出現講兩句就算。可惜PET SCAN 無特價,我阿媽要轉番正常大房住。

咩癌?呢個真係一個值得GOOGLE 0既故事。

PET SCAN同公立醫院超聲波及CT 都搵唔到源頭係邊,由鼻咽到大腿骨!(呢個亦係公立DISCHARGE我媽0既原因!),連潘醫生都覺得奇怪。

跟據CA125指數(其實極唔準),正正路路就係卵巢癌,不過係卵巢完全搵唔到。

潘醫生話,可能老人家呢個器官縮細左,驗唔到。

講到呢度,要講下計存活期。

成日聽人講末期末期,其實就係STAGE 4。指標係,癌細肥已經擴散到其他器官。

例如胃癌,胰臟癌,腸癌,卵巢癌等等,最後期會擴散至腹膜,同埋有腹水等。

呢類病人,只能化療同埋做CYTOREDUCTION (或叫DEBULKING)手術,可增力存活時間。

所以,醫生認為佢係卵巢癌,命仔得番半年(聽到呢度,女主人喊左。。。我心中都打定輸數),佢有個四十幾歲年輕的,都係兩年唔夠。

之但係呢。。。末期定義係擴散。

若然腹膜就係PRIMARY呢?

英文GOOGLE 下"primary peritoneal carcinoma"



呢類CASE好少,有META STUDY指出存活年期好短,半年至四年。不過,好多CASE都係198X至200X年間收集。加埋唔夠200個CASE。

我相信,一黎少有,二黎好多人當左係末期咁攪而無真正紀錄在案。

再搵下,有CASE可以生存到八年,GOGOLE一下"腹膜癌"三個中文字,香港只有DISCUSS講擴散左個D,同埋蘋果日報有個阿婆生存左四年再復發要搵人捐錢0既例子。其實個案好少,無得計仲有幾耐命仔。

當時我0既諗法係,如果PRIMARY 就係腹膜,咁跟據定義就唔會係末期!最差都係STAGE3!用番卵巢癌標準,腫瘤仲要少於2CM,係第三期初頭個D。頓時自我想像自HIGH好像有曙光。

點解成日同卵巢癌比?因為係胎兒形成個陣,卵巢同腹膜係同一組織黎,佢地細胞上面0既蛋白質抗原都好似。所以CA125指數都會高左。

家屬期望,當然可能一廂情願啦。而我都只係網上睇,咁少有0既CASE,係咪太過多幻想?

我嘗試用我方法去搵人問。真係好好彩,我有唔少客人親友係醫生。

咁0岩有一個,係瑪麗腫瘤科。我同佢講左報告入面0既野,佢第一個回應已經係同我講primary peritoneal carcinoma!亦提醒我有機會係腸同埋胃0既MUCINOUS CARCINOMA 係PET SCAN 照唔到。

咩黎?就係胃同腸分泌粘液0既細胞。會唔會咁黑仔?原來PET SCAN 唔得,但之前公立醫院0既CT SCAN 係會照得到佢地。(又係我睇番黎)

其他親友醫生,因為唔係腫瘤科專家,結果第一個反應係:"做TEST,搵源頭"

咁唔難理解點解一般醫生都無諗過源頭就係腹膜而並非末期0既癌細胞轉移。

腫瘤科醫生仲同我講,呢個係STAGE3唔係STAGE4!當然我同佢只係WHATSAPP,可能有其他故事我講漏左呢。係咪?

去到呢個位,我都仲未見到瑪嘉烈0既腫瘤科(因外科個邊有明顯甩漏,我地不停迫果位醫生做番D野,如果唔係佢,我媽個問題唔會拖得咁耐!),明天會有一個IN WARD CONSULTATION,又睇下事情發展成點。

預計治療同卵巢癌一樣,三次化療再做手術再三次化療。

不用留言祝咩早日康復了,不如幫我捐下錢。我只係希望同類患者家屬可以GOOGLE到我篇文,免只能睇英文咁無助。

心情好的話,再有續集。

最後,照顧得我媽最好的,就係我老婆。佢一路仆心仆命,真係一個好新抱,在此寫下無言感激。

2017年11月16日 星期四

債價下跌 我可以唔撈嗎 34

講債

近日買左垃圾債券或相關產品0既人,個個話自己中招。

其實小弟都係,債券組合現價沽出,也要蝕2%(未計股息及貸息,計埋就正數有突)。

見有前輩用HYG講短債高息債跌時,大家要睇路,我又拎黎睇下。
(拿,我堅持跟據頭大小而戴帽;同樣借多少承受多少風險又因我個人而定)

六個月圖黎講,真係六個月新低,大插又唔係。

十年圖?2008年果獲勁好多。
舉個例,100跌到60頂得順嗎?值得思考。

同OPTION爆煲一樣,最可怕0既係收緊MARGIN RATIO,而非單一條件下跌。

如果要一次過沽清IB所有非港股,未計派息都係正數黎。(扣除貸款成本,我估都有6至7厘息以上)

講工作

女主人今個月唔知搵唔搵到錢,因為我媽唔舒服,佢多左係屋企少左番工,理論上接單都會少左。同埋,搬屋用左佢唔少腦力同體力。

男主人工作開始期待進入蜜月期,又打算放自己三星期大假,日子未定。當然,手停口停。

我估,我同女主人大家都開始睇開左,搵到就搵吧,盡能力之餘又唔好去到咁盡,無謂太勉強自己。即使資產未完美達標,時間是我們最好的朋友,有人等廿年供完樓嘆世界去,我地只係等多兩年或三年,可必咁辛苦?



講投資

昨日果篇講左,讓我重覆一次:

女主人沽左中海油,剩下一支中石化港股。另持有收息三寶(C PRN,BCS PRD,CTBB),市值97萬4千,男主人擔保佢可以取回99萬。

男主人
WIN CORP DEBT EXCHANGE:TAKE NO ACTION
BKR CASH REDEEM:TAKE NO ACTION
EIT.UN CASH REDEEM:TAKE NO ACTION

預計939張SC@7.75@NOV 會變廢紙
現價建行咁樣,唔打算再SC。

GLD OPTION
重有一日結算
十一月中SC廢紙,權金好少,三百幾美金
開左十二月頭SC同價,兩星期,權金更少,百幾蚊美金
十一月中SP轉倉十二月頭,兩星期,扣番平倉成本收權金,得三百美金

唔想聖誕期間去轉倉,所以唔轉去十二月尾了。

等欠債低過一千萬港元後,剩錢可以買下股票或者待熊。(其實我打算比女主人揀股的,何必太認真?)

講資產

女主人本月427萬(上月414萬),多過標準值(7萬),原因係佢月中先同我報數,起碼減番4萬才準確。
男主人虛數217萬(上月208萬),其實無乜意思,呢個數係咁計:

(所有戶口總值-貸款-建行市值)
即係話,佢係我IB收息組合同手上現金0既淨值

如果用上年十一月至今年十月黎計,每月戶口係多左近20萬0既(工作+收息,增值反而係負數)

講捐款

近日同深水步玩具模型倉老闆傾過,如果寄賣係佢度0既模型賣出,佢唔收我(佣金)。我同時亦打算賣左佢鋪面果兩隻模型。如賣出,扣番模型成本後會全數捐出。

例如鋪面隻DOUBLE X賣1100,我扣番$300,

鋪面隻BB WING GUNDAM 賣到300,我就捐$250。




如有興趣,可主動問下個老闆

2017年11月15日 星期三

債券贖回 搬屋完成

早兩晚老婆問我,好耐無UPDATE呢度,其實一黎佢未CAP SCREEN 比我計佢條數(所以未有十一月份0既我可以唔撈嗎),二黎我阿媽繼續未好番令我擔心,三黎搬屋中。。。

簡單講幾句

而家我外母一星期黎足四五日,真係辛苦佢。我估計我阿媽唔知幾時先好番,或者病情再有新發現,結果小朋友唔可以成日去渡假,而我,就每個星期五都要做湊仔公了。



今日女主人生日,我未諗到送乜,只係昨日去左稻香食788一隻阿拉斯加蟹。四斤重以上,BLOG友話好抵,我又真係唔知。


另,佢帶左個仔去玩。。。

估計下年一月,我每星期再多一日假,都係去做湊仔公而已。

搬屋掉野最開心,新居好新。空氣估唔到咁流通,另外安排兩個小朋友自己訓,大成功!

以上全部都歸功女主人,今次我執野太慢太懶太求其。

佢揀0既新燈同小朋友床,我都好滿意。我張新書台要時間適應,少左幾個櫃桶好難放文件。另外,估唔到新飾櫃放得更多高達!

實木小朋友屋仔床,無味又實淨!

