小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年1月31日 星期二

買入加拿大REITS 我可以唔撈嗎24

講工作

農曆年假,女主人休得特別早。由一月二十一路休到二月三日(年初八),足足休左兩個星期。用收租仔概念,佢有半個月白交鋪租,最好暫租比人散貨?哈哈哈。。。樣樣算死草,做人有何意思?難為細價收租樓加個三兩百好似好巴閉,食餐飯都無左。

係佢地太沉迷係個收租遊戲入面,就好似女主人笑我,打機個陣好鬼豪,不停用GAME錢買野,哈哈,現實生活又唔係咁。

男主人休得一個星期,做到年廿九,年初八開工。中途要番去日一餵魚。過往用自動餵魚機,都全員生還。今年唔記得SET,親自番去餵。

男主人工作,過往都係上半年輕鬆過下半年0既。應該而家呢個工作量,KEEP多一年就可以再放鬆D做。

講資產

貪玩買多另外兩隻優先股,極少量,每隻十股!(哈哈哈)

同埋買左100股加拿大REITS,試下佢係咪扣15%稅。

IB買TSE(加拿大交易所),至少呢隻REITS係扣15%稅。以佢10%息率計,得番8厘半,再扣借貨利息,得番七厘。值得與否見人見智。

另,IB轉港元已無問題好順利。戶口號碼要用佢ASSIGN果個,不過用錯號碼,都一樣轉到,但係會係IB個MANAGEMENT HOME比個ALERT MESSAGE話你用錯號碼。(轉數時間係唔會慢左)

IB戶口,希望二月可以一路維持係130萬美金負債。每月所得債息或股息,一係用黎買貨,一係DRAW番出黎自用。

二月份應該係債息同SGX REITS息。估計港紙四五萬左右吧。

講目標




女主人倉:股票21萬,現金311萬,總數332萬。

比上個月多左13萬,因為收番一D一路佢都無計算在內0既現金,直接入銀行。佢一月份糧都仲未入票,實際上應為338萬。(上月為319萬)

所以女主人呢D成日唔計下搵幾多又唔追數的話,久唔久D錢番番黎都幾驚喜。

男主人不再一窮二白,持有現金12萬。

預計八月建行股息55萬(人仔又升番),男主人跑數60萬,IB收息38萬。
女主人跑數49萬(7萬/月)。
預期主動被動收入為202萬

神秘戶口繼續為零(其實都有十幾萬,不過要虧空公款)

八月份總數為338+12+202+0=552萬

真係唔係咩錢,只係僅僅買到1000萬0既樓(包左首期佣金厘印),市區三房好少少都住唔到。哈哈。反而以債息交租,進可攻退可守。租到六十歲?我重有廿幾年先到,老婆仲有三十年,到時個女可能都嫁左人啦,個仔話唔埋都已出黎做野。

收租仔對未來租客供完達致FULL PAY咁有願景,其實時間是每人的敵人亦是每人的朋友,我對未來幸福自由更有願景,信心其一來自資產,其二來自流動性及可選擇性。


整個奀皮樣各位睇下!祝大家來年心想事成!
我個仔個名?意思係常常都好得閒自若。

HIT RATE終於都過六十萬,速度就係固固定定,開始得早,自然累積較多吧。

在此推介一下風中追風兄個BLOGhttp://laxinvest.blogspot.hk/),幾篇文已經講左好多你唔試過一味睇文件都睇唔到0既野,亦係小弟亂九黎樣樣衰衰都要寫BLOG分享0既原因。

因為我想小弟行過0既錯路別人唔好行,亦唔係老屎忽咁叫你走佢六十歲先開始有收成0既舊路。成功之路,人人唔同,最緊要自己所願,至少,不要辜負父母之恩吧!

46 則留言:

  1. 70後兄新年快樂! 我最近都開左個IB戶口,打算過埋年就射哂D貨過去。

    回覆刪除
    回覆
    1. 新年快上。
      留意若IB執左大吉利是,最多都係賠番15萬架咋。

      刪除
  2. 70兄新年快樂!謝謝加拿大reit資料的分享。
    囝囝個拜年look好醒目喎XD

    回覆刪除
    回覆
    1. Cherry 兄,換左新profile pic 喎。
      TSE reits 有冇著數真係埋單先知,有可能蝕匯又蝕價架。
      個仔件雙面衫來,好似係荔枝角買。

      刪除
    2. 唔係呀,新界區其中一個領匯商場買好平85蚊

      刪除
  3. 師兄好厲害,一個月被動收入都夠租十年樓,住到悶又有得住下第度。至於IB債息方面,經觀察一段時間,其實應該係由債券declare派息果一刻,銀碼已加到資產總值,到正式派個日反而唔重要,因為派完cash比你之後,應收股息就會減返相同數字。

    回覆刪除
    回覆
    1. 租十年樓要二百萬,點止一個月息?應該打錯吧。
      可能債價反映左含息,不過我一路無留意,至少無股票除淨咁明顯呢。
      By the way 我呢個不肖師兄,應該同年期既人都對我神憎鬼厭。

      刪除
  4. 多謝70兄推介,70兄年紀輕輕有此成就,小弟自愧不如。
    加拿大Reits我都未買過,期待70兄的分享。但係加拿大Withholding tax唔係25%咩?

