小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年9月12日 星期二

男主人鋪租續約了 雜記

十幾日無打過網誌,原因?成日都好早訓,皆因朝早要帶女番學。

發生0既事情都唔少,例如TOY申請債務重組,我無沽到,又睇下有冇白武士。我買入價扣埋息都未蝕0既。我估唔會好差卦,新聞一出,以為佢跌到60 70 蚊,點知又唔係喎,暫時唔理佢。

人買我又買,將女主人RBS 優先股D錢用左黎買CTBB。睇下今次女主人會否搭沉船。

另外,GLD已經升到126美元,似乎今個月兩邊SP都會變廢紙呢,真好。

本來諗住踏入十月才搵業主傾續鋪租一事。點知上星期業主主動問續唔續。哈哈,加左8%,比我預期少左好多,咁我搬鋪或者摺0既念頭就被打消了。

女主人截圖比我,我好少溝通的,匿埋炒炒炒。

咁我只需加價0.9%就可以抵銷租金上升,不過我加左3%,剩番就當額外收入吧,再者2018年減產,實際上唔會多左太多錢0既。

由2018年簽多一年半組約,咁預計2019年六月我就可以開結業PARTY了!

見到唔少留言話要擔心0既財自唔係真財自。其實呢,我呢一刻都可以唔撈,不過有時做人0既野,諗多幾步而已。現在呢個數目退休,已比唔少人優勝,好多人心中0既計劃係無計埋通漲0既(包括我最初都係!)。

今個星期日,再同老婆去食韓式炸雞。

右邊拼盤好好食,左邊就一般,又係食唔哂打包,下次都係叫一樣算。

即使我兩公婆繼續做,每年都係搵多二至三百萬(已扣生活支出,呢個數係齋儲),但隨住年紀增長長輩變老同小朋友長大,光陰成本遠勝金錢所得。

另,我個財自左0既外母食回頭草(而家請人難),番番最初佢唔做個間公司度做。。。今次講明唔做咁長時間,否則唔撈,係威係勢。

再另,送個女番學個陣,以為會見到屋苑其他媽媽或工人,點知見到個爸爸同我一樣帶女番學。佢問我係咪全職爸爸,原來佢係!勁呀!果然我個屋苑好多人都唔駛點做。。。風水好?哈哈。。。有機會再同佢交流下先!

今日股市又上番,建行收市$6.8,都係個句,8蚊開始做期權,直上10蚊就沽出即時唔撈。現時投資組合有四成係借番黎,目標希望做到三成三。


女主人兩隻油股,除淨後計埋股息,應該都番番家鄉了!

36 則留言:

  1. 我屋苑同埋阿仔間學校都有唔少全職爸爸(或者可以長期接送返放學既爸爸),初初真係覺得好驚喜

    回覆刪除
    回覆
    1. 反而BLOGGER中好少。。。
      似乎學財自唔應該睇BLOG,哈哈~~~

      刪除
  2. 業主都知你搵到,問埋你18個月後係咪買唔租了。 呵

    回覆刪除
    回覆
    1. 知我搵到就加爆左租啦。
      我呢d 不值一提既寒酸生意仔。。。

      刪除
  3. 「隨住年紀增長長輩變老同小朋友長大,光陰成本遠勝金錢所得。」

    非常同意,有能力有條件,何不贖回自己的光陰!

    回覆刪除
    回覆
    1. 係,即使可能唔夠,換回人生光陰都抵啦。

      刪除
  4. 回覆
    1. 係咪講緊如果正股見八蚊,就賣正股轉持期權睇十蚊呢?

      刪除
    2. 我未知。
      不過樓東昇兄咁做,機會較大。

      刪除
  5. 不要忘記現在公司價值不會是零,它也是資產的一部份,把公司賣盤,又多一筆 ^^

    回覆刪除
    回覆
    1. Haha 你指我的小生意定係TOY?
      小生意賣唔到的,正常唔會覺得搵到六位數淨利。
      同埋店中靈魂是我本人,比隻旦佢,炒唔番一樣味道。

      刪除
  6. Toy債券無大跌,證明啲大戶都係睇好有白武士,唔使咁擔心啦!

    回覆刪除
    回覆
    1. 我都係咁諗。
      不過,試下違約會點又何妨。

      刪除
    2. //試下違約會點又何妨

      一生人總要覺悟幾次,看先覺還是晚覺
      我隻FTR24也跌得可怕

      刪除
    3. 有樣野幾好奇 有冇bro試過債券違約隔幾耐先攞番錢

      刪除
  7. 70兄財力雄厚,就算一隻toy bond出事,整體收益仍很豐厚,相信是其他抽水友恨不來的👍

    回覆刪除
    回覆
    1. 唔係啦,一隻total lost 的話,都七十幾萬架。
      半年股息了。

      刪除
    2. I think only haircut...won't total losses la...this is the beauty of bonds

      刪除
  8. 939升到8蚊,我可以轉行做師奶嗎⋯⋯

    回覆刪除
  9. 你買咗70幾萬Toy都咁冷靜,佩服。2018年10月到期嗰隻Bond,現債價$71。2021年到期嗰隻就企穩$90,睇嚟遠期嗰隻真係冇恐慌性賣出情況。但如果冇人出手拯救,賣晒全球分店啲玩具都唔會夠50億美元(還有3億現金)還債!

    回覆刪除
    回覆
    1. Andrew 兄點解我用IB睇見2021果隻得番50

      刪除
    2. TOY R US DELAWARE
      TOY R US PROPERTY CO LLC (全被贖回)
      TRU Taj LLC

      三隻唔同的,拿,我乜都唔識,COPY 一段FITCH上年文章看看。全文自己GOGOLE。

      Toys' debt is at three types of entities: operating companies (OpCo); property companies (PropCos); and HoldCos, with a structure summary as follows: Toys 'R' Us, Inc. (HoldCo) (I) Toys 'R' Us-Delaware, Inc. (Toys-Delaware) is a subsidiary of HoldCo. (a) Toys 'R' Us Canada (Toys-Canada) is a subsidiary of Toys-Delaware. (b) Toys 'R' Us Property Co. II, LLC (PropCo II) is a subsidiary of Toys-Delaware. (II) Toys 'R' Us Property Co. I, LLC (PropCo I) is a subsidiary of HoldCo. (III) TRU Taj LLC, an indirectly owned subsidiary of Holdco.

      刪除
    3. 總之都係子母公司嘅關係啦

      刪除
    4. Prop Co 有公司的資產pledged 左的, 所以佢先call, 其他個兩隻,應係無的
      利申: 有買TOYS R US Prop Co.

      刪除
    5. TRU TAJ LLC 都有歐亞澳資產 PLEDGED 左.

      刪除
  10. 想問下你的CTBB有收30%稅嗎? 我的CTDD有收30%股息稅. ><

    回覆刪除
    回覆
    1. 未知, 我未收第一次息.
      不過其他BLOG 有講過.

      刪除
  11. 請問如果在IB用槓桿買公司債券,當公司債務違約,IB會否把那債券估價為零,並影響到倉內其他債券被即刻call孖展?謝謝。

    回覆刪除
    回覆
    1. Interactive brokers 有熱線詢問的。
      問下點當公司債務違約,IB會否把那債券估價為零,並影響到倉內其他債券被即刻call孖展,再話番比大家知丫。

      +852-2156-7907

      閣下努努力造就他日大家搵錢。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...