小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年10月13日 星期五

心態決定境界20 人生里程碑錯配

本來想講下STARMAN 兄勸勉年青人一文我見,不過其實唔少人都講過,我都係留番下次。

有BLOGGER話我篇文提醒左佢,人生中不只財自,亦不只有錢(我知有錢可以買自由,打從一開始已知)。

不如數一數,由細到大有咩成就可以追?


細細個,幾歲個陣,好簡單,有得玩有屋企人錫已經好好(又係唔駛用錢,只要不是太赤貧,開心可以好簡單)

開始讀書,都係玩,交朋友,可能有D人讀書比較叻或者比較"定性",讀書成績為父母及自己帶來若干成功感。而我又想講下,讀唔成書當然唔代表唔會成功,只係他日長大少左幾張入場券,少左部份機會。反之,讀得成書只係入場優勢,未必一定成功。

多口講句,某些恥笑讀書無用又標榜自己如何財務上成功的,其實有唔少光陰及經歷,係呢班笑人0既傻豬一世都體驗唔到。(舉個例,你阿媽以你成績自HIGH或暗爽,你而家比幾多家用都做唔番呢個效果的)

以上,幾個月前我個女連續三年操行獎及做司儀及代表學校上台領獎時,我都自HIGH左兩粒鐘,我知道,此生此世,此刻難忘。

中學?一係讀書一係打波一係識女仔啦。三樣一齊做0既勁人,就好比有錢有車有樓有靚老婆同乖仔女一樣0既人生嬴家。

只係中一樣0既,其實都唔差。三樣都做唔到,或許有點虛渡。(嘩,咁講即時得罪一大部份人,唔係個個都係咁精英架!就正如唔係人人都係創業家一樣,打份好工或安份守己,唔一定被眨為工資奴0既!由投資人變顧問,搵兩餐味道極濃呢。)

大學?點都識下女仔吧。。。或者去下EXCHANGE 或INTERN。

出黎做野定創業?定快快手搵個人嫁左佢?呢個真係人人唔同玩法,睇性格又睇際遇。強加我個套去你到又太苛刻,各有前因又唔好羨慕人。

小弟在自己小生意領域上有點天份,加上有點運,結果一開始就已經保障到自己生活又儲到錢,大富大貴又唔係,不過呢D雞仔數我搵得舒服又安落。我投資係廢廢地又無乜特長,不過我0既長處,你又未必見到,見到都學唔到,寶寶暗爽但寶寶不說(其實字裏行間已透露左啦,你FEEL唔到?)

我又見我唔少中同,簡簡單單老婆仔女三餐一宿都可以好快樂。

現實D講,20-40錢的確好重要,關乎家人生活質素關乎退休大計關乎工作喜惡取捨。或許有人覺得要比小朋友最好0既(物質上),不過諗番自己細個,果時既快樂唔係用錢買!

記得中,小時候0既我同我老豆相處得最深刻0既時光,就係拎住份唔知咩雜誌係度玩填字遊戲。唔係小朋友個D,所以好多我都唔識,當堂覺得做修理建築工地發電機0既老豆好勁。

相反,細過同家人去荔園玩0既回憶(應該以我家境算係貴貴地),其實又唔係太好,只記得好迫,同埋我唔鐘意食香口膠LAW!睇番D相都無乜印象。。。

細仔開始長大,開始可以同我無聊9UP,其實幾好玩。



我又唔會強加"組織家庭"去別人度,不過如果生怕孤獨,有個家庭的話,人生是否會較圓滿?

講左咁耐,我唔想哂命,不如講重點。
我想講里程碑錯配

讀書成就,其實盡量係年青時完成,個陣效果最大最好。如果三十幾歲人,同人講學歷有三四個碩士,男女都好,同性覺得你ON9,異性聽到一地水。。。我指滴哂汗!

溝女成就,最好中學大學或三十前完成佢。除非你以前曾經滄海,好似林敏聰謝賢咁,老而彌堅,咁就值得表掦。如果好似我拍檔咁,因女離左婚,但之後都只係識埋D阿嬋級內地女,真係會比人笑。

搵錢成就?越早越好。後生時,越有錢才越自由,才可做自己想做0既事。同時有父母仔女老婆0既,要碓保照顧到佢地係需要一定金錢。提早退休與否全是個人意願啦及個人按排啦。

老到五六十先黎哂錢哂身家哂經驗有L用咩。。。望下隔離個阿婆,佢有仔有孫虛寒問暖(例如我阿媽/我外母),此刻又係無價。呢個年紀要錢黎做乜?你小朋友如有本事,養埋你跟本唔會有太大問題,咁大個人仲要你出錢比佢買樓,是否你後生時卦住搵錢MISS左D咩野?

拿,好多人擔心第日退休無錢,其實係咪一定係咁?我知仔女未必能成大業,但小小心意家用應該唔難。與其左計右計第日老左有冇錢洗要幾多層收租樓,不如活在當下,先完成呢一刻應該完成0既成就吧。

如果要教人人生如何走或其他技能,應該係中年之前就要做(例如市場先生,鐘記),重要有成功紀錄。臨老先突個頭出黎教人,有冇諗過自己已經脫9哂節?幫人變害人?

