小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年1月6日 星期五

一生中最明智決定 金錢?愛情?自由?

早兩日,有個熟客知我少少背景,問我揀左炒旦之路而非本身專業,係咪人生中一個最明智0既決定。

我諗左半秒,我答佢唔係。

其實唔炒旦,可能又有另一番作為呢,話唔埋我做左初代YOUTUBER,出名過達哥都未定呢。

我性格就係唔鐘意跟規矩,又唔鐘意聽人講。雖然唔係做左D咩大成就,但現在自由自主,工作又是自己鐘意個類野,重要唔駛理上司,唔駛管下屬,也算不錯吧。對於我呢D唔鐘意瞄準,只係想求求其中個靶0既人黎講,個個靶都中就得,得一個中,即使中紅心都無乜意思。



ALL尿唔一定下下中屎塔正中0既,中個塔咪得LAW!

無奈香港地太現實,搵唔搵到錢同成功與否扯上關係。大概生活迫人,大家處於唔想做又要做,想做又唔敢做之間。讀書時又怕爛GRADE低GPA,搵大學讀又要顧及就業前景,單身時又怕比唔上別人成就或職位,有家庭後責任更大更加唔敢亂黎。

要知道,每人有唔同專長領域,財經知識上,小弟可能只係最BOTTOM個20%,不過,求其中靶就得啦,若然唔中?噢,人生重有好多CHECK POINT 架MA!

做個平凡武將才是不平凡

我是個武將A
武力60智力60統率80魅力70運氣100,可能更開心!

又係個句,你估運氣真係運氣?可能有D野你一路睇唔到又唔能夠量化,偏偏呢D唔能夠量化0既野,就係影響人生滿足度,什至人類物競天擇0既條件呢。

我同女主人講笑,話佢係武將B
武力50智力40統率80魅力70運氣100
佢好大反應!乜魅力得70!?好啦,比夠你100好未?

我阿媽都運氣好,至少有個讀書期間唔駛佢擔心0既仔同時又令佢有得係D師奶面前自HIGH;同樣,我運氣好在有個任我做乜0既阿媽!否則比著第二個老母,佢實日煩夜煩叫我去做番我本科0既專業人士,一黎搵錢唔多,二黎我唔鐘意做。

到時真係工資奴隸,想走又唔得,走極都係轉番同一個FIELD,三十幾歲,呢個專業應該都平原左,人工同職位上,無乜上升空間了。(好似其他BLOGGER D 個案分析咁,去到四十幾五十歲才番轉頭諗下自己放低工作找興趣,係咪太遲?)

我唔係話打工唔好,只係打份自己唔鐘意又日日怨0既工(不論工作性質定人事關係),真係天下第一等苦人!最渴望財務自由0既,其實係呢班!X SIR買債基個班四十幾歲是也。

金錢誠可貴,愛情價更高;
若為自由故,兩者皆可棄!
計我話,WHY NOT BOTH?!

小弟未成家立室時,其實好清閒,係錢唔多(2007年,個陣月入六七八萬吧),再之前真係得閒到爆。當時炒旦仲要未算炒得好,求求其其(做人不用太認真呀,炒到水平以上沒難度),有夠錢就可。

當時同輩同學搵兩三皮,我呢個收入(仲有把口)真係引到兵,開始意識到,連條女都可以自己揀,輕鬆無難度。

點知唔夠一陣好快識到女主人,成左家又努力左(2010月入衝過六位數直至現在),幾年自由換金錢,金錢再換番自由吧。

當然,女主人創業亦都幫左我一把,幫0既並非金錢上,而係佢有佢自己可觀收入,變相我唔駛諗我無得撈會點,最終我都自起炒旦壚灶。

或者有D人,暫時一生中最明智決定係買左幾多層樓,收左幾多別人血汗的租金有幾多年。現在站在高地笑一班後生仔大洗,唔儲錢,無父幹,廢青,黃絲攪破壞等等,其實呢班人,最精彩時光已過,夜晚望下你枕邊人個樣,你有冇揀錯?定係為左做按揭過壓測?定係,根本你仲未有枕邊人,仲要算死草唔肯用錢買架靚車溝女,認為是消費,倒不如買多層收租樓或者車位?

為左下半生自由而委屈下半身!為左有樓收租提早財自而做多幾年推遲財自!

不怕神一般的對手,
只怕豬一樣的隊友/老婆。

揀一個可以同舟共濟0既靚人,遠比揀一個好0既投資好,更對人生滿足感加分吧。

金錢愛情自由WHY NOT BOTH?

