2017年1月14日 星期六

投入一百萬,月收一萬 ON99非債基方案

呢一篇玩野之作,無需太認真。亦都講一句,小弟做野就似男人ALL尿,亂咁黎,只提供初哥資訊,如要絲毫不差0既解釋或原理,請自行GOOGLE。

亂九黎其實係男主人做人秘訣之一。。。你估係咪真係亂九黎?

(樣樣都升番唔少)

*******

以下例子,請自行將個銀碼放大縮細!

一百萬,買年息七厘產品,做兩倍槓桿,即借多一百萬。共二百萬貨。

一年可收息14萬(月收11670),
假設借貸成本係2%,每月利息$1670。

即係,100萬資金可以收到每月一萬。
年回報12%!

若將利息以還貨款,應該七年左右還完(利息越來越少),變成FULL PAY資產兩球,之後唔駛比利息。廿幾歲仔,供完都係三十幾,頭都未白喎!

未有一百萬?十萬每月有一千,一萬每月有一百,當交下上網費都好丫。


呢期又砌LEGO啦!差唔多唔駛我幫手了。

喂,邊度有七厘息咁好?

咁你一定要比錢上我D COURSE,或者買我就黎出個本書啦!!

哈哈,講笑。

其實優先股,債券,REITS,某D收息ETF都做到。(大把人講緊,唔駛上COURSE,GOOGLE下就有!)

比錢我就唔駛喇,留意小弟投資組合有D乜,或多或少有D有七厘。

邊度借到2%以下0既錢,樓按!不過要還本,或者有米D用私銀,再或者其他方法可以係小弟個BLOG度睇到。

當然,投資涉及風險,貸借又涉及風險,連出街都有風險。請自行衡量,任何睇完呢個BLOG甩頭髮,唔見錢,或不舉等問題,小弟一概不負責。。。如果明天世界未日,你有金都無用,不如CALL架UBER番老家,陪下屋企人吧。

送佛送到西,如果係用IB借錢,佢個MARGIN REQUIREMENT係30%,跌兩成就要補孖展。真係好危險,小心小心。(如果唔係30%呢?)

用其他行,又有其他計法。

拿,如果借少D,咪安全D LAW!

**********

點解我ON99咁計埋D傻仔數?又係女主人D朋友唔識計數,先唔理係咪租一世樓,短暫0既租金,尤其係而家租金回報低到咁,其實係可以用投資回報去交租。

我未識咁做之前,5厘息已經夠我交租,雖賬面升幅唔大,但計埋工作舊錢已夠我求求其其過埋下半世。(樓梗係要買,佢升佢跌都好,我都一路有資產增值架MA。。。)

當年我得180萬,心水單位650萬(清倉可上會,不過果陣應該唔敢飛甩個拍檔自立門戶了。)
今日我過1000萬,心水單位都係1100萬(唔駛清倉,仲未計女主人個份)

時間係最好0既朋友,如果我當初上左會,一路唔買第二個物業的話,最多都係加按多三百萬出黎0者。(仲有,拖地拖死人。。。)

時移世易,係租金回報低,又無乜(內地)人搶租之下,唔計樓宇升值,好多投資都好過買樓收租。不過如果仲有得幾何級數咁升,可能買物業會好D!但若升多一倍,你會個社會會點?

其實,升多一倍,我同女主人生意都會加番一倍價,收租仔日常開支一樣會升番一倍。

又計下數丫,如果租金是二萬,樓價六百萬走唔甩,若用二百萬本金已經可以月月以息代租,若用黎收租,當你唔犯規,要三球之餘仲有其他雜費。

(最後,今日打去IB問,原來要轉去CITIBANK NA HK, 唔係NEW YORK,哈哈!惟有等D錢彈番番黎再試一次吧。)

女主人又試晚裝,因為佢今年決定玩野式同我影次室內相,作為結婚週年紀念!
佢最後揀左白色婚紗,無揀呢件。我?一路只係陪襯品吧!

