小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年2月27日 星期一

小女表演 PRE睇樓記

有感工作及投資已追到樓價有突,口痕叫女主人WHATSAPP 下AGENT,反正無成本。

小弟目標屋盤少,0岩心口得一個,夾硬叫OK得一個。其他面積細DD0既三房,有三四個。已經係成個屋苑0既盤源。

結果女主人又唔聽清楚我講,我有兩不睇:
1有人住個D廢事睇
2唔係目標個D唔睇。

唔係目標唔睇,最重要,無謂比AGENT用黎扮有客。基本上我同女主睇所有房型都睇過,唔0岩又唔會買。

住緊人個D,唔荒係賣,試價唔好煩我,遇過黑面神,買野都要受氣?(其實我都唔係買,哈)

剩番一個目標,叫價1500萬,已經可以買別區同呎數五年內新樓,咪玩。其實可以睇,反正鎖匙盤都係AGENT 過黎,不過女主人唔想煩到人,就此由佢。

買唔買樓,真係睇下有幾多錢。

準備梗係要有,例如要加自己人工(過壓測)。

上圖樓價大左十倍,懶得修改,請自行除十。謝謝匿名兄指正~~~

都係計下要幾多現金首期先,如果以一月份結算計,女主人只能買800萬0既樓,即係目標外個D。
如以2017年八月份結算計,應該可以買到1000萬。

所以,佢升定跌,其實我都應付到。不過,我都係鐘意租,睇住資產越跑越遠,原來呢一刻小弟已經唔駛做。。。

另,天氣轉變,男主人成日想訓唔想郁,少左出文。

難得見股市升,一般BLOGGER不論老幼都無人GOGOGO,意味大家都未沽貨又未買貨?

我就靜待建行業績,若佢掂到七蚊,可能做少少期權吧。

策略不變,八蚊可待沽,十蚊即走頭也不如。

人生除左錢,仲有更多好玩0既事情吧,星期六日同老婆係屋企講下笑睇下垃圾電影都好開心。小朋友練習表演都好開心,咁大個台,問佢驚唔驚,真係初生之犢。。。


小女就係最右,打鐵片琴果個。
條片好似desktop 才看到,手機唔得。

呢個係唔知咩鬼儒釋道學會攪0既,做馬做到暈,D獎都係比番D圓玄幼稚園,有相同宗教0既學校。最不值0既唔係學生苦練,反而係各老師用左自己寶貴LUNCH TIME 同休息時間0既排練。

作為家長0既,過程中睇住個女無因為難,無因為夾唔到同學甩哂0既拍子而放棄,已經係一大得著。

有時堅持比人當係傻仔,但係人生係自己0既,堅持到最後,即使未必全對,總好過迷失自己吧?



最後,剛剛星期五,我再次開番支噴槍了。梗多0既錢,都唔及砌模型帶來0既樂趣,所以我永遠唔會明點解有人會當睇收租樓係興趣,是否人生意義只止於此?

2017年2月21日 星期二

阻人攪野燒春袋,毁人夢想判幾多?

全城熱論前特首判刑,當中真係有罪有幾多?兩個背後party對憾最後就個倒下?

雙曾被培養左咁多年,竟然繼承唔到,比件689頂住,忍你四年玩謝你,今次又選唔選到?

真係無為而治,定係無人知之下已經治左?

當年霸權可以休養生息,全身而退,再而屠宰港豬,背後有幾多錢銀權力瓜葛?

當然,要統戰0既另一party又有佢地謀算,無論邊邊選出,一樣係有損失。

講番正題,判幾多我識條鐵咩!?



不過,佢在位間,究竟磨滅多少後生仔心智?拆散幾多無物質support0既情侶?有幾多水鬼升城隍?人與人之間階級之分,是否只有資產或有樓?

眾生皆平等,人無分貴賤(雖然我只部份同意),除政見外,有幾多年青人本來是白紙,最後迫上梁山變黃絲?

最憎D錢又唔係多,以為自己住三四線私樓,四球都唔夠,當自己大爺。


老董下台後,誰人政策傾斜某年齡層?