有被動收入?租金我未收過,不過債息股息都收過,其實咪又係數字一堆,一日未唔撈,都感受唔到被動收入用黎消費有幾爽。相反,D仔女比人讚佢靚(我強調是雙方基因合併!),呢種暗爽,真係有錢都買唔到。

錢0者,稍有智慧,要搵夠唔算難(無人叫你做李+X)

自由,大部份後生時都有過,除非你好辛苦咁工作為供樓再加按,再要上埋門幫租客通渠啦(晚年自由?咁老有邊個唔自由?講黎無意思,到時倒又如仔女孝順常常問候好過啦係咪?)

愛情選擇,相信影響未來變數最大,斷估唔會有太多人結幾次婚咁勁卦。揀錯,佢日日煩你錢,煩你工作,何來自由?

回應番最頂,比人問到我一生中最重要決定係乜,我諗都唔駛諗,我講比佢知,娶左而家呢個老婆。哈哈哈,個客打左個突,因為佢知我唔會工作時放閃。

不知不覺,原來重有十日左右就係相識十週年,仲有廿幾日就係結婚紀念。

容許我係度放個閃。就像哂模型一樣,要講番句,傷眼莫怪。


33 則留言:

  1. 70兄用真香港街境做結婚相, 真係好少見XD

    回覆刪除
  2. 運氣話黎就黎,買左六合彩未? XD 為何的士車牌都要打格

    回覆刪除
  3. 恭喜,祝開心家庭迎接往後十年、廿年......哈哈!

    回覆刪除
  4. 同意七十兄呢個答案,搵個好老婆比工作事業個d重要得多啦

    回覆刪除
    回覆
    1. 係, 工作事業有得轉.
      錢又係搵唔哂, 洗錢又有得控制

      刪除
  5. 無錯...伴侶係直接影響你下半生最重要因素, 沒有之一

    回覆刪除
  6. 好閃呀~~~要戴番個太陽眼鏡先可以睇篇blog~

    回覆刪除
  7. 我運氣好在有個任我做乜0既阿媽!----同我一樣.

    回覆刪除
    回覆
    1. 係,細個有個唔管你0既阿媽其實都唔錯.

      而家好多家長為小朋友鋪路, 其實條路又未必0岩小朋友呢.

      刪除
  8. 回覆
    1. 不是強帖啦. 無實用價值呢.
      就為紀錄一下.

      刪除
  9. 哈哈好閃呢!預祝70兄和太太結婚周年大快樂:D

    回覆刪除
  10. 我剛開始睇你個BLOG... 70 兄好勇呢!!
    請問你有無去上過某BLOGGER的槓桿/ 融資COURSE? 我黎緊去上堂呢...

    我之前都有做過債基融資...... 蝕走...
    所以唔想再做燈神呢.

    希望你多D SHARE 投資之道... 等我學多D 野.

    回覆刪除
  11. 嘩 重點係最後張相
    閃到爆 👍🏻👍🏻

    回覆刪除
  12. 呵呵。人生很多選擇都是既揀之則安之,其實或多或少都啲endowment effect心理。

    回覆刪除
    回覆
    1. 哈哈,但中國人又有句,隔離飯香。
      建議人跳出comfort zone,除非而家結左婚,否則真係小心揀。
      否則是墳墓。

      刪除
  13. 有些港女臭脾氣, 女皇, 賺錢能力及學歷都低, 最重點係又唔係靚.......我朋友返大陸結婚再離婚, 條女有得分....好彩我遇到一個待我好好的....

    回覆刪除
    回覆
    1. 果堆港女仲要有市場,結果以為自己係上菜。其實條友好少少個d 男人唔會揀呢d.
      大陸個pool 夠大,娶個靚女,有冇學歷搵唔搵錢都無所謂,好過啃港扒啦。

      刪除
  14. 不怕神一般的對手,
    只怕豬一樣的隊友/老婆。

    揀一個可以同舟共濟0既靚人,遠比揀一個好0既投資好,更對人生滿足感加分吧。
    呢段好有共嗚

    回覆刪除
    回覆
    1. 係。
      眼見身邊或網上好多人娶件好醜樣既公務員老婆,真係真愛? 無得揀就話0者。
      難道要黎過壓力測試。

      刪除
  15. 有d估你唔到,重以為你結婚唔會擺酒大攪。

    回覆刪除
    回覆
    1. 唔會, 一世人一次.
      好彩個陣未係好興酒店擺, 其實好多酒樓食物水準高過酒店架.

      我仲UPGRADE 左做龍蝦伊面, 唔係平時咁得炒飯同伊面.

      刪除
  16. 作者已經移除這則留言。

    回覆刪除
  17. 作者已經移除這則留言。

    回覆刪除
  18. 唔怪得依幾日天氣咁熱,原來有個大太陽曬住:)

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...