小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年2月2日 星期五

建行爆升一個月 我可以唔撈嗎 35

離唔撈之日,還有513天。
(若一切比原先預計更順利,提早多半年即180天,最多白蝕十多萬半年租。)

講家母

雖人已故,走得急,沒什麼遺願之類。不過生前每次入院,都告知我他的寶貝收到何處,本月在清理她的遺物時,格外留神。不知是否先人放心不下,還是在天有靈,女主人在打破東西時找到一件我們找了很久也沒頭緒的東西。

設靈的相片,沒有隨遺體燒掉,待一百日後,拿出來掛在家中。

找東西任務,還剩一件。

銀行的錢,原來是要我爸去領最方便。要他放棄申領首順,原來手續非常麻煩,要兩位無利益衝突的人見証。

申領15萬以上的遺產,而又沒有遺囑,如果只有現金應該很容易,不需要找律師去做。帶齊文件填好表格去一次遺產承辦處便可。

不過,我媽有一個保險箱,要首先去民政事務處申請開箱及領取箱中財產清單,才能到遺產承辦處。

結果我同老婆說,一紙遺囑非常重要,至少不會因首順排到一些估計不到的人身上。

例如找到電話號碼還是七位時代的餅卡

講工作

一月開始,一切都好順利。

唯一只有我用CSL電訊的一卡兩號服務,懷疑因太舊及系統升級,用唔到。

結果,成個月電話新客打來。我也奇怪,不過現心態就是"做到就做,做唔到就由佢",我也沒留意。

2018放多一天假,感覺好爽。結果放假變成做湊仔公!等工人到步,可能可以有半天行下街。屈指一算,原來現在一星期上班都是二十多小時而已。

再加上,我湊仔女返放學,順手坐的士來回,結果交通時間也慳了。都是4000蚊之內。

假日早上如要上班,我會坐巴士,喜歡放空的感覺。

二月份放九日年假,收入少了。預計利潤只有12萬。正常月份應有16萬多。

講投資

IB內倉位如下



今個月買了806惠理集團。派完息也在蝕股價中。放一邊不理它。

另,939曾一度升到9.39,結果我二月(550張)及三月(850張)的9元認購期權又要轉倉。

沽出九月份建行認購期權@10 X 2000張


換言之,已經全倉備兌用盡。

何解九月?沽得近會蝕錢,沽六月好有機會除淨前給人行使,股息收不到。若做九月但六月份除淨前被人行使,好歹也賺了時間值。

埋單淨收權金28萬。現價建設銀行8.93

另,NE(NOBLE DRILLING HOLDING)7.5% 提出提早贖回,贖回價早鳥優惠105元。當然唔贖,2019到期,還可收多三次利息。

老婆問,若建行被行使,2000萬現金點算?我也沒思考太多。

先將IB貸款清零,反正只計債券及優先股等資產,每月免貸息下也能產出6萬元以上利息。剩餘的一千萬,買貨也可以(5.5%息以上已可代替建行利息,而不需付任何貨款利息)。若再遇跌市,才用槓桿幫忙吧。

講資產

女主人本月436萬;男主人扣除建行部份,273萬。若建行十蚊被行使,幾乎可以肯定十七個月後,退休之日,家庭淨資產會有3000萬以上。

最令小弟自豪的/或被人笑ON9的,是我從未在地產市場上炒賣或收租過。今時今日,不靠物業,40歲前財自能有多少個?(其實好多,不過大多數人也有收租部份吧。)

有人問可否不買自住樓好似我咁,我想講,如你現金流比樓價升幅多,是可以的。但一般打普通工的未必有咁大現金流吧?自住不同收租,始終傳統心態"好過白交租"。

同我老婆話"二萬幾蚊租不算太貴",是她夏蟲不可語冰而已。

對我而言,人生只有一次(老婆,媽媽也只有一個一樣),能忠於自己去做事,即使ON9即使會輸蝕,至少我揀了我的生活我的立場,老了也無悔。


2008年濟州旅行的戰利品,相信十年後一定唔止咁少。。。

二月15-22號回三大兩細去濟州旅行。當年未結婚同老婆去過,感覺很好。一家大細一共八天,不趕行程當抖抖也好。

32 則留言:

