2017年3月13日 星期一

500萬可以買咩樓?加拿大REITS停泊閒錢

係討論區見到一文,詳情唔講喇,係真係假都好啦。

此人有一自住樓,已FULL PAY,另現金5球。因工作問題越來越唔開心,想睇下可以買乜"渡過餘生"佢都指出,買樓回報及現金流好唔理想,左扣右扣得番萬幾蚊唔夠駛(唔知佢點計啦)

上面個CASE講完,我都係睇討論區睇番黎。(其實有幾個EMAIL比我0既讀者想問我投資意見,我都無覆。一黎懶,二黎我唔識。我亂九黎怕害左你呢,睇我操作當正/反面教材吧

咁0岩,今年八月預計我同女主人D"閒錢"會達五百五十萬。僅僅夠買一千萬0既樓連佣金厘印。

暫時市場上得一賣盤,天台連車位叫價1500萬,我地係買唔到0既。

我同女主人講,550萬,唔駛上個D債基班,只要做一倍唔夠0既槓桿,去買債券,REITS或優先股得超過七厘0既投資物,要每月產生五萬現金流非難事。

另見文<投入一百萬,月收一萬 ON99非債基方案

五皮野,已經可以合埋眼任租此區任何屋苑任何單位了。剩番0既錢仲可以投資或者減槓桿呢。(上面1500萬單位,連租約賣,租緊$31000,若FULL PAY,扣屋同車位管理費差餉後,實收少於$26000)

無心水?等多一年,下年八月將會有850萬以上,比好多人,呢D收入未算離地,但相對樓價,依然係追得到的。

戶口維持等值130萬美金負債。將港元收入換做美元。另一邊買入加拿大交易所(TSE)REITS作資金停泊,用加元買番加元資產,免蝕匯太深。

若要拎番錢出黎用,賣左加拿大REITS,將加元(若有賺)轉番做美元就得,蝕匯成份少左。

加拿大股息稅,港人要比15%。

我買左呢兩隻,唔好問我點揀,我又係亂黎的。扣左稅,都有8.5%息,仲要月月派息。



平均十萬港月,每月能有700港元股息左右。即未用槓桿之下,每143萬投資可以生出每月1萬利息;若用槓桿,應該唔駛100萬,不過有違泊錢原意罷了。

之前打趣講過,若建行今年內升到八蚊,即時撤退!近期又跌番6蚊邊,似乎都係無乜機會,哈哈。反而,想2018年放多一日假就真0既。或者有一日,小弟希望可以義賣高達模型,雖然手工一般般,但係所得收入全部捐哂出去。再者不停砌的話,係無咁多地方擺。

仲想問我點樣揀債揀REITS?我真係亂黎架咋,或者到時上我工作室買番隻高達把啦~


未完成的月鋼,本來想完成左先寫呢篇,但又係懶。。。

45 則留言:

  1. 70兄深明大義, 好多港人一聽到要交稅就唔肯買黎投資了

    回覆刪除
    回覆
    1. 咁稅一定要交,係港股得印花稅咁正。建行都要扣10%啦。

      刪除
    2. SGX REIT外國投資者暫時都係免股息稅。

      刪除
    3. 係,可惜SGX reits 唔算好高息。
      匯賢都有八厘。

      刪除
    4. 匯賢人民幣計價,不能用借貸對沖匯率風險(IB CNY收六七厘)。

      刪除
    5. 買入AH 同有0既股,都有一定匯率險.
      匯賢可用港紙買入已算係咁.不過半年派一次息,等到頸都長.

      刪除
    6. 原來匯賢可以用港紙買,我仲特登轉人仔買,豬咗!

      刪除
  2. 其實買樓自住, 佢地可能都識學你咁計數, 但買黎自住, 內心係踏實D. 有d人寧要踏實吧.

    不過, 若買樓為收租, 就是一個投資決定了. 當然要跟其他投資工具比較

    回覆刪除
    回覆
    1. 咁租金回報對投資回報。
      同樣地,同一舊錢,做首期好定生息租樓好也可比較。
      當兩者有不同,但若金額差太遠,要決定都唔難。

      刪除
  3. 建行我都想佢升到八蚊,但等了又等。

    回覆刪除
    回覆
    1. 唔緊要啦,就黎又公布業績。
      唔知會否續減派息呢。

      刪除
  4. 借加紙買加reit,七十兄真係好鬼醒

    回覆刪除
    回覆
    1. 買SGX REITS 時豬過,今次只是汲取教訓學精左。

      刪除
    2. 借CAD平過借USD, 不失為一個好選擇。

      EUR/CHF的REIT又點睇? 利息仲低!

      刪除
    3. EUR 股息稅要睇埋咩國家, 買德銀又要比, 同埋唔知買乜好.

      刪除
    4. 歐洲嘢真係唔識,分分鐘走哂寶。英國有幾隻REITs較大型及出名,但係yield並不高(4-6%),同埋GBP息始終無CHF, EUR, JPY咁低。

      刪除
    5. UM...有D新加坡人計過, 買美股SP500 ETF (SPY) 最好係倫敦交易所買, 稅平D.
      可惜, IB 買LSE 既野, 一定要一手一手買, 沒有係NYSE 可以一股股買的彈性...

      澳洲也有REITS, 不過息率又係偏低.