消防車床!呢個好好玩,有埋軚盤。
又大張,叫埋女朋友仔黎訓都得(誤)

舊傢俬?一係掉左,一係二手賣左。(港人買家都幾攪笑,搬運費貴過貨價)

建行又跌番落去,好事係今個月隻CALL可以全袋七千權金,另一方面,就係身價縮水。

女主人高位(10.96?)沽左中海油,仲KEEP住唔生性0既中石化。

另,債WINDSTREAM CORP跌到七個一皮,DEBT EXCHANGE我唔肯,TAKE NO ACTION。

再另,BKR想CASH REDEEM,個價低過PAR,繼續TAKE NO ACTION。

又再另,EIT。UN想BUY BACK BY NAV 95%,計過無SO,唔理佢住啦。

當欠債少過一千萬時,閒錢就可以買下股/待下熊。其實求其一支債券被贖回已達到。

睇人仆街最開心
敗家仔頭三名如下
WIN CORP 7.5
GLD
BKR CORP 8.25

唔計建行,賬面最好睇頭三名(其實係未除淨)
C PRN
HSEB
HTZ CORP 7.375

呀,重有,另一筆捐款都已完成!捐左800比保良局指定買書。收據有就放上黎。

感謝各位支持!

2017年11月3日 星期五

ADSENSE作捐款 遲來的收據!

小弟寫BLOG非為名利,當中有個GOOGLE廣告,若達至若干收入,曾承諾會捐出黎。

老實講,都係無聊試下整。

八月份曾經捐過一次,不過九月尾先有收據。。。


講真,如有心捐,唔駛等夠0既。

其實已經又收左800蚊,仲未得閒拎去捐(一係保良局,一係東華三院,我一向覺得幫年青後生仔才是推動社會0既最好方法)!

2017年10月30日 星期一

股市一個現象,三種演繹。

今日結算日,建行唔上唔落,都係7蚊咁上下。

究竟係結算日回歸月初指數?定大戶死頂一日就鬆手?定係謀定大升?

黎緊個市升定跌?我點知。。。我都只係旦散一名。


就好似上面絛片咁,明明係打劫槍擊案,三把聲音演繹三份稿,感覺可以好唔同。

留意,係感覺,同一件事黎。再加上三位有點點份量0既人講,BUFF效果加成。

女主人港股比例佔佢10%都無,IB收息類優先股BB BOND 反而有25%,佢今日又想賣左兩隻油股,我同佢講,賣左你可以買D乜?反正倉位唔多,等佢放下紙鳶無妨。

呢隻唔係叫紙鳶高達,呢隻係小弟重口味至愛之一
GUNDAM TURN A

可惜佢用CITIBANK買股票,否則可以SHORT CALL一下,等佢扮想沽貨又有權金。

學大前輩MARBO話齋,投資要有攻守備。唔知後市如何,咪又等下LAW。。。

小弟港股倉位總資產過半,而又有借貸,毫無再買貨餘地。只能讓子彈飛。時間越長,收息資產幫助RECOVERY之餘,重剩600天左右0既工作又帶來現金流。

呢D位,只能小量做股票期權濕下腳,聊勝於無,總好過之前股價低迷時。

至少,股票機未見老人團,亦未覺平時高位買貨0既朋友出手。

依稀記得,我自己2006 2007 開始接觸股票期權,貪勝不知輸,無幾耐就大升市來臨,再無幾耐匯控就由14X跌到4X!

今日,買股新手0既未見,但想學SHORT期權0既人增加中。。。今年係2017年。

現在感覺就似認叻收租老人一樣,我低位入,你而家買,有錢齊齊搵,跌左你捱價先。整幾條投資教條,無條件教精你投資,何樂而不為?

2017年10月28日 星期六

建行期權倉 (始動)

其實昨日本來已經想做,係IB第一次做港股期權。

以為要SUBSCRIBE DATA,點知風兄話唔駛的。

用"其他證券商軟件"報價, 再係IB用OPTION CHAIN 落盤。

唔好留言問我點做,因為我開頭唔知,買左DATA,只係港幤25蚊。

(呢條LINK係HKEX延遲報價,絕對唔準!)

昨日想做XCC NOV SC 7.5,落0.028,ASK PRICE0.026,點知庄家縮手。。。縮到0.022,咁我又唔做喇。

點知今日大升,一度迫近7蚊,我做左:

XCC NOV SC 7.75@0.022,收權金七千幾,小試牛刀。(阿Q點諗,當扣減貸款利息都好丫)

張數約所持建行18%,當然係FULL COVER啦。 

萬一建行大升,大不了轉倉加張數加行使價。

題外話,此BLOG應再重新定位,人人講財自,我講唔撈,實在太俗氣。

不過,若以"不用收租物業(尤其住宅),靠以外工具達至唔撈",寫BLOG者唔算多。

此事我非第一人,不過可以GOOGLE到0既,唔多吧。

唔理我係哂命定係ON9,比情況相似0既後來者做個借鑒/警剔都好丫。

2017年10月26日 星期四

兩個塘人回流BLOG聚

近日事忙,繼小兒入院,母親無故腹痛入院。

入左兩星期,咩都檢查過,搵唔到原因,令人擔心。估計有後文待續,始終最怕有家族遺傳的消化系統問題(佢細佬)。

塘人從美國番左黎,不過一眾BLOG 友比較難夾時間見到佢,結果上星期五AD HOC咁約左佢同狸貓兄出黎。

因為都幾夜了,佢地兩個都食左野,得我一個食。

去左黃絲CAFE TC2。

塘人比我想像中大舊,我以為佢係鋼條型口花花中佬。。。原來唔係~

可能佢少講中文同埋JET LAG關係,比起BLOG入面無咁多口水花。

當晚最經典場口

"如果打仗,我地第一時間去搶哂人地D 金條"

"如果真係打仗,我唔會用我D米換你D金條"

"鹽湖城餐館故事"及"塘人兄奮鬥史"

"而家好多股票都數碼化哂,打完仗無執笠的話,依然係你0既"BY狸貓兄

*****

本以為攪唔成大聚,因風中追風兄快要去台灣生活(都要年底),結果早幾日星期二又見多次塘人兄。

今次七人飯局,有 R兄半桶水兄Michael兄塘人醉心兄風中追風兄

小弟辨事不力,最後R兄BOOK 左小肥牛,仲帶左支酒出黎淺嘗(好野黎,不過對小弟黎講太勁了!)

撈緊舊魚果位係半桶水兄!

是日經典場口:

"學術型BLOGGER的FB中真身樣子"
"講下仔女經"

****

講真,約我,其實AD HOC 最方便,亦感謝各位肯就我地點,等我唔駛太遲出現。

2017年10月17日 星期二

香港討論區的不是我

首先,近呢幾個月有人偷左BLOG LOGO同我D CAPTION 去開左三個戶口,分別叫七十後男主人123,亂咁貼我D BLOG文,修改入面D字眼。

用意?一黎引HATER,二黎想利用網絡力量起下我底。

不過,真係好多真心膠回覆佢。我寫左咁多年網誌,何必要去DISCUSS R 點擊玩挑釁?同枱食飯各自修行,你有你講我有我講呢。

點擊係多左,但留言唔覺有。

同CHERRY兄上次一樣,不過我呢D忠實程度高好多。扮得我都幾似,我估唔少BLOG讀者都以為係我。

如咁得閒打字覆討論區,我不如出下BLOG文。用點擊做下善事好過啦。

老老實實,若起到,我會即時唔做,咁就真係"我可以唔撈嗎"最終章了。

每人身邊總有一個"律師朋友",若以此論據,係可以從民事起訴0既。

細仔都開始砌LEGO了!

*****

題外話,上面流傳左我老婆個樣,我同我個真*老婆笑左好耐。無啦啦我多左個創業老婆,聽聞此女係淘寶買貨番黎賣。FB好多呢D呢,如果搵到錢,都係一條兼職財路呢。

好想貼上來,不過始終果條女係最無辜,如有BLOGGER想睇就WHATSAPP我,SEND比你啦。

*****

因止凡兄加持(講笑),今日建行升穿七蚊了,星期五已經見建行遠期十蚊CALL升左唔少,其實都一半一半估到。同時,虛無又得啖笑0既個人資產淨值,已升穿1600萬大關,即總倉值減去貸款部份。

小弟投資又好,生意又好,生活又好,可能未必係全港最好個10%,亦未必係醒目仔決定,不過我能夠以文字記底一點一滴,好讓後來者可以參考一個無不動產0既人如何安身立命。

多個另類選擇,係好事定壞事?大家有自己0既做法分享嗎?

網上只會妒嫉0既假影子忠實粉絲,你又可以有咩成就,你父母見到你而家咁樣,會開心嗎?

2017年10月13日 星期五

心態決定境界20 人生里程碑錯配

本來想講下STARMAN 兄勸勉年青人一文我見,不過其實唔少人都講過,我都係留番下次。

有BLOGGER話我篇文提醒左佢,人生中不只財自,亦不只有錢(我知有錢可以買自由,打從一開始已知)。

不如數一數,由細到大有咩成就可以追?


