小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年5月2日 星期二

連居屋都買唔到 我可以唔撈嗎27

講工作

今個月男主人工作比較辛苦,成日好早起身。。。突然間下年客源問題一下子唔知點解解決左。估計係有人幫手暗地裏宣傳,食過翻尋味吧。

都係個句,小弟係炒旦核心,好難複製。有時我依然好鐘意去炒,不過好多時都想休息下。

上月腰患困擾,今個月好番d。

減少炒旦定真接退休?後者會更好。減少炒旦會嚴重影響營業額,呢行多者越多,越窮越見鬼。估計削一半工成量,反而生意會跌到得番四份一。

踏入呢d 月份,天氣關係,炒旦款式變得非常單一。
相對用既技術亦都少左,所以工作上係輕鬆左唔少,相信五月份過得更輕易。

HG 1/144 GUNDAM LEGILIS
左邊完成品(噴筆,手油補色,滲線,上水貼),右邊只係噴筆上色。
感想在文末


而女主人呢,似乎佢都怕新請個妹妹會辭工,先唔理工作得好唔好,教識左自然而家點都可以幫輕下,尤其係佢自己盤數計得更好。

佢鋪頭lunch time 其實係tea time,妹妹通常出去食消消氣,即使老闆請都唔留係公司既。

女主人話,佢肯做到一年幫輕下已經好好。

講投資

女主人持有中平安同埋中海油,佢打算$44.7賣左中平安但不成功,各位朋友,佢賣完可能中平安會大升!

本月男主人收息HSEA同BKR 8.25共八千美金,以及現金流港幣十萬左右。全數再買入CUF 同EIT各一千股。CUF除完淨又跌,開始蝕價。預計五月收加幣492元,即約港紙$2800。

五月份收息系列為SGX REITS,但A17U減派息太多,全數賣出,換馬RW0U。


另美債BKR有自願贖回,因小弟想換左呢隻YIELD相對較低0既債券,選擇以104.幾的價格贖回吧。換入AETINC 9.75。



講目標

今個月開始唔再貼女主人戶口,因為佢開始識計自己條數。

女主人現金加股票為357萬(上月為349萬)。

男主人現金加CAD資產(預左隨時套現),為53萬(上月為39萬)

本月結合共410萬(上月388萬),大約係幾多?只能買到870萬0既樓(連佣及厘印),即係我呢個窮家庭連居屋都買唔到!!!算得係乜?最勁梗係有磚頭啦~~~


女主人話,等租約完,搬大D好過同佢癲,錢唔係咁用0既。

四球野買五厘野都廿萬一年,何苦而家要倒貼去供?呢D價留番比覺得自己有好急切自住樓需要0既人吧。

圖中見到我兩公婆。。。哈!
第一次咁樣噴陰影,其實一路唔係唔識噴,係吾鐘意噴。
感覺高達只是卡通,玩具,非實物。合金或電鍍配色最正。
點知呢隻竟然會咁多好評。。。
不妨各位又留言比下意見!

呢隻係幾年前0既動畫,收視好低。敵方FINAL BOSS之一。無睇過又想知咩來? 下面條片有簡介。DESKTOP版本先睇到!




28 則留言:

  1. 次次睇到冇野好睇個陣, 都會諗不如去睇下AGE, 但最後都係放棄左LOL

    回覆刪除
    回覆
    1. 其實好好睇,尤其係維根個邊D人,雪藏到第三代出番黎又打過。
      第一代男主角條女比人操縱而死,第二代男主角機體又好型。
      係第三代講野又悶又重覆煩過老母。。。

      刪除
  2. ----圖中見到我兩公婆。。。哈!

    完全搵唔到。

    回覆刪除
  3. 很好奇師兄究竟而加做緊咩呢。我覺得係我念果樣,但你又說我們沒做過同行XD

    投資方面持有的FTR和HTZ最近跌了很多,見期短息高,FTR的25年11%債現在below pat,又買了一點。最近相關股份cds狂升,會違約嗎?

    模型是用max塗法嗎?��

    回覆刪除
    回覆
    1. 哈哈,你樣樣都溝通到呢。

      我知你邊行,隔離鋪的,不過我一畢業就無做本行,即係你估唔0岩了。要計我同年同學,要每月搵二十個,一定要私人執業,仲要撈得幾掂先可以。

      如債券怕違咪沽左佢或者短期等贖回。不過我無經驗,咪信我呢。

      上面個隻應為max噴法,無美術底子又唔識光暗位噴,max 噴應為最無煩惱方法。

      刪除
  4. 尋日行街睇到啲地產中介啲車位既招紙,連屯門都癲到一個車位要30-50萬,50萬買778(5%)都仲有25K息,買車位仲要驚租唔出

    回覆刪除
    回覆
    1. 以回報計好難講,可能車位升得勁呢。
      以道德來講,細價收租樓,劏房呢類就真係唔掂,小心似DISCUSS果件友咁,報應在身體健康上呢。

      刪除
  5. 高達自從Seed之後要數到UC先開始多返人睇

    回覆刪除
    回覆
    1. SEED 到00到UC啦
      可惜我重口味,鐘意睇AGE,G-SELF。。。
      哈哈哈~~~~

      刪除
  6. “呢行多者越多,越窮越見鬼”
    唔少中小企老闆/自僱者都係咁,就連做referral嘅agents都係咁睇人😅

    回覆刪除
    回覆
    1. 同食店一樣,你見多人去多人排,才覺得信心保証。
      投資都係差唔多。

      刪除
  7. 你 d #939 呢? 不過我都同意呢一刻冇必要衝入去買 ... 但你會等到咩時候先出手呢? 定一直租樓?

    70後咸魚A

    回覆刪除
    回覆
    1. 939 等岩價做期權或直接沽出。
      至於會否買樓,真係睇資產同樓價差異如何。反正點計都只係租到小朋友大個就攪掂,咁多選擇可平可貴又彈性。

      可能租慣鋪,唔覺得係幫人供,掉番轉唔駛供就真。

      刪除
  8. A17U的確令人失望,我都諗緊換馬,不過呢期唔少SG Reits都減咗派息,唔知係咪市道問題,但價又升咗唔少,無乜好嘢揀。

    回覆刪除
    回覆
    1. A17U 係我組合內減得最多, 其他都係幾%, 佢減左幾成~~
      不過真係無咩好選擇了.

      刪除
    2. A17U冇減少到派息,相反是增加了2.5%!只是之前在28 Feb2017派了1Oct2016-15Feb2017 (5.886cents),這次派的1.959仙是16Feb2017-31Mar2017,詳情可看它在16Feb2017的公告。2016-2017總派息是15.743仙,2015-2016則是15.357仙

      刪除
    3. 以現價$2.58計算,息率6.1%都唔錯啦!

      刪除
    4. 你講得無錯,當初我就係睇錯以為佢有七厘幾。
      6厘應該個陣唔揀佢呢。
      不過佢咁飄忽我唔要佢了。。。

      刪除
    5. 謝天路客兄資訊,我都睇漏咗。

      刪除
  9. 工作一定有勞損,我平時會去按摩下,你債券一支係10萬定20萬?感覺買得幾多喎!

    回覆刪除
    回覆
    1. 我平時就休息多D. 我怕JIT, 唔去得按摩.
      債券一支10萬美金而已, 不敢買太多...

      刪除
    2. 休息都可以,保重!因為槓桿太大都有壓力,10萬都足夠。

      刪除
  10. 70兄組合愈來愈強大, 真係睇得過癮呢

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...