2017年3月20日 星期一

九成按出租 合法嗎? 女主人朋友之一

正所謂知己知彼,即使唔勝,都知下對方弱點丫。

話說十年前,女主人無啦啦番去讀書,識左一班同學。當中有唔少頹頹地0既文員,部份傾得埋部分傾唔埋啦。

其中一個女人,肥,唔靚,惡死,特別唔鐘意女主人個男朋友,我(當時未同女主人結婚,仲係同居關係)。

可能小弟係FB太多言,觸動到佢唔知咩野神經,到我同女主人結婚前一晚,佢係姐妹,都仲講緊我壞話。頂佢個肺丫。

女主人按:男主人記錯哂,果晚講壞話係另一同學結婚前一晚,當時男女主人已結左。即係話講人老公壞話。

條女有一男友,個樣就係鵪鵪鶉鶉咁啦,比個女人食住個種(我覺得呢類男人先係最大機會偷食個種!),搵錢唔多又無乜主見個D啦。或者,佢無乜能力選擇一個好少少的。。。

當然,某次我同佢炒一鑊勁後就無往來,女主人話唔可惜,因為班人其實傾唔埋,成日食煙飲酒非女主人生活,只係一個同學而已。

此男卑女尊組合,結婚前買左荃景圍一帶私樓,大約2百幾萬。九成按揭。

又因雙方都無乜錢,唯有租客代供,咁九成按搵邊個代供?咪又係搵另一個同學,又係剛剛結婚。

未決裂前,呢位九成按出租同學呢,曾經打過比女主人申苦。

大概係煩佢0既租客(另一同學),話已經平過市值租比佢(平左三百蚊,租金好似八九千咁上下。),如果真係朋友,半價又如何?

重點不在過裏,呢個所謂同學九成出租,是否合法?

拿,過馬路,衝紅燈,是否合法?

其實,大不了係罰錢!(比車撞死另計)

學果位乜SIR話齋,如果分析過,又覺得風可承受,食得咸魚抵得渴,九成出租可去馬!



當然,而家可以按到九成唔算好多(400萬樓下),其實九成按揭出租係咪犯法?

在此也拋磚引玉,如各位不吝分享,請留言。

小弟搜尋一輪,其實根本唔會坐監,除非你作出虛假陳述啦!咋唔知係可以暪天過海0既。。。同埋銀行唔會主動攪你,明知你咁做,即使有人舉報都好,係唔會做野。多一事不如少人事。

要攪,去HKMC/金管局舉報?

後果?當然唔會坐監,唔會有咩事。不外乎幾個。。。

1:加你按息,好小事啦
2:CALL LOAN,其實又唔係咩大事,升左可能轉按補少少錢攪掂!
再者,錢夠多,咪補番條數,用其他資產借錢0者,反正無蝕底!
3:以後HKMC唔批你按揭,可大可小。

(拿,唔用九成咁激,七成出租,唔經HKMC仲穩陣。)

以下係香討LINK,講得比我更好

我寫此文目的,都係想人搵到想知0既資訊。

正所謂知己知彼。

好比零晨過馬路衝紅燈,其實唔犯法喎!不過,你過緊個陣,良心有冇唔舒服?

午夜夢迴,撫心自問,違規出租,真係取之有道嗎?

最後,睇到一堆討論區所謂業主咁大反應,其實都估到唔少人偷雞。

串人"記得準時交租",其實好樣衰,茶餐廳叫個客記得埋單一樣。。。生意好唔掂咩?

最後,男主人又發現另一校友創業,今次係旗袍出租服務!

http://hk.apple.nextmedia.com/realtime/supplement/20170313/56411111

舊天橋能拍出懷舊味道。(地點:北角春秧街街市附近天橋)這幅唐樓壁畫已成景點,穿簡約淺色旗袍不妨來取景。(地點:荷李活道住好啲側)酒吧何蘭正真係好正,穿彩色旗袍拍照,效果好sharp。(地點:中環蘇豪卑利街 )
借用對面馬路的植物作為前景,就能拍出仙氣照片。(地點:中環荷李活道石牆樹)圓形石牆加上石獅子相當有古典味,襯旗袍一流。(地點:上環文武廟附近古董店)男裝長衫襯對Vans,竟然帶點潮味。(地點:上環儒林臺)

40 則留言:

  1. 不合法去搵錢風險太大,大把合法途徑去搵錢。

    回覆刪除
    回覆
    1. 其實重點唔係刑事,做捉都無乜損失。
      衰野唔怕做,仆街何其多。

      刪除
  2. // 條女有一男友,個樣就係鵪鵪鶉鶉咁啦,比個女人食住個種(我覺得呢類男人先係最大機會偷食個種!)

    似乎呢個係共識,哈哈哈

    “試過有一次係街等外賣,身邊有個三人家庭,老婆同個女就好似食左屎咁既樣,無論個男人講咩,兩位女士都係黑口黑面咁回應一句,冷言冷語,掘雷槌,無尾音,總知就係擺到明唔想同你講野既模樣。如果呢個家庭平時都係咁樣,我真係唔知個男人點過(其實我覺得呢種屋企無地位既男人先最容易有外遇,俾錢買個種)。” 出自好老婆萬事足

    回覆刪除
  3. 加按息對好多計到盡既人士都好大獲,過唔到壓測上唔到會。如果市跌亦無咁易轉按。仲有我純粹靠估,唔知銀行需唔需要向信貸資料庫上報,如果要的話,將來想再借錢都幾難。

    回覆刪除
    回覆
    1. 咁呢個同按揭成數有關,唔係出租違規問題呢。
      討論區一眾收租仔反應大到呢。。。
      如果人人都五成按出租,九成按偷雞應比其他人鬧做壞規矩至係。。。

      刪除
    2. 違規出租搞到要被調低按揭成數去五成,呢班友就知死

      刪除
    3. 補錢0者, 樓價升左咁多, 唔駛點補錢.

