小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年5月17日 星期三

唔成功0既人同你講成功 心態決定境界18

男主人好鬼開心,小弟0既一年前劣作(認真劣作,而家個D靚好X多),放左係我朋友0既模型店內!大家得閒去探下我。。。個模型啦!

睇唔到?紅圈佪隻呀!左腳好似有HK70S字樣!
都睇唔到?文末有放大圖!

UM...講黎講去都係果D野,其實係咪有點ON9?

唔少留言,EMAIL都係問我私銀,IB,債券,其實我好多都係亂咁黎左抄右抄,同埋我份人又無乜耐性,好多野上網GOOGLE到,你又伸手問我,我唔係好想答呢。

此BLOG一不為錢二不為名,我只在乎有冇人來睇(再一次感謝放LINK係DISCUSS同BABYKINGDOM0既讀者),點擊次數係我對自己貢獻0既量度。

所以,自覺無乜義務去好詳細咁答人問題,又無謂問問下我唔識答啦。

*****

係現實世界中,我估大家都有朋友工作得好開心,開心來自錢定成功感?我相信兩者皆是。

其實好難理解,例如打一份好普通0既政府工(例如渠務署低級文職),打到退休時,咁0岩又遇到樓市上升,搵到一個幾好0既被動收入剛好退休。

咁係咪成功例子?定係滿足到自己人生所求?

NO OFFENSE,我唔想影射收租佬阿叔,不過只係想舉個例比後生仲有青春去輸0既人睇睇。

成五十幾歲先財自,其實之前個五十年,係咪一路成功?讀書OK?事業OK?溝女OK?小朋友OK?

更加唔好講滿足對自己期望,更加唔好講對唔對得住父母師長等等大人物。。。

這些年讓步的,會否讓你夜半嘆息?

面對前途(錢途)定人生滿足度0既時候,你揀邊樣?

我會話,WHY NOT BOTH?只要自己鐘意做,就會做得好,做得好,錢就自然來。同大學揀科一樣,唔計專業類,揀搵到錢個D,其實只係開頭搵到錢,跑多幾年,都係追夢0既大學生人生滿足度高。

自己條命係自己的(至少未結婚前係啦),點解走去跟一D失敗左幾十年,近年先叫做"標個尾會"0既老人失敗之路?

點解寫呢D?睇到下面句野,想分享下0者:

If you follow your mind, you will be successful but may not be content. If you follow your heart, you will be content but may not be very successful.(隨智而行,你將會成功但或猶未能滿足;隨心而行,你將會感到很滿足雖則未必成功。)

咩來?某名校校長年青時收到某名校校長,對佢詢問人生決擇時0既金句。

人生在世,邊樣重要?SUCCESS還是CONTENT?

千里之行,此於足下。如果閣下還算年青,何不放下沉悶死路?歌仔都有得唱,要擁有必先憧失去怎接受!再者,錢0者,投資不止收租。。。仲有D咩?上網搵下啦!

*****

有樣同寫BLOG有關0既野想UP下,近日承蒙某出版社(唔知開唔開得名)厚愛,兩顧草盧搵小弟出書。我老婆聽到好開心,仲話幫我寫序。

佢就想!如我出書,佢起碼要幫我寫番三兩成篇幅,佢0既小生意比我0既有趣。

可惜,因我不想透露工作係乜,係未真正劈砲唔撈財務自由之前,都好難寫到D乜出黎。再者小弟都係口水出文多,不能似其他BLOGGER一樣節錄成書。

即係話,要寫就由頭到尾寫一本。。。

最後的大問題是,我無分析無數學乜都無,有咩咁好睇呢?

如果想睇小弟白話文筆,我係止凡兄(還是不要叫兄,免被個條講強積金數學聰明豆有話題講),止凡個本新書度寫左個序。5月24應該有得賣。

Gundam Double X (MG) + G Falcon Unit (1/100)
兩盒模型組成架!
如果而家重做,相信會靚好多。。。

31 則留言:

  1. 打緊份牛工的要教你財自...跑輸複式盈富的要教你投資...揸兜的要教你做李+X...

    回覆刪除
    回覆
    1. 畫龍點晴是也。
      這個都係我開頭搵財自網誌發現的怪事。

      刪除
  2. 與其Follow他人條路, onon99咁幾十年, 試下自己創條路, 做人仲爽~

    回覆刪除
  3. 我都好怕臨老先黎財自的人,他們好鐘意自吹自擂,好討厭。

    回覆刪除
    回覆
    1. 因為失敗左幾十年,仲唔吐氣揚眉咩。
      路過老醫生老律師,見到佢地d 文,笑而不語。

      刪除
  4. 收租佬最大優勢只係槓桿, 原來其他投資一樣可以輕易取得低息槓桿, 咁就真係唔好咁 on 9 買樓收租咁 L 麻煩.

