2017年2月27日 星期一

小女表演 PRE睇樓記

有感工作及投資已追到樓價有突,口痕叫女主人WHATSAPP 下AGENT,反正無成本。

小弟目標屋盤少,0岩心口得一個,夾硬叫OK得一個。其他面積細DD0既三房,有三四個。已經係成個屋苑0既盤源。

結果女主人又唔聽清楚我講,我有兩不睇:
1有人住個D廢事睇
2唔係目標個D唔睇。

唔係目標唔睇,最重要,無謂比AGENT用黎扮有客。基本上我同女主睇所有房型都睇過,唔0岩又唔會買。

住緊人個D,唔荒係賣,試價唔好煩我,遇過黑面神,買野都要受氣?(其實我都唔係買,哈)

剩番一個目標,叫價1500萬,已經可以買別區同呎數五年內新樓,咪玩。其實可以睇,反正鎖匙盤都係AGENT 過黎,不過女主人唔想煩到人,就此由佢。

買唔買樓,真係睇下有幾多錢。

準備梗係要有,例如要加自己人工(過壓測)。

上圖樓價大左十倍,懶得修改,請自行除十。謝謝匿名兄指正~~~

都係計下要幾多現金首期先,如果以一月份結算計,女主人只能買800萬0既樓,即係目標外個D。
如以2017年八月份結算計,應該可以買到1000萬。

所以,佢升定跌,其實我都應付到。不過,我都係鐘意租,睇住資產越跑越遠,原來呢一刻小弟已經唔駛做。。。

另,天氣轉變,男主人成日想訓唔想郁,少左出文。

難得見股市升,一般BLOGGER不論老幼都無人GOGOGO,意味大家都未沽貨又未買貨?

我就靜待建行業績,若佢掂到七蚊,可能做少少期權吧。

策略不變,八蚊可待沽,十蚊即走頭也不如。

人生除左錢,仲有更多好玩0既事情吧,星期六日同老婆係屋企講下笑睇下垃圾電影都好開心。小朋友練習表演都好開心,咁大個台,問佢驚唔驚,真係初生之犢。。。

video

小女就係最右,打鐵片琴果個。
條片好似desktop 才看到,手機唔得。

呢個係唔知咩鬼儒釋道學會攪0既,做馬做到暈,D獎都係比番D圓玄幼稚園,有相同宗教0既學校。最不值0既唔係學生苦練,反而係各老師用左自己寶貴LUNCH TIME 同休息時間0既排練。

作為家長0既,過程中睇住個女無因為難,無因為夾唔到同學甩哂0既拍子而放棄,已經係一大得著。

有時堅持比人當係傻仔,但係人生係自己0既,堅持到最後,即使未必全對,總好過迷失自己吧?



最後,剛剛星期五,我再次開番支噴槍了。梗多0既錢,都唔及砌模型帶來0既樂趣,所以我永遠唔會明點解有人會當睇收租樓係興趣,是否人生意義只止於此?

18 則留言:

  1. 呢幾日涼返, 我都好想訓, 哈哈:D

    回覆刪除
  2. 回覆
    1. 如果跌,租好過買。
      唔上唔落,時間是朋友,投資回報好過租金升幅也有著數。
      若升,大部份後生仔一齊攬炒,社會繼續被扭曲。

      刪除
  3. 留返彈葯努力增加自己既資產好過^_^

    中原指數又創新高,用高溢價接貨,收入少啲都會萬劫不復。

    回覆刪除
    回覆
    1. 係,我想唔撈,但買左走唔甩。
      收息少左都可以租平d, 自住的話,只能放租自己租細d.
      五球一倍槓桿,收息五萬一個月,租到千萬樓了有找兩萬了。

      刪除
  4. “1有人住個D廢事睇
    2唔係目標個D唔睇。”

    講得冇錯!有哋人weekend狂睇樓當係免費消閒活動,乜真係咁過癮?

    回覆刪除
    回覆
    1. 係,無端端去人地間屋,一陣味又吸埋人地屋d 菌同塵。。。

      刪除
    2. 其實買樓租樓而去周圍睇樓做功課是常識吧。當大家asset到了某一個位。唔應該只買樓,買股,買債。分散風險反而最要緊。樓,股,債都有佢好處。當然宜家買樓真係好睇個人。
      多謝70兄同cherry嘅blog啓發咗我嘅財商。

      刪除
  5. //小朋友練習表演都好開心,咁大個台,問佢驚唔驚
    越細個越淡定,越大越知驚。

    回覆刪除
    回覆
    1. 我大仔上到台都係唔識驚,自己一個對住陌生人都唔驚,但要係父母面前同其他人傾計就會怕羞,可能來自父母既壓力先最大。

      刪除
  6. 睇到中原指數又創新高,都係留番d 錢去投資收下息或收下期權金好過。

    回覆刪除
  7. 仲有印花稅未計, 千五萬樓要成五十幾萬…

    回覆刪除
  8. 請更正壓測表的樓價欄,全部多了個零.
    十分礙眼. 謝.

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...