57 則留言:

  1. 7%回報話咁易, 係杜拜買樓8-10%. 手續或細節如何? 比錢我開班就教你! (哈哈, 講笑)

    我近兩年股票回報已經都唔止7%, 希望可以一直進步. 買港樓先得3%, 唔岩我既

    回覆刪除
    回覆
    1. 可否EMAIL 相關資料比我,EMAIL係 382436俄妹@GMAIL。COM!THX!(講笑)
      股票又有一個問題,全倉一隻股要好大勇氣。。。分散又會有部份唔爭氣。

      刪除
    2. 沒有最好的方案, 只有最適合自己的方案呢

      刪除
    3. 係架。
      不過如果未試過,又點知邊樣0岩自己。

      刪除
  2. 影多次咁好玩呀,哈哈哈

    回覆刪除
    回覆
    1. 係。
      一套衫一個室內景,18張相。六千有找。
      你都可以遲d 請老婆去影tum下佢開心丫。

      刪除
    2. 老婆而家對影家庭相興趣大d

      刪除
    3. 我都就黎去影樓,謝資料分享!周圍格下價先=)

      刪除
    4. 恭喜晒~到時記得齊齊放閃。

      刪除
    5. 嘩,cherry 兄結婚了,恭喜恭喜! 之後有排忙呢。

      刪除
    6. 咦?有喜事,恭喜恭喜!

      刪除
  3. 打咗格仔都覺得870兄娶到個正老婆,呵呵:D

    回覆刪除
    回覆
    1. 你都學下我地放下閃啦。
      好彩佢未變師奶身型

      刪除
  4. 由 Citibank e banking wire 入 IB, 要揀 Local Non- Citibank Account 㗎,唔係 Overseas Citibank Account

    回覆刪除
    回覆
    1. Sleepybear & 70兄, 是否用citibank e-banking可轉錢HKD去IB個Citibank HK account ? 我只去counter做Chats, 免費的, 但浪费時間, 我應該也豬了.

      刪除
    2. Sure, 响 Citibank e banking add 完 IB 個 A/C 就可以 wire, 上午轉,好似晚上 check IB 就見到$

      刪除
    3. 在citi 網上轉錢, 点解揀local non-citibank account 而唔係揀citibank hk account? Citibank N.A. 好似係HK A/C.

      刪除
    4. 我仲搞笑,響bank of china轉,打返轉頭,IB同BOC查咗成個星期都查唔出點解。最后尾都係寄cheque

      Allen

      刪除
    5. Citibank 職員好似話 IB 嘅 Citibank NA 係香港分行,但唔係 Citibank Hong Kong...

      刪除
    6. 明白。17/1凌晨12点轉了錢,但现在3:30pm都未見!
      知唔知要等幾耐?

      刪除
    7. 十號筆錢,今日17 號終於環遊世界後彈番番來了。

      刪除
    8. 上午 wire, 晚上應該可以見到 IB balance 有錢

      刪除
    9. 70後兄明早 wire 錢,明晚可以 trade la

      刪除
  5. 70 兄, 你行動力真厲害! 今日一定要留言, 呢篇野正中我下懷,呢邊係on9 ?(哈哈, 講笑jey)
    方法簡單,容易明白,仲講埋答案(IB ^.^) 如果世界沒有IB, 呢個方法可能不work
    讀左你寫的Blog 大半年, 終於take action 去申請IB 同實行左4個月,暫時效果不錯。
    希望下半年有時間加入Blog友系列,同大家交流投資心得

    回覆刪除
    回覆
    1. 學止凡話齋,影響到每個人梗係好。
      有好多野未試過又唔知點攪,咪睇下人地d blog.

      睇睇下自己寫埋一份。

      刪除
  6. 你呢個係是債基!
    自製的安全債基!

    回覆刪除
    回覆
    1. 唔係呢。。。
      入面唔止債券,仲有優先股,reits, 同死唔斷氣的內銀。

      刪除
  7. 七十兄,你講哂所有秘密啦!
    我未知IB之前都係用Citibank OD買債基同債券(原來乜Sir叫呢D叫債基疊加,其實OD買投資產品Citibank銀行網頁都有宣傳),半年前知道有IB就即時轉用IB,覺得以前真係豬咗!好多謝七十兄同其他Blogger無私的的分享,所以我幾日前都開始學人嘗試寫下Blog,希望同大家交流下。不過依我呢D咁懶的性格,可能一星期都堅持唔到呢!

    回覆刪除
    回覆
    1. 得閒打下,慢慢就好多文。
      口多問下,之前CITIBANK 買債係用GOLD定係PB戶口?有咩唔好呢?

