小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年7月23日 星期日

我的財富大道(2017) 九十萬人次

打風唔開鋪,趁仲記得想打乜快D開始。

上年同之前個D,下面連結有

我的財富大道(2016) 四十五萬人次

呢篇留比自己睇,免第日無記性!

同時,真係樣衰,拉車邊勉強就黎成為百萬BLOGGER(難過搵一百萬。。。)!

應該係最後一次買"風水魚",
每次我都等到全軍覆沒先買,
估計應該可以捱到我唔撈之日。

近日有感,見兩個BLOGGER一個偶像都有寫過回顧過去,老婆又提下我,原來自己都就快40,預計40我應該無野撈游手好閒0既。

2001年四五月左右畢業,專業科目(每年要有個牌掛係鋪頭個種啦)我唔做,去左搵D文員呀,九唔搭八0既工。(呢個讚擇由我YR1暑假已決定,算係我第一個人生交叉點

要講出黎做野,要數到2001年8月,小弟第一份工係賣鞋0既跑街。當時人工八千,做左九日。

之後都係咩都做下。同年年底身家近乎零,即2002年我是"由零開始"的。

2002-2003走左去做侍應,算係炒旦0既前序,人工?最高時10000加炒散幾千。最高峰我估都係得17000。

2004去左讀書(POSTGRAD),不過炒散幾好搵,最高有二萬幾,最差都有一萬。

2005做左我的志願,九唔搭八,人工萬幾,當時同我拍檔炒旦,又係萬幾。加埋未夠三萬。如無記錯,第一個十萬係2005二三月左右達成。

當時好興奮。。。哈。2001-2005都係有錢就入去銀行,完全無投資。

2006 開始現股票,獲利少少就放左佢。買過利豐,超大現代(!!),及一眾藍籌!當時中人壽大約7蚊,匯控120左右。

同時,2006年中開始同拍擋一齊全職炒旦(放棄呢個我的志願,算係我人生第二個交叉點),當時收入一開始都三萬。直到2011年拆伙時,應該一個DOUBLE。

2007年頭識左女主人(感情上0既人生交叉點),年中淨資產過左100萬。亦都開始出黎住。

2006-2009去左讀碩士,也是九唔搭八的東西。

如果講樓,小弟住公屋,2007買入區內C級屋苑(分為ABCD)。
2009落車,改租B級屋苑向海靚裝,後尾租金大升,2010用更少租金租左D屋苑,2012用番2009同樣租金租左D屋苑全新裝!2014-2017搵到錢,轉租更靚0既屋苑B。(A屋苑租唔到,因為我有兩隻貓。)

2010年一刻資產達到400萬,同時我外婆過左身。所以特別記得。

2011年拆伙自立門戶(我人生第三個交叉點),首月已衝過十萬,樓升,老一輩錢多左又肯駛,基本上唔憂做,再加上我放低包袱全力谷,有幾年某D時候去到20萬。

2016年淨資產達一千萬,之後開始槓桿投資債券,優先股果堆野,收下息。

2017年資產近三千萬(留意無個淨字,小心!)。個人淨資產原來已超過左當年初玩期權覺得非常勁0既偶像了。

預計2019年年中,小弟退休之時,未夠40歲(有真實時間表啦,有早無遲,應該係我人生第四個交叉點?),家庭淨資產約2400萬,無自住樓!夠唔夠?唔理了!

淨資產里程碑?
2002   0
2005   100000  (達成原因:收入)
2007   1000000 (達成原因:收入加股票成果)
2016   10000000(達成原因:收入為主,收息成份不多)
2019   20000000(預計)

有人辭官歸故里,我選擇左唔去繼續小生意,當然有我考量。工作成功感已經充滿左好多年,本身我自己就係懶懶閒閒0既人,誤打誤撞變成勞碌命,之後會做D乜?秘密~

41 則留言:

  1. 2017年資產近三千萬(留意無個淨字,小心!) ----- 笑左,似係串緊某blogger.

    回覆刪除
    回覆
    1. 唔係啦,別誤會。。。
      不過好多有物業人士都唔會計淨資產,唔知係咁威D。
      同樣,好多人講人工都唔扣MPF 0既。

      刪除
    2. //好多人講人工都唔扣MPF 0既。

      哈哈哈,咁MPF都算係落自己袋既,無計公司供俾自己個份算厚道架喇

      刪除
    3. MPF 扣極都係1500(除非有人傻更更自願投資再加碼), 就算加埋老闆果份, 一來一回都係 mark up $1500, 有鬼用咩?

      刪除
  2. //之後會做D乜?秘密~
    做女主人助手。XD

    回覆刪除
    回覆
    1. 哈哈, 我同佢0既生意仔, 從來唔會干預對方.
      同埋我無佢咁好EQ, 做唔黎.