明明年輕人個PLASTICITY好高,老人一野就話要教精你,將你困係框框內,是否好事?

呢班人未必常用FACEBOOK,我自己用FB已經覺得自己好OUTDATE,INSTAGRAM 已經係上一代產物,現在班細0既都玩SNAPCHAT啦。(可能都已經OUTDATE左。。。)

世界變得咁快,要追的話,我呢D三十幾0既都未覺得自己可以跟得上。

睇個D YAHOO 模擬老作家庭例子,好多目標都係XX歲前有Y層樓收租。幾時買樓收租變左成就?其實又係錢作怪!

小弟自覺成就之一,就係呢世人暫時都未需要用收租樓呢d東西去達到財自。你覺得我逆著風走好on9?不如你又試下,睇下你做唔做到丫?哈哈哈~~~

班烚旦友成日鄙視我炒旦,我又暗爽講句"不如你又試下,睇下你做唔做到丫?哈哈哈~~~

我唔相信計數,樣樣求鬼其,但係成日都好L好彩喎!不如你又試下,睇下你做唔做到丫?哈哈哈~~~

就好似lihkg 0既後生仔(呢班人都唔後生了),同埋文初講0既blogger想法一樣,如果呢班收租老人換轉現在才剛大學畢業,又能否只靠"捱"字去收租?不如佢地又試下一路捱落去,睇下做唔做到丫

16 則留言:

  1. 見你post 細仔相,睇完政府,冇乜事嗎?

    每個年代有不同的機遇,用番以前work 但現在唔work 的方法教人或批評人確實有點而那個。

    回覆刪除
    回覆
    1. 無事,呢期檢查成日番醫院又即日出院。
      等自費照埋個胸腹手MRI就完成。

      應該呢期講緊上一代兩代叫你用番佢個招,其實唔work.
      可惜傳媒繼續報導,樂此不疲。

      刪除
  2. 活得過癮有好既回憶先係最重要的, 下下口講錢一D都唔過癮

    回覆刪除
    回覆
    1. 係。
      高學歷中收入有自住樓,唔及朝不保夕活於水深火熱但食女無數既MK 哥。

      刪除
  3. 陰毛論咁諗,無後生仔做樓奴墊底,啲收租老人又點有咁風光?佢地梗係想人人都行佢條路,咁樓市就永恒不跌,佢地就永恒富貴......

    回覆刪除
    回覆
    1. 所見略同,這根本是一個陷阱。
      無人同你做buffer, 又點造就到收租老人不敗之身。
      佢個仔佢個孫會繼承呢個不敗傳說。
      墊底個班就要諗捱xx年才有y層樓收租。

      刪除
    2. 收租佬一定唔想後來者學佢,若多左supply 咁就盤多唔爽啦
      但學唔學得來並不是現存的收租佬説了算,是政府啲DDD 同銀行貸款造成現在的境況

      刪除
  4. 正如唔係人人都係創業家一樣,打份好工或安份守己,唔一定被眨為工資奴0既!由投資人變顧問,搵兩餐味道極濃呢。--- 最buy呢個point.

    其實搵錢都係人之常情, 但講野講一部分,唔講另一部分, 講得出既一部分來來去去都係面頭一侵, 冇reference, 在我眼中, 只是網絡世界其中一個膠人.

    回覆刪除
    回覆
    1. 有時,究竟話人假有問題,定無驗証過當人真有問題?
      其實我都好亂。。。

      刪除
  5. 這篇有點感懷身世feel,大家年紀相若,很有共鳴呀。

    回覆刪除
    回覆
    1. 尤其係大家都有小朋友, 有長輩.

      大家都無特別際遇機會, 只憑讀土砲大學畢業資格謀生.

      刪除
  6. 你說得很中肯,唔應該恥笑讀書冇用,子女學業有成就,父母係好滿足嘅。當然理財叻同讀書好係冇直接關係。你篇文,我也很好共鳴呢!

    回覆刪除
    回覆
    1. 係, 光陰一去不再.
      任你有幾巴閉, 人生某個階段失落左就係失落左.
      唯長勝不破.

      刪除
  7. hi 又係我
    睇到你呢段文真係好有共鳴
    鬼咩中學個時鬼識諗乜叫財自乜叫發達
    淨係會諗打波同溝女, 同放學玩英傑傳同信長AOC 哈哈
    過左就過左

    回覆刪除
    回覆
    1. 早知當年中學做兼職搵到既錢,去買股票啦。而家唔升都收和味息。
      AOC,我有個ex 話佢可以一打七個hardest, 原來佢出cheat code.
      成堆城快好快比木快ko...

      刪除

各位每個留言,係我繼續9UP動力,必覆。

Related Posts Plugin for WordPress, Blogger...