小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年3月26日 星期日

加息後幾時蝕?標準差可量度資產風險嗎?

小弟用美資證券行 INTERACTIVE  BROKER,可以買美債及多地股票。貪其手續費低之餘融資成本又低。

至於會唔會摺同埋摺左有幾錢賠,就大家自己衡量下。

男主人主要借入美金買野,小量借加拿大元。

真正0既風險,未必來自資產波幅咁單一,求求其其計下債基同股票0既STANDARD DEVIATION 就當兩者風險可以量化,真係當讀者天真定係自己真係咁篤信?用幾多槓桿,邊個係交易對手,派息來自邊度,全部都可用黎評估風險,我呢D無財金知識0既人都知啦!

仲比錢去學壞師?唔係下話。。。上網睇多D BLOG好過啦。學費是零,捐左佢做善事啦!

講番正題,自美國加息後,利息成本上升如下圖:

今日26MAR2017


之前CAP圖19JAN2017


加息兩次,即時令融資買入0既債券,優先股,一眾REITS及期權金回報下降。今年仲可能加多兩次息,兩次零點二五厘,共零點五厘,年底融資成本會衝過2%

嘩,大件事啦,即時要走鬼?非也,其實平均每樣野回報都有六厘至十厘,即最差個樣減左都有三厘幾。

而現在槓桿比率約1.77,
即係100蚊買左177蚊0既野。

都唔知我UP乜?即係好似做左四成三按揭咁LAW!

第一滴血要加到六厘先至蝕桌。。。!(只是借貸部份)

個仔半夜三更ALL夜尿。。。

等如一眾機關算盡收租仔一樣,真係加息D怕咩?每一百萬貸款供30年,息口2。15厘升多0。25厘都係比多117元(供款由3772升至3889元),不過正因息隨本減,再加多0。25厘又多少少。。。

由2。15升到6厘,一百萬已經要供6000蚊一個月了。

三百萬樓,月供9000,現價升到四五球,租金閒閒地10-14K,絕對夠COVER有突,完全無沽貨壓力。最多蝕管理費地租個筆0者。

不過,升左兩球都無加按套現再買樓做一生三宅或者買債基,係咪咁X傻?呢招係港人主要財技喎!如以現價借盡,就應該要貼錢供樓。

如真係貪高息,何不買六支不同月份0既直債?(IB可斬開黎買,唔駛廿萬美金起跳!)

點買?我舊文有講,搵下就有!其他BLOGGER都有講過!

風險並非只來自波幅,仲有你做左幾多槓桿,你自己有幾多現金流,邊會有人用單一方法量度咁傻?

你借盡槓桿買入似乎唔會大跌0既資產,
真係安全?

若真係升到六厘,我估我都會沽左D REITS啦。。。

(其實,我0既出血位,應該係12厘。。。因為有大部份錢唔係來自借貸。不過我估佢升到四五厘,我D固定收息東西都跌到PK了。)

同老婆去左做炑八韓烤!前菜多到呢,整體黎講都OK,兩個人食左六百。

另,原來上次提到加拿大REITS,其中一隻唔係REITS,係INCOME FUND來。男主人但求月月派息就算,好讓資金有位停泊。

48 則留言:

  1. 70兄家中的貓砂放在廁所隔離~?貓咪可能誤用咗你個toilet喎😂(有些貓懂冲廁的)

    香港地,玩按上按哋業主最怕加息(and/or租霸)...成日憂美國FED做乜,真係花精力。

    回覆刪除
    回覆
    1. 相反,細佬試過玩野ALL尿去貓砂兜。。。唉。 佢D曳野我就快儲夠可以出一篇文。
      佢地口講唔怕加息(可能係真),口講唔怕租霸(其實未遇過租霸講黎壯下膽)。

      刪除
  2. 70後兄,呢間我家男人同我常到食午餐,前菜都幾好食(離工作點我地係几分鐘就行到^^)
    巧合我也有小女及小兒,和住你家附近既村屋添!(^_-)更是7O後同女主人身型相似(女主人當然更索)

    魚兒

    回覆刪除
    回覆
    1. 哈哈,呢間野我都食過幾次下午茶。。。貪得意加個小食已經食唔哂!
      話唔埋我地見過。。。哈哈~

      刪除
    2. 係喎我D唔同地係大家庭貓貓比你多添^^阿女上年開始濕診都叫好番8成啦,
      以前會抓爛出血(>﹏<)你仔仔D濕診好D未?
      哈哈...見到面就真係唔會知^^因為有太多巧合所以講聲你知一齊笑下luu...