      可能去湊仔~

      刪除
  3. 人到中年就無所事事?哈哈,70後兄應該會安排更多有意義的工作吧,加油。

    回覆刪除
    回覆
    1. 係, 會有安排, 不過暫時未有行動.
      或者黎幫你的講座派NOTES, 派茶點.

      刪除
  4. 紅棉燈係風水魚?我以前養過係因為見一大堆游好靚,所以好鐘意!你就好啦,咁快達到千萬淨資產!我仲游緊水!

    回覆刪除
    回覆
    1. 風水魚係講笑.

      其實最初都係娛樂用途, 做到累用黎睇下.
      某次有個朋友黎探我, 佢話可以劏剎, 我就屈左佢係風水魚了.

      刪除
  5. 70兄都幾有心,好學得黎真係會走去返學讀書

    回覆刪除
    回覆
    1. 哈哈, 其實POSTGRAD 係因為失戀.
      MASTER 係因為情意結加上個陣又無拍拖...
      都係搵細藝過日晨.

      刪除
  6. 40 退休 可以做到好多野,正。

    回覆刪除
    回覆
    1. 係, 不過掉番轉就係咁快唔做, 流流長點過人世.

      就當係我懶.

      刪除
  7. 小心惹贼哈哈,预祝70兄马到功成!

    回覆刪除
  8. 2005 100000 (達成原因:收入)
    2007 1000000 (達成原因:收入加股票成果)
    兩年十倍, 勁!!! 可否分享多少少細節?

    回覆刪除
    回覆
    1. 主要係股票, 可能買五萬, 升左幾千就放左佢. 果陣買乜升乜, 加上收入都有三四五萬, 邊炒邊儲就有了.

      刪除
    2. 勁! 我自己都努力緊, 但係10萬去100萬兩年內達成唔易, 就算你搵3,4,5萬
      70後兄要分享多D

      刪除
  9. 哈哈冇左個淨字, 正.
    小心惹贼

    回覆刪除
  10. 正喎, 日後可以自由, 搵其他更爽既野做啦, 哈哈:D

    回覆刪除
    回覆
    1. 等你番黎香港呀塘人兄.
      更爽0既野, 可能去做YOUTUBER....

      刪除
    2. 大家一起開youtube班? 反正各人都有不同的特長, 哈哈

      刪除
    3. 咁花心機, 唔係人人得了.
      打下機放上YOUTUBE 就易好多.

      刪除
  11. 期待70s兄分享提早退休後的計劃。=)

    回覆刪除
    回覆
    1. 可能係湊番學, 飲早茶, 接放學, 做家務, 對功課....

      見步行步, 不過唔撈就都幾堅定.

      刪除
  12. 羨慕你有心理準備退休,仲係好迷茫點先算揾夠。個人來講做既野唔算壓力好大,都仲好希望睇下自己條路可以行到去邊,同埋可能大家行業唔一樣,你退落來重新做有你獨門秘方隨時可以,我做既一停底之前建立既好快會被同行瓜分,真係無甘既勇氣。

    回覆刪除
    回覆
    1. 我都好迷茫, 因為而家已經夠, 但又怕遲D 唔夠.
      我都無乜獨門秘方, 若然真係要番職場, 我都只能做一般一般工作.
      炒旦的話, 做打工仔唔算太好搵...所以未必會重操故業.

      刪除
  13. 40岁退休 假设有80岁命 都重有40年过 真系要揾d勢艺先得。環游世界先o羅 襯行得走得

    回覆刪除
    回覆
    1. 40 歲應該唔駛擔心行得走得
      60歲就要0既.

      反而重點係, 40-60歲忙於工作0既人, 會錯失左D 乜?

      刪除
    2. 都系!之前有过offer, 长驻海外同国內 一年返一兩次, 因吾想我仔嘅成长路上有兩年時间喺我记忆入面空白左 所以最终turn down。羡慕70兄 吾捞后可选擇做自己钟意做嘅野

      刪除
    3. Bingo.
      通常呢d 年紀,上有高堂下有兒女,都要搵兩餐。最容易錯失陪屋企人。

      刪除
  14. ....個人淨資產原來已超過左當年初玩期權覺得非常勁0既偶像了....

    你的..的而且確是「淨資產」...
    他的..只是「某一些資產的淨值」...

    ^_^

    回覆刪除
  15. 70兄你成個財富累積過程好正常,兩公婆各做生意仔,兩隻超級吸水大象,多年來高收入時又慳家兼懂投資,等埋建行爆升就錦上添花。

    回覆刪除
    回覆
    1. 希望真係爆升啦。
      我呢d 揼石仔辛苦錢,應該不會比人誤會吹水卦。

      刪除
  16. ”2004 炒散最高二萬幾”
    真係想請教吓係乜炒散,洒店?

    回覆刪除
    回覆
    1. 打個比喻而已,真係想知可試下睇哂成個網誌所有文章。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...