      刪除
  4. 回覆
    1. 更多人引以為傲。。。
      非常可笑。
      唔守規既人,去叫人準時交租。
      更有趣係,教師多無賴,佢地仲以為教師係好租客。只係怕你唱佢0者。。。

      刪除
  5. 大把人都九成放租,agent 都會教你,你買層樓番來,頭兩年租岀去,第三年拿租金做裝修。如果真係即刻check, 吾夠五成,即刻要補水,大把人即刻要賣樓來還

    回覆刪除
    回覆
    1. 三年後,可能層樓升左,加埋租金補少少錢做番5成呢。

      刪除
  6. 到底按九成房租出定舊樓劏房收租違規啲呢🤔

    回覆刪除
    回覆
    1. 劏房都係釘下契,唔怕有事。
      道義問題大過法律問題,不過大大聲講下黎威威就會比人笑。
      兩個太太,一個老公讀書不成靠收租唔做(好多收租仔都仲係要做,租金淨現金係完全唔夠生活的),另一個醫生太太老公繼續懸壺濟世。
      講出黎,邊個威d?
      要做定唔駛做果個?

      刪除
    2. 幾時都係讀得書多,多d人尊重,當然有例外。不過社會扭曲。响大學有張海報。大學生有四種人,1,醫科2,律師3,工程師,4係垃圾。無論係開玩笑定乜。都反映大家諗乜。

      刪除
    3. 收租仔都一樣, 有四種人,
      1,醫生
      2,律師
      3,工程師
      4,垃圾

      刪除
    4. 係,仆街真係無分職業。

      刪除
  7. 宜家要6成+2成MC+1成(首置(4M樓下)

    回覆刪除
    回覆
    1. 謝謝UPDATE, 小弟無留意細價點按...因為不會買來收租.

      刪除
  8. 回覆
    1. 未試過又點知?
      每每創業,身邊總會出現好多反對聲音。
      一般人唔得,唔代表佢唔得。
      當年我炒旦一樣。。。
      所以我明白莫欺少年窮,真係好多野後生仔先諗到出來的。

      刪除
  9. 可以問落去...

    劏房合法嗎?
    賣料合法嗎?
    冇牌開班合法嗎?


    回覆刪除
    回覆
    1. 開班唔駛牌,何來無牌?
      賣料唔犯法啦,不過我地可以踢爆係咩料,例如個D十厘債基方案。

      刪除
  10. 最主流應該係七成違例出租,銀行會隻眼開隻眼閉,九成就危D。

    回覆刪除
    回覆
    1. 係,所以香討佢地討論CALL LOAN多過討論比HKMC BACKLIST。

      刪除
  11. 有時我都想搵d生意搞,但都唔知可以搞咩。做我地呢行,就算做得十年八年,出到泥其實咩都唔識。

    回覆刪除
    回覆
    1. 原來你是OT 人。
      做得十年八年,有得升。
      唔升,咪用假去下旅行享受下。
      財唔財自不重要啦。
      當年有冇人賣Adam's Anatomy 個隻CD.

      刪除
    2. 我都估到師兄你應該係隔離檔XD
      如果真係有幸做得十年八年,一係就升,一係就quit。唔想到三十幾歲啊叔果陣要聽個廿幾歲o靚仔點做野。
      好似冇聽過,反而本書就有買。

      刪除
    3. 你用個本應該係MORRES ANATOMY。
      我唔係你離隔檔,從來都不是。哈哈~~~

      刪除
  12. 旗袍出租正喎! 有無人借去cosplay懷舊Party? XD

    回覆刪除
  13. 呢啲都未夠pk,果啲公屋居屋未補地價放租先pk

    回覆刪除
    回覆
    1. 果D唔算,因為捉到有得坐監,亦已有案例。
      七成至九成出租,就係走灰色地帶,香港豬最自豪做呢D威威事情。

      刪除
  14. 其實超過6成都要按揭保險。

    回覆刪除
  15. 識人剛買用九成按做劏房, 依家裝修緊, 仲洋洋自得覺得自己好醒, 正 PK。

    我都開咗 IB 啦, 費用真係好平喎, 轉美金每次只收手續費2蚊。佢地逢星期二, 四,4點鐘, 有一個小時的講座, 介紹點樣用IB。 IB 好多野買, 個介面好PRO 對我黎講幾複雜, 現在係你地幾個BLOG中左抄右抄, 學習中, 預備下星期開始買。

    另外報下料先, 去咗 "花肥銀行" PB, 個借貸RATE 係 H/L +1.2%, 買基金係 1% 認購手續費, 沒有其他存倉收息費。債劵係只係賺個 SPREAD 擘價, 沒有其他費用。

    "花肥銀行" 城市金戶口, 這1,2 個星期會有一種新的叫 "equity financing" ,個借貸RATE 係H/L+0.9%, 抵押品暫時只限債劵和基金,不包括股票, 利息是每3個月結算一次。

    回覆刪除
    回覆
    1. 我估你朋友有四十歲吧?真係小心收尾幾年呢。。。
      "花肥銀行"債券有冇IB咁多選擇?我無用過呢,IB全自助反而好多野睇好方便。

      "equity financing"似乎就係乜SIR 做個D債基疊增吧。

      刪除
  16. 想知半年後,個古仔有無後續?

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...