      刪除
    2. 係最怕自己無時間,有時間又無心機作文......
      我只係CitiGold戶口,未有資格做PB。CitiGold如果要OD買直債,選擇好少,都係一D A級債,事關唔係A級債無得槓,所以票息最多只有三至四厘,息差太窄;另外,買一隻起碼10至20萬美元起步,好難買多幾隻分散風險;仲有仲有,銀行食價食得好勁。

      刪除
    3. 息口同IB差唔多,可借港元或美金,記得係1個月Hibor/Libor+1.4,港元以Hibor為基準,美金以Libor為基準。

      刪除
    4. 我覺得OD 係好方法, 可惜息唔平, 下下都係H起跳

      我本來打算OD 去買港股(公用類) 賺息差

      可惜計完數一係就蝕息, 一係就回報太低

      70兄有IB 借到2% 堅爽

      可惜IB唔做我呢啲窮人生意...hehe

      Acyl

      刪除
    5. 咁又唔錯, 不過我見PB 收債息有D有手續費, 有D 又有保管費...

      刪除
    6. 我用咗CitiGold咁耐又唔覺收債息有手續費同保管費喎,只係買賣時食你價,可能間間Bank唔同。

      刪除
  8. 債基course...都係果句, 救得一個得一個。

    回覆刪除
    回覆
    1. Starman兄,你話我豬都好,大約三年前乜Sir剛開始債基收息Course時,我上過,我真係上過!記得個時未係收到好貴,亦未正名叫乜債基疊加,好奇心之下使咗千零蚊聽下佢講乜Q。平心而論,佢頭兩堂比較各收息工具的基本知識都幾啱初學者聽,不過我就聽到差D瞓著,因為對我來講太淺易。最後宣揚債基嗰堂,我就發現根本就係我做開的Citibank OD債基。但乜Sir似乎真係有意無意中講低咗風險,同埋有拉生意之嫌......不過咁,我覺得如果百份百信哂佢而唔去衡量風險所在,咁自己都有責任。
      如果有機會,我可以之後在自己個Blog度詳細分享。

      刪除
    2. 希望有機會看到風中追風關於乜Sir分享。

      刪除
    3. 我估好多人都有興趣, 佢教0既方法係乜.

      刪除
    4. 70兄,佢教的方法你已經估中哂啦!

      刪除
  9. 想問下 IB 的斬債 是不是些 mini 或迷債? 同一條 US$200k 直債有什麼分別?? (除了銀碼細些外)
    剛睇了你 topic. 其實我看你 blog 已一段時間....
    謝謝你答案!!

    回覆刪除
    回覆
    1. 不是, 建議比錢問相關人士, 或打電話問下證券行, 或GOOGLE 下
      見你打幾隻字問, 我又禮貌上打番幾隻字答下啦.

      刪除
  10. 留名學野先。呢個方法當我有你咁叠水真係有得諗 (出手前一定會認真研究)! 不過呢一刻唔使行呢一步住, 炒住股票滾大個本先!

    年尾睇流年, 師傅同我講一樣野同你不謀而合:你可以唔使買樓住, 只要你賺既錢夠交租之餘又快過樓價升幅。

    "香港差餉物業估價署最新資料顯示,截至去年11月,香港私人住宅售價指數報306.6點,比去年9月的306.1點歷史高位微升0.2%,環比上升約0.79%,已連升8個月。去年首11個月該指數累計升幅約7.6%。"

    畀夠佢 8%, 只係你呢個方法都夠跑贏佢啦! 加上呢排啲妖盤當道:百零呎劏房, 過千萬冇廚房單位 (最抵死係啲人一樣狗衝!), 比 97 當年啲縮水樓有過之而無不及 ... 你都未買住, 我儲下錢先啦!

    70後咸魚A

    回覆刪除
    回覆
    1. 咸魚A又見到你, 真係好.

      買樓有個SENSE OF OWNERSHIP, 無安全感0既人非常需要, 呢D 錢都買唔到.

      例如在乎升升跌跌0既, 買樓吧.

      我自己常在起落之間, 手上東西TOTAL LOST 也只是身在物.

      刪除
  11. 回覆
    1. 不用客氣,如能fb share 下我更開心。

      刪除
  12. 用IB買美股收股息要交30%的股息稅,債息則不用。請問優先股是否在股息稅徵收範圍?如是,是否很不劃算?

    回覆刪除
    回覆
    1. 唔一定,你用以上問題keywords Google 一番,有更好的答案。
      至於我買個d優先股,的確係無股息稅。

      刪除
    2. 謝謝你的回覆,我之前也做了一些 research ,以為是要收30%稅的。我再研究一下。

      80P上

      刪除

各位每個留言,係我繼續9UP動力,必覆。

Related Posts Plugin for WordPress, Blogger...