細細個,幾歲個陣,好簡單,有得玩有屋企人錫已經好好(又係唔駛用錢,只要不是太赤貧,開心可以好簡單)

開始讀書,都係玩,交朋友,可能有D人讀書比較叻或者比較"定性",讀書成績為父母及自己帶來若干成功感。而我又想講下,讀唔成書當然唔代表唔會成功,只係他日長大少左幾張入場券,少左部份機會。反之,讀得成書只係入場優勢,未必一定成功。

多口講句,某些恥笑讀書無用又標榜自己如何財務上成功的,其實有唔少光陰及經歷,係呢班笑人0既傻豬一世都體驗唔到。(舉個例,你阿媽以你成績自HIGH或暗爽,你而家比幾多家用都做唔番呢個效果的)

以上,幾個月前我個女連續三年操行獎及做司儀及代表學校上台領獎時,我都自HIGH左兩粒鐘,我知道,此生此世,此刻難忘。

中學?一係讀書一係打波一係識女仔啦。三樣一齊做0既勁人,就好比有錢有車有樓有靚老婆同乖仔女一樣0既人生嬴家。

只係中一樣0既,其實都唔差。三樣都做唔到,或許有點虛渡。(嘩,咁講即時得罪一大部份人,唔係個個都係咁精英架!就正如唔係人人都係創業家一樣,打份好工或安份守己,唔一定被眨為工資奴0既!由投資人變顧問,搵兩餐味道極濃呢。)

大學?點都識下女仔吧。。。或者去下EXCHANGE 或INTERN。

出黎做野定創業?定快快手搵個人嫁左佢?呢個真係人人唔同玩法,睇性格又睇際遇。強加我個套去你到又太苛刻,各有前因又唔好羨慕人。

小弟在自己小生意領域上有點天份,加上有點運,結果一開始就已經保障到自己生活又儲到錢,大富大貴又唔係,不過呢D雞仔數我搵得舒服又安落。我投資係廢廢地又無乜特長,不過我0既長處,你又未必見到,見到都學唔到,寶寶暗爽但寶寶不說(其實字裏行間已透露左啦,你FEEL唔到?)

我又見我唔少中同,簡簡單單老婆仔女三餐一宿都可以好快樂。

現實D講,20-40錢的確好重要,關乎家人生活質素關乎退休大計關乎工作喜惡取捨。或許有人覺得要比小朋友最好0既(物質上),不過諗番自己細個,果時既快樂唔係用錢買!

記得中,小時候0既我同我老豆相處得最深刻0既時光,就係拎住份唔知咩雜誌係度玩填字遊戲。唔係小朋友個D,所以好多我都唔識,當堂覺得做修理建築工地發電機0既老豆好勁。

相反,細過同家人去荔園玩0既回憶(應該以我家境算係貴貴地),其實又唔係太好,只記得好迫,同埋我唔鐘意食香口膠LAW!睇番D相都無乜印象。。。

細仔開始長大,開始可以同我無聊9UP,其實幾好玩。



我又唔會強加"組織家庭"去別人度,不過如果生怕孤獨,有個家庭的話,人生是否會較圓滿?

講左咁耐,我唔想哂命,不如講重點。
我想講里程碑錯配

讀書成就,其實盡量係年青時完成,個陣效果最大最好。如果三十幾歲人,同人講學歷有三四個碩士,男女都好,同性覺得你ON9,異性聽到一地水。。。我指滴哂汗!

溝女成就,最好中學大學或三十前完成佢。除非你以前曾經滄海,好似林敏聰謝賢咁,老而彌堅,咁就值得表掦。如果好似我拍檔咁,因女離左婚,但之後都只係識埋D阿嬋級內地女,真係會比人笑。

搵錢成就?越早越好。後生時,越有錢才越自由,才可做自己想做0既事。同時有父母仔女老婆0既,要碓保照顧到佢地係需要一定金錢。提早退休與否全是個人意願啦及個人按排啦。

老到五六十先黎哂錢哂身家哂經驗有L用咩。。。望下隔離個阿婆,佢有仔有孫虛寒問暖(例如我阿媽/我外母),此刻又係無價。呢個年紀要錢黎做乜?你小朋友如有本事,養埋你跟本唔會有太大問題,咁大個人仲要你出錢比佢買樓,是否你後生時卦住搵錢MISS左D咩野?

拿,好多人擔心第日退休無錢,其實係咪一定係咁?我知仔女未必能成大業,但小小心意家用應該唔難。與其左計右計第日老左有冇錢洗要幾多層收租樓,不如活在當下,先完成呢一刻應該完成0既成就吧。

如果要教人人生如何走或其他技能,應該係中年之前就要做(例如市場先生,鐘記),重要有成功紀錄。臨老先突個頭出黎教人,有冇諗過自己已經脫9哂節?幫人變害人?

明明年輕人個PLASTICITY好高,老人一野就話要教精你,將你困係框框內,是否好事?

呢班人未必常用FACEBOOK,我自己用FB已經覺得自己好OUTDATE,INSTAGRAM 已經係上一代產物,現在班細0既都玩SNAPCHAT啦。(可能都已經OUTDATE左。。。)

世界變得咁快,要追的話,我呢D三十幾0既都未覺得自己可以跟得上。

睇個D YAHOO 模擬老作家庭例子,好多目標都係XX歲前有Y層樓收租。幾時買樓收租變左成就?其實又係錢作怪!

小弟自覺成就之一,就係呢世人暫時都未需要用收租樓呢d東西去達到財自。你覺得我逆著風走好on9?不如你又試下,睇下你做唔做到丫?哈哈哈~~~

班烚旦友成日鄙視我炒旦,我又暗爽講句"不如你又試下,睇下你做唔做到丫?哈哈哈~~~

我唔相信計數,樣樣求鬼其,但係成日都好L好彩喎!不如你又試下,睇下你做唔做到丫?哈哈哈~~~

就好似lihkg 0既後生仔(呢班人都唔後生了),同埋文初講0既blogger想法一樣,如果呢班收租老人換轉現在才剛大學畢業,又能否只靠"捱"字去收租?不如佢地又試下一路捱落去,睇下做唔做到丫

2017年10月5日 星期四

我家小孩暴走 PS4捉鬼敢死隊拍片

先講一下背景,男主人有一大女一細仔。

也播番今日錄0既打機片:


PS4 GHOSTBUSTER COOP 四打GAME!
字幕中有講邊個打邊個架喇,同埋有我地把聲~~

大女連續三年操行獎得主,原因佢上堂唔講野同埋偶爾篤人背脊(無語。。。)

個仔就好唔同,非常反斗又鐘意駁咀,以為佢番學一定出事,點知又唔係喎。

上年九月,初上學幾天已經駁咀。係課室扮恐龍叫。當然比老師鬧,佢又藉口話課室有條恐龍公仔,老師話果隻野好安靜,個仔又駁咀話我驚你唔知恐龍點叫扮比你聽。

係樓下個公園,近期多左外國人搬入(印巴有一,東歐有一二,其他唔知),咁有一白人鬼佬生左五個,其中有一個細仔同我個仔相若。兩歲個陣,佢地試過用BB話炒一獲,先口角繼而動武追打個隻!結果係鬼仔怕死走人。。。(真係打應該唔夠人打啦)

自從家姐番左上小學之後,細佬自己一個坐校巴番學。開始比人投訴係車度叫嚷。

不過,又因為少左家姐呢個ROLE MODEL,細佬而家番到屋企會自己做功課!以學習黎計,細佬其實叻過家姐,除左無家姐同年個陣咁牙尖咀利。

期待可以一路進步落去,唔好再活係家姐榜樣之下。。。

早兩日,因老人家壓力,帶左個仔去睇政府急症。

一如所料,個問題又唔係影響生命,但可能影響外觀。

醫院建議照個全身MRI,叫我地排住再加出去搵。當然出去搵啦。

各位放心,唔係咩大事,只係少見。

講開又講,入院個日就係正正中秋節,急症室個仔直入,唔駛等。



去到病房,因個仔唔係發燒CASE,住係非發燒區,基本上係無乜人好靜。。。好明顯正過私家醫院普通病房!而又因個問題少見,一共六個醫生一齊睇(估計有一兩個實習),有經驗個D就教後生個D,後生個D教老個D點用網上影相系統。

我成日都係咁認為,除非知道咩事,否則去政府係好過私家。至少醫生經驗多D,同埋醫生多D。私家一入去就左CHECK右CHECK,CHECK完都可以唔知咩事0既。。。

之後細佬即晚出院,因為之後個日化驗部都無人開工,不如出院回家。



明天星期五又入過去。

2017年10月3日 星期二

小朋友能力圈 我可以唔撈嗎33

開學九月終於過去,相信我同女主人都過得唔容易。



因為我堅持帶升小一女兒番放學,結果作息時間大混亂。要習慣仲要一段時間,話哂十年八年習慣唔係一個月可以改變。

辛苦左?其實唔係,咪又係咁過,以不變應萬變。同時試下減少飲少D高糖飲料(你話我迷信又好乜都好,高糖飲料對我工作有點作用),改左飲茶,同時要工作時食番D野,否則又係會唔夠電。

無計,個人弱雞。

不過小學家長同幼稚園家長一樣,都有小學雞同自私精。莫名其妙地,老婆入唔到家姐個班0既WHATSAPP GROUP,結果可能少左D資訊。算吧。。。

反正入到小學,都變成鬥成績遊戲。自理與否,三歲定八十。

講到鬥成績,女主人開始發癲,玩做練習!我意見係,中文的確有難度,要練。其他科就由佢先,考試先算吧。

既然個女都話易,唔好同佢溫。




再者,從來成績好0既人都有自己讀書0既方法,一齊溫書個D嘍囉,通常成績都唔入流。

何必用自己0既方法去改一張白紙呢?只要遠遠望住佢就可以了。

講真,兩姐弟都係學得快0既人,細佬直頭超卓。只要係記憶力方面好好比佢地自己適應下,唔好攪咁多古怪野,其實未來成績唔會太差。

學校攪0既溫習班,我千萬個不願去。適量做下中文便可以,睇過本中文書同平時D工作紙,作句同埋閱讀的確有點難。

兩個小朋友0既能力都唔低,千祈唔好傷仲永。再者,你寧願佢將來有個可愛的人,定想佢搵到錢財自但孤獨一人(我有中同BIG4高層樣衰女人,好可憐。)

另外,呢期PS4 遊戲打捉鬼敢鬼隊,真係可以四打喇!雖然細佬戰士唔掂,家姐射極都唔準,不過個遊戲較易打又唔易GAME OVER,百幾蚊算係咁。有機會拍番條片由個女作旁述先!

