小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年3月3日 星期五

人口普查2016 家庭收入對供樓佔比

先出LINK

先睇政府果個

HK01將佢變做平民可閱圖表,其實政府果個都好易明。

https://www.hk01.com/sns/article/74664


我唔信HK01,睇左政府網頁,上面數字無計外藉傭工0既。不過留意,人口普查都係老吹,佢問你答,信不信由你。上面標題亦唔太對,非打工仔都計埋入去架喎,此乃個人收入!中位數係一萬五千五百,而全港有342萬勞動人口(剩番老幼殘同埋家庭主婦吧)

最多人應該係15K至25K呢個RANGE,明明人口老化左,應該四十歲左右0既人較多,而呢個年紀應事業有少成,咁即係點呢?如果想知,以前政府網頁有得自訂搜尋結果的,可能今次只係中期普查,所以無得自訂?

有追看開我個BLOG,就知我同女主人都雙雙過左呢個數啦,不過,印象中我好似無普查過,應該抽唔中吧,記得2011中過,要填表的。

用樓計啦,400萬樓,借盡,過壓測要三萬七人工,月供萬四(未計其他雜費)

FYI,家庭收入過四萬,約有30%。

https://www.hk01.com/article/74633

睇上面黃線已可以,只睇私樓吧(居屋從來都沒我份,超哂資格!)。
留意入面有老人又有後生,好難講供樓係咪輕鬆左。不過如果用番男女主人收入計,就要供番4至5萬一個月先合符中位數。

UM。。。現在租金,佔收入幾個%。真係好慳?已經係全區實用面積最大0既兩房單位了,四五萬租金呢,係我呢區應該可以任租,地鐵上蓋0既雙連單位都無難度。

講番上面個CASE,月入四萬供一萬四,成38%!何來18%咁低?

一係新加入供樓大軍既都無借盡,一係有一大班老屎忽供樓佔收入比好低,仲有,收入可能計埋租金收入,如果住公屋但私樓出租,供樓佔收入比就可以好低。

邊個仲敢話經濟唔好?係自己太不濟吧?

年青一輩,不要氣餒,其實呢班6%以上0既人,都會老,老左就要人幫,要硬食買服務,被科技遺棄。遲早,佢地口袋0既錢,都會係你既!

若然已年過半百仲係無乜錢,不如諗下家人!呢個年紀,有個幸福家庭絕對有意思過錢,五十歲財自同六十歲財自,其實相差無幾,如果個仔十幾歲仲可以同你傾心事,呢D先至千金難買呀!

相反,若跟從呢班老屎忽,行番同一條路,佢地永遠會企係你上面。不能打倒佢地,只係同流合污?咪ON9,你打唔低,一定有你0既後輩將老野連埋你都一齊打低!

14 則留言:

  1. 70後兄也在分享這個普查結果,其實這些分佈與以前多年的數字沒有太大改變,應該反映現實,可惜的是新加坡應該突飛猛進,而香港多年來只是原地踏腳。

    PS,又做到第一個留言,哈哈。

    回覆刪除
    回覆
    1. 係喎, 連續兩次第一,止凡兄呢排好早起身呢。

      如果香港人去到新加坡,唔知會否特飛猛進,未知是社會問題還是人種問題呢。

      刪除
  2. 我成日都話如果無下一代, 兩公婆加埋搵5,6 萬己經好好用, 兩個人其實用得到幾多錢, 當生活質素去到咁上下, 再提升其實得到的滿足己經大不如前, 所謂的邊際效應

    如渣頂級BENZ 同渣日本車, 一年去五次歐洲同一年去五次日本,一個月食十餐fine dining 同一個月食兩餐, 我覺得付出同滿足感的GAP會越來大

    回覆刪除
    回覆
    1. 五六萬淨係衣食就夠,住行可以洗多好多都得架。

      刪除
    2. 好多家庭,少過5萬都生存到。
      其實睇你幾大駛。
      除非是曲線哂命自己住得好渣靚車啦。。。

      刪除
  3. 回覆
    1. 因收入上升,而收入上升是因為咩因素呢?

      刪除
    2. 高收入、專業人士薪金增長比較快

      刪除
  4. 「相反,若跟從呢班老屎忽,行番同一條路,佢地永遠會企係你上面。不能打倒佢地,只係同流合污?咪ON9,你打唔低,一定有你0既後輩將老野連埋你都一齊打低!」

    絕對正確,社會就係有唔同人選擇唔同ge嘢先成社會。如果人人行同一條路,嗰件事就一定會失敗。

    都係做返自己覺得最開心舒服ge嘢啦。

    回覆刪除
    回覆
    1. 唔少人搵唔番自己!
      COPY陰質收租法,COPY無限補時價值投資,COPY唔駛讀書好最緊要識計數。。。

      刪除
  5. 感覺啲數字好流下,收入分布果到如計埋已退休得閒做下兼職果啲,已經會拉低左條數。至於供數負擔果到,而家低收入果啲完全買唔到樓,買得既都係高收入,供樓佔收入比自然下跌。

    回覆刪除
    回覆
    1. 又係喎,高收入0既先買到樓,又負擔小。

      刪除
  6. //年青一輩,不要氣餒,其實呢班6%以上0既人,都會老,老左就要人幫,要硬食買服務,被科技遺棄。
    哈,呢個就係和諧社會,有錢的用錢解決問題,冇錢的用能力解決問題賺錢,實在冇必要怨天尤人。

    回覆刪除
    回覆
    1. 係,若現在怨天,他日發圍,一定叫果班老人嘔突。

      正如四五十歲個班讀書不成收租仔,一路都唔夠學歷高人工好個班鬥,而家人憑樓貴,仲唔也文也武威番夠本,以曳幾十年來的一口冤氣?

      刪除

各位每個留言,係我繼續9UP動力,必覆。

Related Posts Plugin for WordPress, Blogger...