    回覆刪除
    回覆
    1. 大家寫blog 都係希望拋磚引玉,當年搵唔到人講,咪自己打,希望幫到同類型0既人。
      風中兄講債基點揀,又幫小弟溫左一次書。(我都係starman 度偷學番來)
      我Google 搵到輝立收本地客都係15%,政府網頁話唔知簽左d 咩野,所以係15 而非25。(有圖為証啦)
      講年紀,大家且一世代呢。
      有機會分享下一條佬自由後點過日晨,點處理自己家庭岡位也好有用。

      刪除
  5. 70兄,新年快樂。
    你既行動力真係唔惹小,期待遲下既回報分享。

    回覆刪除
    回覆
    1. 言兄,其實按個制好快手攪掂。
      得左又好,踩屎都好,都會寫下。

      刪除
  6. 請問70兄,你地債券收息時,是否都被抽圯15%TAX?

    回覆刪除
  7. 咦,今期冇你個戶口balance 既?追看的讀者上。

    回覆刪除
  8. 你好, 小弟想問IB 是指INTERACTIVE BROKER ?

    回覆刪除
  9. 70兄 謝謝分享,另祝新年快樂。

    回覆刪除
  10. 新年快樂, 多謝你的分享!

    回覆刪除
  11. 新年快樂,
    查看了IB的官網,如IB倒閉,現金額度應是賠25萬美金,還有另外的保險公司會再賠現金額度90萬美金。

    回覆刪除
  12. 請問買美國債券所得的債息是否要扣30%稅?
    祝身體健康, 財源廣進

    回覆刪除
    回覆
    1. 詳情可看此文

      http://hk70s.blogspot.hk/2016/09/blog-post_19.html

      刪除
  13. 風中兄真材實料,和70兄一樣,是藉得學習的好對象:)

    回覆刪除
    回覆
    1. 塘人兄過獎了,大家多點交流。

      刪除
  14. 想在citi網上銀行轉USD去IB个citi NY户口.点知佢唔俾我在overseas citibank 到加收款人account.
    打去citi hotline问. 佢話citi global transfer做唔到個人户口转錢去公司户口。要用電汇做。citi gold客收$150手續費。請問大家是怎樣轉USD的?

    回覆刪除
    回覆
    1. Global transfer不適用於公司戶口,要揀"其他海外銀行戶口"做,但由於都係Citibank,我轉過三次都無收過手續費。

      刪除
    2. 請問填account number一欄时,風兄是填8位数bank account no. 40806826 还是加埋個人的客戶号码共16位数?

      刪除
    3. 風兄,还想請问轉賬方法是揀SWIFT,
      而ABA number 是不用填的。
      对嗎?

      刪除
    4. 另交易收費一欄应如何填寫?

      刪除
  15. 原來係IB買完美元資產後,要手動係戶口用港幣買返美元,否則會當你全部野用哂孖展買計息。
    等我重擺左百幾萬HKD係度曬左成個月,但就借緊六十幾萬USD比息,岩岩一睇月結單見比佢扣左幾千蚊息先發現。
    幸好早發現,只交了小小學費,立即換返哂d HKD做USD

    回覆刪除
    回覆
    1. 係, 唔試下又點識用呢.
      小小利息, 食餐飯都無左啦師弟.

      刪除
  16. 我也剛剛嘗試從citibank轉錢去ib個citibank戶口, 佢哋收咗我五十蚊手續費, 我打電話去問點解,佢哋話佢哋個system認唔到對方係citibank所以收咗,會退番畀我。

    回覆刪除
  17. 經多方面的證實,包括我直接電話詢問,IB已覆實IB HK的戶口是不受SIPC的50萬美元保護,而屬香港投資者賠償基金保護。
    但最大大鑊的是,投資者賠償基金的30萬港元保障只適合港交所的產品,美股與其他國家產品是不保的!剛剛打去投資者賠償基金熱線問過,職員已證實此點!
    即係話,除咗港股或港股期貨,你在IB平台的其餘投資係沒有任何保障的!

    回覆刪除
  18. IB 就有。IBHK 無的。碌去公司網頁下面就知。但可以用其他地址(日本,印度也不能)開就屬於IB受保。例如大陸,澳門。

    回覆刪除
  19. 睇你個blog好開心,冇平時睇財經知識個類咁悶
    唔知你對月供股票有咩睇法??

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...