      刪除
  5. 想問下之前你買過ToyRus隻Bond,記不記得佢話call之後,要等幾耐
    才可以取回本金?
    謝謝
    JR

    回覆刪除
  6. 850萬閒錢,對唔少人真係唔算離地,但對好多人都已經係個離地既數目啦!恨死寶寶了!

    回覆刪除
  7. 勁!70兄買埋加拿大Reits,我對加拿大Reits一無所知,只買SGX Reits。
    星元借貸成本少過加元,又無股息稅,70兄係咪為咗多元配置所以唔擺埋係SGX Reits?

    回覆刪除
    回覆
    1. 我都係一樣一無所知, 之前買左少少玩又覺得OK.
      睇圖又唔係咩高位, 當然大跌我都要SUFFER 啦

      刪除
    2. 係, 為左多元配置, 唔好等IB 個MARGIN RATIO 太高, 買下其他野

      刪除
  8. SGX reits 有咩野推介?

    回覆刪除
  9. 70後您好,終於將您全部BLOG文睇哂。之前想報 L SIR 個收息班, 學下神秘的債基疊增大法, 講到成15-20厘喎, 係網上SER SER下,就SEARCH到你編"債基疊增",好在睇到咋, 慳番唔少,差DD報咗名, 上到去間CENTRE 好鬼"豆泥", 諗諗下都係有古怪。係BABY KINGDOM 有人問, 我POST 咗您條LINK 出黎
    http://www.baby-kingdom.com/forum.php?mod=viewthread&tid=19439567&extra=page%3D2
    見到你個BLOG好有趣,好多野學, 仲有D留言者都好勁, ( 如 STARMAN, 風中追風....)好多謝您寫咁多分享, 學到好多野。
    May Lau

    回覆刪除
    回覆
    1. 首先,非常感謝你幫我係BABYKINGDOM 貼LINK!~~~
      另外,我寫果篇野0既原因,都係想有人SEARCH 到,知道係咩黎,唔駛神神秘秘!
      其實槓桿買野,識用就好好用,唔駛人教。
      不過乜SIR重有招數,例如要開個CITIGOLD 戶口,同埋如果無150萬,就轉按去CITIBANK,咁就可以買債基啦。

      再次感謝你幫我係BABYKINGDOM 貼LINK!

      刪除
    2. 多謝您回覆!多謝您唔介意我無問過您就貼您編文 (其實我應該貼之前禮貌地先問聲 )

      我有買債基,不過無疊增, 買咗100萬呢隻"惠理大中華高收益債券基金P類MDIS港元", 每月派9厘息約7611元, 係中信銀行買收1%收續費, 無其他收費。

      想問下點解您唔用 PB ? 係咪 IB 買野優惠 d ?我本身用開中信CITIFIRST好多年, 有10M CASH+股票係戶口, 傻更更都唔醒起可以開PB戶口。問過中信PB, 債券只可借50% , 大藍籌如匯豐是70%, 息率是港元H+1.5%=1.58% 見到您同一眾BLOGGER 都用IB, 係咪 IB好用好多? ( 我有上過IB網同打電話去問過, 可能產品多, 暫時對我黎講有點複雜。)我想學下您地用債券+REITS+ETF長線收息。

      刪除
    3. 我都用左CITIC FIRST 多年.
      PB 無咁多野買, 同埋手續費貴. 100 萬1% 就係1萬. IB 平好多, 買左都唔覺收左...
      仲有值債可以斬開買, 唔駛下下二十萬美金一支.
      最開心係好多地方0既野都買到. PB 我從未用過, 只係睇過收費同埋望過其他人講有咩買.
      原來CITIC 都係1.58% 好抵呢.

      刪除
    4. 我上網睇過幾間PB, 一係買賣手續費貴, 一係有保管費半年一次, 一係收債息有CHARGE!
      IB 只係比佣一次(好平), 收債息同保管都無CHARGE.

      https://www.interactivebrokers.com/en/index.php?f=commission&p=bonds
      買二萬美元, 佣金US12.5

      刪除
    5. 我也是初哥,學習中,希望可看到更多例子。

      刪除
    6. 好多blogger 都有用。
      善用Google 都學到唔少野

      刪除
  10. 原來IB平咁多, 開番個戶口買少少野試下先, 多謝您的資訊。

    回覆刪除
  11. 謝70兄的不吝分享!加拿大reits應有不少好選擇,得閒研究下先👍👍

    回覆刪除
    回覆
    1. 其實仲有唔少,揀D市值大息OK的吧。
      睇番圖,現時未係高位呢。

      刪除
  12. 想請問我存了港元到IA,買了美公司債, 見他們的總表是混合計算。是否需要將港元轉做美元,否則當借貸計算,真心求教!

    回覆刪除
    回覆
    1. 是的,要轉番港元做美元,否則美金個邊計息。

      刪除
    2. 謝謝你的分享,試試先

      刪除
  13. 想問下記唔記得之前你CITIBANK轉美元去CITIBANK IB 時,
    收款户口設定是用海外花旗銀行户口或是其他海外銀行户口?
    因為我打電話去Hotline去問,佢地話收手續費喎.
    謝謝
    JR

    回覆刪除
    回覆
    1. 我無轉過美元呢。
      不過轉美元去IB 應為A different payee in another country,不是global transfer.
      轉港元去IB 應為本地其他銀行。

      刪除
  14. 剛剛試左,睇下會不會收手續費先.
    謝謝
    JR

    回覆刪除
  15. 已即日過了數,仲沒有收手續費呢.
    JR

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...