講工作

以為改左作息時間會影響工作,結果竟然估唔到係咁好,個人相對電力充足好多。過埋呢三個月,再休息多一日。預計收入少左五萬左右。

女主人工作應該比較淡靜,而佢亦都為左個女對功課而早左一個鐘收工。另外,過幾日女主人鋪頭就會上電視了,相比以前0既採訪,今次其實無乜期待感覺。或者女主人唔出鏡,同時訪問內容同鋪頭好似唔太相符吧。

講投資

呢個月變動比較大,首先GLD高位又回落,結果我又係要轉倉。去到11月中,SP122/SC128,約為882美金,即大約1%"股息"。

另,我非常豬咁賣左TOY,因為佢上番我買入價,我以為會有ACCRUED INTEREST,原來係TRADING FLAT BOND係無0既。結果我蝕左一個月半息。勉強阿Q叫做平手走(但蝕借貸利息),買入XRM9。5。

同時,SPN CORP被CALL,賺息賺價之下,換左貨SVU7。75。

早前手痕買入WIN7。5,依然係跌。我呢D零分析亂九買跟大隊0既人,太過BELOW PAR 真係買唔過。雖然早兩日升番上74,依然係蝕0既。

女主人個兩桶油,一升(中海油)一跌(中石化)。佢本來諗住一齊沽左佢當賺少少,比我阻止左。既然又未知買乜好,銀碼又唔大,不如讓子彈飛一下。出文今日,一桶唔郁一桶再升。如果計埋之前股息,其實另一隻唔係蝕0既。

我比女主人既策略係,小注執死雞,尤其唔少有料BLOGGER都有推介下,唔係叫佢跟,只要尾行呢D推介,合適時小注買入便可以。

九月份女主人扭計話唔做,叫我比個目標佢。我都好有心機地J哂風兄所有投資相關文章,同佢計過下,有得必有失,由奢入儉難。每月得萬幾蚊其實唔係好好駛!

同時幸得風兄一眾BLOG友提醒,追通漲個部份我計錯左數,實際上唔駛咁多。

結果,女主人有目標可追之下,係公司提左15萬出黎自己戶口充數。。。哈~

講資產

女主人九月底止,有414萬(上月393萬),女主人目標為650萬。

男主人買買賣賣,唔X識計,唯有用淨資產減去港股淨值(因餘款來自債息股息及其市值,再加自己現金儲蓄),咁樣港股部份升跌我都唔理佢。

男主人九月底止為208萬(七月為152萬,計法不同,比較黎無謂)。男主人目標為淨資產2000萬,或時間過去635日之後。

2017年10月1日 星期日

人生的價值

小和尚賣石頭(轉載)

尋找了一輩子,終究有多少人真正認識到人生的價值? “人生的價值究竟為何?”身而為人,大半都會有這樣的疑問。


我們活著,每天朝九晚五辛勤工作、求學,與人往來交際,成家立業,旅遊各地,做慈善……通過不同的生活方式和目標去尋求答案,找到動力。尋找了一輩子,終究有多少人真正認識到人生的價值?

其實,人生的價值無法估計,更沒有一個定論,怎麼說呢?有一個故事可以說明。



一個弟子問他的師父:“人生的價值是什麼?”師父不直接回答,只是叫他拿一塊石頭到集市去,並交待他讓人出價就好,無論出價多少都不要賣出去。弟子聽從師父的吩咐到集市上。一塊石頭,有人出價兩塊錢,有人出價五塊錢……一群人七言八語往往來來,最高也只是出價到十塊錢。

弟子回到寺院後,把在集市上的情況一五一十告訴師父,師父笑說:“很好!你現在再到黃金市場去,還是一樣只讓人出價就好。”弟子帶著石頭又跑到黃金市場。原來在集市上出價到十塊錢的石頭,這會兒竟然出價到一千塊,一萬塊,甚至有人出價對歡喜雀躍的弟子,師父還是說:“你再把它拿到珠寶市場去,記得只估不賣。”



興奮不已的弟子心情高昂地到珠寶市場估價,這次更是讓他意外了,市場上的顧客一開口就是二十萬,五十萬,但不論價格如何飆高他就是不賣,結果竟有人出價一千萬要他賣,他也只能無奈回答:“我師父說不許賣的。”回到寺院,他對師父說:“珠寶市場上竟然有人出價到一千萬呢。”

師父這才拿起石頭說:“同樣的石頭之所以在集市、黃金市場、珠寶市場會有不同的估價,是因為人的眼光不同,水準不同。你問我人生的價值是什麼,我無法告訴你,因為那取決於你用何等的眼光看待自己的人生。”

人生的價值究竟為何?那得看我們要把自己的“人生”放在集市,放在黃金市場,還是放在珠寶市場上去“估價”了。


2017年9月25日 星期一

一年一度買月餅 PS4打機拍片

呢篇應該同以前某篇網誌重覆。

又同女主人食炸雞,今次叫一碟就夠食了!

過往會同老婆買定一堆月餅比四大長老,同埋老婆生意D供貨商,當然順手買埋比自己屋企啦。

點知,早幾年開始有人會送我月餅(自從自立門戶,由炒旦變左阿龍炒旦之後),結果屋企每年月餅過多,食唔哂。

前年開始,實行月餅死線政策:

唔到最後一刻都唔買月餅比自己。四大長老又唔食乜滯,索性唔買。

但係呢,每年中秋一星期前都遇到相同問題:

"乜仲未有人送0既?"

今年都一樣,女主人從容不迫講左句:"最多咪最後一刻去買一盒!"

結果,男主人係上星期四同星期日,分別收到唔知邊間貴野0既奶王月餅(唔好意思,我知咩GAME好玩,食真係唔太識,能力圈有限!唔好亂浪費!),同埋一盒哈根達斯(我英文唔好,應該中文好D卦)雪糕月餅!

我又同女主人講,今年無雙王白蓮蓉喎!當然大不了咪買一盒!

星期五六回家同女主人打PS4 OVERCOOKED!
本來想錄埋聲, 不過男主人貪平買左兩個個MIC好細聲0既耳機...結果錄完好似無聲咁.
有冇平野推介下?

我家女主人,都係個D求求其其0既人,唔係話唔會諗定下一步,只係覺得,船到橋頭自然真,即使真係衰左,反正損失係負擔範圍內,又唔駛死0既~~

就如同住屋,呢期租金又回落番(當然唔可以同我兩年幾前租金比啦),如果真係要買,過千萬0既樓其實都只係垃圾一舊(依某求死隊長形容),何苦要買?雖然供完就係自己,不過呢,供完我比個官你做啦~

我小朋友到時可能婚都結埋唔同我住,而間垃圾千萬樓已又殘又舊了。

再加上果班林糞強年紀0既人都死九哂,後生仔人數同經濟爆發力,又可以剩多少?

唔係話唔買,一係佢性價比高番D,一係我呢D窮L再有錢D。購物係相對架MA~

就同月餅一樣,如果到最後係輸,咪認輸LAW。

不過,我知自己有本錢去等。唔駛計數啦,個人感覺0既野,講黎SIDE氣~

我有家人長老小朋友都夠膽去等,對無住屋需求0既後生仔,點解唔追下夢先?

2017年9月19日 星期二

TRU TAJ LLC 滿城風雨反斗城

上星期開始,傳出美國玩具反斗城要申請破產及債務重組。

正所謂,睇人PK最開心,呢個無乜陌生人留言0既BLOG突然多左好多人問候。

我又懶得去理,點知第一晚已見到TOY跌到得番50蚊。唔見左一半。但係我個隻仲係91蚊左右。

有咩分別?我睇左好耐,明D又唔明D。無理由爭咁遠!

以下都係我估估下,唔負任何責任,錯左都唔打算修正。

原來有三隻
TOY DELAWARE 母公司,出事跌到七個一皮個隻,
是UNSECURED NOTES!

TOY PROP CO LLC 全已贖回或2016年轉換為下面個隻,
本身有歐洲澳洲亞洲資產BACK UP,派息亦由房地產收租代付。(我上年都持有過)

TRU TAJ LLC 就係上面PROP CO 轉換落黎,利息更高。

簡單D講,得第一同第三隻係有得TRADE。

https://www.reuters.com/article/fitch-affirms-toys-r-us-idr-at-ccc/fitch-affirms-toys-r-us-idr-at-ccc-idUSFit1mfw9S

2016年,評級公司FITCH研究過三隻野如果破產,個RECOVERY RATE 係幾多。

TOY DELAWARE係0-10% (好得人驚!)
TOY PROP CO LLC 係近90%
TRU TAJ LLC 係50%

以我所知,PROPCO已轉哂去TRU,咁照計抵押品都轉埋,否則投資者實唔肯轉架喎!