      魚兒

      刪除
    3. 我個仔無乜濕疹啦,久唔久痕下咁。有時未必係痕係習慣。
      我家兩老貓,年紀相加有18定19歲了。
      女主人都怕有人認得小朋友而認到我,我自認係BLOG界李力持!

      刪除
  3. 70兄,你呢篇寸得某Sir好盡下喎,HAHA。

    回覆刪除
    回覆
    1. 我呢D小薯仔,佢唔會睇到。再者我唔係寸佢,講事實而已。哈哈。
      佢D招數又唔係咩秘密,真係要學不如睇我地呢堆人0既BLOG 啦。
      只係用一個CITIGOLD 戶口買債基做槓桿0者。。。

      刪除
    2. 除咗債基做槓桿,佢都好推崇直債做槓桿,成日叫人開PB戶口...其實我好懷疑佢唔係唔知可以用IB買直債,但專登唔講,講咗佢無後續生意。
      如果佢個Blog開放留言,應該有大把人踩場。

      刪除
    3. 我估好多人唔係唔鐘意佢個七樣,係唔鐘意佢收收埋埋扮高深。
      當中有冇咩銀行人員轉介收費就無人知。
      BTW,咁好搵的話,唔知佢幾時搵夠收山?

      刪除
    4. 曾經都上過佢堂,俾左錢都係收收埋埋,保險double又要賣關子,債基嗰類又係收收埋埋要自己去搵,原來最重點係嗰兩堂係入門版,上完之後就有個終極大佬003,俾多d學費,搵埋team喺銀行做嘅朋友黎關懷下你嘅財務狀況,不過都要揀客,無一百幾十萬俾佢地做債基都唔會show你��

      刪除
    5. 咁樣做,好無恥喎!!!
      如果有人上過,寫出黎踢爆佢算啦。。。

      刪除
    6. 寫曬出黎都無用,香港人係有覺得學野梗係要俾錢嘅心態。(曾經我都係收租仔讀者��)
      就係上完佢堂,自己搵下搵下先發現到你地一班無私嘅blogger,有對比之下咪高下立見囉������
      Samuel

      刪除
    7. 我有寫過架(賣下廣告先),不過我呢D超小薯仔無人睇之嘛,哈哈。

      刪除
    8. 風中追風兄網誌如下
      http://laxinvest.blogspot.com/
      不過平心而論,乜蛇定乜樣係有財金底,我就講唔出咁多原因要買xxx或yyy喇。
      但收到咁埋,不如公開造福人群啦,又唔係咩獨門秘方。

      刪除
    9. 慚愧慚愧,要70後兄幫我賣廣告,哈哈。
      乜Sir有樣嘢厲害,唔關財金底事,就係少少嘢都可以吹足幾粒鐘,否則D堂都無可能越開越多,連買ETF都可以開幾堂。唔係獨門秘方唔緊要,最緊要可以懶神秘咁吸引到人來俾錢讀,仲要講D唔講D等你下次再繼續來上。

      刪除
    10. 好多台灣網頁講美國ETF, 應該唔駛睇佢.
      ETF 好處係唔駛點理, 佢開班教人學點買...本末倒置了.

      刪除
    11. 佢又係用個招,話ETF回報好高來引人俾錢學。原來介紹埋D行Short Cover Call的ETF,好似QYLD,GLDI咁。

      刪除
    12. 風險佢不嬲都話細,仲講到QYLD係跟科技股指數行,真係幾誤導。

      刪除
  4. 醒目喎,半夜三更仲識得企上凳仔咁清醒。男仔唔夠高去廁所好危險,萬一個廁所板拍落來就...

    回覆刪除
    回覆
    1. 哈哈,幾乎笑左出黎。如果真係夾中,我肯定笑足佢一世。。。
      果陣應該零晨四點,你讚佢醒,佢醒埋D無謂野度,份人又硬頸。。。

      刪除
    2. 重要家居安全常識黎架。拍中佢會喊足一世。
      小朋友唔夠高,伸手襟掣沖廁個角度比較平,縮手時好容易勾到塊板,拍薑咁薑拍,唔講得笑。

      刪除
    3. 諗起都痛...

      係咪臨訓飲大左?