    回覆刪除
    回覆
    1. 叫人九成按出租果條撚蛇就有優勢。
      五成按出租,如果無前十年既升幅,不如投資其他野好過。

      刪除
  5. 口水文章又寫得幾好啊,教到年輕人要忠於自己,做自己想做的,我也成日希望他們可以有自己的天空,買樓收租財自留給退休先做,仲有時間(好似係)就做多啲,考驗下自己能力可以去到邊

    回覆刪除
    回覆
    1. 亂博兄,我都認為前輩們應放開胸襟,接受下一輩既新思維,留唔留條後路比佢地唔重要,引誘威迫佢行番條舊路就好唔得。
      人生得一次,又只屬於自己,能夠做想做既事已無悔。
      可恨傳媒日日灌輸假價值觀,咩起跑線,咩才俊。。。
      同自己鬥,才是最好玩。

      刪除
  6. 思維改變既事,有時就係來自你一篇篇文章,去再去思考得到一些衝擊。 吾會話睇完一篇文章就完全改變自己的想法,我好欣賞你的心態,會令人思考路不是只有一條

    回覆刪除
    回覆
    1. 希望可令人改變到啦。
      路不只一條,最安全的往往是最危險最沉悶的。

      刪除
  7. 句校長金句好有用。你就係真人示範又從心又得金,大獎係好老婆加一對仔女!

    回覆刪除
    回覆
    1. 哈哈哈哈。
      大獎唔知關唔關事了,其實我d小朋友都好曳。
      校長金句,相信係唔少父母金句。
      易地而處,想仔女搵錢,定想仔女開心?
      錢,物質享受,其實好閒。

      刪除
  8. Why not both 之餘,都要睇下自己有無能力。你有興趣有能力,唔只做both,做三五七樣嘢都得。當然人人都咁識咁諗,班財演就無運行。

    呢個亦都係乜 sir 洗腦叫學員叫讀者自認庸才,只係得做收租仔一條路,甚至乎老婆的「作用」是「增加借貸力」的原因。

    回覆刪除
    回覆
    1. 唔止撚蛇,80後求死隊長都係。
      標榜讀書無用,大家是庸才,但也可發達。
      讀過書既,笑而不語,我樣衰衰講明白一點,唔讀書,庸才,乜都達唔成,最多只能發下達,有乜用?

      刪除
  9. 冇私分享已經係好事, 的確沒有解答詳細提問需要,喜歡你的觀點,最精彩的大半生都沒有,退休才可歇息又如何

    回覆刪除
    回覆
    1. 謝謝支持。
      其實心水清就知,佢地六成人生都無乜成就,講到而家咁巴閉又有咩用?
      如果真係想做一番大事,點解唔改變遊戲規則反而要同流合污剪梯落石。

      刪除
  10. 記得細個有段時間砌模型,會玩到打磨上色,層經參加過模型大賽拿了第四名XD後來覺得太考心思耐性就放棄了,成日睇你講有d手癢呢。

    最近隻cuf.un比買入價插了8%,忍痛cut loss 了。計返收左一個月息都輸左半個月被動收入=(

    回覆刪除
    回覆
    1. 第四好似好勁,咩大賽?我就超級業餘玩下算,打磨都求其,夾口唔做,唔補偷膠。
      CUF.UN 呢,我無止蝕,可能慢慢溝淡佢。

      刪除
  11. 其實你出書的內容可以不透露你的工作吧。

    小弟的新著作都未出街就被你講出來了,哈哈。

    回覆刪除
    回覆
    1. 唔透露就比人懷疑了,同埋會比識我既人踢爆。
      噢,止凡新書未講得架? 要唔要我刪番上面段野?

      刪除
    2. 不用吧,又不是什麼大事。

      刪除
  12. 到到到(舉手MODE), 我有份係 BK 貼 LINK !
    叫女主人(女燈神 ? )入來留下言丫, (教下我地丫)

    後生一輩千萬千萬不要跟老野的思維去做, 我女大學選科和畢業後選工作, 問我意見我都係話 : rule No.1, Do not listen to your parent, follow your heart!永遠支持和尊重你的任何決定!

    回覆刪除
    回覆
    1. 謝謝MAY LAU 師姐

      呢句等我記住佢, 第日用番! " rule No.1, Do not listen to your parent, follow your heart!"

      有機會又幫我地貼下啦, 哈哈...我寫BLOG主要為點擊!

      刪除
  13. 出得書都起碼百幾頁,除非放很多模型相,否則重新寫過再編輯真大工程,呢d野退左休先搞比較好

    回覆刪除
    回覆
    1. 我一定要放模型插圖~~~ 哈哈.

      不過寫字對我黎講唔係咩難度. 每日做少少實得.

      不過工作唔想透露而已.

      刪除
  14. 呢間模型鋪我成日經過, 成日都好多人, 下星期黎探下你既傑作。

    回覆刪除
    回覆
    1. 好丫. 你試下同老闆講, 睇下有冇折(哈哈, 千祈唔好呀)

      刪除
  15. 我想問下"個條講強積金數學聰明豆有話題講"? 睇唔明喎~~~

    回覆刪除
    回覆
    1. 我比個KEYWORD 你SEARCH

      "「財自」風氣有部分來自網上一眾財務達人,他們經常兄前哥後互相吹捧,遊走於網站、專欄、訪問等平台四圍曝光搵食。"

      刪除

各位每個留言,係我繼續9UP動力,必覆。

Related Posts Plugin for WordPress, Blogger...