２０１７生日記趣

其實，自己過生日，靜靜地就可以了。

我最想同邊個過？梗係女主人啦，小朋友留左我父母度吧。

早兩日預祝，食左美麗華酒店自助餐，唔好食，不次將果千四蚊ＢＵＤＧＥＴ食個中餐仲好。隔離枱個女人成日出出入入（又唔係取野食喎），好難靜靜傾計。。。

發現自己不知不覺已經１５Ｘ磅，真係唔可以暴飲暴食了。

正日我都開工的，我唔太恨打工仔個Ｄ生日假，我要放假隨時可以放！（不過其實我唔會亂放）

收工後，去左油麻地廟街附近，食呢間＂好面線＂，當年初初炒旦係油麻地，久唔久夜晚都食下，食完番屋企。

唔知係咪易左手，好難食，以前肯定唔係呢Ｄ味道。應該係易左手，都成十幾年了。。。係我無謂０既一相情願而已。

以前仲成日食果間吉野家，不過已經搬左了。。。

最後去左現時點，都幾多野睇，等ＳＨＦ條神龍出左，三條一齊放公司。

來許個願吧！！

循例講下投資，講下個倉啦。

其中一支債ＳＰＮ　被ＣＡＬＬ，剛剛好買左一年，若九月ＣＡＬＬ走，回報約８％。暫時未想去搵代替品，免好似上次咁佢彈弓手又話唔ＣＡＬＬ！

另，ＧＬＤ升左唔少，繼續落去，九月份個ＰＵＴ終於變廢紙唔駛轉倉。若有日升番上買入價，就賺價又賺權金了。

多餘錢到呢一刻都係用黎去槓桿。

早幾日建行升，個人淨資產值曾一度掂到一千五百萬（未計女主人啦當然），若工作期間，一掂到二千萬就即時收檔，有冇可能？

（上年呢段日子就係東方日報訪問過我，果陣應該未夠千二萬，建行升幅，工作收入，債息股息收入幫左唔少。）

生日願望？簡簡單單正正常常就好，小朋友生性，同四大長老健康吧。