      刪除
    4. 教佢企遠少少!寧願濕咗抹返佢!

      刪除
    5. 我個仔臨訓都要飲一杯,唯有盡量提佢上床前去左廁所先。久不久都會有呢類深夜去廁所事件發生,不過點都好過賴。

      刪除
    6. 阿仔試過半夜自己去廁所未打開馬桶蓋照痾,攪到我訓訓下要起身清理!!

      刪除
    7. 我個仔都試過,不過係射左係板上。
      佢而家飲完支奶會出黎all左先去訓。

      刪除
    8. //諗起都痛...
      所以諗得到就冇風險,諗唔到就有風險,同條J被拍中次數分佈的standard deviation係冇關係的。XD

      刪除
  5. 間炑八下午茶抵呀,60蚊左右個餐,前菜飲品任添,叫兩個餐可同小朋友慢慢坐。

    回覆刪除
    回覆
    1. 我通常一條佬去食,加個小食,例如熱狗腸,即刻飽到無朋友。

      刪除
  6. 呢排都幾多人寫野令人聯想起咩sir, 你地幫佢買左廣告了, haha!

    回覆刪除
    回覆
    1. 唔怕, 佢點擊高過我地呢D 小小BLOG 好多啦.
      最緊要GOOGLE 幫到手, SEARCH 到我地D 大踢爆~!

      刪除
  7. HI, BLOG主 你好,

    我追左你既BLOG一段短時間, VERY INSPIRING!

    請問可唔可以用 EMAIL SUBSCRIBE 你既BLOG?

    Jerry

    回覆刪除
    回覆
    1. 好似唔得,但可以RSS FEED。
      又或者你LIKE 我FACEBOOK 都有NEWS FEED 0既。

      刪除
    2. JERRY 兄
      已新增右上角訂閱此網誌。
      謝謝提供意見~~~

      刪除
  8. 而家買樓咁多手續費, 真係好有米先好玩, 哈哈:D

    回覆刪除
  9. 我就係剛剛參加完X sir的課程! 之前都有買過佢啲書同睇佢個網誌,怪自己太蠢俾佢洗咗腦。
    好似上面個位師兄講開,佢講嗰啲直債,債券基金係人都識啦!根本就唔係咩高深秘密,我見有啲人仲聽到瞓着咗!
    老實講,佢連啲教材都完全唔update,仲好意思叫大家體諒下,大佬啊我比左咁多錢真係覺得好9hea. 成個課程根本就係曲線嘅銷售,同啲銀行打晒籠統!佢嗰啲課程貴到PK ,仲係一個接一個昆你讀晒佢,嗰啲103我諗都係昆水。希望有緣人見到千祈唔好上當!

    回覆刪除
    回覆
    1. 咁貴訓個覺真係唔抵。
      隨住早半年債價急升,其實回報已無撚蛇講咁樣,可以閒閒地廿厘。

      反而同銀行職員夾份叫人開下戶口就係真0既。

      城市金戶口,我walk in 都有近千蚊超市現金卷,唔知講座中個班人有冇。

      刪除
  10. 70兄, 睇你blog 學到好多野, 繼續加油!
    另外想問你借USD CAD 用咩渠道?
    d 息口如何?

    回覆刪除
    回覆
    1. 用INTERACTIVE BROKERS.
      網誌右上角有個搜尋工具, 可以打"IB" 字眼搵到

      刪除
  11. 請問 有50 萬hkd, 放在ib, 想買bonds, 實際操作步驟係點呢?

    是否要先轉為等值usd dollars, 再買us bonds? 跟住點先可以加按呢?

    thanks in advance

    回覆刪除
    回覆
    1. 你說得對,我自己做個陣就係咁,先轉HKD 做USD。
      再買野,你一買野,直到你買多過你有0既錢,果陣就會自動做孖展。

      刪除
    2. 多謝回應, 請問借cad 又如何操作呢? 是否先買us bonds, 用盡現金額, 再用孖展額買cad stocks/reits/bonds?

      thanks in advance

      刪除
    3. 你買CAD東西,就會當你借CAD架喇。唔駛買盡。
      真接操作一下就明白。

      刪除
    4. 多多謝回答

      又請問買bonds 有咩要求?要先訂購咩報價服務呢?

      thanks again

      刪除

各位每個留言,係我繼續9UP動力,必覆。

Related Posts Plugin for WordPress, Blogger...