早幾日唔知佢有咩BACK UP可以唔呹,昨日見佢跌到80蚊左右(DELAWARE跌到12 同22蚊咋陰公),有諗過止蝕,不過又真係唔信邪。

結果,今日美國TOY宣佈破產進入CH11~ 唔好問我咩黎,自己GOOGLE。

昨晚唔止蝕,因為睇到下表。

https://www.google.com.hk/url?sa=t&rct=j&q=&esrc=s&source=web&cd=4&cad=rja&uact=8&ved=0ahUKEwihlPu9xLHWAhVGzLwKHWIPCKIQFghBMAM&url=http%3A%2F%2Fservices.corporate-ir.net%2FSEC%2FDocument.Service%3Fid%3DP3VybD1hSFIwY0RvdkwyRndhUzUwWlc1cmQybDZZWEprTG1OdmJTOWtiM2R1Ykc5aFpDNXdhSEEvWVdOMGFXOXVQVkJFUmlacGNHRm5aVDB4TVRFek56WXlOaVp6ZFdKemFXUTlOVGM9JnR5cGU9MiZmbj0xMTEzNzYyNi5wZGY%3D&usg=AFQjCNHza45NIb2Teo0cK9dhmyriSXpW8A

搵番當時的頁庫存檔


TOY R US DELAWARE 係一點鐘方向個圓形,無BACKUP(得商譽)。TRU TAJ LLC 就係中間偏右個圓形,由燈色紅色等公司BACKUP,藍色估計係所佔百份比。

PDF最重要0既係,歐亞澳呢D地方分店,並非蝕錢!

結果,玩具反斗城今日話申請破產,反而令DELAWARE 同TRU TAJ LLC 債價都上升。我估事情明朗化反而係好事。

DELAWARE 而家22-26蚊左右,
TRU TAJ LLC 最後交易價係90(BID 91 ASK 93)。

2005 TOY 賣過盤,當時房地產估值4000M至8000M,如果只計我隻債,都只係583M,夠找數有餘。DELAWARE要找400M數。當然我無計其他債仔,唔計啦~~~ 賣玩具當然唔夠找數,不過佢各地有物業,又租番比自己。。。

香港玩玩具的,最初以為無左個童年回憶呼天搶地,唔夠一分鐘發現除美國及加拿大業務外,其他不受影響。

我點?繼續持有吧。

或者最後都會DEFAULT? 我唔知,不過我今次真係死符6,並明個人慧眼,我亂咁買的,千祈唔好亂跟。

2017年9月12日 星期二

男主人鋪租續約了 雜記

十幾日無打過網誌,原因?成日都好早訓,皆因朝早要帶女番學。

發生0既事情都唔少,例如TOY申請債務重組,我無沽到,又睇下有冇白武士。我買入價扣埋息都未蝕0既。我估唔會好差卦,新聞一出,以為佢跌到60 70 蚊,點知又唔係喎,暫時唔理佢。

人買我又買,將女主人RBS 優先股D錢用左黎買CTBB。睇下今次女主人會否搭沉船。

另外,GLD已經升到126美元,似乎今個月兩邊SP都會變廢紙呢,真好。

本來諗住踏入十月才搵業主傾續鋪租一事。點知上星期業主主動問續唔續。哈哈,加左8%,比我預期少左好多,咁我搬鋪或者摺0既念頭就被打消了。

女主人截圖比我,我好少溝通的,匿埋炒炒炒。

咁我只需加價0.9%就可以抵銷租金上升,不過我加左3%,剩番就當額外收入吧,再者2018年減產,實際上唔會多左太多錢0既。

由2018年簽多一年半組約,咁預計2019年六月我就可以開結業PARTY了!

見到唔少留言話要擔心0既財自唔係真財自。其實呢,我呢一刻都可以唔撈,不過有時做人0既野,諗多幾步而已。現在呢個數目退休,已比唔少人優勝,好多人心中0既計劃係無計埋通漲0既(包括我最初都係!)。

今個星期日,再同老婆去食韓式炸雞。

右邊拼盤好好食,左邊就一般,又係食唔哂打包,下次都係叫一樣算。

即使我兩公婆繼續做,每年都係搵多二至三百萬(已扣生活支出,呢個數係齋儲),但隨住年紀增長長輩變老同小朋友長大,光陰成本遠勝金錢所得。

另,我個財自左0既外母食回頭草(而家請人難),番番最初佢唔做個間公司度做。。。今次講明唔做咁長時間,否則唔撈,係威係勢。

再另,送個女番學個陣,以為會見到屋苑其他媽媽或工人,點知見到個爸爸同我一樣帶女番學。佢問我係咪全職爸爸,原來佢係!勁呀!果然我個屋苑好多人都唔駛點做。。。風水好?哈哈。。。有機會再同佢交流下先!

今日股市又上番,建行收市$6.8,都係個句,8蚊開始做期權,直上10蚊就沽出即時唔撈。現時投資組合有四成係借番黎,目標希望做到三成三。


女主人兩隻油股,除淨後計埋股息,應該都番番家鄉了!

2017年9月3日 星期日

開學大吉 我可以唔撈嗎32

剛剛經過九月一日開學日,番學放學都係我接,一點也不忙亂。

忙亂0既應該係女主人,一堆通告要簽,一堆野要準備,生怕執漏。

可惜人算不如天算,也許班主任都忙亂,指引令人"唔知佢想點"!

本來仲考慮比幾錢個女番學,點知原來小一生係唔準去小食部買野食0既,結果家姐都幾失望。不過因禍得福,正因要自己帶野食,結果佢日日有海量零食係小息食。

有幾多港女可以同你晚飯去酒樓食?
中餐最老土,又無得放FB!

開學還開學,女主人呢期都幾黑仔,工作煩惱特別多。

老實講,同佢計一下數,其實我同佢可以各自退休唔做。

以佢約四球身家,五厘息一年,都有16K一個月,夠駛有突。如果進取D,做少量槓桿要20K左右應該都OK。咁以後佢駛剩0既錢,就自己用黎去槓桿。

男主人如放棄追通漲,每月80K家庭開支應該不難。家用屋租自用,七除八扣後仲有一萬以上剩低。五厘息計要1920萬,當然,有槓桿就唔駛咁多錢,而家都做到。

再唔係,駛少D就攪掂。大把家庭搵兩三萬一樣生活到。

講工作

早兩日,接到TVB專訪!!!不過唔係我,係女主人!上次已經係兩年前創富坊了。

佢今次都係堅持唔上鏡,因為以前上ATV(歷史遺物了)個陣大住個肚,影到佢成個包咁。影得最靚係某次ROAD SHOW訪問(哈,又一歷史遺物!)。

拍攝日期未定,睇下個日我得閒否去睇下明星仔先~

至於男主人,預計黎緊四個月都搵得OK,2018年減工作量會少左約50K月收入。

講投資

女主人依然持有中石化,中海油。優先股不變,唯其中RBS會九月份被贖會,損失有男主人補貼。哈哈。。。

男主人九月份SPN 6.375 會被贖回(買入時BELOW PAR,贖回有賺的),到時再揀過隻。其他一切不變。

講資產

女主人八月底止,約有393萬(上月380萬),多左13萬好似係係公司戶口拎左兩萬出黎,同埋未找新卡卡數。

男主人已經唔識去計。。。因為沽左CUF.UN,又買左隻債。不過建行升左一輪,離目標大約454萬!拿,唔到目標,都可能會退休架,目標只係一個參考。又睇下下個月離幾遠,一到目標,就沽清建行。

2017年8月31日 星期四

SMILE 矯視 經歷分享

其實一路都想做矯視,不過以前傳統LASIK技術傷口大,要休養較長時間,又怕唔覺意捽眼整到,結果當然無做。


其實仲有一個原因,係小弟唔戴眼鏡個樣唔好睇。不過做完左,女主人都係話"睇睇下就慣",即係唔好睇啦。

我選左去惠豐中心9樓做微笑矯視。

咩黎,其實係用飛秒激光(即係好短時間0既激光),隔山打牛,隔住個角膜面去砌角膜0既內層,之後開一個細切口,取出角膜組織完成。

傳統係打個個蓋,挖挖挖,合番埋。

而家係,拉開枕頭套個拉鍊,拎個枕頭出黎,閂番埋個拉鍊。

相對上,SMILE矯視傷口細好多,切到0既神經線少左,相對眼乾問題無咁嚴重。

同埋傳統砌角膜同激光係兩部機做,而家SMILE一部攪掂,一隻眼只需23秒,計埋人手部份,兩隻眼都係5分鐘內攪掂。

聽我講,不如睇圖!