如果我要將佢判一個期限,我認為是,二千年,分代執行,包括其子孫老婆。

每次換人,都留少少蘇州屎,689又有冇?

服務香港無悔?究竟選擇性服務係咪真係服務?

THEATING EQUAL UNEQUAL。

樓價升跌,其實同我無關。成日講工作收入增長快過樓價,資產收息已可交租或供樓。

小弟出身時,正值老董做特首,當年根本經濟唔好,佢點都救唔到(同689現在救唔到樓價一樣),當時租金好平,我拍檔租金只係4000/月。

當時真係好好機會比年輕的我同埋被裁員的我拍檔去START UP!經濟唔好真係唔好?當你唔穩定,去思考人生如何走,無固定道路才是你的道路!

現在,一畢業就想要份穩定收入(但又唔係高),目標係上車買樓再買收租樓!做多幾年,個人定左,想甩左份工又唔得,談什麼理想?

我其實生活得都算慳,個班老屎忽成日鬧年青人唔儲錢,成日去旅行,FINE DINNING,其實年青一輩0既野,你識條鐵咩?


小女肚痛,持續兩個月,逢星期日痛。
半夜入急症,唔入私家,政府D DIAGNOSIS好好多!
最後咩事?便秘!!!頂。。。(星期六日係爺爺家唔all杘!)

生活態度同住屋,何解不可兩者兼得?住屋是生活必需,何必要燃燒人生同夢想去換?

如同宗教,政見,興趣一樣,潮流製造狂熱,狂熱變成迷信。

有人篤信收租是成功之道(無錯,時機正確的話),夢想不能當飯食,創業風險大(其實不大),租樓日日蝕(哈),當你講成功例子時,或許會被人秒回"咁你有幾多層收租樓?"

住屋問題非男主人面對問題,反而後繼者自毁夢想才最令人氣憤。

阻人攪野燒春袋,毁人夢想判幾多?雙曾報應,應不止於此。

2017年2月15日 星期三

HKTVMALL體驗 - 擊敗老野系列

話說,男主人住0既屋苑唔近街市及超市,要行十分鐘左右。

每朝送完小朋友上校巴,就行去食早餐,有時中午才番公司(都算悠閒架)。

如果要買米,油或大量飲品(維他奶是每家必備吧,不過我無持股),要拎十分鐘路程,對我呢D書蟲港童黎講係好辛苦。

咁當然網上買,等佢送貨黎。

百佳惠康價錢各有平貴,唔同時段唔同野平,要格價真係要毒男無女朋友無朋友自己一個人日日對住四面牆先有咁好心機去睇。

以送貨時間,百佳跑嬴惠康成條街,所以上年都用百佳。

至於個別信用卡優惠,通常我無份。

自從2016年年尾女主人用過HKTVMALL,一用難忘

1。有MALL DOLLAR,即係回贈,可作下次使用。唔係卓頭,因貨價比兩大超市0既特價重平,加埋回贈其實已平唔少。

2。免費送貨金額少一半,只係250。不過百佳即時已從500調整至250。

3。送貨好快,今日落聽日送,同百佳一樣,惠康等兩三日。

4。種類好多,除左CC LEMON之外,應該全部買開用開0既佢都有。重有唔少平時大超市買唔到,例如紅圈牌沙甸魚,算大牌子吧,四川風味個隻,我只見HKTVMALL有。其他超市只得最普通兩隻味。連貓糧都唔只得喜躍同偉嘉,我兩隻貓而家食MIO餐餐清哂!



5。女主人至愛,因有小型家電家品買。例如近期好興用黎瘦面0既24K BEAUTY BAR黃金棒!只賣$768。(註,非日本製更平)仲有書,CD,LEGO賣!當然,有D係同其他商店取貨(鴻興玩具),送貨時間就耐DD。題外話,買高達好X貴,唔好去買,要買幫襯深水步玩具模型倉啦。



6。佢星期二有一蚊五蚊十蚊區,例如一蚊包薯片。(貪小便直而已,真正整體平唔多)