  1. //2000萬現金點算?
    錢多錢少,都是煩惱。XD

    回覆刪除
    回覆
    1. 係喎,池兄你都咁夜。
      我兩個小朋友都發燒了。

      刪除
    2. 一高燒便煩, 學校幾乎每天都有唔同班學生中乙型流感

      刪除
  2. 親市旺行使左隻 939 佢? 如果一直轉倉,萬一個市急回,到時得返7-8蚊就沽吾到靚價。

    回覆刪除
    回覆
    1. 你講得0岩,但9蚊又怕佢上10蚊。
      跌番7蚊就當南柯一夢!
      反正袋左28萬,又坐下貨LAW。

      刪除
    2. 原來吾駛賣出正股,心思思想睇10蚊,而買認股期權都一樣可以賺一筆先,我又學到嘢啦!不過未買過,试试點買先。

      刪除
    3. 我係賣,如果是買,要留意到期日及溢價。
      買方有機會盡失期權金的。

      刪除
  3. 今次戰利品應該起碼十倍

    回覆刪除
  4. 不靠物業,40歲前財自已是非常勁~~~~~~~~~

    回覆刪除
    回覆
    1. 其實唔勁,好多人做到。
      不過少少自HIGH,可以同收租你仔講句:"不如你又試下得唔得"

      刪除
  5. 是我從未在地產市場上炒賣或收租過。今時今日,不靠物業,40歲前財自能有多少個?

    70兄強!

    回覆刪除
  6. Ne 我有隻21年到期,襟了提早贖回了,評級差一/二級,又有時間成本,好價就賣了🤣

    回覆刪除
    回覆
    1. 係喎,你隻2021年我隻2019咋。

      刪除
    2. 當時見你入了19,再看看21個價平過19,就無理沖了入去。(沒有再比較數據,看財務...HaHa)

      刪除
    3. 21年的Option 2- 890+30 early tender premium+accrued interest,不知同19的有無分別

      刪除
    4. 成本788.7, 收過一次息😂

      刪除
  7. 沽出9月建行認購期權@10 其實係點解?

    可分享一下嗎

    回覆刪除
    回覆
    1. 我已在舊文分享。
      可以爬下文或GOOGLE 一下便可。

      刪除
    2. 賣出 一個9月到期 看升 的權利。食期權金人士解讀:到期時升不過指定價位

      刪除
    3. 係0既, 其實我賭佢升過.
      不過六月份除淨前比人行使, 不用等到九月.

      刪除
  8. 「人生只有一次(老婆,媽媽也只有一個一樣),能忠於自己去做事,即使ON9即使會輸蝕,至少我揀了我的生活我的立場,老了也無悔。」

    這句說得好

    回覆刪除
  9. 我幾個月前剛巧在香港時, 很多父親的東西都是我負責申請或處理, 所以仲好記得當中的過程. 如果70s兄有什麼不明, 可以問我. 其實開保險箱都係好簡單既過程. 但係去法庭填遺產辦就要小心d, 因為填錯或填少左野, 要再去多一二次, 咁會好煩. 同埋簡單的資產如銀行存款, 樓, 股票等都係容易處理. 最煩, 好似聽過有一d cases係先人海外有數目沒有人能說清楚的資產, 或先人曾有幾段婚姻, 呢d cases有排搞. 如果簡單家庭係三個月內全部野可以clear

    回覆刪除
    回覆
    1. 先謝謝, 我估我過完年才會去攪.
      淨現金應該好易.
      開保險箱唔知要多久.

      刪除
    2. 呢個好易, 網上download表格填寫, 去民政處交表. 兩星期後有人通知你, 定實時間同分行地點約見. 當日係佢眼前數晒箱內物件. 佢填一張表就ok.

      刪除
    3. 咁等我過年前攪左佢,咁過年後可以開箱。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...