女主人陪我去做,佢都驚覺好快。

唔好處,應該係康復時間長D(全清要忍耐),當然同埋貴D!大約比傳統LASIK貴幾千至一萬。

我做左幾錢?用東亞信用卡優惠(已完),只要$26100雙眼。已包覆診藥同埋眼藥水了,

我揀左劉醫生做(其實無得揀,只係我有轉介人先得),見佢又上報紙又係好多場合講解呢個技術,應該係暫時最有經驗果個啦!如果各位想用番劉醫生,留個言比我,我轉介你吧!(應該轉介人有1000超市現金劵,我們平分吧。)

效果如何?我自己都有眼乾問題,一乾就好矇了,尤其朝早比較差,睇手機唔太好,正常生活係無問題的。

另外,可能戴慣眼鏡,以前視力算幾好,而家遠野無以前咁厲害(真係捉蟲),醫生話最長要六個月,等角膜慢慢定番形(入面無左D組織),驗眼結果其中一隻眼有25度近視。

今日大約係POST OP 兩個月零一個星期,其實眼乾問題較大,日常生活唔影響。

最大得益,梗係唔駛戴眼鏡,方便左好多。

2017年8月22日 星期二

2017生日記趣

其實,自己過生日,靜靜地就可以了。

我最想同邊個過?梗係女主人啦,小朋友留左我父母度吧。

早兩日預祝,食左美麗華酒店自助餐,唔好食,不次將果千四蚊BUDGET食個中餐仲好。隔離枱個女人成日出出入入(又唔係取野食喎),好難靜靜傾計。。。

發現自己不知不覺已經15X磅,真係唔可以暴飲暴食了。


正日我都開工的,我唔太恨打工仔個D生日假,我要放假隨時可以放!(不過其實我唔會亂放)

收工後,去左油麻地廟街附近,食呢間"好面線",當年初初炒旦係油麻地,久唔久夜晚都食下,食完番屋企。

唔知係咪易左手,好難食,以前肯定唔係呢D味道。應該係易左手,都成十幾年了。。。係我無謂0既一相情願而已。

以前仲成日食果間吉野家,不過已經搬左了。。。


最後去左現時點,都幾多野睇,等SHF條神龍出左,三條一齊放公司。

來許個願吧!!

循例講下投資,講下個倉啦。

其中一支債SPN 被CALL,剛剛好買左一年,若九月CALL走,回報約8%。暫時未想去搵代替品,免好似上次咁佢彈弓手又話唔CALL!

另,GLD升左唔少,繼續落去,九月份個PUT終於變廢紙唔駛轉倉。若有日升番上買入價,就賺價又賺權金了。

多餘錢到呢一刻都係用黎去槓桿。

早幾日建行升,個人淨資產值曾一度掂到一千五百萬(未計女主人啦當然),若工作期間,一掂到二千萬就即時收檔,有冇可能?

(上年呢段日子就係東方日報訪問過我,果陣應該未夠千二萬,建行升幅,工作收入,債息股息收入幫左唔少。)

生日願望?簡簡單單正正常常就好,小朋友生性,同四大長老健康吧。

2017年8月18日 星期五

自立六年 男主人工作

我記得,當年同拍檔拆伙,個女得半歲。

剛剛個女過左六歲生日,小弟過多幾日都生日了。



自立五年幾六年,相比離開之時,收入多左四倍。原因?自己野緊張D之餘,都有破釜沈舟人心態,搵得幾多得幾多啦。

阿拍檔網誌中偶有提及,剛剛發現佢已經搬左鋪

空間細左好多,得番三分一,唔知係佢覺得佢用唔哂,定係慳皮啦。睇牌面仲無請員工。。。

另外,地點本來係炒旦美食聚居地,但當初我無搬到去果邊,原因係太多同行,我又唔需要宣傳全靠口碑,無乜協同效應。再者,亦怕比同行攪自己

而拍檔新搬果個位,幾年前我睇過,係我未行到去就已經話唔駛睇個D位。唔知點解佢會租果度,實在太失禮。

******

入行十四五年,其實我有師傅的,雖然可能佢覺得佢無教過我D乜,但真真正正帶我入行0既係佢,只知佢現在只做高端客仔(或者咁講,佢做粥粉面大路好多),如果唔係一次交通意外,佢呢個苦讀型牛津碩士當年應該唔會入行。

無心插柳之下,我係有徒弟的(!),上星期約左出黎食飯同埋兩個舊客。佢係做粥粉面,同我無乜衝突。大家對一對BOOKING LIST,原來都有唔少重覆。相對上,佢得一年多經驗,唔敢出黎自立,遇到衰客又無SAY。

原來,雖然我又唔係D咩大食店,不過係呢個小小藍海入面,都算有D地位。最惡劣0既客人都極度比面我,真係唔同行家吹水都唔知。

同老婆生意好唔同,小弟炒旦真係零受氣。再加上老婆一句"做得唔開心唔好做",今年我直頭揀食客揀到出哂面!如果以爬山黎比喻,工作上已經到左山頂好幾年,無得再爬。

企係山頂咁耐,不如搵個時間搵個機會落番黎。

最後,自己恭喜自己,今年又中炒旦界米芝連,已連中四年!!預計下年唔中。。。平常心吧。

*******

睇到專業人士大學同學FB回顧,話而家雖然搵錢無以前多,但而家有AUTONOMY。其實咁多年,人工不進反退,有冇自主權都好,係咪要檢討一下?錢同自主權本身並無衝突,個人實力問題吧。

如果當日我畢業做番本行,可能今時今日我自己都一樣際遇。。。

2017年8月9日 星期三

Redemption of (RBS-PRF) US7800978048

簡單講下吧

女主人真係搭沉船。

話說RBS-PRF女主人買左個幾月,就已經被贖回。佢持有1500股,我持有10股。

不過我就唔怕比佢話,因為一早同佢講左風險。

計埋之前收左0.53125 同黎緊9月3日收到0.377778,被贖回帶來USD1500虧損。

而家買賣盤大約25.35 至 25.37 左右,因IB贖回無收費,所以除非好等錢駛,否則唔賣等佢REDEEM 好過。

幾時贖回?以下有講。

其實IB 睇番個ISIN就有(US7800978048),再將佢GOOGLE 七日內RESULT!

http://otp.investis.com/clients/uk/rbs1/rns1/regulatory-story.aspx?cid=365&newsid=899161

****
THE ROYAL BANK OF SCOTLAND GROUP PLC
Redemption of Non-Cumulative Dollar Preference Shares
7 August 2017
The Royal Bank of Scotland Group plc ("RBSG") has given notice to holders of the redemption of certain series of Non-Cumulative Dollar Preference Shares (together, the "Preference Shares") listed below.
The Preference Shares will cease to accrue dividends and shall be cancelled and all unmatured dividend coupons and talons (if any) shall become void for any purpose, as from the relevant redemption date. 
The Series F ADSs, the Series H ADSs and the Series L ADSs will cease to trade on the New York Stock Exchange from the Series F Preference Shares Redemption Date, the Series H Preference Shares Redemption Date and the Series L Preference Shares Redemption Date, respectively. An application will be made to the U.K. Financial Conduct Authority, in its capacity as the U.K. Listing Authority, to cancel the listings of the Series 1 DollarPreference Shares on the Official List of the U.K. Listing Authority. An application will also be made to the London Stock Exchange for the cancellation of the trading in the Series 1 Dollar Preference Shares on the London Stock Exchange's main market for listed securities.
The redemption amount with respect to each series of Preference Shares shall be paid out of distributable reserves of RBSG. Approximately £0.93 billion (equivalent) of the Preference Shares are expected to be redeemed, reducing RBSG's retained earnings and distributable items by approximately £0.93 billion.
Redemption of USD Preference Shares
(i)            Redemption on 4 September 2017 (the "Series F Preference Shares Redemption Date"), in whole,  of the Non-cumulative USD Preference Shares Series F (ADS CUSIP: 780097804 ADS ISIN: US7800978048), amount outstanding US$156,385,200.00 (the "Series F Preference Shares") and the corresponding series of American Depositary Shares ("Series F ADSs"), at the redemption price of US$25.00per Series F Preference Share and per Series F ADS, plus accrued dividends for the current dividend period to, and including, the Series F Preference Shares Redemption Date, which dividend shall equal $0.377778per Series F Preference Share;
(ii)           Redemption on 4 September 2017 (the "Series H Preference Shares Redemption Date", in whole, of the Non-cumulative USD Preference Shares Series H (ADS CUSIP: 780097879; ADS ISIN: US7800978790), amount outstanding US$242,191,350.00 (the "Series H Preference Shares") and the corresponding series of American Depositary Shares ("Series H ADSs"), at the redemption price of US$25.00per Series H Preference Share and per Series H ADS, plus accrued dividends for the current dividend period to, and including, the Series H Preference Shares Redemption Date, which dividend shall equal $0.322222 per Series H Preference Share;
(iii)          Redemption on 4 September 2017 (the "Series L Preference Shares Redemption Date"), in whole, of the Non-cumulative USD Preference Shares Series L (ADS CUSIP: 780097788; ADS ISIN: US7800977883), amount outstanding US$750,696,925.00 (the "Series L Preference shares")  and the corresponding series of American Depositary Shares ("Series L ADSs"), at the redemption price of US$25.00per Series L Preference Share and per Series L ADS, plus accrued dividends for the current dividend period to, and including, the Series L Preference Shares Redemption Date, which dividend shall equal $0.255556 per Series L Preference Share; and
(iv)          Redemption on 3 December 2017 (the "Series 1 Dollar Preference Shares Redemption Date" and, each of the Series F Preference Shares Redemption Date, the Series H Preference Shares Redemption Date, the Series H Preference Shares Redemption Date and the Series 1 Dollar Preference Shares Redemption Date, a "Dollar Preference Shares Redemption Date"), in whole, of the Non-cumulative Series 1 DollarPreference Shares (ADS CUSIP: 780097AE1; ADS ISIN: US780097AE13), amount outstanding US$64,772,000.00 (the "Series 1 Dollar Preference Shares", and together with the Series F Preference Shares, the Series H Preference Shares and the Series L Preference Shares, the "Dollar Preference Shares")  and the corresponding series of American Depositary Shares ("Series 1 ADSs", and together with the Series F ADSs, the Series H ADSs and the Series L ADSs, the "ADSs"), at the redemption price of US$1,000.00 per Series 1 Dollar Preference Share and USD$1.00 per Series 1 ADS plus accrued dividends for the current dividend period to, and including, the Series 1 Dollar Preference Shares Redemption Date, which dividend shall equal $15.956500 per Series 1 Dollar Preference Share and US$ 0.0159565 per Series 1 ADS.
On the relevant Dollar Preference Shares Redemption Date, the depositary for the American depositary receipts evidencing the ADSs will redeem the number of ADSs corresponding to the relevant Dollar Preference Shares being redeemed at a price per ADS equal to the per share amount received by the depositary upon redemption of the relevant USD Preference Shares (which in the case of the Series 1 Dollar Preference Shares will be multiplied by 0.001, which is the fraction of a Series 1 Dollar Preference Share represented by each Series 1 ADS). As from the relevant Dollar Preference Shares Redemption Date, the holders of the ADSs representing each series of Dollar Preference Shares will, upon surrender of the ADSs, be entitled to receive funds deposited with The Bank of New York Mellon as depositary with respect to the Dollar Preference Shares of that series, without interest.
Holders of the ADSs should read the notice relating to the redemption of the relevant series of Dollar Preference Shares and Letter of Transmittal included in such notice for information on the actions that they need to undertake to receive the redemption proceeds.
****
自己睇吧~~~