7。杯面薯片都平少少或同價,但扣番MALL DOLLAR就變左好抵。


 我有個大學同學,住JUNK BAY!佢話佢個頭係一個香港屠場,你買左樓入去住?雖然已經唔係開荒牛年代,不過入面只有一型商場,而大型超市變左唯一選擇之下,又要交唔平0既管理費。除左供樓,其實一路生活都係比地產商食哂佢D工資收入。

我同學當然唔係讀書唔成個D,所以就讀唔到史丹福大學喇!不過佢懸壺濟世,常常義診。

真正幫人者,必然不收分文;收得你錢,而你又唔係窮到要人幫,你估係咪有古怪?再者,幫人應用本身專業,無啦啦轉行真係好攪笑呢。

要擊敗上一代,或者上一代0既模式,必然係用一D佢地覺得新或者無可能0既野。

網購就係好例子,HKTVMALL開頭我都無留意,又係女主人用下用下又OK喎!

就正如當年淘寶,好多後生仔都怕大陸怕內地人,而家好多人識玩啦。直到今日,香港D大陸貨開始平過淘寶了,點解?點解0既?

你睇緊MYTVSUPER?其實我七年前已用緊ANDROID BOX。

資訊科技年代出世0既,你地最強而有力可以對抗上一代0既,至少有呢一樣。

唔係叫你做IT,就咁用都好開心丫。

好多上一輩用黎食住班後生0既方法,其實並非牢不可破!

2017年2月5日 星期日

不買股只租樓的嬴面 心態決定境界15

講多一次,小弟並無任何財金訓練,凡事亂九黎。唯一長處,可能就係無長處。(定係唔比你知又另一件事啦)

我搵得番小學四年班0既相,邊度黎?做乜放張咁0既野?文末有講。
(如果你係我小學同學,不妨留個言或者email我丫!)

um。。。其實此文非想得罪人,只希望想比到啟示下一輩0既年青人,搵到打低上一輩,或者係我呢一輩0既方法,至少,分清謬誤看清人生。我一路寫一路寫,都係想比年青人睇,並非比老大叔睇,為免誤會,各路英雄有怪莫怪。

由細到大,我都係唔太信所謂權威,亦討厭神話化一些偽成功人仕

真正成功,放上磅度秤一下,同打拳一樣,要分輕中重量級吧。以體型定級數。

同樣,香港地呢D咁市儈地方,好難唔用錢去計。講錢,一係講資產,一係講淨資產,一係講現金流。

要分級?當然係用年紀,而非用資產。

九十後,同六十後,如起跑線相同(無父母幫手),大家都有一千萬,邊個更成功?當然唔同年代又有唔同際遇,就係年青一代埋怨無上位機會云云。(個人意見,其實只係個遊戲唔同左,每一代都係要出奇制勝打倒上一代吧)。

唔同年紀好難比較,咁不如比較相同年紀吧?

大家不妨比較下一眾BLOGGER年紀,哈哈,我真有夠無聊,得啖笑。其實我又係搵下有冇人真正財自唔出黎CAP水,繼續寫BLOG。。。好多都已到退休年齡。仲諗住參考下。

講番正題,我個晚發夢,夢到高人文一篇。

不買股只租樓的嬴面

只租樓但唔買股0既ON9仔,有六個結果。

股市大升:輸左無股又蝕租
股市小升:輸左無股又蝕租
股市橫行:無蝕股價但仍要蝕租
股市小跌:股價跌幅仍少過交租
股市大跌:無買股幸保不失

所以,以股投資收息又賺價,再用黎租樓係咪好X醒!

聰明的你,將股市換做金市,換做匯市,一樣通。

好明顯係自用同投資0既分別吧。
兩件唔同0既野放埋一齊講,真係雄兔腳撲朔,雌兔眼迷離!

其實,NAV(淨資產)高,係咪講野就信服D?咪住,你有冇CPA定CFA 定CIA LEVEL3先!?(經典場口,各持份者,各有各識笑!)

我無任何財金知識,發下開口夢算吧!

