小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年2月25日 星期日

我老豆話自己大把錢 買入GOF

上回提過我喜歡笑白頭港豬臨老才去旅行,得BLOG友MIKE兄提醒,修正如下:

"趁小朋友還小,和他去旅行便真正是旅行;當小朋友長大,他們不想去,只是陪父母去旅行而己。"

若不明白,可想想去海洋公園,一般青少年都不會想和父母去吧。

呢個3D漫畫場景好有驚喜呢~!


話說昨日星期五我同老豆去飲茶,佢好豪氣講,佢大把錢!

其實佢口中大把錢,還有一句在後!

"我大把錢,駛唔哂"

佢係咪大把錢我心裏有數,只是佢跟本無方法無地方駛錢而已。

同樣地,年青時節儉是好事,留下錢養老也是好事。只是,以現在情況估計未來所需,若年期太過久遠,十之著九最後只會同所想不同。

例如,60歲退休,62歲開始周遊列國?我外母五十幾,同我地去韓國行山,都有點力不從心。我相信好多要體力的地方都去不到,更加唔好講滑雪。更誇張者,浸溫泉會影響血壓,也未必個個老人適合。

又例如,現在開始以租客租金代供,三十年後便是自己?第一,當租金上升,可能都要供15年!15年可以發生多少事情?求死隊長今年37歲,15年後都52了,同時前意味著,佢仲要寫多15年BLOG文,不停講出佢心底對佢上司或老闆且厭又懼0既低層心態。

同樣地現時四十年樓齡的細價樓當租到12000,三層只能收36000一個月。若時光倒流三十年,當初打算一生三宅退休,現在36000真係唔算得係咩大錢吧!

話分兩頭,三十年後,人老左,又未必花到36000一個月。因為年紀問題,邊可能去日日飽參翅肚?老左胃口有限吧。環遊世界,氣力還在嗎?日日做運動,跟本不太要用錢吧?留給子孫?子孫即使窮,也未必會想要。

不要只講樓吧。

有錢,不如趁後生時適當地花。我不是鼓吹不儲錢,只是覺得,與其不擇手段以為可以騎在別人身上,不如先處理好自己的人生里程碑,在適當的歲數做適當的事吧。

有時見撚蛇D疑似假個案,很有感觸。

老野踏入五十,想有現金流而買收租樓定息資產,我非常理解,因為他們時間有限彈性不高時間不多也不能再亂花;但年青人常常想拼命儲收租樓,什麼儲一個三五七年,人生有多少三五七年?

小弟第一次月入十萬,正是大女半歲之時。五年後,已經月入二十萬了,不用三五七年。同時,現在她六歲半,我已覺得不用再拼,減產去了。

做左咁多年人,你仲咁天真以為高收入人士真係餐餐清?佢地一早到左大把現金流駛唔哂0既地步啦,又點會諗去投資一層細價樓收得萬幾蚊租咁少。。。

十萬個陣我已經覺得D錢駛唔哂(我無乜物欲),當然,我搵三五萬0既時候都有投資,唔通我又要話你知?

****

也講講投資,旅行回來發現NE CORP 被FULL CALL贖回(贖回價105.5,低於我買入價104吧),結果有十萬元美金閒置。也找不到高息垃圾債的合理代替品,結果買入以下東西:


一共買了16萬美元。GOF要付股息稅,另外兩隻不用。整體利息約七厘吧。

是次選股,完全是抄風中追風兄的,在此謝過。

26 則留言:

  1. SSW. H, AEK, 本人亦有買入,最近亦幫太座買了。同時持有SSW正股, SA 經常有文章分析。

    回覆刪除
  2. 謝謝70後兄,很喜歡你的文章,直接抵死,但同時對我這些過份節儉既人有多一個角度反思,如"趁後生時適當地花","適當的歲數做適當的事",現在也在努力學習平衡中。

    回覆刪除
    回覆
    1. 節儉是美德呢.
      只不過為左某D投資而過度節儉,或者叫人去節儉, 其實損失在其他方面可能更多.

      刪除
  3. 70兄一針見血。另外,希望你搭嘅唔係鐵達尼號,一齊沉,哈哈!

    回覆刪除
    回覆
    1. 作者已經移除這則留言。

      刪除
    2. 跟大俠買了 GOF ( 自己行為, 自己負責!) 感覺非常好 ( 因第一次收到息 )。就 GOF 來說, 是不是沒有辦法取回任何 withholding tax (30%)?

      謝謝風中追風兄, 70後兄!

      刪除
    3. 應該無掛,呢D情況梗係GOOGLE下。
      買0既時, 相信大家都已經在心中扣左15%。

      刪除
    4. 作者已經移除這則留言。

      刪除
    5. 我唔知有冇睇錯, 根據呢個程序, 應該可以 reclaim withholding tax, 但是文章冇講到 可以攞返幾多, 我理解是攞返全部。

      http://finance.discuss.com.hk/viewthread.php?tid=24408516

      刪除
  4. "小弟第一次月入十萬,正是大女半歲之時。五年後,已經月入二十萬了,不用三五七年。同時,現在她六歲半,我已覺得不用再拼,減產去了。"
    同你年齡差無幾的我卻仍要為口奔馳,真心求救~~

    回覆刪除
    回覆
    1. 大家加油吧。
      有可愛0既親人去供養去保護,遠比資產重要。

      刪除
    2. IB新手,請教一下
      何解BOND SCANNER找不到你買的兩隻債?
      謝謝~~

      刪除
    3. SSW PRH和AEK
      可否指導一下選BOND心得?

      刪除
    4. 年期,評級,市值,估佢有冇錢還

      刪除
  5. AEK有幸在他剛過first call date26蚊時買了,見其極高評級同埋計過只要派多一次息,就算call都只係輸5毛。結果家下收第二次息都未call,仲升返唔小,賺到了XD

    回覆刪除
  6. 尖沙咀同山頂都有立體館,比濟州細好多,但有空都可以去玩下。

    我哋都係照炒風兄的一份子,跳起,yeah!

    回覆刪除
    回覆
    1. 我只去過上海同濟州的。
      除左呢3D館,去旅行最鐘意去動物園。

      刪除
    2. 我都鍾意去動物園,但事後總是覺得動物被困很可憐,但之後都係繼續去

      刪除
    3. 我每次去旅行都肯定去動物園,可以比阿仔睇到真實嘅動物,例如象、長頸鹿等。呢d動物係香港睇唔到。

      刪除
    4. 同埋唔同動物園都有唔同驚喜架。

      另,大部份動物園都唔算擠迫,有食有住有同伴,又唔算無自由既。

      刪除
    5. 都係既,所以我都係繼續去

      刪除

各位每個留言,係我繼續9UP動力,必覆。

Related Posts Plugin for WordPress, Blogger...