昨日又去玩星光樂園機,買卡呢,去街鋪買平過係AEON買好多!

2017年8月8日 星期二

號外 我老婆可以唔撈嗎?

本來想講 RBS-PRF 呢隻野被贖回,不過今日有件事想分享下。

可能我老婆會比我更快唔撈。。。

原因?係鋪頭技術性問題,佢怕擦邊球會帶來殺身之禍。其實呢個問題一路都存在,不過近期好似有D風聲走左出黎,佢又開始驚。

我又好傻同佢計,佢一年先儲到70萬左右,如果依計行事,佢係我退出後做多兩年,即係四年,身家只係再多280萬。唔算係咩數字。

(註,男主人仲有24個月,即係兩年貨仔,兩年後,應該會退出)

我同佢講,解決到就解決,解決唔到,不如趁鋪租年底到期,執左佢。

做全職媽媽定搵工定再創業?以佢預計十二月時累積到大約410萬,當佢400萬計,買匯控5%息都有16000一個月。如果進取D,做槓桿,預計有30000一個月唔係咩問題,佢自己一個洗乜都夠。

問題係,外母好豬咁比銀行職員昆左買基金,每月6千幾,即係女主人比家用都接近兩萬(仲有男主人比外母0既幾千零用),好彩只係供幾年。不過佢0既選擇相對上令我地0既退休大計無咁果斷。

當然,呢兩年仲有我工作,跟本用人工養起成頭家無難度。反正現收息組合扣除利息支出後都每月有十皮(要計埋建行股息),到我退出之時都夠洗有突。

都係個句,錢銀於我如浮雲,本來無一物,即使身家變零,咪打番工同埋慳D洗。身邊唔少朋友收入唔高,咪一樣生活到而且好快樂。

或者年青時,收入係一個人生指標;到你有左小朋友,收入就唔係指標,係比小朋友生活0既條件。

或者,
為人父母想比最好0既自己仔女,
但最好0既係唔係一定用錢買到?










家姐終一嘗心願,去玩星光樂園機。
另阿爺同細佬兩個好麻甩咁大熱天時去踢籃球。。。

行過書局見有人生累積資產好比大富翁(以錢計,無錯),如果退後一步睇,除左錢,係唔係有第二條路第三條路第四條路?

我知老婆係唔想執左個鋪,不過我都提出,呢個可能係佢人生另一個里程碑!

係佢同年0既同學或者朋友入面,唔少人仲拼搏緊,或者係為子女生活而留在職場拼搏。難得佢嫁左我,而之前事業又累積左D錢,現在急流勇退,已經完勝同年打工女人仔要用老公家用0既全職媽媽。

不如又計下洗費
住屋25000(預鬆D),長老30000。
女主人自己洗自己,男主人15000

加埋70000,未計如有工人,未計小朋友(唔去練十八般武藝,駛得幾多?)

再過多十幾廿年,小朋友都變年青人,變勞動力了。

究竟女主人會否早過我唔撈?我無乜意見,因為。。。

當初叫佢創業0既係我,
而家叫佢唔撈又係我。

2017年8月1日 星期二

坐食山崩 我可以唔撈嗎31

呢個系列幾乎係每月必寫。

近兩個月出文少左,主要係打機,睇戲,懶。連模型都無砌過無噴過。

有部份原因,係準備九月份一個讀小學一個讀幼稚園0既接送日常練習。

本來兩個放中午,而家一個中午一個下午。仲有未知多唔多0既小一功課,雖然我地唔太理佢,不過也不能太樣衰吧。我唔支持愉快學習,但我支持維持係能力圈內做事能帶來動機及成功感。

HEA之餘,都只係講緊相對上HEA,並不是完全由得佢懶。兩回事黎。

開始要同家姐講,朝早我同佢行番學(仲有要準備大雨時點帶佢番),係學校食飯(零用錢比幾多我都未知),放學要番黎做定功課,食飯前要自己沖定涼等等。

結果呢期成日同佢心理練習,好令九月免生亂子。

我鐘意打呢個系列,非哂命(有其他文其他事可哂啦,錢0者!),鐘意0既原因係第日可以睇番。自從有紀錄之後,收入支出有個概念,以前我都係求其睇下個BALANCE就算,老婆更加唔理。

講工作

七月份工作量係正常0既四份一左右,錢唔多,輕鬆渡過,預計八月變番正常。無用個鋪頭黎噴高達模型硬係爭少少,不過今個月我鐘意睇自己個缸魚。。。都幾RELAXING。

開始唔太強求高生意額,係咪好事?再過多一個月先慢慢諗啦。

講投資

今個月建行派息58萬,全數買哂CAD STOCK。賬面係蝕0既。比多少少時間佢,睇下係咪賺息蝕價啦。

八月份開始,收到0既股息債息投放去邊?未諗!無乜IDEA的話就用黎減下槓桿吧。

講目標

錢方面,無乜目標!因為跟住條路走應無太大閃失!

目標反而係希望九月份成功過渡,因為接送放學都係我,要工作上配合到,要少少技巧,坐下的士在所難免了,唔係錢問題,係我鐘意係巴士訓下覺諗下野。(BED BATH BUS係三大思考時間!)

女主人D 地產AGENT又再UPDATE佢,1480萬,但其租值唔駛3萬。如果唔加租,樓價可以用黎租41年樓(現實少少,當用首期連稅連佣820萬買盈富,每月沽部份股票交租,都租到20年)!

細佬剛剛四歲了!美心呢個CAKE有兩架車仔送,好過糖膠車丫!
過多幾日輪到家姐,再過多半個月到我了!

我同女主人講,40年後,我個仔都變大叔重老過我,我個女已成為師奶。玩下手我同老婆重是否生存又一問題,住緊個度已舊到一個點了。。。三份一個世紀,股樓之間,總有機會各有千秋吧。

講資產

小弟只計CAD STOCK及現金

七月底一共152萬(上月95萬),57萬來自股息,其實CAD STOCK除淨及帶來賬面虧損之餘,今個月收入少得可憐。

做左十幾年野,都無走去計唔開工時有冇錢剩,今次計一計,原來係會會坐食山崩架!(其實賬面蝕0既多)。



老婆今個月無變,如下

七月底一共380萬(上月370萬),原因係三隻優先股賬面升左唔少

本月二人合共532萬(上月466萬)
(無聊UPDATE,小朋友利是基金,市值7萬,每季派息七百幾蚊左右)

因小弟並無任何物業,正宗無殼蝸牛死窮仔一條,唔少人0既物業總值都多過上面條數啦。

如果佢仲有個高顏值老婆,靚靚小朋友,健康0既父母高堂,我呢D咁0既家庭就真係被完敗了~~~

2017年7月27日 星期四

2016 建行股息 少扣股息稅

其實呢件事發現左好耐,本住一知半解唔9理,等到真係派息。

2016年度建設銀行宣佈每股派RMB0.278, 亦鎖定埋匯率之後係HKD 0.31950351

即係呢,係花旗銀行入面0既建行應派,再扣減10%股息稅:

250000*0.31950351*0.9

扣埋0.5% 手續費,即係派

250000*0.31950351*0.9*0.995
= $71528

咁IB呢?