行多步諗多一諗,不買股只租樓包含投資及自住及剩餘現金0既機會成本(講多次,我無財金知識),一黎股市升跌機會並非均等,二黎一開始已經定左租金係蝕。

咁睇場戲又係蝕,保險買TERMS無錢儲又係蝕啦~

租,流動性其一,平D其二(租樓真係平,男主人住緊果度,計埋首期管理費差餉地租同埋交稅,真係租平過供,唔好只係睇租金同供款至得架!樓價越高,首期越多,搶租人少,呢個現像更為明顯)

咪住,你又以為上面我講個兩段野有少少少少道理?咪講左要將自用同投資分開LAW,咁唔怪得咁多人中上面個"五句"0既謬誤啦~~~

租,彈性;買,穩定。租,可走;買,好難走。租,被迫遷(有錢咪得,執屋搬屋都係錢作怪);買,唔駛搬但買埋一屋廢物。

咁至於投資,收租樓就唔可以同自住樓比較。應該同金股匯一大堆我唔識0既野比較喇。

講升值,又真係細價樓好勁,當年2007幾十萬,而家2017可能三百幾萬;過千呎個D,原來我睇過錦繡花園,睇番舊相,2007四百幾,2017都係八百,未夠一倍。

男主人心水單位,都係一倍。即每年只要有七厘回報,已經追到樓價!

樓下個大草地,管理費都係兩蚊左右!

時間,是後生仔最好0既朋友,係老人大叔最大0既敵人!

班收租老人,當年都已經等唔到下一個十年,而我當年先得二十幾,要鬥大把機會鬥。

同樣道理既然樓市最瘋狂,都係每年七厘(噢,我無視了細價樓被搶高幾倍),而七厘回報東西其實又好多喎!

咪住,都話唔好撈埋自用同投資!唉,真係定力少d又會比d謬誤distract當左係道理,睇黎男主人都仲算年輕。

不如又好似打拳咁將佢細分,我又發左個夢!!

無本事後生仔
有本事後生仔
無本事老大叔
有本事老大叔

1後生,又唔太有本事0既(乜咁快睇死自己,對唔對得住老豆老母?!),可能一層自住係必需,因為穩定!但收租樓真係要有?尤其呢一刻,升市動力車頭因辣招無左,齋食租金唔升值,回報低過買匯豐!(其實講到咁無本事,點解唔食公屋?)

2有本事又後生,其實點解要做呢D事?十年間收入追到樓價0既人其實唔少,因為租金由五千升到萬五,都只係一萬蚊(租金基數低),人工由二十歲到三十歲,要多一萬唔難,仲有機會多左條女或者老婆多份糧。係咪?十年前0既我,真係唔算有本事,只不過我計到我收入會一路升,財務自由只是遲早。

廿年後再去城門水塘,女主人著到咁,有d白哂頭又未到六十大叔笑佢咁樣行山。
其實,真係行得到!我係韓國見過唔少女人著高踭鞋行啦,幾十歲都無乜見識!


3如果又老又唔算有本事,真係保守少少,細細聲買樓收租過餘生好了。真係咁風光?走出黎教後生仔,其實醜唔醜?假設退休60歲,成五十或五十幾先黎退,得番十年其實又唔係咩驕傲0既事喎。(我都同女主人講過,如果我倆做到六十歲,其實一億淨資產真係唔係無可能,但人越老而人生又美滿的話,時間只會越珍貴;金錢只會越變廢)

4好多老一輩又有本事0既,例如醫生,律師,雖有股金樓,其給別人感覺成功之處,應為社會地位及其專業領域成就吧。

如果同一輩0既人走埋一齊秤一下,果班收租老人,相比當年廿幾歲已經跑出左0既人面前,其實真係不堪一擊,顯得非常渺少。仲要晒命,其實得啖笑。

講多一次,其實此文非想得罪人,只希望想比到啟示下一輩0既年青人,搵到打低上一輩,或者係我呢一輩0既方法,至少,分清謬誤看清人生。(多多得罪了)

同樣,小弟寫blog絕無cap水之意,不論出書(我係2005年出過書啦,同投資無關),講talk(小弟多年密謀中,不過又係投資無關),包括此blog google ad sense,所有收入只會全數捐出亦不扣成本,我才不希罕呢d雞水咁少0既錢!

Related Posts Plugin for WordPress, Blogger...