小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年9月3日 星期日

開學大吉 我可以唔撈嗎32

剛剛經過九月一日開學日,番學放學都係我接,一點也不忙亂。

忙亂0既應該係女主人,一堆通告要簽,一堆野要準備,生怕執漏。

可惜人算不如天算,也許班主任都忙亂,指引令人"唔知佢想點"!

本來仲考慮比幾錢個女番學,點知原來小一生係唔準去小食部買野食0既,結果家姐都幾失望。不過因禍得福,正因要自己帶野食,結果佢日日有海量零食係小息食。

有幾多港女可以同你晚飯去酒樓食?
中餐最老土,又無得放FB!

開學還開學,女主人呢期都幾黑仔,工作煩惱特別多。

老實講,同佢計一下數,其實我同佢可以各自退休唔做。

以佢約四球身家,五厘息一年,都有16K一個月,夠駛有突。如果進取D,做少量槓桿要20K左右應該都OK。咁以後佢駛剩0既錢,就自己用黎去槓桿。

男主人如放棄追通漲,每月80K家庭開支應該不難。家用屋租自用,七除八扣後仲有一萬以上剩低。五厘息計要1920萬,當然,有槓桿就唔駛咁多錢,而家都做到。

再唔係,駛少D就攪掂。大把家庭搵兩三萬一樣生活到。

講工作

早兩日,接到TVB專訪!!!不過唔係我,係女主人!上次已經係兩年前創富坊了。

佢今次都係堅持唔上鏡,因為以前上ATV(歷史遺物了)個陣大住個肚,影到佢成個包咁。影得最靚係某次ROAD SHOW訪問(哈,又一歷史遺物!)。

拍攝日期未定,睇下個日我得閒否去睇下明星仔先~

至於男主人,預計黎緊四個月都搵得OK,2018年減工作量會少左約50K月收入。

講投資

女主人依然持有中石化,中海油。優先股不變,唯其中RBS會九月份被贖會,損失有男主人補貼。哈哈。。。

男主人九月份SPN 6.375 會被贖回(買入時BELOW PAR,贖回有賺的),到時再揀過隻。其他一切不變。

講資產

女主人八月底止,約有393萬(上月380萬),多左13萬好似係係公司戶口拎左兩萬出黎,同埋未找新卡卡數。

男主人已經唔識去計。。。因為沽左CUF.UN,又買左隻債。不過建行升左一輪,離目標大約454萬!拿,唔到目標,都可能會退休架,目標只係一個參考。又睇下下個月離幾遠,一到目標,就沽清建行。

29 則留言:

  1. 成日有電視訪問, 證明做得好成功!

    回覆刪除
  2. 中餐唔錯呀,如果揀情人節聖誕節呢D日子去,相對於食西式既同樣價錢,可以食得好好多。

    回覆刪除
    回覆
    1. 但人人燭光下哂相,你就燈火通明。
      不過其實我都鐘意食中餐law.

      刪除
    2. 邊駛理其他人,理性消費丫嘛。再行多步,兩星期後去番呢D西式餐廳,同樣價錢夠開支靚紅酒,食到好豪啦。

      刪除
  3. 能隨時選擇撈唔撈,確是人生一大樂事,70兄及女主人真幸福👍

    回覆刪除
  4. 70兄, 2000萬放棄追通漲真係得?
    小子都有諗過將收租樓 (唔好介意, 我知您唔太鍾意收租仔)賣左佢, 轉做債基/直債
    但計計下, 輸通漲我就唔敢好似你咁操作.
    當然以現金流來計, 債係遠勝樓, 請不吝賜教

    回覆刪除
    回覆
    1. 大把人幾百個就唔撈.
      萬般帶不走, 追唔到都係慢慢慳D. 駛乜咁緊張?

      刪除
    2. 70兄, 因為小子出身非常寒微,屋企人10年前都係欠落一屁股債, 所以小子係比較緊張, 當天的不安感仍在, 請勿見怪
      如果10年後仲係要憂柴憂米我真係接受唔到

      刪除
    3. 萬般帶不走, 其實我睇得好閒.

      大不了又做番野.

      憂與唔憂好主觀, 咸魚白菜也可以好好味.

      刪除
  5. "中餐最老土,又無得放FB"
    我覺得中餐係全世界食物最好食的,呢點連鬼佬都公認。食物係放落肚的,不是放入FB的,哈哈。

    "大把家庭搵兩三萬一樣生活到。"
    其實70兄使鬼諗咁多咩,以2千萬資產來講,除非好鍾意做嘢,一般人一早收檔啦!

    回覆刪除
    回覆
    1. “其實70兄使鬼諗咁多咩,以2千萬資產來講,除非好鍾意做嘢,一般人一早收檔啦!”
      我都係咁話,晨早唔做或者parttime咁做

      刪除
  6. //九月一日開學日
    每年呢日好似打仗咁,簽好多張通告、填好多張表、不地停開支票、轉帳...七國咁亂。

    回覆刪除
    回覆
    1. 係, 我老婆攪掂哂, 好勁.

      我只係PHYSICALLY 帶番放學.

      刪除
  7. 70兄,-睇到你文章我就諗起今年係間靚靚洒楼食早餐慶祝情人節喎!
    仲用大酒杯飲花茶,玩碰杯添都幾過引家!


    魚兒

    回覆刪除
    回覆
    1. 魚兒, 介紹下邊間

      我老婆鐘意扮哂野咁飲花茶~~~~

      刪除
    2. 70兄,Sorry呢排俩個B忙開學無時間上網��,我上網查番店名揾唔到呀!
      係沙田(IKEA)嗰個商場裏面地下(近門口),你去睇下如關門大吉左...就話我知!哈哈

      刪除
    3. 哈哈, 沙田咁遠應該好少機會去了.

      刪除
  8. 十分欣賞7O兄之見解,貼地風趣,本人是新手買美債,請問有否推介或有關網站資料提供,感激萬分!

    回覆刪除
    回覆
    1. 求其GOOGLE 下都大把喎

      https://finra-markets.morningstar.com/BondCenter/Default.jsp

      刪除
  9. 我都係女人仔一個有兩個分別11歲同4歲囝,無你老婆咁幸福,老公4年前長駐大陸做生意後,就每月只俾3萬人仔我要'全包宴',又不能出外工作,好運見到你個blog後,跟買建行收息,剛收第一次息,幫助不少,總好過每月用私己老本幫補,十分感激分享!雖然無女主人4球咁多,都想知買什麼和那裏可做槓桿?

    回覆刪除
    回覆
    1. 女人有多個錢,安全感點都多d.
      做全職湊小朋友好利害哦,EQ要好高,好佩服你

      刪除
    2. 我中伏後就知啦!乜大嘅吾用,细嘅都要用,完全心領神會。哈!EQ…盡做啦!我知你cheer me up, 多谢你女主人。

      刪除
  10. 你好70兄,見你係天路兄blog留言留言:
    其實好難借到四五倍.
    因為你一集中買入同類資產, 個MARGIN 額會細左.
    開頭可以只要5%, 之後一路買會得番50%!
    想問問如果要槓桿流通量高的債券4~5倍,應該要如何做才好?謝謝你

    回覆刪除
    回覆
    1. Interactive brokers 有熱線詢問的。
      問下點借四五倍,再話番比大家知丫。

      +852-2156-7907

      閣下努努力造就他日大家搵錢。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...