先看下圖。。。
(無視5364個項,因加埋CAD股票股息稅)

近56萬股息入面,只有其中41萬要扣10%股息稅!?
另外15萬變左"PAYMENT IN LIEU OF DIVIDEND",唔駛扣稅。

依小弟求其GOOGLE左五分鐘同某一兩位BLOG友理解係,IB借左部份股票比人,"真正股息"比左果條友而佢亦交左股息稅。但係,果條友要比番股息部份我,不過我睇哂全個STATEMENT都唔見有係第二度扣稅。

早月兄講,因香港同美國稅制不同(我也不深究),咁樣反而著數過收真正股息。

無端端慳左15000股息稅,老婆成日叫我送野比佢。。。

最後紀錄一下,2017年收到建行2016年股息共HKD589756,即平均每月有49146用,每日有1615蚊用。

相比上年,股息升幅係追唔到通漲0既!哈哈~~~

2015年度(2016)收到575701

食息過活 建設銀行 2015 年股息派發


2014年度交行建行股息HKD41萬,加埋權金12萬總數53萬
(故事一匹布,自己睇呢篇 2014 年交通銀行 派息日 收到股息

再上年收到2013年度交行股息HKD44萬
(連結按此2013 年股息派發

再再上年收到2012手度交行股息HKD278000
(連結按此2012 年 股息

2017年7月23日 星期日

我的財富大道(2017) 九十萬人次

打風唔開鋪,趁仲記得想打乜快D開始。

上年同之前個D,下面連結有

我的財富大道(2016) 四十五萬人次

呢篇留比自己睇,免第日無記性!

同時,真係樣衰,拉車邊勉強就黎成為百萬BLOGGER(難過搵一百萬。。。)!

應該係最後一次買"風水魚",
每次我都等到全軍覆沒先買,
估計應該可以捱到我唔撈之日。

近日有感,見兩個BLOGGER一個偶像都有寫過回顧過去,老婆又提下我,原來自己都就快40,預計40我應該無野撈游手好閒0既。

2001年四五月左右畢業,專業科目(每年要有個牌掛係鋪頭個種啦)我唔做,去左搵D文員呀,九唔搭八0既工。(呢個讚擇由我YR1暑假已決定,算係我第一個人生交叉點

要講出黎做野,要數到2001年8月,小弟第一份工係賣鞋0既跑街。當時人工八千,做左九日。

之後都係咩都做下。同年年底身家近乎零,即2002年我是"由零開始"的。

2002-2003走左去做侍應,算係炒旦0既前序,人工?最高時10000加炒散幾千。最高峰我估都係得17000。

2004去左讀書(POSTGRAD),不過炒散幾好搵,最高有二萬幾,最差都有一萬。

2005做左我的志願,九唔搭八,人工萬幾,當時同我拍檔炒旦,又係萬幾。加埋未夠三萬。如無記錯,第一個十萬係2005二三月左右達成。

當時好興奮。。。哈。2001-2005都係有錢就入去銀行,完全無投資。

2006 開始現股票,獲利少少就放左佢。買過利豐,超大現代(!!),及一眾藍籌!當時中人壽大約7蚊,匯控120左右。

同時,2006年中開始同拍擋一齊全職炒旦(放棄呢個我的志願,算係我人生第二個交叉點),當時收入一開始都三萬。直到2011年拆伙時,應該一個DOUBLE。

2007年頭識左女主人(感情上0既人生交叉點),年中淨資產過左100萬。亦都開始出黎住。

2006-2009去左讀碩士,也是九唔搭八的東西。

如果講樓,小弟住公屋,2007買入區內C級屋苑(分為ABCD)。
2009落車,改租B級屋苑向海靚裝,後尾租金大升,2010用更少租金租左D屋苑,2012用番2009同樣租金租左D屋苑全新裝!2014-2017搵到錢,轉租更靚0既屋苑B。(A屋苑租唔到,因為我有兩隻貓。)

2010年一刻資產達到400萬,同時我外婆過左身。所以特別記得。

2011年拆伙自立門戶(我人生第三個交叉點),首月已衝過十萬,樓升,老一輩錢多左又肯駛,基本上唔憂做,再加上我放低包袱全力谷,有幾年某D時候去到20萬。

2016年淨資產達一千萬,之後開始槓桿投資債券,優先股果堆野,收下息。

2017年資產近三千萬(留意無個淨字,小心!)。個人淨資產原來已超過左當年初玩期權覺得非常勁0既偶像了。

預計2019年年中,小弟退休之時,未夠40歲(有真實時間表啦,有早無遲,應該係我人生第四個交叉點?),家庭淨資產約2400萬,無自住樓!夠唔夠?唔理了!

淨資產里程碑?
2002   0
2005   100000  (達成原因:收入)
2007   1000000 (達成原因:收入加股票成果)
2016   10000000(達成原因:收入為主,收息成份不多)
2019   20000000(預計)

有人辭官歸故里,我選擇左唔去繼續小生意,當然有我考量。工作成功感已經充滿左好多年,本身我自己就係懶懶閒閒0既人,誤打誤撞變成勞碌命,之後會做D乜?秘密~

2017年7月19日 星期三

租樓無鬼用?

寫呢篇文個陣,我一路諗會否比人笑,哈哈!


呢個題目講左N年(起碼有十年),個個都識去計數,有人用買樓自住同租樓自住比,有D以投資角度睇收租同租樓(呢個超九唔搭八),又有人用首期投資同租樓開支計。之後各人會FF樓價升加按,樓價跌COVER到租金與否,無日無之傾落去。

計數又唔係人人識,不過又有好多人識,真理,係咪一定要用數計?

久唔久又有人用感情去講。不外乎個幾樣:

業主加租
被人迫遷
每一、兩年搬一次
月月交租比人供樓
租金不停升
安定感

小弟並無打算逐個擊破,反正100個有99個都係紙上談兵。

講個真人真事,小弟幾年前常常恥笑女主人有個朋友,連拖都未拍過,成日去指指點點男女主人之間0既感情事及對小朋友0既管教,其實佢都未試過,不曾在其中,又有咩資格講?

有幾多個BLOGGER長期都係租樓住?提出呢D論點0既,大部份有自住樓BLOGGER。或許佢地以前都短期租過樓,所以有其個人體驗。

小弟炒旦都識幾個,一路都租樓住0既極有錢人。不過講呢D真係SIDE氣,等同80後求死自己無料講自己識D乜乜前輩點樣勁一樣。

我個人意見呢,因為我都租左幾年樓,又搬過下,應該有資格講下。

加租迫遷搬屋呢D野,其實錢係可以解決。早幾年舉個例,8000蚊租加到9000,其實都係多12000一年,有本事咪續租,唔順氣就搬,無錢咪搵間平D。錢解決到0既問題根本唔係問題,意氣用事大過一切。

交租比人供樓,其實你出街食飯都係比錢人交租,供樓都有利息比銀行。使用服務必然有代價。明明一個公仔面早餐,自己煮同出去食係差好遠,出去食方便好多,抵比。

租樓一樣,煩少好多野,自由度極高,抵比。蝕本生意無人做,放得租唔通要蝕錢(如果係咁,就係樓價下跌之時了)。等價交換之下,隨時可以拍下屁股就走,可UPGRADE又可DOWNGRADE,比多少少錢都值得。

大前題,係要夠多租盤。

以下都係個人意見

如果無公屋,全家搵得兩三萬,當然合理價上車。不過,400萬樓,月供要萬五蚊(無左一半收入),壓測要三萬七。究竟係佢地活該,定係樓價太高?我無乜意見。我點解咁唔鐘意細價收租仔?或者上面呢個CASE有D啟示。

果班得三五七層細價樓收租仔,其實在財富中下階0既小弟黎講都唔係D乜,計下數,原來總資產都接近3000萬,不過同一般收租仔一樣,借左同借到幾多有冇借到盡?好心,講就講淨資產吧。

如果五萬以上,就真係人人情況唔同,有人係可以等樓價租金逆轉。收入越多,用錢解決0既感覺越強烈。

如果唔以對賭心態去執行(例如租住先等樓價跌),個人諗野會正面好多,跟本就無安定唔安定可言。例如小弟已經有能力可以任租全區任何租盤,不痛又不癢,又點會同收租老野去計較去計算?

當見到女主人諗下下次租咩單位,就似佢上淘寶購物一樣。我地幾時買會否買?其實都係睇樓價/資產比例。若然突然有好多錢,我地唔會考慮升跌就會買,同樣,女主人自己D錢而家都買到區內唔少單位,不過佢都無呢D衝動(所以女人有外在美0既,都可以有內在美,亦都可以有財商!不要睇太多TVB!)

最後,好多時買好過租呢D論點,都唔係長期租客舉出,是否片面之詞請自行考量。

同樣,正如年青就財自唔撈一樣,唔計有能力但唔想唔撈個堆(人數好多),真係做到又有幾人?相反不停評論或者不停講點樣去追求0既人,就好鬼多。

這亦正是小弟寫BLOG 0既原因。

近期好少寫文,我方針係定期有文,不論內容多少。但呢期同老婆仔女四打PS4 FAT PRINCESS,自己又開始番工作,有時比較懶而已。



寫完呢篇文個陣,我都仲係諗,會否比人笑,哈哈!
Related Posts Plugin for WordPress, Blogger...